ಲಿವಿಂಗ್ ರೂಮ್​ಗಾಗಿ ಟೈಲ್ಸ್ ಆಯ್ಕೆ ಮಾಡಲು ತ್ವರಿತ ಮಾರ್ಗದರ್ಶಿ

ಲಿವಿಂಗ್ ರೂಮ್​ಗಾಗಿ ಟೈಲ್ಸ್ ಹೇಗೆ ಆಯ್ಕೆ ಮಾಡುವುದು ಎಂಬುದರ ಕುರಿತು ಕೆಲವು ಟಿಪ್ಸ್​​ಗಳು ಮುಂದಿವೆ

1. ಲಿವಿಂಗ್ ರೂಮ್​​ ಸೈಜ್​ ಆಧಾರದ ಮೇಲೆ ಟೈಲ್ಸ್​​ಗಳನ್ನು ಆಯ್ಕೆಮಾಡಿ

ಜಾಗದ ವಿಶೇಷತೆಗಳನ್ನು ಅರ್ಥಮಾಡಿಕೊಳ್ಳದೆಯೇ ಹಲವು ಸಲ ನಾವು ಟೈಲ್ಸ್​ಗಳನ್ನು ಆಯ್ಕೆಮಾಡಿಕೊಳ್ಳುತ್ತೇವೆ. ಲಿವಿಂಗ್​ ರೂಮ್​ಗೆ ಟೈಲ್ಸ್​​ಗಳನ್ನು ನಾವು ಹೇಗೆ ಆಯ್ಕೆ ಮಾಡಬೇಕೆಂದು ಲೆಕ್ಕಾಚಾರ ಹಾಕಿಕೊಳ್ಳಲು, ಮೊದಲು ಕೋಣೆಯ ಸೈಜ್​ ಅನ್ನು ಕಂಡುಕೊಳ್ಳಬೇಕು. ನಿಮ್ಮ ರೂಮ್​ನ ಜಾಗೆ ಚಿಕ್ಕದಾಗಿದ್ದರೆ, ದೊಡ್ಡ ಸೈಜ್​ನ ಟೈಲ್ಸ್​ಗಳನ್ನು ಆಯ್ಕೆ ಮಾಡುವುದು ಒಳ್ಳೆಯದು. ಹೀಗೆ ಮಾಡಿದಲ್ಲಿ ಇದು ಯಾವಾಗಲೂ ನಿಮ್ಮ ಸಣ್ಣ ಜಾಗೆ ದೊಡ್ಡದಾಗಿ ಕಾಣುವಂತೆ ಮಾಡುತ್ತದೆ. ಅಲ್ಲದೆ, ನಿಮ್ಮ ಲಿವಿಂಗ್ ರೂಮ್​ ದೊಡ್ಡದಾಗಿದ್ದರೆ, ನೀವು ಸಣ್ಣ ಸೈಜ್​ನ ಟೈಲ್ಸ್​​ಗಳನ್ನು ಆಯ್ಕೆ ಮಾಡಬಹುದು.

2. ಲಿವಿಂಗ್​ ರೂಮ್​ನಲ್ಲಿ ಬರುವ ಬೆಳಕನ್ನು ಪರಿಗಣಿಸಿ

ಲಿವಿಂಗ್ ರೂಮ್ ಯಾವಾಗಲೂ ಚೆನ್ನಾಗಿ ಬೆಳಕು ಬೀಳುವಂತೆ ಇರುಬೇಕು, ಆದರೂ ಕೆಲವು ಕಡೆಗಳಲ್ಲಿ ಸ್ಥಳಗಳಲ್ಲಿ ಬೆಳಕು ಬೀಳದಿರಬಹುದು. ಅಂತಹ ಸಂದರ್ಭದಲ್ಲಿ, ತಿಳಿ ಬಣ್ಣದ ಶೇಡ್​ನ ಟೈಲ್ಸ್​ಗಳನ್ನು ಬಳಸುವುದು ಒಳ್ಳೆಯದು. ಸೂರ್ಯನ ಕಡಿಮೆ  ಬೆಳಕು ಬೀಳುವ ಲಿವಿಂಗ್ ರೂಮ್‌ಗಳಲ್ಲಿ ಗಾಢ ಬಣ್ಣದ ಟೈಲ್ಸ್ ಹಾಕುವುದರಿಂದ ಇಡೀ ರೂಮ್​ ಮಾಸಿದಂತೆ ಕಾಣುತ್ತದೆ.

3. ಹೆಸರಾಂತ ಬ್ರ್ಯಾಂಡ್‌ನಿಂದ ಟೈಲ್ಸ್​​​ ಆಯ್ಕೆಮಾಡಿ

ಸರಿಯಾದ ಲಿವಿಂಗ್ ರೂಮ್ ಟೈಲ್ಸ್ ಡಿಸೈನ್ ಅನ್ನು ಆಯ್ಕೆಮಾಡುವುದು ಸ್ವಯಂ ನಿರ್ಧಾರ ಆಗಿರಬಾರದು. ಹೆಸರುವಾಸಿಯಾದ ಮತ್ತು ಗುಣಮಟ್ಟದ ಉತ್ಪನ್ನಗಳಿಗೆ ಹೆಸರುವಾಸಿಯಾದ ಟೈಲ್ ಬ್ರ್ಯಾಂಡ್‌ಗಳು ತಯಾರಿಸುವ ಟೈಲ್ಸ್​ಗಳನ್ನು ಆಯ್ಕೆ ಮಾಡಿಕೊಳ್ಳಿ. ಹಲವು ವರ್ಷಗಳಿಂದ ಉದ್ಯಮದಲ್ಲಿರುವ ಟೈಲ್ಸ್​​ ಬ್ರ್ಯಾಂಡ್​ಗಳಿಗೆ ಈಗಿನ ಟ್ರೆಂಡ್​ ತಿಳಿದಿರುತ್ತದೆ. ಹೀಗಾಗಿ ಅಂತಹ ಬ್ರ್ಯಾಂಡ್​ಗಳು ನಿಮ್ಮ ಲಿವಿಂಗ್​ ರೂಮ್​ಗೆ ಸರಿಯಾಗುವಂತಹ ಟೈಲ್ಸ್​ಗಳನ್ನು ಒದಗಿಸುತ್ತವೆ.   

4. ಟೈಲ್ ನಿಶ್ಚಿತಗಳನ್ನು ಪರಿಗಣಿಸಿ

ಲಿವಿಂಗ್ ರೂಮ್ ಮನೆಯಲ್ಲಿ ಒಂದು ಸ್ಥಳವಾಗಿದ್ದು ಅದರ ಮೇಲೆ ಹೆಚ್ಚಾಗಿ ನಡೆದಾಡಲಾಗುತ್ತದೆ. ಹೀಗಾಗಿ ಮನೆಯ ಉಳಿದ ಭಾಗಗಳಿಗಿಂತ ಸ್ವಲ್ಪ ಹೆಚ್ಚು ಹೆವಿ ಡ್ಯೂಟಿ ಇರುವ ಟೈಲ್ಸ್​ಗಳನ್ನು ನೀವು ಆಯ್ಕೆಮಾಡಿಕೊಳ್ಳಬೇಕು. ಜೊತೆಗೆ, ಸ್ಕ್ರಾಚ್-ಪ್ರೂಫ್ ಹಾಗೂ ಸ್ಟೇನ್-ಪ್ರೂಫ್​ ಟೈಲ್ಸ್​​ಗಳನ್ನು ಆಯ್ಕೆಮಾಡಿ. ಯಾಕೇಂದರೆ ನಿಮ್ಮ ಕುಟುಂಬದ ಹೆಚ್ಚಿನ ಸದಸ್ಯರು ಈ ಜಾಗದಲ್ಲಿಯೇ ಸುತ್ತಾಡುತ್ತಾರೆ. ಅದರೊಂದಿಗೆ, ವಿಟ್ರಿಫೈಡ್ ಟೈಲ್ಸ್‌ನಿಂದ ಸೆರಾಮಿಕ್ ಟೈಲ್ಸ್‌ಗಳವರೆಗೆ ವಿವಿಧ ರೀತಿಯ ಟೈಲ್ಸ್​ಗಳಿವೆ; ನಿಮ್ಮ ಜೀವನಶೈಲಿಯನ್ನು ಅವಲಂಬಿಸಿ ನಿಮ್ಮ ಲಿವಿಂಗ್ ರೂಮ್​ಗೆ ಟೈಲ್ಸ್ ಡಿಸೈನ್​ ಅನ್ನು ಆಯ್ಕೆಮಾಡಿ.

5. ಸರಿಯಾದ ಬಣ್ಣ ಮತ್ತು ಪ್ಯಾಟರ್ನ್​​ ಆಯ್ಕೆಮಾಡಿ

ಲಿವಿಂಗ್ ರೂಮ್ ಎಂದರೆ ಮನೆಯಲ್ಲಿದ್ದಾಗ ನಿಮ್ಮ ಹೆಚ್ಚಿನ ಸಮಯವನ್ನು ಕಳೆಯುವ ಸ್ಥಳವಾಗಿರುತ್ತದೆ. ಇಲ್ಲಿ ನೀವು ಸಿನಿಮಾ ನೋಡುತ್ತೀರಿ, ನಿಮ್ಮ ಸ್ನೇಹಿತರೊಂದಿಗೆ ಸಮಯ ಕಳೆಯುತ್ತೀರಿ ಮತ್ತು ಅತಿಥಿಗಳನ್ನು ಉಪಚರಿಸುತ್ತೀರಿ. ಹೀಗಾಗಿ ನೀವು ಆಹ್ಲಾದಕರವಾದ ಬಣ್ಣಗಳು ಮತ್ತು ಪ್ಯಾಟರ್ನ್​ಗಳನ್ನು ಆಯ್ಕೆ ಮಾಡಿಕೊಳ್ಳುವುದು ಅಗತ್ಯವಾಗಿದೆ. ಲಿವಿಂಗ್ ರೂಮ್‌ಗಾಗಿ ಆಧುನಿಕ ಟೈಲ್ಸ್​​ಗಳನ್ನು ಪರಿಗಣಿಸಿ, ಜೊತೆಗೆ ನಿಮ್ಮ ಪೀಠೋಪಕರಣಗಳಿಗೆ ಪೂರಕವಾಗಿರುವ ನ್ಯೂಟ್ರಲ್​ ಕಲರ್ ಮತ್ತು ಈಗಿನ ಸಮಕಾಲೀನ ಪ್ಯಾಟರ್ನ್ ಆಯ್ಕೆ ಮಾಡಿದರೆ ರೂಮ್​ನ ಅಂದ ಹೆಚ್ಚುತ್ತದೆ.

6. ಬಾಳಿಕೆ ಮತ್ತು ನಿರ್ವಹಣೆಯನ್ನು ಮೊದಲೇ ಪರಿಶೀಲಿಸಿ

ಲಿವಿಂಗ್ ರೂಮ್​ಗಾಗಿ ನೆಲದ ಟೈಲ್ಸ್​​ಗಳಿಗೆ ಹೆಚ್ಚಿನ ಗಮನ ಕೊಡುವುದು ಮತ್ತು ನಿರ್ವಹಣೆಯ ಅಗತ್ಯವಿರುತ್ತದೆ. ವಿಶೇಷವಾಗಿ ಲಿವಿಂಗ್ ರೂಮ್ ಟೈಲ್ಸ್ ವಿನ್ಯಾಸವನ್ನು ಹುಡುಕುತ್ತಿರುವಾಗ ಬಾಳಿಕೆ ಬರುವ ಮತ್ತು ನಿರ್ವಹಿಸಲು ಸುಲಭವಾದ ಟೈಲ್ಸ್​ಗಳನನ್ನು ಆಯ್ಕೆಮಾಡಿಕೊಳ್ಳುವುದಕ್ಕೆ ಆದ್ಯತೆ ಕೊಡಿ. ನಿಮ್ಮ ನೆಲದ ಟೈಲ್ಸ್​​ಗಳಲ್ಲಿ ಕ್ರ್ಯಾಕ್ ಆಗುವುದನ್ನು ನೋಡಲು ನೀವು ಯಾವುದೇ ಸಮಯದಲ್ಲಿಯೂ ಬಯಸುವುದಿಲ್ಲ, ಆದ್ದರಿಂದ ಹೆಚ್ಚು ಸುದೀರ್ಘ ಬಾಳಿಕೆ ಬರುವ ಹಾಗೂ ಸ್ವಚ್ಛಗೊಳಿಸಲು ಸುಲಭವಾದ ಟೈಲ್ಸ್​​ಳನ್ನು ಆಯ್ಕೆಮಾಡಿಕೊಳ್ಳುವುದು ಮುಖ್ಯವಾಗಿದೆ.