Share:
வாஸ்து சாஸ்திரம் என்பது இந்தியாவில் பாரம்பரியமாக இருக்கும் கட்டிடவியல் மற்றும் இடவமைப்புக் கலை அறிவியல் ஆகும். இது கட்டிடங்களை இயற்கையுடன் இணைக்க வழிகாட்டுகிறது. அதன் கொள்கைகள் திசை, வடிவியல் மற்றும் சமச்சீர் ஆகியவற்றை வலியுறுத்துகின்றன. வாஸ்துவின் நோக்கமானது வடிவத்தையும் ஆற்றலையும் சமநிலைப்படுத்தி, அவற்றால் பாசிட்டிவ் எனர்ஜி மற்றும் செழிப்பை பெறுவதும் ஆகும்.
வாஸ்துவின்படி கிழக்கு நோக்கிய வீட்டை வடிவமைக்கும்போது, பண்டைய ஞானத்தின் கொள்கைகளுடன் ஒத்துப்போகிறதா என்பதை கவனிக்க வேண்டும். கீழே கிழக்கு முகப்பில் உள்ள வீடுகளுக்கான வாஸ்து பற்றிய அம்சங்கள் கொடுக்கப்பட்டுள்ளன:
தலை வாசலைக் கிழக்கு திசையின் ஐந்தாவது பகுதியில் அமைக்க வேண்டும். இந்த இடத்தில் கதவை அமைத்தால், அது வீட்டின் செழிப்பையும் மகிழ்ச்சியையும் நுழைவாயில் வழியாக அழைத்து வரும் என்று கூறப்படுகிறது.
வீட்டின் உறவு தொடர்புகளை மேம்படுத்த, வடகிழக்கில் லிவிங் ரூமை அமைக்க வேண்டும்.
நெருப்பின் கூறு ஆட்சி செய்யும் தென்கிழக்கு மூலை சமையலறைக்கு மிகச் சிறந்த திசை ஆகும்.
வீட்டின் தென்மேற்குப் பகுதியில் மாஸ்டர் பெட் ரூம் வைப்பது நிலைத்தன்மையும் வலிமையையும் கொண்டுவரும்.
குழந்தைகள் படிப்பதற்க்காகவும் எல்லாவற்றிலும் வெற்றி பெறுவதற்க்காகவும் குழந்தைகளின் ரூமை வடமேற்கில் அமைக்கலாம்.
வட கிழக்குப் பகுதி அமைதியான மற்றும் புனிதமான இடம் என்பதால், பூஜை ரூம் அல்லது தியானத்திற்கான இடமாக இதை அமைக்கலாம்.
வாஸ்து நில அளவுகளுக்கு ஏற்ப மாறுபடும், அதன் விதிகளை பின்பற்றும் போது வடிவமைப்புக்கு நெகிழ்வுத்தன்மையும் கிடைக்கும். வேறுபட்ட அளவிலான நிலப்பரப்புகளில் வாஸ்து கொள்கைகளை பின்பற்றி எப்படி வீடு வடிவமைக்கலாம் என்பதைப் பார்க்கலாம்.
அதிகப்படியான வீட்டின் உரிமையாளர்களின் விருப்பமாக விளங்கும் 30x40 கிழக்கு முகப்பு வாஸ்து திட்டம், இடம் குறுகியதாய் தோன்றினாலும் மிகுந்த வசதிகளை வழங்குகிறது. வாஸ்து விதிப்படி, தலை வாசல், லிவிங் ரூம் மற்றும் பெட் ரூம் வாஸ்து திசைகளுடன் ஒத்திசையுமாறு வடிவமைக்கப்பட வேண்டும்.
சற்றே நீண்டு மற்றும் குறுகிய நிலப்பரப்பைக் கொண்டவர்கள், 30x60 கிழக்கு முகப்பு வீட்டு திட்டத்தைப் பயன்படுத்திக் கொள்ளலாம். இதனால் வீட்டின் முன்புறம் அல்லது தோட்டத்திற்குச் சிறந்த இடம் கிடைக்கும். பாசிடிவ் எனர்ஜி பரவலுக்காக கட்டமைப்பை வாஸ்து கொள்கைப்படி, தலை வாசல், சமையலறை மற்றும் மாஸ்டர் பெட் ரூம்மை அமைக்கவும்.
பெரிய மற்றும் ஆடம்பரமான வீட்டை உருவாக்க விரும்புவோருக்கு 40x60 கிழக்கு முகப்பு வீட்டு திட்டம் மிகவும் பொருத்தமாகும். ஒரு குறிப்பிட்ட நோக்கம் மற்றும் திசையை மனதில் கொண்டு நுழைவாயிலிலிருந்து பின்புறம் வரை வாஸ்துப்படி வடிவமைத்தால் , விரிவான இடங்களும், செழிப்பும், ஆரோக்கியமும் பரவும்.
வாஸ்து சாஸ்திரத்தில், கிழக்கு திசை மிகவும் சுபமாய் கருதப்படுகிறது. ஏனெனில் இந்த திசை சூரியனின் முதல் ஒளியுடன் தொடர்புடையது. தலை வாசல் கிழக்கு திசையை நோக்கி இருக்க வேண்டும். இது நல்ல ஆற்றல், வெற்றி, மற்றும் செல்வத்தை ஈர்க்கும். காலை பொழுதின் சூரிய ஒளியில் வைட்டமின் டி நிறைந்திருக்கிறது. அது வீட்டின் ஆரோக்கியத்தையும் நலத்தையும் மேம்படுத்துவதற்கும், வீட்டில் வசிப்பவர்களுக்கு வாழ்வில் சிறப்பு தருவதற்கும் உதவுகிறது. கிழக்கு முகப்பில் வாஸ்து திட்டம் உள்ளதனால் ஏற்படும் நன்மைகள்
கிழக்கு திசை சூரிய உதயத்துடன் தொடர்புடையது, இது ஒளி, அறிவு மற்றும் ஆன்மீக வளர்ச்சியைக் குறிக்கிறது. கிழக்கு முகப்பில் உள்ள வீடுகள் இந்த ஆற்றலைப் பயன்படுத்தி, வீட்டில் வசிப்பவர்களுக்கு அறிவை அளிப்பதாக நம்பப்படுகிறது.
வாஸ்து சாஸ்திரம் படி, கிழக்கு நோக்கி அமைந்துள்ள நுழைவாயில்கள் சுபமாகக் கருதப்படுகின்றன. இது காலை சூரிய கதிர்களால் வீட்டிற்குள் பாசிடிவ் எனர்ஜியை அழைத்து வரும். இது வீட்டை பரிசுத்தமாக்கி, நன்மையை எளிதாக வரவேற்கும்.
காலை நேரத்தில் வீட்டில் ஒளிக்கும் சூரிய ஒளியில் வைட்டமின் டி அதிகமாக உள்ளது. இது வீட்டில் உள்ளவர்களுக்கு ஆரோக்கியத்தை கொடுக்கும். மேலும், இந்த சூரிய ஒளி மன உற்சாகத்தையும் உற்பத்தித்திறனையும் பண வெற்றியையும் தரும்.
கிழக்கு திசை என்பது சமூக உறவுகளுடனும் தொடர்புடையது. இந்த திசையை எதிர்கொள்ளும் வீடுகளில் குடியிருப்பவர்களுக்கு வெளியக சமூகத்துடன் நல்லிணக்கத்தை ஏற்படுத்தி, சமூக நலனை மேம்படுத்தும்.
வளர்ச்சி மற்றும் உயிருடன் தொடர்புடையதாக இருப்பதால், கிழக்கு நோக்கி அமைந்த வீடு இளைய தம்பதிகளுக்கும், வளர்ந்து வரும் குடும்பங்களுக்கும் பரிந்துரைக்கப்படுகிறது. இது வீட்டில் இருக்கும் இளம் உறுப்பினர்களின் வளர்ச்சியையும் நலனையும் ஆதரிக்கிறது.
சில இடங்களில் வாஸ்து சாஸ்திரப்படி வீடு கட்டுவதற்க்கு இடப் பற்றாக்குறை ஏற்படலாம் அந்த சூழ்நிலைகளில் சில சின்ன மாற்றங்கள் மூலமாக நல்ல சக்திகளையும் சமநிலையையும் வீட்டுக்குள் சேர்த்து விடலாம்:
வீட்டின் உட்புறங்களில் நீலம், பச்சை மற்றும் வெள்ளை போன்ற நிறங்களைத் தேர்ந்தெடுப்பதன் மூலம், வீட்டினுள் அமைதியையும் வாஸ்து ஆற்றலையும் ஈர்க்க முடியும்.
வடக்கு மற்றும் கிழக்கு சுவர்களில் கண்ணாடிகளை தொங்கவிடுங்கள். இதன் மூலம் இடத்தைப் பெரிதாகக் காட்டலாம். மேலும், இது வீட்டில் பாசிடிவ் எனர்ஜியை பெருக்கும் என்று நம்பப்படுகிறது
வடக்குப் பகுதியில் ஒரு சிறிய நீர் ஊற்று போன்றவற்றை வைப்பதன் மூலம், வாஸ்து கொள்கைகளுடன் சமநிலையை உறுதிசெய்வதுடன் வீட்டின் அமைதியை நிலைநிறுத்த முடியும்.
இந்த நுண்ணிய பரிகாரங்கள், இடத்தின் ஆற்றலில் பெரும் தாக்கத்தை ஏற்படுத்தும், மற்றும் நகர்புற வீடுகளிலும் கூட வாஸ்து தரும் சமநிலையை அனுபவிக்க உதவும்.
கிழக்கு நோக்கிய வீட்டுத் திட்டத்தை பின்பற்றுவதன் மூலம், நீங்கள் ஆரோக்கியத்தையும் மகிழ்ச்சியையும் பெறுவீர்கள் காலைப் பொழுதில் வரும் சூரிய ஒளியை உள்வாங்கிக் கொண்டு, உங்கள் இல்லத்தை நலமும் செழிப்பும் நிறைந்த இடமாக மாற்றுவீர்கள். வாஸ்து ஆலோசனைகளை மனதில் வைத்துக் கொண்டு, கிழக்கு நோக்கிய வீட்டை அமைத்து, அதை மகிழ்ச்சி, ஆரோக்கியம் மற்றும் செழிப்பின் அடிப்படையான வீடாக மாற்றுங்கள்.
