ಈ ಪೂರ್ವಕ್ಕೆ ಮುಖ ಮಾಡುವ ಮನೆಯ ವಾಸ್ತು ಪ್ರಕಾರ ಏಳಿಗೆ ಹೊಂದಲು ಮನೆಯನ್ನು ಕಟ್ಟಿಕೊಳ್ಳಿ

ಪ್ರಮುಖಾಂಶಗಳು

• ಪೂರ್ವಾಭಿಮುಖವಾಗಿರುವ ಮನೆಗಳು ಸೂರ್ಯನ ಎಳೆ ಬಿಸಿಲನ್ನು ಪಡೆಯಲು ಅತ್ಯುತ್ತಮ ಸ್ಥಾನ ಪಡೆದಿವೆ. ಇದು ಆರೋಗ್ಯ, ಸಮೃದ್ಧಿ ಮತ್ತು ಆಧ್ಯಾತ್ಮಿಕ ಜ್ಞಾನೋದಯವನ್ನು ಉತ್ತೇಜಿಸುವ ಶಕ್ತಿ ಸಮೃದ್ಧ ಪರಿಸರವನ್ನು ಉತ್ತೇಜಿಸುತ್ತದೆ.

• ವಾಸ್ತು ಪ್ರಕಾರ ಜಾಗರೂಕತೆಯಿಂದ ಮನೆಯ ವಿನ್ಯಾಸವನ್ನು ಮಾಡುವುದರಿಂದ ಮನೆಯೊಳಗೆ ಪಾಸಿಟಿವ್ ಎನರ್ಜಿಯನ್ನು ಹೆಚ್ಚಿಸಬಹುದು.

• ಎಲ್ಲವನ್ನು ಕಡಿಮೆ ಪಾಲಿಸಲು ಮಾತ್ರ ಸಾಧ್ಯವಿದ್ದಾಗಲೂ ಸಹ, ಸಮತೋಲನವನ್ನು ಕಾಪಾಡಿಕೊಳ್ಳಲು ಮತ್ತು ಸಕಾರಾತ್ಮಕತೆಯು ಹರಿದು ಬರುವಂತೆ ಸಹಾಯ ಮಾಡಲು ವಾಸ್ತು ಬಣ್ಣಗಳನ್ನು ಅಳವಡಿಸಿಕೊಳ್ಳುವುದು, ನಿರ್ಧಿಷ್ಟ ಕಡೆಗಳಲ್ಲಿ ಕನ್ನಡಿಗಳನ್ನು ಹಾಕುವುದು ಮತ್ತು ನೈಸರ್ಗಿಕ ಅಂಶಗಳನ್ನು ಸಂಯೋಜಿಸುವಂತಹ ಕೆಲವು ಕ್ರಮಗಳನ್ನು ತೆಗೆದುಕೊಳ್ಳಬಹುದು.

ವಾಸ್ತು ಶಾಸ್ತ್ರವನ್ನು ಅರ್ಥಮಾಡಿಕೊಳ್ಳುವುದು

ವಾಸ್ತು ಶಾಸ್ತ್ರವು ಪ್ರಾಚೀನ ಭಾರತೀಯ ವಾಸ್ತುಶಿಲ್ಪ ಮತ್ತು ಜಾಗೆಯನ್ನು ಪೂರ್ವಸಿದ್ಧಗೊಳಿಸುವ ವಿಜ್ಞಾನವಾಗಿದ್ದು, ಅದು ಪ್ರಕೃತಿಯೊಂದಿಗೆ ಹೊಂದಾಣಿಕೆಯೊಂದಿಗೆ ಕಟ್ಟಡಗಳ ವಿನ್ಯಾಸ ಮತ್ತು ನಿರ್ಮಾಣಕ್ಕೆ ಮಾರ್ಗದರ್ಶನ ನೀಡುತ್ತದೆ.  ಇದರ ತತ್ವಗಳು ದಿಕ್ಕುಗಳು, ಜ್ಯಾಮಿತಿ ಮತ್ತು ಸಮತೋಲನದ ಪ್ರಾಮುಖ್ಯತೆಯನ್ನು ಒತ್ತಿಹೇಳುತ್ತವೆ. ಪಾಸಿಟಿವಿಟಿ ಮತ್ತು ಏಳಿಗೆಯನ್ನು ಕೊಡುವ ಸ್ಥಳಗಳನ್ನು ಸೃಷ್ಟಿಸಲು ಸೌಂದರ್ಯ ಮತ್ತು ಶಕ್ತಿಯ ನಡುವೆ ಕ್ರಿಯಾತ್ಮಕ ಸಮತೋಲನವನ್ನು ಸೃಷ್ಟಿಸುವುದು ವಾಸ್ತುಶಾಸ್ತ್ರದ ಮುಖ್ಯ ಗುರಿಯಾಗಿದೆ.

ಪೂರ್ವಾಭಿಮುಖವಾಗಿರುವ ಮನೆಗೆ ವಾಸ್ತು ಯೋಜನೆಯ ಅಗತ್ಯ ಲಕ್ಷಣಗಳು

ವಾಸ್ತು ಪ್ರಕಾರ ಪೂರ್ವಾಭಿಮುಖವಾದ ಮನೆಯನ್ನು ವಿನ್ಯಾಸಗೊಳಿಸುವುದು ಪ್ರತಿಯೊಂದು ಅಂಶವು ಈ ಪ್ರಾಚೀನ ಬುದ್ಧಿವಂತಿಕೆಯ ತತ್ವಗಳೊಂದಿಗೆ ಹೊಂದಿಕೆಯಾಗುತ್ತದೆ ಎಂದು ಖಚಿತಪಡಿಸಿಕೊಳ್ಳಲು ನಿಖರವಾದ ಯೋಜನೆಯನ್ನು ಒಳಗೊಂಡಿರುತ್ತದೆ ಪೂರ್ವಾಭಿಮುಖದ ಮನೆಗಳಿಗೆ ವಾಸ್ತುವಿನಲ್ಲಿ ಪರಿಗಣಿಸಬೇಕಾದದ್ದು ಇಲ್ಲಿದೆ:

1) ಎಂಟ್ರನ್ಸ್​ ಹಾಗೂ ಮೇನ್ ಡೋರ್​

ಮುಖ್ಯ ಬಾಗಿಲನ್ನು ಪೂರ್ವ ಭಾಗದ ಐದನೇ ಪಾದದಲ್ಲಿ (ಭಾಗ) ಇಡಬೇಕು.  ಹೀಗೆ ಹಾಕುವುದು ಮೇನ್​ ಡೋರ್​ ಮೂಲಕ ಏಳಿಗೆ ಮತ್ತು ಸಂತೋಷವನ್ನು ತರುತ್ತದೆ ಎಂದು ಹೇಳಲಾಗುತ್ತದೆ.

2) ಲಿವಿಂಗ್ ರೂಮ್

ಮನೆಯೊಳಗೆ ಸಂವಹನ ಮತ್ತು ಸಂಬಂಧಗಳನ್ನು ಬಲಪಡಿಸಲು ಈಶಾನ್ಯ ಭಾಗದಲ್ಲಿ ಲಿವಿಂಗ್ ರೂಮ್ ಅನ್ನು ಇರಿಸಿ.

3) ಅಡುಗೆ ಮನೆ

ಆಗ್ನೇಯ ಮೂಲೆಯಲ್ಲಿ ಅಡುಗೆಮನೆ ಮಾಡುವುದು ಸೂಕ್ತವಾಗಿದೆ. ಯಾಕೆಂದರೆ ಇದು ಬೆಂಕಿಯ ಅಂಶದಿಂದ ನಿಯಂತ್ರಿಸಲ್ಪಡುತ್ತದೆ.

4) ಮಾಸ್ಟರ್ ಬೆಡ್‌ರೂಮ್ 

ದೃಢತೆ ಮತ್ತು ಶಕ್ತಿಯನ್ನು ಖಂಡಿತವಾಗಿಯೂ ಪಡೆಯಲು ಮನೆಯ ನೈಋತ್ಯ ಭಾಗದಲ್ಲಿ ಮಾಸ್ಟರ್ ಬೆಡ್‌ರೂಮ್‌ ಮಾಡುವಂತೆ ಶಿಫಾರಸು ಮಾಡಲಾಗಿದೆ.

5) ಮಕ್ಕಳ ರೂಮ್​

ಮಕ್ಕಳ ಬೆಡ್​ರೂಮ್​ಗಳನ್ನು ಮನೆಯ ವಾಯುವ್ಯ ಭಾಗದಲ್ಲಿ ಮಾಡುವುದರಿಂದ ಅವರ ಏಕಾಗ್ರತೆ ಮತ್ತು ಒಟ್ಟಾರೆ ಯಶಸ್ಸಿಗೆ ಸಹಾಯ ಮಾಡುತ್ತದೆ ಎಂದು ನಂಬಲಾಗುತ್ತದೆ.

6) ಪೂಜಾ ಕೋಣೆ/ಮೆಡಿಟೇಶನ್​ ಮಾಡಲು ಸ್ಥಳ

ಮನೆಯ ಈಶಾನ್ಯ ಭಾಗವು ಅತ್ಯಂತ ಪ್ರಶಾಂತ ಮತ್ತು ಶುದ್ಧ ಪ್ರದೇಶವಾಗಿದೆ, ಇದು ಪೂಜಾ ಕೋಣೆಗೆ ಅಥವಾ ಮೆಡಿಟೇಶನ್​ ಮಾಡಲು ಸೂಕ್ತ ಸ್ಥಳವಾಗಿದೆ.

ವಿವಿಧ ಅಳತೆಯ ಪ್ಲಾಟ್​ಗಳಿಗಾಗಿ ಪೂರ್ವಾಭಿಮುಖವಾದ ಮನೆ ವಾಸ್ತು ಯೋಜನೆ

ಬೇರೆ ಬೇರೆ ರೀತಿಯ ಅಳತೆಯ ಪ್ಲಾಟ್​ಗಳಿಗೆ ವಾಸ್ತುವಿನ ಹೊಂದಾಣಿಕೆಯು ಅದರ ತತ್ವಗಳಿಗೆ ಬದ್ಧವಾಗಿರುವಾಗ ವಿನ್ಯಾಸದಲ್ಲಿ ನಮ್ಯತೆಯನ್ನು ಅನುಮತಿಸುತ್ತದೆ. ವಾಸ್ತು ಪ್ರಕಾರ ಮನೆಯನ್ನು ಕಟ್ಟಲು ವಿವಿಧ ಅಳತೆಯ ಪ್ಲಾಟ್​ಗಳನ್ನು​ ಹೇಗೆ ಬಳಸಿಕೊಳ್ಳಬಹುದು ಎಂಬುದನ್ನು ನೋಡೋಣ.

1) 30x40 ಅಳತೆಯ ಪೂರ್ವಕ್ಕೆ ಮುಖ ಮಾಡಿರುವ ಮನೆ ವಾಸ್ತು ಯೋಜನೆ

ಮನೆಮಾಲೀಕರ ಜನಪ್ರಿಯ ಆಯ್ಕೆಯಾಗಿರುವ 30x40 ಅಳತೆಯ ಪೂರ್ವಕ್ಕೆ ಮುಖ ಮಾಡಿರುವ ಮನೆ ವಾಸ್ತು ಯೋಜನೆಯು ಸಾಕಷ್ಟು ವಾಸಸ್ಥಳದೊಂದಿಗೆ ಅಚ್ಚುಕಟ್ಟಾಗಿ ಎಲ್ಲವನ್ನೂ ಸಮತೋಲನಗೊಳಿಸುತ್ತದೆ. ವಾಸ್ತು ಸೂಚಿಸಿದಂತೆ ಮುಖ್ಯ ದ್ವಾರ, ವಾಸಿಸುವ ಸ್ಥಳಗಳು ಮತ್ತು ಖಾಸಗಿ ಕ್ವಾರ್ಟರ್‌ಗಳು ಕಾರ್ಡಿನಲ್ ನಿರ್ದೇಶನಗಳೊಂದಿಗೆ ಸಮನ್ವಯಗೊಳ್ಳುವಂತೆ ಲೇಔಟ್​ ಅನ್ನು ವಿನ್ಯಾಸಗೊಳಿಸುವುದು ಮೂಲವಾಗಿದೆ.

2) 30x60 ಅಳತೆಯ ಪೂರ್ವಕ್ಕೆ ಮುಖ ಮಾಡಿರುವ ಮನೆ ವಾಸ್ತು ಯೋಜನೆ

ಹೆಚ್ಚುಕಡಿಮೆ ಸಣ್ಣ ಮತ್ತು ಉದ್ದವಾದ ಪ್ಲಾಟ್​ ಅನ್ನು ಹೊಂದಿರುವವರಿಗೆ, 30x60 ಅಳತೆಯ ಮನೆಯ ಯೋಜನೆಯು ಪೂರ್ವಭಾಗಕ್ಕೆ ಮುಖಮಾಡಿ ಅಚ್ಚುಕಟ್ಟಾದ ಲೇಔಟ್​ ಅನ್ನು ಒದಗಿಸುತ್ತದೆ. ಇದು ವಿಶಾಲವಾದ ಮುಂಭಾಗದ ಅಂಗಳ ಅಥವಾ ಗಾರ್ಡನ್ ಮಾಡಲು ಅವಕಾಶ ನೀಡುತ್ತದೆ. ವಾಸ್ತುವಿಗೆ ಅನುಗುಣವಾಗಿ, ಮೇಣ್ ಡೋರ್ ಮತ್ತು ಅಡುಗೆಮನೆ ಮತ್ತು ಮಾಸ್ಟರ್ ಬೆಡ್‌ರೂಮ್‌ನಂತಹ ರೂಮ್​ಗಳು ಪಾಸಿಟಿವ್ ಎನರ್ಜಿ ಹರಿದು ಬರಲು ಸೂಕ್ತ ಸ್ಥಾನದಲ್ಲಿವೆ ಎಂಬುದನ್ನು ನೋಡಿಕೊಳ್ಳಿ.

3) 40x60 ಅಳತೆಯ ಪೂರ್ವಾಭಿಮುಖವಾಗಿರು ಮನೆ ವಾಸ್ತು ಯೋಜನೆ

ದೊಡ್ಡದಾದ, ಐಷಾರಾಮಿ ಮನೆಯನ್ನು ನಿರ್ಮಿಸಲು ಬಯಸುವವರಿಗೆ ಪೂರ್ವಾಭಿಮುಖವಾಗಿರುವ 40x60 ಅಳತೆಯ ಮನೆ ಪ್ಲಾನಿಂಗ್ ಸೂಕ್ತವಾಗಿರುತ್ತದೆ. ಅಂತಹ ಭವ್ಯವಾದ ಸ್ಥಳಗಳು ಸಹ ಶಾಂತತೆ, ಸಂಪತ್ತು ಮತ್ತು ಉತ್ತಮ ಆರೋಗ್ಯವನ್ನು ವಾಸ್ತುವಿನ ಜ್ಞಾನದೊಂದಿಗೆ ಪೋಷಿಸಬಹುದು. ಎಂಟ್ರನ್ಸ್​ನಿಂದ ಹಿತ್ತಲಿನವರೆಗೆ ಪ್ರತಿ ಭಾಗವು ನಿರ್ದಿಷ್ಟ ಉದ್ದೇಶ ಮತ್ತು ದಿಕ್ಕುಗಳನ್ನು ಗಮನದಲ್ಲಿಟ್ಟುಕೊಂಡು ಮಾಡಲಾಗುತ್ತದೆ. 

ಪೂರ್ವಾಭಿಮುಖವಾಗಿರುವ ಮನೆಗೆ ವಾಸ್ತು ಪ್ರಕಾರ ಮಾಡಬೇಕಾದವು ಮತ್ತು ಮಾಡಬಾರದವುಗಳು

ಪೂರ್ವಾಭಿಮುಖವಾದ ಮನೆ ಪ್ಲಾನ್​ಗೆ ಮಾಡಬೇಕಾದವು 

• ಮೇನ್ ಡೋರ್​ ಮನೆಯ ದೊಡ್ಡ ಬಾಗಿಲು ಎಂಬುದನ್ನು ತೀರ್ಮಾನಿಸಿ.
• ಸೂರ್ಯನ ಬೆಳಕು ಮನೆಯೊಳಗೆ ಬರುವಂತೆ ಮಾಡಲು ಪೂರ್ವ ಭಾಗದಲ್ಲಿ ಸಾಕಷ್ಟು ಕಿಟಕಿಗಳನ್ನು ಅಳವಡಿಸಿ.
• ದೈವಿಕ ಶಕ್ತಿಯ ಹರಿವನ್ನು ಖಚಿತಪಡಿಸಿಕೊಳ್ಳಲು ಈಶಾನ್ಯ ಮೂಲೆಯನ್ನು ಗೊಂದಲದಿಂದ ಮುಕ್ತವಾಗಿ ಇರಿಸಿ.

ಪೂರ್ವಾಭಿಮುಖವಾದ ಮನೆ ಯೋಜನೆಯಲ್ಲಿ ಮಾಡಬಾರದವುಗಳು

• ಅಡುಗೆ ಮನೆಯನ್ನು ನೇರವಾಗಿ ಈಶಾನ್ಯ ದಿಕ್ಕಿನಲ್ಲಿ ಮಾಡುವುದನ್ನು ತಪ್ಪಿಸಿ ಇದು ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು.
• ಈಶಾನ್ಯ ದಿಕ್ಕಿನ ಮೂಲೆಯಲ್ಲಿ ಮೆಟ್ಟಿಲು ಹಾಕಬೇಡಿ, ಇದು ಹಣಕಾಸಿನ ನಷ್ಟಕ್ಕೆ ಕಾರಣವಾಗಬಹುದು.
• ಆರೋಗ್ಯ ಮತ್ತು ಸಮೃದ್ಧಿಯ ಮೇಲೆ ನಕಾರಾತ್ಮಕ ಪರಿಣಾಮಗಳನ್ನು ತಡೆಗಟ್ಟಲು ಈಶಾನ್ಯ ಮತ್ತು ನೈಋತ್ಯ ಮೂಲೆಗಳಲ್ಲಿ ಶೌಚಾಲಯ ಮಾಡಬಾರದು. 

ವಾಸ್ತು ಶಾಸ್ತ್ರದಲ್ಲಿ ಪೂರ್ವಕ್ಕೆ ಮುಖ ಮಾಡಿರುವ ಮನೆಯ ಮಹತ್ವ

ಮೊದಲ ಬೆಳಕು ಬೀಳುವ ಸೂರ್ಯ ಹುಟ್ಟುವ ದಿಕ್ಕಿನ ಸಂಬಂಧದಿಂದಾಗಿ ಪೂರ್ವಾಭಿಮುಖವಾಗಿರುವ ಮನೆಗಳನ್ನು ವಾಸ್ತು ಶಾಸ್ತ್ರದಲ್ಲಿ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಮೇನ್​ ಡೋರ್ ಪೂರ್ವಕ್ಕೆ ಮುಖ ಮಾಡಿರುವುದರಿಂದ ಅದು ಪಾಸಿಟಿವ್ ಎನರ್ಜಿ, ಯಶಸ್ಸು ಮತ್ತು ಸಂಪತ್ತನ್ನು ತರುತ್ತದೆ ಎಂದು ನಂಬಲಾಗಿದೆ. ವಿಟಮಿನ್ ಡಿ ಸಮೃದ್ಧವಾಗಿರುವ ಮುಂಜಾನೆ ಸೂರ್ಯನ ಎಳೆ ಬಿಸಿಲು ಸಂಪೂರ್ಣವಾಗಿ ಮನೆಯಲ್ಲಿ ಬೀಳುತ್ತದೆ. ಅದು ಮನೆಯಲ್ಲಿ ವಾಸಿಸುವವವರ  ಆರೋಗ್ಯ ಮತ್ತು ಸೌಖ್ಯವನ್ನು ವೃದ್ಧಿಸುತ್ತದೆ. ಪೂರ್ವಾಭಿಮುಖವಾದ ಮನೆ ವಾಸ್ತು ಪ್ರಕಾರ ಮನೆಯಲ್ಲಿರುವವರಿಗೆ ಯಾಕೆ ಲಾಭವನ್ನು ತರುತ್ತದೆ ಎಂಬುದರ ಕುರಿತು ಇಲ್ಲಿದೆ:

1) ಜ್ಞಾನೋದಯದ ಸಂಕೇತ

ಪೂರ್ವ ದಿಕ್ಕು ಸೂರ್ಯ ಉದಯಿಸುವುದಕ್ಕೆ ಸಂಬಂಧಿಸಿದೆ, ಇದು ಬೆಳಕು, ಜ್ಞಾನ ಮತ್ತು ಆಧ್ಯಾತ್ಮಿಕ ಬೆಳವಣಿಗೆಯನ್ನು ಸಂಕೇತಿಸುತ್ತದೆ. ಪೂರ್ವಕ್ಕೆ ಮನೆ ಮಾಡಿರುವ ಮನೆಗಳು ಈ ಶಕ್ತಿಯನ್ನು ಬಳಸಿಕೊಳ್ಳುತ್ತವೆ ಎಂದು ನಂಬಲಾಗಿದೆ, ನಿವಾಸಿಗಳಿಗೆ ಜ್ಞಾನೋದಯ ಮತ್ತು ಸ್ಪಷ್ಟತೆಯನ್ನು ಸುಗಮಗೊಳಿಸುತ್ತದೆ.

2) ಪಾಸಿಟಿವ್ ಎನರ್ಜಿಯನ್ನು ತರುವುದು

ವಾಸ್ತು ಶಾಸ್ತ್ರದ ಪ್ರಕಾರ, ಪೂರ್ವಕ್ಕೆ ಎದುರಾಗಿರುವ ಎಂಟ್ರನ್ಸ್ ಮಂಗಳಕರವೆಂದು ನಂಬಲಾಗಿದೆ. ಅದು ಮನೆಗೆ ಪಾಸಿಟಿವ್ ಕಂಪನಗಳನ್ನು ಆಹ್ವಾನಿಸುತ್ತದೆ. ಇದು ಬೆಳಿಗ್ಗೆ ಬಹುತೇಕ ಸೂರ್ಯನ ಕಿರಣಗಳು ಬೀಳುವುದರಿಂದ ಉಂಟಾಗುತ್ತದೆ. ಆಗ ಒಳಾಂಗಣ ಪರಿಸರ ಶುದ್ಧೀಕರಣವಾಗುತ್ತದೆ. ಪಾಸಿಟಿವಿಟಿಯನ್ನು ತರುತ್ತದೆ ಎಂದು ನಂಬಲಾಗಿದೆ.

3) ಆರೋಗ್ಯ ಮತ್ತು ಏಳಿಗೆಯ ಹೆಬ್ಬಾಗಿಲು

ಪೂರ್ವಾಭಿಮುಖವಾದ ಮನೆಗೆ ಪ್ರವೇಶಿಸುವ ಸೂರ್ಯನ ಎಳೆ ಬಿಸಿಲು ಕೇವಲ ಬಿಸಿಲಲ್ಲ; ಅದರಲ್ಲಿ ವಿಟಮಿನ್ ಡಿ ಸಮೃದ್ಧವಾಗಿರುತ್ತದೆ. ಅದು ನಿವಾಸಿಗಳ ಆರೋಗ್ಯವನ್ನು ಕಾಪಾಡುವಲ್ಲಿ ನಿರ್ಣಾಯಕ ಪಾತ್ರವಹಿಸುತ್ತದೆ. ಅದರೊಂದಿಗೆ, ಪ್ರಕಾಶಮಾನವಾದ, ಉತ್ಸಾಹ ತರುವ ಬೆಳಕು ನೈತಿಕತೆ, ಉತ್ಪಾದಕತೆ ಮತ್ತು ಆರ್ಥಿಕ ಯಶಸ್ಸನ್ನು ಅಭಿವೃದ್ಧಿ ಪಡಿಸುತ್ತದೆ ಎಂದು ನಂಬಲಾಗಿದೆ.

4) ಸಾಮಾಜಿಕ ಸಾಮರಸ್ಯವನ್ನು ಬೆಳೆಸಲು

ಪೂರ್ವ ದಿಕ್ಕು ಸಾಮಾಜಿಕ ಸಹಚರ್ಯಕ್ಕೂ ಕೂಡ ಸಂಬಂಧಿಸಿದೆ.  ಈ ದಿಕ್ಕಿಗೆ ಮುಖ ಮಾಡಿರುವ ಮನೆಗಳು ನಿವಾಸಿಗಳ ಮಧ್ಯೆ ಮತ್ತು ವಿಶಾಲ ಜನಸಮುದಾಯದೊಂದಿಗೆ ಸಾಮರಸ್ಯವನ್ನು ಬೆಳೆಸುತ್ತವೆ ಎಂದು ಭಾವಿಸಲಾಗಿದೆ. ಜೊತೆಗೆ ಸಾಮಾಜಿಕ ಸ್ವಾಸ್ಥ್ಯವನ್ನು ವೃದ್ಧಿಸುತ್ತದೆ. 

5) ಅಭಿವೃದ್ಧಿ ಹೊಂದುತ್ತಿರುವ ಕುಟುಂಬಗಳಿಗೆ ಯೋಗ್ಯವಾಗಿದೆ

ಅಭಿವೃದ್ಧಿ ಮತ್ತು ಚೈತನ್ಯದೊಂದಿಗಿನ ಅದರ ಸಂಬಂಧಗಳನ್ನು ಗಮನಿಸಿದರೆ, ಯುವ ದಂಪತಿ ಅಥವಾ ಅಭಿವೃದ್ಧಿ ಹೊಂದುತ್ತಿರುವ ಕುಟುಂಬಗಳಿಗೆ ಪೂರ್ವಾಭಿಮುಖವಾಗಿರುವ ಮನೆಯನ್ನು ಹೆಚ್ಚಾಗಿ ಶಿಫಾರಸು ಮಾಡಲಾಗುತ್ತದೆ. ಮನೆಯ ಕಿರಿಯ ಸದಸ್ಯರ ಅಭಿವೃದ್ಧಿ ಮತ್ತು ಯೋಗಕ್ಷೇಮವನ್ನು ಹೆಚ್ಚಿಸುತ್ತದೆ.

ವಾಸ್ತು ಸವಾಲುಗಳನ್ನು ನಿವಾರಿಸುವುದು

ಜಾಗೆಯನ್ನು ನಿರ್ಬಂಧಿಸುವ ಕೆಲವು ಪರಿಸರಗಳಲ್ಲಿ, ನಿಮ್ಮ ಮನೆಯನ್ನು ಸಂಪೂರ್ಣ ವಾಸ್ತು ಶಾಸ್ತ್ರದ ಪ್ರಕಾರ ಮಾಡುವುದು ಹಲವು ಸಲ ಸಾಧ್ಯವಾಗುವುದಿಲ್ಲ. ಆದಾಗ್ಯೂ ಕೂಡ ಇಂತಹ ಪರಿಸ್ಥಿತಿಗಳಲ್ಲಿ ಮತ್ತಷ್ಟು ಹೊಂದಾಣಿಕೆಗಳೊಂದಿಗೆ ನಿಮ್ಮ ವಾಸದ ಮನೆಗೆ ಸಾಮರಸ್ಯ ಮತ್ತು ಪಾಸಿಟಿವ್ ಎನರ್ಜಿ ಬರುವಂತೆ ಮಾಡಬಹುದು:

1) ವಾಸ್ತು ಬಣ್ಣಗಳನ್ನು ಬಳಸಿಕೊಳ್ಳಿ

ಮನೆಯ ಒಳಾಂಗಣದಲ್ಲಿ ಶಾಂತತೆ ಇರುವಂತೆ ಮಾಡಲು ಮತ್ತು ವಾಸ್ತು ಪರಿಣಾಮವು ಜೀವಂತವಾಗಿರಲು ನೀಲಿ, ಹಸಿರು ಮತ್ತು ಬಿಳಿ ಬಣ್ಣಗಳಂತಹ ತಿಳಿ  ಆರಿಸಿಕೊಳ್ಳಿ.

2) ಕೌಶಲ್ಯತೆಯಿಂದ ಕನ್ನಡಿಗಳನ್ನು ಹಾಕುವುದು

ಉತ್ತರ ಮತ್ತು ಪೂರ್ವ ದಿಕ್ಕಿನಲ್ಲಿರುವ ಗೋಡೆಗಳ ಮೇಲೆ ಕನ್ನಡಿಗಳನ್ನು ನೇತುಹಾಕಿ. ಇದು ಜಾಗೆಯು ದೊಡ್ಡಾಗಿರುವ ಅನುಭವವನ್ನು ಕೊಡುತ್ತದೆ. ಮತ್ತು ನಿಮ್ಮ ಮನೆಯ ಮೂಲಕ ಪಾಸಿಟಿವ್ ಎನರ್ಜಿಯ ಸ್ಟ್ರೀಮಿಂಗ್ ಅನ್ನು ಹೆಚ್ಚಿಸುತ್ತದೆ ಎಂದು ನಂಬಲಾಗಿದೆ.

3) ಪ್ರಕೃತಿಯೊಂದಿಗೆ ಒಂದಾಗಿಸಿ

ಮನೆಯಲ್ಲಿ ಈಶಾನ್ಯ ದಿಕ್ಕಿನ ಮೂಲೆಯಲ್ಲಿ ಸಣ್ಣ ಕಾರಂಜಿಗಳು, ಸಸ್ಯಗಳು ಮತ್ತು ನೀರಿನ ವೈಶಿಷ್ಟ್ಯಗಳನ್ನು ಇಡುವುದರಿಂದ, ಸಮತೋಲನವನ್ನು ಕಾಪಾಡಿಕೊಳ್ಳಲು ಮತ್ತು ವಾಸ್ತು ಪ್ರಕಾರ ನಿಮ್ಮ ನಗರ ವಾಸಸ್ಥಳವನ್ನು ಶಾಂತತೆಯಿಂದ ತುಂಬುವಂತೆ ಮಾಡುತ್ತದೆ.

ಈ ಸೂಕ್ಷ್ಮ ಪರಿಹಾರಗಳು ಜಾಗೆಯ ಶಕ್ತಿಯನ್ನು ಹೆಚ್ಚಿಸಲು ಬಹಷಳಷ್ಟು ಪರಿಣಾಮ ಬೀರಬಹುದು. ಹೆಚ್ಚಿನ ನಗರ ಪ್ರದೇಶದಲ್ಲಿನ ಮನೆಗೆ ಕೂಡ ವಾಸ್ತು ಪ್ರಕಾರ ಸಮತೋಲನವನ್ನು ಕಾಪಾಡಿಕೊಳ್ಳಬಹುದು ಎಂಬುದನ್ನು ಖಚಿತಪಡಿಸುತ್ತದೆ.