வெவ்வேறு வகையான ஸ்டோன் மேசனரி வேலை பற்றி புரிந்து கொள்வோம்

கல் மேசனரி என்றால் என்ன?

 கல் மேசனரி என்பது சிமெண்ட் கொண்டு பிணைக்கப்பட்ட கற்களால் கட்டமைப்பட்ட வடிவத்தைக் குறிக்கும் கலையைக் குறிக்கும். இந்த கட்டிடக்கலை நுட்பம் பல நூற்றாண்டுகளாகப் பயன்படுத்தப்பட்டு வருகிறது, இதன் விளைவாகவே வலுவான கட்டிடங்களும் நினைவுச்சின்னங்களும் காலத்தைக் கடந்து நிற்கின்றன. மேசனரி முறை பல்வேறு வடிவங்களை எடுக்கிறது, ஒவ்வொன்றிற்கும் தனித்துவமான பண்பும் பயன்பாட்டுமுறையும் உண்டு.

பல்வேறு வகையான கல் மேசனரி

பயன்படுத்தப்படும் கற்களின் அமைப்பு, அளவு மற்றும் வடிவம் ஆகியவற்றைப் பொறுத்து பல்வகை கல் மேசனரி உள்ளன, ரப்புள் மேசனரி, அஷ்லார் மேசனரி மற்றும் சதுரக் கல் மேசனரி உட்பட.

1. ரப்புள் மேசனரி

ரப்புள் மேசனரி என்பது எளிய வகை மேசனரி ஆகும். இங்கே, கற்கள் வேலைபாட்டிற்கு முன் செம்மைப்படுத்தவோ வடிவமைக்கவோ படாமல் இயற்கையில் உள்ளது உள்ளபடியே பயன்படுத்தப்படுகிறது. ஒழுங்கற்ற அல்லது சமமற்ற வடிவிலான கற்களைப் பயன்படுத்துவதால் இந்த மேசனரியில் உள்ள இணைப்புகள் அகலமாக இருக்கும். முடிக்கப்படாத கற்களைப் பயன்படுத்துவதால் இந்தக் கல் மேசனரி மிகவும் சிக்கனமான தேர்வாகும்.

a) அன்கோர்சட் ரேண்டம் ரப்புள்

அன்கோர்சட் ரேண்டம் ரப்புள் மேசனரி என்பது மிகவும் மாறுபட்ட அளவுகள் மற்றும் ஒழுங்கற்ற வடிவங்களைக் கொண்ட கற்களைப் பயன்படுத்துவதைக் குறிக்கிறது. இந்தக் கற்கள் வடிவத்தில் வேறுபடுவதால், அகன்ற பரப்பளவில் அழுத்தம் சீராகப் பரவுவதை உறுதிசெய்ய கவனமாக இடமளித்தல் வேண்டும். இந்தக் கட்டமைப்பை வலுப்படுத்த சில பெரிய கற்களும் பயன்படுத்தப்பட்டுள்ளன. அன்கோர்சட் ரேண்டம் ரப்புள் பயன்படுத்துவதால், ஒவ்வொன்றும் வெவ்வேறு விதத்தில் இந்த முறையில் கட்டமைக்கப்படுகின்றன.

b) கோர்சட் ரப்புள் மேசனரி 

இது ஒரு வகை கட்டிட முறையாகும், இதில் கற்கள் அடுக்குகளில் அல்லது 'தொடர்ச்சியாக' பயன்படுத்தப்படுகின்றது. கற்கள் கரடுமுரடானவை, சரியான வடிவத்தில் இருக்காது , ஆனால் அவை ஒவ்வொன்றும் நேராகவும் சமமாகவும் இடப்பட்டிருக்கும். இவ்வகை மேசனரி வலுவான அடித்தளம் தேவைப்படும் கட்டமைப்புகளுக்கு முதன்மையாகப் பயன்படுத்தப்படுகிறது.

c) பலகோண ரப்புள் மேசனரி

பெயர் குறிப்பிடுவது போலவே, இங்கு பயன்படுத்தப்படும் கற்கள் சதுரமாகவோ அல்லது செவ்வகமாகவோ இல்லாமல் பலகோணம் வடிவம் கொண்டிருக்கும். அவை வடிவம் மற்றும் அளவு ஆகியவற்றில் ஒரே மாதிரியாக இருக்காது, ஆனால் பல பக்கங்களாக வெட்டப்பட்ட வடிவங்கள் கட்டமைப்பில் தனித்துவமான வடிவமைப்பு முறையை உண்டாக்கி,அழகியல் ரீதியாக தனித்துவத்தை தருகிறது.

d) ஃபிளின்ட் ரப்புள் மேசனரி

இந்த முறையில், ஃபிளின்ட் எனப்படும் பாறை பயன்படுத்தப்படுகிறது, இது மிகவும் கடினமானதும் நீடித்திருக்கக் கூடிய கல் வகையுமாகும். இந்த கல் அதன் வலிமைக்காகப் பெயர் போனதும் நீடித்த கட்டமைப்புகளை உருவாக்கப் பயனுள்ளதாகவும் இருக்கும். ஃபிளின்ட் ரப்புள் மேசனரி பொதுவாக ஃபிளின்ட் பரவலாக கிடைக்கும் பகுதிகளில் காணப்படும்.

2.   ஆஷ்லர் மேசனரி

ஆஷ்லர் மேசனரி நேர்த்தியாகவும் துல்லியமாகவும் வெட்டப்பட்ட கற்களைப் பயன்படுத்துவதாகும். இது பார்க்க ஈர்ப்பாக இருக்கக்கூடிய ஒரு பளபளப்பான மற்றும் பிரமாண்டமான முடிவைத் தரும். ஆனால், கட்டிங் மற்றும் டிரஸ்ஸிங் கற்களுக்கு அதிக சக்தி தேவை, இவ்வவகை ரப்புள் மேசனரியை விட விலை அதிகமாகும். சில வகைகள்:

a) ஆஷ்லர் ஃபைன் மேசனரி

இது மிகவும் நுணுக்கமான கல் கொத்து வகையாகும், இங்கு ஒவ்வொரு கல்லின் முகங்களும் ஒரே மாதிரியாக இருக்கும் வகையில் வெட்டப்பட்டு, மென்மையான, நன்கு சீரமைக்கப்பட்ட முடிவை அளிக்கிறது.  இந்த வகையான கல் மேசனரி அதன் கிட்டத்தட்ட-தடையற்ற தோற்றத்தால் வகைப்படுத்தப்படுகிறது, இதில் சிமெண்ட் கலவைக் கோடுகள் மிகவும் மெல்லியதாகவும் அரிதாக கவனிக்கத்தக்கதாகவே இருக்கும். பொதுவாக,  தெளிவான மற்றும் பளபளப்பானதோற்றத்தை அளிக்கிறது.

b) ஆஷ்லர் ரஃப் மேசனரி

நுண்ணிய மேசனரிகளுக்கு மாறாக, ஆஷ்லர் ரஃப் மேசனரி கல்லின் முகத்தில் சில இயற்கையான அமைப்புகளையும் நுணுக்கங்களையும் தக்க வைத்துக் கொள்கிறது, அதே நேரத்தில் சதுர அல்லது செவ்வக வடிவங்களின் துல்லியத்தைப் பராமரிக்கிறது. இது கரடுமுரடு, இயற்கைத்துவம் மற்றும் சதுர மூலைகளின் துல்லியம் ஆகியவற்றின் தனித்துவமான கலவையை வழங்குகிறது, இது மிகவும் எளிமலயான மற்றும் சீரான தோற்றத்தை வழங்குகிறது.

c) பாறை மற்றும் குவாரி முக

இந்த மேசனரி வேலைப்பாடு   ஆஷ்லர் மேசனரியின் துணைக்குழு ஆகும். கற்கள் நேர்த்தியாக வெட்டப்பட்ட விளிம்புகளைக் கொண்டும் முகங்கள் குவாரியிலிருந்து கொண்டுவந்தவாரே இயல்பாக இருப்பதினால் இதற்கு "பாறை முக" அல்லது "குவாரி முக" என்று பெயர். இந்த நுட்பம் கற்களின் முகத்தில் இயற்கையான அமைப்பைப் பராமரிக்கிறது, துல்லியமாக வெட்டப்பட்ட விளிம்புகளுக்கு ஒரு கவர்ச்சியான வேறுபட்ட தோற்றத்தை உருவாக்குகிறது.

d) கோர்ஸ் மேசனரியில் உள்ள ஆஷ்லர் பிளாக்

இந்த ஆஷ்லர் பிளாக் மேசனரி வேலைப்பாடானது ஆஷ்லர் மேசனரி மற்றும் ரப்பிள் மசனரி கொள்கைகளை கலந்து உருவாக்கப்படும் முறையாகும் சுவரின் முன்பக்க கரடு முரடாக அல்லது சுத்தியால் அடித்த சிவப்பு கற்களால் செய்யப்பட்ட பேட்டர்ன்களையும் மற்றும் பின்புற சுவர் ரப்பிள் மேசனரியாலும் உருவாக்கப்பட்டிருக்கும். ரப்புள் கல் பின்புறத்தின் ஒழுங்கற்ற தன்மை, ஒழுங்கான முன் முகத்தால் ஈடுசெய்யப்படுகிறதால் இது ஒரு சுவாரஸ்யமான அழகியல் தனித்துவத்தை வழங்குகிறது.

e) ஆஷ்லர் கேம்பர்ட் மேசனரி

இந்த மேசனரி வேலைப்பாடானது ஆஷ்லர் மேசனரியின் வழக்கமான கோட்பாடுகளை ஏற்று,கல் தொகுதிகள் துல்லியமான வடிவங்களில் வெட்டப்படுகின்றன. இருப்பினும், இந்த வகையான கல் மேசனரியில், விளிம்புகளை கூர்மையாகவும் நேராகவும் விடுவதற்குப் பதிலாக, அவை வளைவு அல்லது சாய்செதுக்கமாக விடப்படுகிறது. இதன் பொருள் விளிம்புகள் ஒரு கோணத்தில் வெட்டப்பட்டு, சாய்வான விளைவை உருவாக்குகிறது. இது கட்டமைப்பின் காட்சி முறையீட்டை மேம்படுத்துவதோடு மட்டுமல்லாமல், கட்டடக்கலை மீள்தன்மையைச் சேர்க்கிறது, ஏனெனில் அறையப்பட்ட விளிம்புகள் காலப்போக்கில் வெளிப்புற கூறுகளிலிருந்து சேதமடையும் வாய்ப்புகள் குறைவு.

3. சதுர ரப்புள் மேசனரி

சதுரக் கல் மேசனரி என்பது அனைத்து மூலைகளும் சதுரமாகவும் சமப்படுத்தப்பட்டதாகவும் இருப்பதை உறுதிசெய்யும் வேலையை உள்ளடக்கியதாகும். இது மிகவும் துல்லியமான மற்றும் சுத்தமான தோற்றத்தைத் தருகிறது. இது இரண்டு முக்கிய வகைகளைக் கொண்டுள்ளது:

a) அன்கோர்சட் சதுர ரப்புள் மேசனரி

இந்த வகையான கல் மேசனரியில் எந்த குறிப்பிட்ட வடிவமும் வடிவமைப்பும் இல்லாமல், பல்வேறு அளவுகளில் வெட்டப்படாத அல்லது தோராயமாக வெட்டப்பட்ட கற்களைப் பயன்படுத்துகிறது. கற்கள் வரும்போது ஒவ்வொன்றாக அடுக்கி வைக்கப்படுகின்றன, இதன் விளைவாக சீரற்ற தோற்றம் ஏற்படுகிறது. கற்களுக்கு இடையில் உள்ள இடைவெளிகள் சிறிய கற்கள் அல்லது கலவை கொண்டு நிரப்பப்படுகின்றது. இந்த வகையான மேசனரி அதன் குறைந்த உழைப்பு-தீவிர தன்மை காரணமாக பொதுவாக மிகவும் சிக்கனமானது, ஆனால் குறைவான துல்லியமும் குறைவான அழகியல் சீரும் கொண்டதாகும்.

b) கோர்சட் ரப்புள் மேசனரி 

அதன் அன்கோர்சட் இணையைப் போலல்லாமல், ரப்புள் மேன்சரி கற்களை தனித்தனியான கிடைமட்ட அடுக்குகளாக அல்லது கோர்ஸ்களாக ஒழுங்குபடுத்துகிறது. பயன்படுத்தப்படும் கற்கள் இன்னும் கரடுமுரடான மற்றும் சீரற்றதாக இருந்தாலும், அவை அமைப்பு முழுவதும் சீரான கிடைமட்ட கோடுகளை உருவாக்கும் வகையில் அமைக்கப்பட்டிருக்கும். முடிக்கப்பட்ட தயாரிப்பின் அழகியல் தோற்றம் மிகவும் முக்கியமானதாக இருக்கும் போது இது பெரும்பாலும் பயன்படுத்தப்படுகிறது, இது பழமையான வசீகரத்திற்கும் கட்டிடக்கலை நேர்த்திக்கும் இடையில் சமநிலையைத் தருகிறது.