ઘરનું નિર્માણ કરવાની યાત્રાના વિવિધ તબક્કાઓમાંથી સૌથી રોમાંચક તબક્કો તમારા ઘર માટે રંગોને પસંદ કરવાનો છે. તમે જે રંગોને પસંદ કરો છો તે તમારા ઘરના આકર્ષક દેખાવને નિર્ધારિત કરે છે. વળી, ઘરની બહારના રંગોની પસંદગી અને ધારણાને પ્રભાવિત કરનારા ઘણાં પરિબળો છે. તો, અમે અહીં કેટલાક ધ્યાનમાં રાખવાના સૂચનો આપ્યાં છે, જેથી કરીને તમે તમારા ઘર માટે યોગ્ય રંગોને પસંદ કરી શકોઃ
- 1. સંયોજનોઃ રંગો જેટલા ઓછા એટલા સારા:
It’s important to remember that too many colours can end up looking too cluttered. It’s best to keep things simple and choose one or maybe two exterior colours for your home. You can also explore different shades of the same colour if you think things are looking a bit monotonous.
- 2. રંગોની પસંદગી :
વાત જ્યારે રંગોને પસંદ કરવાની આવે છે, ત્યારે આદર્શ રીતે જોવા જઇએ તો તમારે ઘણાં વિકલ્પો પર નજર નાંખી જવી જોઇએ. તમારે પ્રેરણા અને સંદર્ભોને પણ ધ્યાનમાં લો, જે તમને ગમતા રંગોની છણાવટ કરવામાં મદદરૂપ થશે અને ત્યારબાદ તેના સંયોજનો પર કામ કરો. જેની પર ધૂળ સરળતાથી જામી જાય તેવા ઘેરા અને કાળા રંગને ટાળો.
- 3. પ્રકાશને ધ્યાન પર લોઃ
તમે શેડ કાર્ડ પર જે રંગ અને શેડને પસંદ કરો છો, તે તમારા ઘરની બહારની દિવાલ પર લગાવ્યાં પછી તેની પર પડતા પ્રકાશની ગુણવત્તા અને પ્રકાર પર આધાર રાખીને તદ્દન અલગ લાગી શકે છે. દિવાલ પર આ રંગો અને શેડના થોડાં સેમ્પલ અજમાવી જોવાનું શ્રેષ્ઠ ગણાશે, જેથી કરીને દિવાલ પર લગાવ્યાં પછી આ રંગો કેવા લાગશે તેનો અંદાજ મળી શકે.
- 4. આસપાસનો માહોલ પણ મહત્વનો છેઃ
ઘરની બહારના રંગોને પસંદ કરતી વખતે તમારા ઘરનું સ્થળ અને તેની આસપાસ શું આવેલું છે, તે બાબતોને ધ્યાનમાં લેવી જોઇએ. તમે હંમેશા ઇચ્છો છો કે તમારું ઘર સૌથી અલગ તરી આવે પણ એ વાતની ખાતરી કરો કે તમે જ્યારે રંગોને પસંદ કરતાં હો ત્યારે તે તમારા ઘરની આસપાસના પરિવેશ અને બેકડ્રોપના માહોલ અને આબોહવાને અનુરૂપ હોય.
- 5. રંગો સિવાયની બાબતોને પણ ધ્યાનમાં લોઃ
તમારા ઘરની બહારના હિસ્સાને જીવંત બનાવવા માટે દરવાજા અને બારીઓ સિવાય ફર્નિશિંગ્સ, કલાકૃતિઓ અને પ્લાન્ટ્સનો પણ ઉપયોગ થઈ શકે. તેમાં ઉપયોગમાં લેવાતી સામગ્રી અને પ્રકાશની યોગ્ય રીતે પસંદગી કરો, જેથી તે તમારા ઘરની બહારના રંગોને બિલકુલ અનુરૂપ રહે. આ ઉપરાંત, ટ્રિમ્સ અને એસેન્ટના રંગો માટે યોગ્ય રંગસંયોજન પસંદ કરો.
- 6. ટકાઉપણું :
તમારા ઘરની બહાર લગાવેલા રંગની યોગ્ય જાળવણી થાય તે જોવાનું પણ એટલું જ મહત્વનું છે. પેઇન્ટને પસંદ કરતી વખતે તેનો રંગ કયો છે, તે ધ્યાનમાં લેવા ઉપરાંત તે ટકાઉ હોય અને તેની જાળવણી પાછળ ખાસ જહેમત ઉઠાવવી પડે તેમ ના હોય તેની ખાતરી કરો. સામાન્ય રીતે ‘સાટિન’ અને ‘એગશેલ’ પેઇન્ટ શ્રેષ્ઠ ટકાઉપણું ધરાવે છે અને તેને સરળતાથી સાફ પણ કરી શકાય છે. તે તમારા રંગોને સુંદર ફિનિશ પણ આપે છે.
- 7. થીમઃ
તમારા ઘર માટે બહારના રંગને કેવી રીતે પસંદ કરવો તે મૂંઝવણનો અંત લાવવા માટે તમારે પહેલાં તો તેની થીમ નક્કી કરવી પડશે. ઘરની બહારના રંગ માટેની થીમ નક્કી કરવાથી તમને ઘરની બહારની દિવાલો માટે યોગ્ય રંગ પસંદ કરવામાં તો મદદ મળી જ રહેશે પણ તેની સાથે-સાથે તે તમારા ઘરની સૌંદર્યની દ્રષ્ટિએ ખૂબ જ આકર્ષક પણ બનાવી દેશે.
- 8. ઋતુઃ
જો ઘરની બહારની દિવાલોના રંગને યોગ્ય ઋતુમાં લગાવવામાં આવે તો તેને પસંદ કરવાની કંટાળાજનક કામગીરી યોગ્ય રીતે થઈ શકે છે. જો ઉનાળાની ઋતુ દરમિયાન રંગકામ કરવામાં આવે તો ઘરની બહારની રંગની આવરદા વધી જાય છે. ઉનાળામાં રંગો રાતના તાપમાનમાં યોગ્ય રીતે સૂકાઈ જાય છે. જો તમે ચોમાસા કે શિયાળામાં રંગકામ કરાવો છો તો, તમારે બહારની દિવાલો પર રંગકામ કરવાની સમગ્ર પ્રક્રિયાનું વારંવાર પુનરાવર્તન કરવું પડી શકે છે.
- 9. પરીક્ષણઃ
તમે એકવાર બહારની દિવાલો માટે યોગ્ય રંગના કેટલાક વિકલ્પોને પસંદ કરી લો, તે પછી બહારની દિવાલો પર આ રંગોના સેમ્પલોના મોટા પટ્ટાઓ લગાવો. દિવસના અલગ-અલગ સમય દરમિયાન આ નમૂનાઓનું નિરીક્ષણ કરો. આ નમૂનાઓને સૂર્યપ્રકાશમાં અને છાંયડાંમાં જુઓ; તેનાથી તમને બહારની દિવાલો માટેના યોગ્ય રંગને પસંદ કરવામાં મદદ મળી રહેશે. તમે પ્રોફેશનલ ડીઝાઇનરની મદદ મેળવી શકો છો અથવા તો જો તમે કયા પ્રકારનું ઘર બહારથી શ્રેષ્ઠ દેખાશે તે અંગે હજુ પણ મૂંઝવણમાં હો તો તમે તમારા ખાસ મિત્રની મદદ લઈ શકો છો.
