Share:
• ಆರ್ಕಿಟೆಕ್ಟ್‌ಗಳು ವಿನ್ಯಾಸ, ಯೋಜನೆ ಮತ್ತು ಮೇಲ್ವಿಚಾರಣೆ ಮಾಡುವ ಮೂಲಕ ದೂರದೃಷ್ಟಿ ಮತ್ತು ವಾಸ್ತವಿಕತೆಯ ನಡುವೆ ಸಮತೋಲನವನ್ನು ಖಾತ್ರಿಪಡಿಸುತ್ತಾರೆ.
• ಅವರ ಕಾರ್ಯಗಳಲ್ಲಿ ಡ್ರಾಯಿಂಗ್‌ಗಳನ್ನು ರಚಿಸುವುದರಿಂದ ಹಿಡಿದು ಗುತ್ತಿಗೆದಾರರು ಮತ್ತು ಗ್ರಾಹಕರಿಗೆ ವೆಚ್ಚವನ್ನು ಅಂದಾಜು ಮಾಡಲು ಸಹಕರಿಸುವವರೆಗಿನ ಕೆಲಸವು ಸೇರಿರುತ್ತದೆ.
• ಅವರು ನವೀನ ಮತ್ತು ಆಕರ್ಷಕ ವಿನ್ಯಾಸಗಳನ್ನು ಹೊಂದಿರುವ ಆಂತರಿಕ ಮತ್ತು ಬಾಹ್ಯ ರಚನೆಗಳನ್ನು ನಿರ್ಮಿಸಲು ತಮ್ಮ ಗಮನವನ್ನು ಕೇಂದ್ರೀಕರಿಸುತ್ತಾರೆ.
• ಅವರು ತಮ್ಮ ಸಮಸ್ಯೆ ಪರಿಹರಿಸುವ, ಸಂವಹನ ಮತ್ತು ನಾಯಕತ್ವದ ಕೌಶಲ್ಯಗಳನ್ನು ಬಳಸಿಕೊಳ್ಳುತ್ತಾರೆ ಮತ್ತು ಸಂಬಂಧಿತ ನಿಯಮಾವಳಿಗಳಿಗೆ ಬದ್ದರಾಗಿರುತ್ತಾರೆ.
ಆರ್ಕಿಟೆಕ್ಟ್ ಒಬ್ಬ ಉನ್ನತ ಪದವಿಯನ್ನು ಹೊಂದಿರುವ ವೃತ್ತಿಪರರಾಗಿದ್ದು, ನಿರ್ಮಾಣ ಯೋಜನೆಗಳನ್ನು ಹೇಗೆ ವಿನ್ಯಾಸಗೊಳಿಸುವುದು, ಪ್ಲಾನ್‌ ಮಾಡುವುದು ಮತ್ತು ಮೇಲ್ವಿಚಾರಣೆ ಮಾಡುವುದು ಎಂಬುದರ ಕುರಿತು ಪರಿಣಿತ ತರಬೇತಿಗಳನ್ನು ಪಡೆದಿರುತ್ತಾರೆ. ಅವರು ನಿರ್ಮಾಣದ ಮೊದಲು ಕಟ್ಟಡದ ವಿವಿಧ ಡ್ರಾಯಿಂಗ್‌ಗಳು ಅಥವಾ ವಿನ್ಯಾಸಗಳನ್ನು ರಚಿಸುತ್ತಾರೆ. ಕಟ್ಟಡದ ಯೋಜನೆಯಿಂದ ತಮ್ಮ ಗ್ರಾಹಕರು ಏನು ಬಯಸುತ್ತಾರೆ ಎಂಬುದನ್ನು ಸೃಜನಾತ್ಮಕವಾಗಿ ಕಲ್ಪಿಸಿಕೊಂಡು ಆ ಪರಿಕಲ್ಪನೆಗೆ ಒಂದು ವಾಸ್ತವ ರೂಪವನ್ನು ನೀಡುತ್ತಾರೆ. ಒಬ್ಬ ಆರ್ಕಿಟೆಕ್ಟ್ ಕಟ್ಟಡದ ಯೋಜನೆಗಾಗಿ ವಿನ್ಯಾಸವನ್ನು ನಿರ್ಮಿಸಿದ ನಂತರ, ಅದಕ್ಕೆ ರೂಪು ನೀಡಲು ಗ್ರಾಹಕ ಮತ್ತು ಇತರ ವೃತ್ತಿಪರರೊಂದಿಗೆ ಜೊತೆಗೂಡಿ ಕೆಲಸ ಮಾಡಬೇಕಿರುತ್ತದೆ. ಈಗ ನಾವು ಆರ್ಕಿಟೆಕ್ಟ್ ಪಾತ್ರವನ್ನು ಅರ್ಥ ಮಾಡಿಕೊಂಡಿರುವುದರಿಂದ, ಸೈಟ್‌ನಲ್ಲಿ ಹಾಗೂ ಸೈಟ್‌ನ ಹೊರಗೆ ಅವರ ವಿವಿಧ ಕರ್ತವ್ಯಗಳು ಮತ್ತು ಅವರಿಗೆ ಬೇಕಾದ ಅಗತ್ಯವಾದ ಕೌಶಲ್ಯಗಳ ಕುರಿತು ಮತ್ತಷ್ಟು ಅರ್ಥ ಮಾಡಿಕೊಳ್ಳೋಣ.
ಎಲ್ಲಾ ಭೇಟಿಗಳಲ್ಲಿ ಆರ್ಕಿಟೆಕ್ಟ್ ಅನ್ನು ಸೇರಿಸಿಕೊಳ್ಳುವ ಮೂಲಕ ಅವರೊಂದಿಗೆ ಯೋಜನೆಯ ವಿವಿಧ ಚರ್ಚೆಗಳನ್ನು ನಡೆಸಬೇಕು. ಈ ಚರ್ಚೆಗಳಲ್ಲಿ ಗ್ರಾಹಕರ ಆರಂಭಿಕ ಅವಶ್ಯಕತೆಗಳನ್ನು ಅರ್ಥಮಾಡಿಕೊಳ್ಳುವುದನ್ನು ಒಳಗೊಂಡಿರುತ್ತದೆ. ಯೋಜನೆಯ ನಿರೀಕ್ಷೆಗಳನ್ನು ಎಚ್ಚರಿಕೆಯಿಂದ ಗಮನಿಸಬೇಕು. ಗ್ರಾಹಕರ ಅವಶ್ಯಕತೆಗಳನ್ನು ಆಧರಿಸಿ ಬಜೆಟ್ ಅನ್ನು ನಿರ್ಧರಿಸಬಹುದು. ಆರ್ಕಿಟೆಕ್ಟ್‌ರೊಂದಿಗೆ ನಡೆಸಬೇಕಾದ ಇತರ ಚರ್ಚೆಗಳೆಂದರೆ:
ಎ. ಸೈಟ್‌ನ ಮಿತಿಗಳು ಮತ್ತು ಸಾಮರ್ಥ್ಯಗಳು
ಬಿ. ಹಣಕಾಸಿನ ಖರ್ಚು-ವೆಚ್ಚಗಳು ಮತ್ತು ಗುರಿಗಳನ್ನು ಚರ್ಚಿಸುವುದು.
ಸಿ. ಅವಶ್ಯಕತೆಯ ಆಧಾರದ ಮೇಲೆ ಬೇರೊಂದು ಸೈಟ್‌ ಅಥವಾ ಕಟ್ಟಡದ ಆಯ್ಕೆ.
ಡಿ. ಸಂವಹನವನ್ನು ಸುಲಭಗೊಳಿಸಲು ಯೋಜಿಸಲಾದ ಮತ್ತು ಸಿದ್ಧಪಡಿಸಿದ ಕಾರ್ಯವಿಧಾನಗಳನ್ನು ಸಂಯೋಜಿತವಾಗಿರಿಸಲಾಗುತ್ತದೆ.
ನಿರ್ಮಾಣ ಯೋಜನೆಗಳಲ್ಲಿ ಆರ್ಕಿಟೆಕ್ಟ್‌ಗಳ ದೊಡ್ಡ ಪಾತ್ರವೆಂದರೆ ವಿನ್ಯಾಸಗಳ ಸ್ಕೆಚ್ ಮಾಡುವುದು. ಅವರು ಮನೆಗಳು, ಕಚೇರಿಗಳು, ಶಾಪಿಂಗ್ ಮಾಲ್‌ಗಳು ಮುಂತಾದವುಗಳ ಡ್ರಾಯಿಂಗ್‌ ಮತ್ತು ವಿನ್ಯಾಸದಲ್ಲಿ ಪರಿಣಿತಿಯನ್ನು ಹೊಂದಿರುತ್ತಾರೆ. ಗ್ರಾಹಕರ ಪರಿಕಲ್ಪನೆಯ ವಿನ್ಯಾಸಗಳನ್ನೂ ಸಹ ಅವರು ರಚಿಸಬಲ್ಲರು. ನಿರ್ಮಾಣ ನಡೆಯುತ್ತಿರುವ ಸ್ಥಳವನ್ನು ಅವಲಂಬಿಸಿ ಎಲ್ಲಾ ಡ್ರಾಯಿಂಗ್‌ಗಳು ವಿವಿಧ ನಿರ್ಮಾಣ ಕಾನೂನುಗಳ ಅಗತ್ಯತೆಗಳು ಮತ್ತು ಅವಶ್ಯಕತೆಗಳನ್ನು ಪೂರೈಸುವಂತಿರಬೇಕು. ಅಂತಹ ನಿಯಮಗಳಲ್ಲಿ ಅಗ್ನಿಶಾಮಕ ನಿಯಮಗಳು, ಕಟ್ಟಡ ಸಂಹಿತೆಗಳು, ಕಟ್ಟಡ ಶೈಲಿಗಳು, ನಿರ್ಮಾಣ ಸ್ಥಳದ ರಚನೆಗಳು ಮತ್ತು ಪಿನ್ ಕೋಡ್‌ಗಳು ಸೇರಿವೆ.
ವೆಚ್ಚವನ್ನು ಅಂದಾಜಿಸುವುದು ಆರ್ಕಿಟೆಕ್ಟ್‌ನ ಮತ್ತೊಂದು ಪ್ರಮುಖ ಪಾತ್ರವಾಗಿದೆ. ವಿನ್ಯಾಸಗಳನ್ನು ನಿರ್ಮಿಸುವ ಮತ್ತು ಕೆಲಸದ ವಿವಿಧ ಹಂತಗಳನ್ನು ಅರ್ಥಮಾಡಿಕೊಳ್ಳುವುದರ ಜೊತೆಗೆ ಆರ್ಕಿಟೆಕ್ಟ್ ಯೋಜನೆಯ ಬಜೆಟ್ ಅನ್ನೂ ಸಹ ರಚಿಸಲು ಸಹಾಯ ಮಾಡಬಹುದು. ಒಂದು ವೇಳೆ ಬಜೆಟ್ ಅನ್ನು ಗ್ರಾಹಕರು ಹೊಂದಿರದೇ ಇದ್ದಲ್ಲಿ ಆರ್ಕಿಟೆಕ್ಟ್ ಖಂಡಿತವಾಗಿಯೂ ಅವರಿಗೆ ಮುಂಚಿತವಾಗಿ ಎಚ್ಚರಿಕೆ ನೀಡಬಹುದು.
ಆರ್ಕಿಟೆಕ್ಟ್‌ಗಳು ನಿರ್ಮಾಣದ ವಿವಿಧ ಚಟುವಟಿಕೆಗಳಿಗೆ ಗುತ್ತಿಗೆದಾರರನ್ನು ಆಯ್ಕೆ ಮಾಡಬಹುದು. ಟೆಂಡರ್ ಸ್ವೀಕರಿಸಿದ ನಂತರ ಆರ್ಕಿಟೆಕ್ಟ್ ಟೆಂಡರ್ ವಿಶ್ಲೇಷಣೆ ವರದಿಯನ್ನು ತಯಾರಿಸುತ್ತಾರೆ. ಆರ್ಕಿಟೆಕ್ಟ್ ತೊಡಗಿರುವ ಕೆಲಸದ ಪ್ರಕಾರವು ಅವರೊಡೆನೆ ಮಾಡಿಕೊಂಡಿರುವ ಒಪ್ಪಂದವನ್ನು ಅವಲಂಬಿಸಿರುತ್ತದೆ. ಗ್ರಾಹಕರೊಂದಿಗಿನ ಒಪ್ಪಂದವು ಆರ್ಕಿಟೆಕ್ಟ್ ಯಾವ ಕಾರ್ಯದ ಮೇಲೆ ತಮ್ಮ ಗಮನವನ್ನು ಕೇಂದ್ರೀಕರಿಸಬೇಕು ಎಂಬುದನ್ನು ನಿರ್ಧರಿಸುತ್ತದೆ. ಪೂರ್ಣಗೊಂಡ ಕೆಲಸಕ್ಕೆ ಸಂಬಂಧಿಸಿದ ಪಾವತಿಗಳನ್ನು ಪರಿಶೀಲಿಸಿ ತಿಂಗಳ ಕೊನೆಯಲ್ಲಿ ಇನ್ವಾಯ್ಸ್‌ಗಳನ್ನು ಪರಿಶೀಲಿಸುವುದರಲ್ಲಿ ಆರ್ಕಿಟೆಕ್ಟ್ ಪಾತ್ರವು ಇರುತ್ತದೆ.
ಆರ್ಕಿಟೆಕ್ಟ್ ಇತರ ನಿರ್ಮಾಣ ವೃತ್ತಿಪರರು ಮತ್ತು ಗುತ್ತಿಗೆದಾರರೊಂದಿಗೆ ಸೇರಿ ಕೆಲಸ ಮಾಡಬೇಕಿರುತ್ತದೆ. ಆದ್ದರಿಂದ ಸೈಟ್‌ನಲ್ಲಿ ಕೆಲಸ ಮಾಡುವ ಗುತ್ತಿಗೆದಾರರನ್ನು ಆಯ್ಕೆ ಮಾಡುವುದು ಆರ್ಕಿಟೆಕ್ಟ್‌ಗೆ ಒಳ್ಳೆಯದು. ಇದರಿಂದ ಕೆಲಸ ಮಾಡಲು ಸರಿಯಾದ ಪರಿಣಿತರನ್ನು ಆರ್ಕಿಟೆಕ್ಟ್ ಆಯ್ಕೆ ಮಾಡುವುದರಿಂದ ಗ್ರಾಹಕರಿಗೆ ಸುಲಭವಾಗುತ್ತದೆ.
ಆರ್ಕಿಟೆಕ್ಟ್ ತಾವು ಕೆಲಸ ಮಾಡಲು ಬಯಸುವ ಸಮರ್ಪಕವಾದ ಜನರನ್ನು ನೇಮಿಸಿಕೊಂಡ ನಂತರ, ವಿನ್ಯಾಸವನ್ನು ಅರ್ಥ ಮಾಡಿಕೊಳ್ಳುವ, ಕೆಲಸದ ಪ್ರಗತಿಯನ್ನು ಮೇಲ್ವಿಚಾರಣೆ ಮಾಡುವ ಮತ್ತು ವಿನ್ಯಾಸವನ್ನು ಉತ್ತಮವಾಗಿ ಕಾರ್ಯಗತಗೊಳಿಸುವುದನ್ನು ಖಚಿತಪಡಿಸಿಕೊಳ್ಳುವ ಮೂಲಕ ಕೆಲಸದ ಸಂಬಂಧವನ್ನು ಕಾಪಾಡಿಕೊಳ್ಳುವುದು ಮುಖ್ಯವಾಗಿರುತ್ತದೆ. ಆರ್ಕಿಟೆಕ್ಟ್‌ನ ಈ ಪಾತ್ರದಿಂದಾಗಿ ಪ್ಲಂಬರ್‌ಗಳು, ಎಲೆಕ್ಟ್ರಿಷಿಯನ್‌ಗಳು, ಇಂಜಿನಿಯರ್‌ಗಳು ಮತ್ತು ಇತರ ಪರಿಣಿತರೊಂದಿಗೆ ಒಟ್ಟುಗೂಡಿ ಸರಿಯಾಗಿ ಕೆಲಸವನ್ನು ಮಾಡಲು ಅನುವು ಮಾಡಿಕೊಡುತ್ತದೆ.
ಆರ್ಕಿಟೆಕ್ಟ್‌ನ ಕೆಲಸವು ಕೇವಲ ಪ್ರತಿ ಕಟ್ಟಡವನ್ನು ಇನ್ನೊಂದನ್ನು ಹೋಲುವಂತೆ ನಿರ್ಮಿಸುವುದಲ್ಲ. ಯೋಜನೆಯ ಸೌಂದರ್ಯ ಮತ್ತು ಅದು ಹೇಗೆ ಗೋಚರಿಸುತ್ತದೆ ಎಂಬುದರ ಬಗ್ಗೆಯೂ ಆಲೋಚಿಸಬೇಕಿರುತ್ತದೆ. ಕೆಲವು ಕಟ್ಟಡಗಳು ಕೆಲವು ಆಕಾರಗಳಂತೆ ಕಾಣುವಂತೆ ಮಾಡಬೇಕಿರುತ್ತದೆ ಮತ್ತು ಈ ಕೆಲಸಕ್ಕಾಗಿ ಮನಸೂರೆಗೊಳ್ಳುವ ಹೊಸ ವಿನ್ಯಾಸಗಳನ್ನು ಸಲಹೆ ಮಾಡುವುದು ಆರ್ಕಿಟೆಕ್ಟ್‌ನ ಕೆಲಸವಾಗಿರುತ್ತದೆ.
ಆರ್ಕಿಟೆಕ್ಟ್‌ಗಳು ಗ್ರಾಹಕರ ಪರವಾಗಿ ಕೆಲಸ ಮಾಡಬೇಕು ಮತ್ತು ನಿರ್ಮಾಣ ನಡೆಯುತ್ತಿರುವ ರಾಜ್ಯ ಮತ್ತು ಸ್ಥಳಕ್ಕೆ ಅಗತ್ಯವಿರುವ ಪರವಾನಗಿಗಳನ್ನು ಪಡೆಯಬೇಕು. ಅವರು ಸರ್ಕಾರದ ಅನುಮೋದನೆಗಾಗಿ ವಿನ್ಯಾಸದ ನೀಲನಕ್ಷೆಯನ್ನು ಸಲ್ಲಿಸಬೇಕು.
ಎಲ್ಲಕ್ಕಿಂತ ಹೆಚ್ಚಾಗಿ, ಯೋಜನೆಯ ಒಟ್ಟಾರೆ ನಿರ್ಮಾಣದಲ್ಲಿ ಆರ್ಕಿಟೆಕ್ಟ್‌ಗಳು ಮೇಲ್ವಿಚಾರಣಾ ಪಾತ್ರವನ್ನು ವಹಿಸುತ್ತಾರೆ. ಅದರ ವಿನ್ಯಾಸವು ಅವರದ್ದೇ ಆಗಿರುವುದ್ದರಿಂದ, ನಿಖರವಾಗಿ ಏನು ಬೇಕು, ಏನು ತಪ್ಪಾಗಬಹುದು ಮತ್ತು ಅದನ್ನು ಹೇಗೆ ಸರಿಪಡಿಸಬೇಕು ಎಂದು ಅವರಿಗೆ ತಿಳಿದಿರುತ್ತದೆ.
ಆರ್ಕಿಟೆಕ್ಟ್‌ಗಳು ವಿವಿಧ ಕಾರ್ಯಗಳನ್ನು ನಿರ್ವಹಿಸುವಾಗ ಕಟ್ಟಡಗಳನ್ನು ವಿನ್ಯಾಸಗೊಳಿಸಲು ತಮ್ಮ ಸೃಜನಶೀಲತೆ ಮತ್ತು ತಾಂತ್ರಿಕ ಕೌಶಲ್ಯಗಳನ್ನು ಸಂಯೋಜಿಸುತ್ತಾರೆ. ಅವರ ಜವಾಬ್ದಾರಿಗಳಲ್ಲಿ ಸಾಮರಸ್ಯದ ಸ್ಥಳಗಳನ್ನು ಪರಿಕಲ್ಪಿಸುವುದು, ಯೋಜನೆಗಳ ಮೇಲ್ವಿಚಾರಣೆ, ರಚನೆಯ ಸ್ಥಿರತೆಯನ್ನು ಖಾತರಿಪಡಿಸುವುದು ಮತ್ತು ನಿಯಮಾವಳಿಗಳನ್ನು ಪಾಲಿಸುವುದು ಸೇರಿವೆ. ಆರ್ಕಿಟೆಕ್ಟ್‌ಗಳಿಗೆ ವಿನ್ಯಾಸ ರಚನೆಯ ಸಾಮರ್ಥ್ಯಗಳ ಜೊತೆಗೆ, ಬಲವಾದ ಸಮಸ್ಯೆ- ಪರಿಹರಿಸುವ, ಸಂವಹನ ನಡೆಸುವ ಮತ್ತು ನಾಯಕತ್ವ ಕೌಶಲ್ಯಗಳು ಬೇಕಾಗುತ್ತವೆ. ಪ್ರಾಯೋಗಿಕತೆಯೊಂದಿಗೆ ಕಲಾತ್ಮಕ ದೃಷ್ಟಿಯನ್ನು ಸಮತೋಲನಗೊಳಿಸುವ ಮೂಲಕ ಅವರು ಸಂಕೀರ್ಣ ಕಾರ್ಯಗಳನ್ನು ನಿರ್ವಹಿಸುತ್ತಾರೆ. ಅವರು ಕನಸುಗಳನ್ನು ಕ್ರಿಯಾತ್ಮಕ ಸ್ಥಳಗಳಾಗಿ ಪರಿವರ್ತಿಸುತ್ತಾರೆ ಮತ್ತು ಕಲಾತ್ಮಕತೆ, ನಾವಿನ್ಯತೆ ಮತ್ತು ತಾಂತ್ರಿಕ ಪರಿಣಿತಿಯ ಸಂಯೋಜನೆಯೊಂದಿಗೆ ತಮ್ಮ ಕಾರ್ಯವನ್ನು ನಿರ್ವಹಿಸುತ್ತಾರೆ.
ಒಬ್ಬ ಆರ್ಕಿಟೆಕ್ಟ್ ವಿವಿಧ ಜವಾಬ್ದಾರಿಗಳನ್ನು ತೆಗೆದುಕೊಳ್ಳುವುದು, ಕಲಾತ್ಮಕತೆಯನ್ನು ತೋರಿಸುವುದು, ತಾಂತ್ರಿಕ ಪರಿಣಿತಿಯನ್ನು ಬಳಸುವುದು ಮತ್ತು ಸಾಮಾಜಿಕ ಕಳಕಳಿಯನ್ನು ಹೊಂದಿರುವುದು ಅಗತ್ಯವಿರುತ್ತದೆ.
ಆಕಾಶದೆತ್ತರದ ಕಟ್ಟಡಗಳ ರಚನೆ, ನಗರದಲ್ಲಿ ಹೊಸ ಸ್ಥಳಗಳ ನಿರ್ಮಾಣ, ಸ್ಫೂರ್ತಿದಾಯಕ ಪರಿಸರದ ವಿನ್ಯಾಸದಲ್ಲಿ ಅವರ ಕೊಡುಗೆಯಿಂದಾಗಿ ನಾವು ವಾಸಿಸುವ ಪ್ರಪಂಚದಲ್ಲಿ ಎಂದೆಂದಿಗೂ ಅಳಿಸಲಾಗದ ಗುರುತುಗಳು ಉಳಿಯುತ್ತವೆ. ಆರ್ಕಿಟೆಕ್ಟ್ ಪಾತ್ರವು ಬಹುಮುಖವಾದುದ್ದು ಹಾಗೂ ಇದನ್ನು ಮನೆ ನಿರ್ಮಾಣದಲ್ಲಿ ಈ ಇಂಜಿನಿಯರ್‌ಗಳು ಮತ್ತು ಆರ್ಕಿಟೆಕ್ಟ್‌ಗಳ ಪ್ರಾಮುಖ್ಯತೆ (Importance Of Engineers And Architects In Home Construction) ಎಂಬ ಲೇಖನದಲ್ಲಿರುವ ಕಿರು ವಿಡಿಯೋದ ಮೂಲಕ ವಿವರವಾಗಿ ಅರ್ಥಮಾಡಿಕೊಳ್ಳಬಹುದು.
