ಕಾಂಕ್ರೀಟಿನ ಕಾರ್ಯಸಾಮರ್ಥ್ಯ? ವಿಧಗಳು ಮತ್ತು ಕಾಂಕ್ರೀಟಿನ ಬಲದ ಮೇಲೆ ಅದರ ಪರಿಣಾಮಗಳು

ಮುಖ್ಯಾಂಶಗಳು

• ಕಾಂಕ್ರೀಟಿನ ಕಾರ್ಯಸಾಮರ್ಥ್ಯವು ಒಂದು ನಿರ್ಣಾಯಕ ಗುಣವಾಗಿದ್ದು ವಸ್ತುವಿನ ಬಲ ಮತ್ತು ಅದರ ಸುಲಭ ಬಳಕೆಯನ್ನು ನಿರ್ಧರಿಸುತ್ತದೆ.

• ಕಾಂಕ್ರೀಟಿನ ಕಾರ್ಯಸಾಮರ್ಥ್ಯವನ್ನು ಸ್ಲಂಪ್ ಪರೀಕ್ಷೆ, ಫ್ಲೋ ಟೇಬಲ್ ಪರೀಕ್ಷೆ, ಕಾಂಪ್ಯಾಕ್ಷನ್ ಫ್ಯಾಕ್ಟರ್ ಪರೀಕ್ಷೆ ಮತ್ತು ವೀ-ಬೀ ಕನ್ಸಿಸ್ಟೋಮೀಟರ್ ಪರೀಕ್ಷೆ ಮೊದಲಾದ ಪರೀಕ್ಷೆಗಳಿಂದ ನಿರ್ಧರಿಸಬಹುದು. ಅಗತ್ಯವಿರುವ ಕಾರ್ಯಸಾಮರ್ಥ್ಯದ ಮಟ್ಟದ ಆಧಾರದ ಮೇಲೆ ಸೂಕ್ತ ಅನ್ವಯಿಸುವಿಕೆಯ ವಿಧಾನವನ್ನು ಆಯ್ದುಕೊಳ್ಳಲು ಬೇಕಾದ ಮಾಹಿತಿಯನ್ನು ಈ ಎಲ್ಲಾ ಪರೀಕ್ಷೆಗಳು ನೀಡುತ್ತವೆ.

• ಕಾರ್ಯಸಾಮರ್ಥ್ಯದ ಮಟ್ಟವು ಅಸಾಧ್ಯ, ಮಧ್ಯಮ ಹಾಗೂ ಉತ್ತಮ ಕಾರ್ಯಸಾಧ್ಯವಾದ ಕಾಂಕ್ರೀಟ್ ಎಂಬುದಾಗಿದ್ದು ಪ್ರತಿಯೊಂದೂ ಸಹ ನಿರ್ಮಾಣ ಕ್ರಿಯೆಯಲ್ಲಿ ವಿಶಿಷ್ಟ ಗುಣಗಳನ್ನೂ ಮತ್ತು ಅನ್ವಯಿಸುವಿಕೆಯನ್ನೂ ಹೊಂದಿವೆ.

• ನೀರು ಹಾಗೂ ಸಿಮೆಂಟಿನ ಅನುಪಾತ, ಒಟ್ಟೂ ಅಳತೆ ಹಾಗೂ ಆಕಾರ,ಮಿಶ್ರಣದ ಬಳಕೆ, ಕಾಂಕ್ರೀಟಿನ ಮಿಶ್ರಣ ವಿಧಾನ ಮತ್ತು ಕಾಂಕ್ರೀಟಿನ ಭಾಗದ ಗಾಢತನ ಇಂತಹ ಅಂಶಗಳು ಕಾಂಕ್ರೀಟಿನ ಕಾರ್ಯಸಾಮರ್ಥ್ಯದ ಮೇಲೆ ಗಣನೀಯ ಪರಿಣಾಮ ಬೀರುತ್ತವೆ.

• ಸ್ಲಂಪ್ ಟೆಸ್ಟ್ ಎನ್ನುವುದು ಕಾರ್ಯಸಾಮರ್ಥ್ಯವನ್ನು ಅಳೆಯಲು ವ್ಯಾಪಕವಾಗಿ ಬಳಸುವ ವಿಧಾನವಾಗಿದೆ. ಇದು ಸ್ಥಳದಲ್ಲಿಯೇ ಫಲಿತಾಂಶವನ್ನು ನೀಡಿ ಮಿಶ್ರಣವನ್ನು ಸರಿಹೊಂದಿಸಲು ಮಾರ್ಗದರ್ಶನ ನೀಡುತ್ತದೆ. 

• ಕಾರ್ಯಸಾಮರ್ಥ್ಯವನ್ನು ಅರ್ಥೈಸಿಕೊಳ್ಳುವುದು ಮತ್ತು ನಿಯಂತ್ರಿಸುವುದು ಧೃಢವಾದ, ಬಾಳಿಕೆ ಬರುವ ಹಾಗೂ ನಂಬಲರ್ಹ ಕಾಂಕ್ರೀಟ್ ರಚನೆಗಳನ್ನು ನಿರ್ಮಿಸಲು ಬಹಳ ಅವಶ್ಯಕ. ಇದು ನಿರ್ಮಾಣ ಯೊಜನೆಗಳಲ್ಲಿ ಗಣನೀಯ ಪಾತ್ರ ವಹಿಸುತ್ತದೆ.

ಕಾಂಕ್ರೀಟಿನ ಕಾರ್ಯಕ್ಷಮತೆ ಎಂದರೇನು?

ಕಾಂಕ್ರೀಟಿನ ಕಾರ್ಯಕ್ಷಮತೆ ಎನ್ನುವುದು ಕಟ್ಟಡಗಳನ್ನು ನಿರ್ಮಿಸುವಾಗ ಕಾಂಕ್ರೀಟನ್ನು ಎಷ್ಟು ಸುಲಭವಾಗಿ ನಿಭಾಯಿಸಬಹುದು, ಬಳಸಬಹುದು ಮತ್ತು ಪೂರ್ಣಗೊಳಿಸಬಹುದು ಎಂದು ವಿವರಿಸುವ ಪ್ರಾಯೊಗಿಕ ಶಬ್ದ. ಇನ್ನೊಂದು ಅರ್ಥದಲ್ಲಿ ಹೇಳುವುದಾದರೆ ಇದು ಹೊಸದಾದ ಕಾಂಕ್ರೀಟ್ ಬಳಸಿ ಕೆಲಸ ಮಾಡುವ ಅನುಕೂಲತೆ ಮತ್ತು ಶಕ್ಯತೆಯನ್ನು ಪ್ರತಿಬಿಂಬಿಸುತ್ತದೆ. ಇದು ಕಾಂಕ್ರೀಟನ್ನು ಸರಿಯಾಗಿ ಬಳಸಿ ಅದರ ಸಮಾನತೆಯನ್ನು ಕಾಯ್ದುಕೊಂಡು ಕಟ್ಟಡ ನಿರ್ಮಿಸುವ ಸ್ಥಿರತೆ ಮತ್ತು ಧೃಢತೆಯ ಬಗೆಗಾಗಿದೆ. ಕಾಂಕ್ರೀಟಿನ ಕಾರ್ಯಸಾಮರ್ಥ್ಯವು ಮಿಶ್ರಣದ ನೀರಿನ ಅಂಶದ ಮೇಲೆ ನೇರವಾಗಿ ಅವಲಂಬಿಸಿದೆ ಎನ್ನುವುದನ್ನು ಗಮನಿಸಬಹುದು. ಅಂದರೆ ಕಾರ್ಯಸಾಮರ್ಥ್ಯವು ಹೆಚ್ಚು ನೀರನ್ನು ಹಾಕಿದಂತೆ ಉತ್ತಮಗೊಳ್ಳುತ್ತದೆ ಹಾಗೂ ಸುಲಭವಾಗಿ ಮಿಶ್ರಣ ಮಾಡಲು ಸಹಾಯ ಮಾಡುತ್ತದೆ ಎಂದು. ಆದರೂ ಅತಿಯಾದ ನೀರನ್ನು ಬಳಸುವುದು ಅಂತಿಮ ಕಾಂಕ್ರೀಟನ್ನು ದುರ್ಬಲಗೊಳಿಸುವುದರಿಂದ ಸರಿಯಾದ ಸಮತೋಲನ ಕಾಯ್ದುಕೊಳ್ಳುವುದು ಅವಶ್ಯಕ.

ಹೆಚ್ಚು ಕಾರ್ಯಸಾಮರ್ಥ್ಯದ ಕಾಂಕ್ರೀಟು ನಿರ್ಮಾಣ ಪ್ರಕ್ರಿಯೆಯನ್ನು ಉತ್ತಮಗೊಳಿಸುತ್ತದೆ, ಏಕೆಂದರೆ ಇದು ಕಾಂಕ್ರೀಟಿನ ಬಲವನ್ನು ಕುಗ್ಗಿಸುವಂತಹ ಹನಿಕೂಂಬ್ ಅಥವಾ ರಂಧ್ರಗಳನ್ನು ಕಡಿಮೆಗೊಳಿಸುತ್ತದೆ. ಸರಿಯಾದ ಕಾರ್ಯಸಾಮರ್ಥ್ಯವು ಅಂತಿಮವಾಗಿ ಹೆಚ್ಚು ಬಾಳಿಕೆ ಬರುವ ಮತ್ತು ವಿಶ್ವಾಸಾರ್ಹವಾದ ಕಟ್ಟಡಗಳ ರಚನೆಯನ್ನು ಸಾಧ್ಯವಾಗಿಸುತ್ತದೆ.

ಕಾಂಕ್ರೀಟಿನ ಕಾರ್ಯಸಾಮರ್ಥ್ಯದ ಪರೀಕ್ಷೆ:

 ಯಾವುದೇ ನಿರ್ಮಾಣ ಕಾಮಗಾರಿಗೆ ಬಳಸುವ ಕಾಂಕ್ರೀಟ್ ಸೂಕ್ತ ಕಾರ್ಯಸಾಮರ್ಥ್ಯ ಹೊಂದಿದೆಯೆ ಎಂದು ಪರೀಕ್ಷಿಸಲು ಅನೇಕ ಪರೀಕ್ಷೆಗಳನ್ನು ನಡೆಸಲಾಗುತ್ತದೆ. ಈ ಪರೀಕ್ಷೆಗಳು ಕಾಂಕ್ರೀಟಿನ ಕಾರ್ಯಸಾಮರ್ಥ್ಯದ ಪ್ರಮಾಣವನ್ನು ಅಳೆಯಲು ಸಹಕಾರಿಯಾಗಿವೆ, ಆ ಮೂಲಕ ಯೋಜನೆಯ ಅಗತ್ಯಗಳಿಗೆ ಮಿಶ್ರಣವು ತಕ್ಕುದಾಗಿದೆಯೆ ಇಲ್ಲವೆ ಎಂಬುದನ್ನು ನಿರ್ಧರಿಸಲು ಸಹಕರಿಸುತ್ತವೆ. ಈ ಕೆಳಗಿನವು ಕೆಲ ಸಾಮಾನ್ಯವಾಗಿ ಬಳಸುವ ಪರೀಕ್ಷೆಗಳು:

1) ಸ್ಲಂಪ್ ಪರೀಕ್ಷೆ

 ಕಾಂಕ್ರೀಟಿನ ಕಾರ್ಯಸಾಮರ್ಥ್ಯವನ್ನು ಅಳೆಯಲು ಇದು ವ್ಯಾಪಕವಾಗಿ ಬಳಸುವ ವಿಧಾನವಾಗಿದೆ. ಈ ಪರೀಕ್ಷೆಯಲ್ಲಿ ಒಂದು ಶಂಕುವಿನ ಆಕಾರದ ಅಚ್ಚಿನಲ್ಲಿ ತಾಜಾ ಕಾಂಕ್ರೀಟನ್ನು ತುಂಬಿ, ನಂತರ ಅಚ್ಚನ್ನು ಮೇಲಕ್ಕೆತ್ತಿ ಎಷ್ಟು ಕಾಂಕ್ರೀಟು ಕುಸಿಯುತ್ತದೆ (ಸ್ಲಂಪ್) ಅಥವಾ ಕೆಳಗೆ ಕೂಡುತ್ತದೆ ಎಂಬುದನ್ನು ಅಳೆಯಲಾಗುತ್ತದೆ. ದೊಡ್ಡ ಸ್ಲಂಪ್ ಹೆಚ್ಚಿನ ಕಾರ್ಯಸಾಮರ್ಥ್ಯವನ್ನು ಸೂಚಿಸುತ್ತದೆ.

2) ಫ್ಲೋ ಟೇಬಲ್ ಪರೀಕ್ಷೆ:

ಸಾಮಾನ್ಯವಾಗಿ ಹೆಚ್ಚು ಹರಿಯುವಿಕೆಯನ್ನು ಹೊಂದಿರುವ ಕಾಂಕ್ರೀಟಿಗೆ ಇದನ್ನು ಬಳಸಲಾಗುತ್ತದೆ, ಈ ಪರೀಕ್ಷೆಯು ಒಂದು ಟೇಬಲ್ಲಿನ ಮೇಲೆ ಕಾಂಕ್ರೀಟನ್ನು ಹಾಕಿ ಅದನ್ನು ಎತ್ತಿದಾಗ ಎಷ್ಟು ದೂರದವರೆಗೆ ಹರಡುತ್ತದೆ ಎಂಬುದನ್ನು ಅಳೆಯುತ್ತದೆ. ಇದು ನಿರ್ದಿಷ್ಟವಾಗಿ ಸ್ಲಂಪ್ ಟೆಸ್ಟ್ ಮಾಡಲು ತುಂಬಾ ತೆಳ್ಳಗಿರುವ ಕಾಂಕ್ರೀಟಿಗೆ ಉಪಯುಕ್ತ.

3) ಕಾಂಪ್ಯಾಕ್ಷನ್ ಫ್ಯಾಕ್ಟರ್ ಪರೀಕ್ಷೆ:

 ಈ ಪರೀಕ್ಷೆಯಲ್ಲಿ ಒಂದು ನಿರ್ದಿಷ್ಟ ಪ್ರಮಾಣದ ಕಾಂಕ್ರೀಟನ್ನು ಒಂದು ಸಿಲಿಂಡರ್ ಒಳಗೆ ಇಳಿಸಿ ಅದರ ತೂಕವನ್ನು ಅಳೆಯುವ ಮೂಲಕ ಎಷ್ಟು ಕಾಂಕ್ರೀಟ್ ಅದರೊಳಗೆ ಸಂಕುಚಿತಗೊಂಡಿದೆ ಎಂದು ಅಳೆಯಲಾಗುತ್ತದೆ. ಹೆಚ್ಚು ಸಂಕುಚಿತಗೊಂಡಿದ್ದರೆ (ಕಾಂಪ್ಯಾಕ್ಷನ್) ಉತ್ತಮ ಕಾರ್ಯಸಾಮರ್ಥ್ಯ ಇದೆ ಎಂದರ್ಥ.

4) ವೀ-ಬೀ ಕನ್ಸಿಸ್ಟೋಮೀಟರ್ ಪರೀಕ್ಷೆ

ಈ ಪರೀಕ್ಷೆಯು ಒಂದು ಪ್ರಮಾಣೀಕೃತ ಆಕಾರದಲ್ಲಿ ಕಾಂಕ್ರೀಟ್ ಸಂಕುಚಿತಗೊಳ್ಳಲು ಹಿಡಿಯುವ ಸಮಯವನ್ನು ಅಳೆಯಲಾಗುತ್ತದೆ, ಕಡಿಮೆ ಸಮಯವು ಹೆಚ್ಚು ಕಾರ್ಯಸಾಮರ್ಥ್ಯವನ್ನು ಸೂಚಿಸುತ್ತದೆ.

ಈ ಎಲ್ಲಾ ಪರೀಕ್ಷೆಗಳೂ ಕಾಂಕ್ರೀಟ್ ಮಿಶ್ರಣವು ವಾಸ್ತವದಲ್ಲಿ ಯಾವ ರೀತಿ ಕೆಲಸ ಮಾಡುತ್ತದೆ ಎಂಬುದರ ಬಗ್ಗೆ ಉಪಯುಕ್ತ ಮಾಹಿತಿಯನ್ನು ನೀಡುತ್ತವೆ, ಆ ಮೂಲಕ ಯೋಜನೆಗೆ ಬೇಕಾದ ಕಾರ್ಯಸಾಮರ್ಥ್ಯದ ಮಟ್ಟಕ್ಕೆ ಅನುಗುಣವಾಗಿ ನಿರ್ಮಾಣಕಾರನು ಸೂಕ್ತ ವಿಧಾನವನ್ನು ಆಯ್ದುಕೊಳ್ಳಲು ನೆರವಾಗುತ್ತವೆ.

ಕಾಂಕ್ರೀಟಿನ ಕಾರ್ಯಸಾಮರ್ಥ್ಯದ ವಿಧಗಳು

ಯಾವುದೇ ನಿರ್ಮಾಣ ಕಾಮಗಾರಿಗೆ ಬಳಸುವ ಕಾಂಕ್ರೀಟ್ ಸೂಕ್ತ ಕಾರ್ಯಸಾಮರ್ಥ್ಯ ಹೊಂದಿದೆಯೆ ಎಂದು ಪರೀಕ್ಷಿಸಲು ಅನೇಕ ಪರೀಕ್ಷೆಗಳನ್ನು ನಡೆಸಲಾಗುತ್ತದೆ. ಈ ನಿರ್ದಿಷ್ಟ ಪರೀಕ್ಷೆಗಳ ಮೂಲಕ ಕಾಂಕ್ರೀಟಿನ ಕಾರ್ಯಸಾಮರ್ಥ್ಯವನ್ನು ಅಳೆಯಬಹುದು, ಆ ಮೂಲಕ ಒಂದು ಮಿಶ್ರಣವು ಯೋಜನೆಯ ಅಗತ್ಯಗಳಿಗೆ ತಕ್ಕುದಾಗಿದೆಯೆ ಇಲ್ಲವೆ ಎಂಬುದನ್ನು ನಿರ್ಧರಿಸಬಹುದು. ಈ ಕೆಳಗಿನವು ಕೆಲ ಸಾಮಾನ್ಯವಾಗಿ ಬಳಸುವ ಪರೀಕ್ಷೆಗಳು:

1) ಕಾರ್ಯಸಾಧುವಲ್ಲದ ಕಾಂಕ್ರೀಟ್

ಕಾರ್ಯಸಾಧುವಲ್ಲದ ಕಾಂಕ್ರೀಟ್ ಅಥವಾ ಒರಟು ಕಾಂಕ್ರೀಟ್ ಅತ್ಯಂತ ಕಡಿಮೆ ಮಟ್ಟದ ಕಾರ್ಯಸಾಧ್ಯತೆಯನ್ನು ಹೊಂದಿರುತ್ತದೆ. ಇದಕ್ಕೆ ಕಾರಣ ಕಡಿಮೆ ನೀರು-ಸಿಮೆಂಟ್ ಅನುಪಾತ ಅಥವಾ ಕಾಂಕ್ರೀಟಿನ ಘಟಕಗಳ ಸೂಕ್ತವಲ್ಲದ ಮಿಶ್ರಣ. ಈ ಮಿಶ್ರಣವು ಗಟ್ಟಿಯಾಗಿದ್ದು ಬಳಸಲು ಕಷ್ಟವಾಗಿರುತ್ತದೆ. ಕಾರ್ಯಸಾಧುವಲ್ಲದ ಕಾಂಕ್ರೀಟ್ ಬಳಸಲು ಕಠಿಣವಾಗಿದ್ದರೂ ಇದನ್ನು ಸಾಮಾನ್ಯವಾಗಿ ದೊಡ್ಡ ಮತ್ತು ದಪ್ಪ ವಿಭಾಗಗಳಾಗಿ ಅಣೆಕಟ್ಟುಗಳು ಮತ್ತು ಸಪೋರ್ಟಿಂಗ್ ಪಿಲ್ಲರುಗಳಂತಹ ರಚನೆಗಳಲ್ಲಿ ಬಳಸಬಹುದು.

2) ಮಧ್ಯಮ ಕಾರ್ಯಸಾಮರ್ಥ್ಯದ ಕಾಂಕ್ರೀಟ್

ಮಧ್ಯಮ ಕಾರ್ಯಸಾಮರ್ಥ್ಯದ ಕಾಂಕ್ರೀಟ್ ಅತೀ ಗಟ್ಟಿಯೂ ಅಲ್ಲದ ಅತಿ ತೆಳುವೂ ಅಲ್ಲದ ಸಮತೋಲಿತ ಕಾಂಕ್ರೀಟ್ ಆಗಿರುತ್ತದೆ. ಈ ಬಗೆಯ ಮಿಶ್ರಣವನ್ನು ಬಳಸುವುದು ಮತ್ತು ನಿಭಾಯಿಸುವುದು ಸುಲಭವಾಗಿರುವುದರಿಂದ ಇದನ್ನು ತೊಲೆಗಳು, ಸ್ಲಾಬ್ಗಳು, ಗೋಡೆಗಳು, ಕಂಬಗಳು ಮತ್ತು ಅಡಿಪಾಯಗಳಲ್ಲಿ ಹೆಚ್ಚಾಗಿ ಬಳಸುತ್ತಾರೆ. ಈ ಕಾಂಕ್ರೀಟ್ ಸಾಕಷ್ಟು ಕಾರ್ಯಸಾಮರ್ಥ್ಯವನ್ನು ಹೊಂದಿದ್ದು, ಸಾಧಾರಣ ಶ್ರಮದಿಂದ ಕಾಂಪ್ಯಾಕ್ಟ್ ಮಾಡಬಹುದಾಗಿದೆ. ಹಾಗಾಗಿ ಕಡಿಮೆ ರಂಧ್ರಗಳನ್ನು ಹೊಂದಿರುವ ಹೆಚ್ಚು ಬಾಳಿಕೆ ಬರುವ ಕಟ್ಟಡಗಳನ್ನು ಕಟ್ಟಲು ಸಾಧ್ಯವಾಗುತ್ತದೆ.

3) ಹೆಚ್ಚು ಕಾರ್ಯಸಾಮರ್ಥ್ಯದ ಕಾಂಕ್ರೀಟ್

ಹೆಚ್ಚು ಕಾರ್ಯಸಾಮರ್ಥ್ಯದ ಕಾಂಕ್ರೀಟ್ ಹೆಚ್ಚು ತೆಳುವಾಗಿದ್ದು ಬಳಸಲು ಸುಲಭವಾಗಿರುತ್ತದೆ. ಇದನ್ನು ಸುಲಭವಾಗಿ ಹಾಕಬಹುದು ಮತ್ತು ಸಾಮಾನ್ಯವಾಗಿ ಅದರದ್ದೇ ಭಾರದಿಂದ ಕಾಂಪ್ಯಾಕ್ಟ್ ಆಗುತ್ತದೆ. ಈ ಬಗೆಯ ಕಾಂಕ್ರೀಟ್ ಭಾರೀ ಬಲವಾದ ಅಥವಾ ಸಂಕೀರ್ಣ ಫಾರ್ಮ್ ವರ್ಕ್ ಹೊಂದಿರುವ ಕಟ್ಟಡಗಳಲ್ಲಿ ಬಳಕೆಯಾಗುತ್ತದೆ. ಇದು ಬಳಕೆಗೆ ಸುಲಭವಾಗಿದ್ದರೂ ಇದರ ಸೆಗ್ರಿಗೇಷನ್ – ಮಿಶ್ರಣದಿಂದ ಒರಟು ಕಣಗಳ ಪ್ರತ್ಯೇಕತೆ ಮತ್ತು ಬಲದ ಸಂಭಾವ್ಯ ನಷ್ಟದ ತಡೆಗೆ ಜಾಗರೂಕತೆಯ ನಿಯಂತ್ರಣ ಅಗತ್ಯ. ಹರಿಯುವ ಕಾಂಕ್ರೀಟ್, ಸ್ವಯಂ ಕ್ರೋಢೀಕರಿಸುವ ಕಾಂಕ್ರೀಟ್ ಮತ್ತು ಶಾಟ್ಕ್ರೀಟ್ ಇವು ಗರಿಷ್ಠ ಕಾರ್ಯಸಾಮರ್ಥ್ಯವುಳ್ಳ ಕಾಂಕ್ರೀಟಿಗೆ ಉದಾಹರಣೆಗಳಾಗಿವೆ.

ಕಾಂಕ್ರೀಟಿನ ಕಾರ್ಯಸಾಮರ್ಥ್ಯದ ಮೇಲೆ ಪರಿಣಾಮ ಬೀರುವ ಅಂಶಗಳು.

ಕಾಂಕ್ರೀಟಿನ ಕಾರ್ಯಸಾಮರ್ಥ್ಯ ಎನ್ನುವುದು ಅದನ್ನು ಎಷ್ಟು ಸುಲಭವಾಗಿ ಇಡಬಹುದು ಮತ್ತು ಅಚ್ಚಿನಲ್ಲಿ ತುಂಬಬಹುದಾದ ಅದರ ಸಾಮರ್ಥ್ಯವನ್ನು ಹೇಳುತ್ತದೆ.  ಈ ನಿರ್ಣಾಯಕ ಗುಣದ ಮೇಲೆ ಬೇರೆ ಬೇರೆ ಅಂಶಗಳು ಪ್ರಭಾವ ಬೀರುತ್ತವೆ. ಅವುಗಳೆಂದರೆ:

1) ನೀರು ಹಾಗೂ ಸಿಮೆಂಟಿನ ಅನುಪಾತ

ನೀರು ಹಾಗೂ ಸಿಮೆಂಟಿನ ಅನುಪಾತ, ಕಾಂಕ್ರೀಟಿನ ಕಾರ್ಯಸಾಮರ್ಥ್ಯ ಮತ್ತು ಶಕ್ತಿಯನ್ನು ನಿರ್ಧರಿಸುವ ಅತಿ ಮುಖ್ಯ ಅಂಶ. ಈ ಅನುಪಾತ ನೀರಿನ ಪರಿಮಾಣವನ್ನು ಕಾಂಕ್ರೀಟಿನಲ್ಲಿರುವ ಸಿಮೆಂಟಿನ ಪರಿಮಾಣದಿಂದ ಭಾಗಿಸಿದಾಗ ಬರುವುದು. ಈ ಅನುಪಾತ ತುಂಬಾ ಹೆಚ್ಚಾಗಿದ್ದರೆ ನಾವು ಹೆಚ್ಚಿನ ಕಾರ್ಯಸಾಮರ್ಥ್ಯ ಆದರೆ ಕಡಿಮೆ ಬಲಿಷ್ಠತೆ ಮತ್ತು ಬಾಳಿಕೆಯನ್ನು ಪಡೆಯುತ್ತೇವೆ. ಕಡಿಮೆ ಅನುಪಾತ ಗರಿಷ್ಠ ಬಲಿಷ್ಠತೆ ಆದರೆ ಕಡಿಮೆ ಕಾರ್ಯಸಾಮರ್ಥ್ಯವನ್ನು ಕೊಡುವುದು.

2) ಅಗ್ರಿಗೇಟ್ ಗಳ ಗಾತ್ರ ಮತ್ತು ಆಕಾರ.

ಅಗ್ರಿಗೇಟ್ ಗಳ ಗಾತ್ರ, ಆಕಾರ ಮತ್ತು ಅವುಗಳ ಮೇಲ್ಮೈ ವಿನ್ಯಾಸ ಕೂಡಾ ಕಾಂಕ್ರೀಟಿನ ಕಾರ್ಯಸಾಮರ್ಥ್ಯದ ಮೇಲೆ ಪರಿಣಾಮ ಬೀರುತ್ತದೆ. ಸಾಮಾನ್ಯವಾಗಿ ದೊಡ್ಡ ಅಗ್ರಿಗೇಟ್‍ಗಳು ದೊಡ್ಡ ಖಾಲಿ ಜಾಗಗಳನ್ನು ಸೃಷ್ಟಿಸುವುದರಿಂದ ಕಾರ್ಯಸಾಮರ್ಥ್ಯವನ್ನು ಕುಗ್ಗಿಸುತ್ತವೆ ಮತ್ತು ಗುಂಡನೆಯ ನಯವಾದ ಅಗ್ರಿಗೇಟ್‍ಗಳು ಕಾರ್ಯಸಾಮರ್ಥ್ಯವನ್ನು ಹೆಚ್ಚಿಸುತ್ತವೆ.

3) ಅಡ್ಮಿಕ್ಸರ್ಗಳ ಬಳಕೆ

ಕಾಂಕ್ರೀಟಿಗೆ ಅಡ್ಮಿಕ್ಸರುಗಳನ್ನುಸೇರಿಸುವುದರಿಂದ ಅದರ ಕಾರ್ಯಸಾಮರ್ಥ್ಯವು ಸಾಕಷ್ಟು ಮಾರ್ಪಾಡಾಗುತ್ತದೆ. ರಾಸಾಯನಿಕ ಅಡ್ಮಿಕ್ಸರುಗಳಾದ ಜಲ ರೆಡ್ಯೂಸರ್ ಮತ್ತು ಪ್ಲಾಸ್ಟಿಸೈಸರ್ಗಳು ಕಾಂಕ್ರೀಟಿನ ಬಲವನ್ನು ಕಡಿಮೆಗೊಳಿಸದೆ ನೀರು-ಸಿಮೆಂಟ್ ಅನುಪಾತವನ್ನು ಕಡಿಮೆ ಮಾಡಿ ಕಾರ್ಯಸಾಮರ್ಥ್ಯವನ್ನು ಉತ್ತಮಗೊಳಿಸುತ್ತವೆ.

4) ಕಾಂಕ್ರೀಟನ್ನು ಮಿಶ್ರಣ ಮಾಡುವ ವಿಧಾನ:

ಕಾಂಕ್ರೀಟನ್ನು ಮಿಶ್ರಣ ಮಾಡುವ ವೇಗ ಮತ್ತು ಮಿಶ್ರಣದ ವಿಧ ಸೇರಿದಂತೆ ಮಿಶ್ರಗೊಳಿಸುವ ವಿಧಾನ ಮತ್ತು ಸಮಯವು ಕಾಂಕ್ರೀಟಿನ ಕಾರ್ಯಸಾಮರ್ಥ್ಯವನ್ನು ಪ್ರಭಾವಿಸುತ್ತದೆ. ಅತಿಯಾದ ಮಿಶ್ರಣವು ಅಗ್ರಿಗೇಟುಗಳ ಪ್ರತ್ಯೇಕತೆಗೆ ಕಾರಣವಾದರೆ ಕಡಿಮೆ ಪ್ರಮಾಣದ ಮಿಶ್ರಣವು ಒಗ್ಗೂಡದ ಮಿಶ್ರಣಕ್ಕೆ ಕಾರಣವಾಗುತ್ತದೆ.

5) ಕಾಂಕ್ರೀಟ್ ವಿಭಾಗದ ದಪ್ಪ

ಸುರಿಯಲ್ಪಟ್ಟ ಕಾಂಕ್ರೀಟ್ ಪದರದ ದಪ್ಪವು ಕಾರ್ಯಸಾಮರ್ಥ್ಯವನ್ನು ಪ್ರಭಾವಿಸುತ್ತದೆ. ವಿಶೇಷವಾಗಿ, ತೆಳುವಾದ ವಿಭಾಗಗಳಲ್ಲಿ ಮಿಶ್ರಣವು ಫಾರ್ಮ್ ಅಥವಾ ಅಚ್ಚಿನ ಒಳಗೆ ಖಾಲಿ ಜಾಗವನ್ನು ಉಳಿಸದೆ ಪೂರ್ತಿಯಾಗಿ ತುಂಬಿಕೊಳ್ಳಲು ಹೆಚ್ಚು ಕಾರ್ಯಸಾಮರ್ಥ್ಯದ ಕಾಂಕ್ರೀಟ್ ಬೇಕಾಗುತ್ತದೆ.

ಕಾಂಕ್ರೀಟಿನ ಸ್ಲಂಪ್ ಪರೀಕ್ಷೆ

 ಕಾಂಕ್ರೀಟಿನ ಸ್ಲಂಪ್ ಪರೀಕ್ಷೆಯು ಒಂದು ಸರಳ ಮತ್ತು ಎಲ್ಲೆಡೆ ಬಳಸುವ ಪರೀಕ್ಷೆಯಾಗಿದ್ದು ಇದು ಕಾಂಕ್ರೀಟ್ ಮಿಶ್ರಣದ ಕಾರ್ಯಸಾಮರ್ಥ್ಯ ಅಥವಾ ಹರಿಯುವ ಸಾಮರ್ಥ್ಯದ ಅಳತೆಗೋಲಾಗಿದೆ. ಇದು ತಕ್ಷಣ ಸ್ಥಳದಲ್ಲೆ ಫಲಿತಾಂಶ ಕೊಡುವುದರಿಂದ ಮತ್ತು ಕಡಿಮೆ ಉಪಕರಣಗಳನ್ನು ಬೇಡುವುದರಿಂದ ಹೆಚ್ಚು ಜನಪ್ರಿಯವಾಗಿದ್ದು, ಫಾರ್ಮಿನಲ್ಲಿ ಇಡುವುದಕ್ಕಿಂತ ಮೊದಲು ಮಿಶ್ರಣದ ಗುಣಗಳನ್ನು ಹೊಂದಿಸಲು ಸಹಕಾರಿಯಾಗಿದೆ.

1) ವಿಧಾನ

 ಈ ಪರೀಕ್ಷೆಯಲ್ಲಿ ಸ್ಲಂಪ್ ಕೋನ್ ಎಂಬ ಶಂಕುವಿನ ಆಕಾರದ ಅಚ್ಚಿನಲ್ಲಿ ಕಾಂಕ್ರೀಟಿನ ತಾಜಾ ಮಿಶ್ರಣವನ್ನು ಮೂರು ಪದರಗಳಲ್ಲಿ ತುಂಬಿ ಪ್ರತೀ ಪದರವನ್ನು ಒಂದು ಪ್ರಮಾಣೀಕೃತ ಸರಳಿನಿಂದ 25 ಹೊಡೆತಗಳ ಮೂಲಕ ಸಂಕುಚಿತಗೊಳಿಸಲಾಗುತ್ತದೆ. ತುಂಬಿದ ನಂತರ ಶಂಕುವನ್ನು ಜಾಗರೂಕತೆಯಿಂದ ಲಂಬವಾಗಿ ಮೇಲೆತ್ತಿ ಕಾಂಕ್ರೀಟನ್ನು ಕುಸಿಯಲು ಅನುವು ಮಾಡಿಕೊಡಲಾಗುತ್ತದೆ. ಶಂಕುವಿನಲ್ಲಿ ಕಾಂಕ್ರೀಟಿನ ಎತ್ತರ ಮೊದಲಿನ ಎತ್ತರಕ್ಕಿಂತ ಎಷ್ಟು ಕಡಿಮೆಯಾಗಿದೆ (ಸ್ಲಂಪ್) ಎಂಬುದನ್ನು ನಂತರ ಅಳೆಯಲಾಗುತ್ತದೆ.

2)ಫಲಿತಾಂಶದ ಅರ್ಥೈಸುವಿಕೆ

a) ಶೂನ್ಯ ಕುಸಿತ

ಇದು ಅತೀ ಕಡಿಮೆ ಕಾರ್ಯಸಾಮರ್ಥ್ಯವನ್ನು ಸೂಚಿಸುತ್ತದೆ, ವಿಶೇಷವಾಗಿ ಕಾಂಕ್ರೀಟ್ ಸೂಕ್ತ ಆಕಾರವನ್ನು ಹೊಂದಬೇಕಾದ ರಸ್ತೆ ನಿರ್ಮಾಣದಂತ ಕಾರ್ಯಗಳಲ್ಲಿಬಳಕೆಯಗುತ್ತದೆ.

b) ಕಡಿಮೆ ಕುಸಿತ (1 ರಿಂದ 30)

ಹೆಚ್ಚು ಗಟ್ಟಿಯಾದ ಮಿಶ್ರಣವನ್ನು ಸೂಚಿಸುತ್ತದೆ, ಕಡಿಮೆ ಕಾರ್ಯಸಾಮರ್ಥ್ಯದ ಕಾಂಕ್ರೀಟನ್ನು ಬಯಸುವ ಕಟ್ಟಡಗಳ ತಳಪಾಯದಲ್ಲಿ ಬಳಕೆಯಾಗುತ್ತದೆ.

c) ಮಧ್ಯಮ ಕುಸಿತ (31 ರಿಂದ 90)

ಸಾಮಾನ್ಯವಾಗಿ ನಿರ್ಮಾಣ ಕಾರ್ಯಗಳಿಗೆ ಬೇಕಾದ ಉತ್ತಮ ಕಾರ್ಯಸಾಮರ್ಥ್ಯವನ್ನು ಸೂಚಿಸುತ್ತದೆ. ಬಲದೊಂದಿಗೆ ರಾಜಿಯಾಗದೆ ಸುಲಭವಾಗಿ ಕಾಂಕ್ರೀಟನ್ನು ನಿಯೋಜಿಸುವುದು ಇದರಲ್ಲಿ ಸಾಧ್ಯ.

d) ಭಾರೀ ಕುಸಿತ (90ಮಿಮೀ ಗಿಂತ ಹೆಚ್ಚು)

ಅತೀ ಕಾರ್ಯಸಾಮರ್ಥ್ಯದ ಅಥವಾ ಹರಿಯುವ ಮಿಶ್ರಣವನ್ನು ಬಿಂಬಿಸುತ್ತದೆ. ಇದು ಹೆಚ್ಚಾಗಿ ಬಾಳಿಕೆಯ ಅಥವಾ ಒಗ್ಗೂಡುವಿಕೆಯ ಸಮಸ್ಯೆಗಳನ್ನು ತಡೆಯಲು ಹೊಂದಿಕೆಯ ಅವಶ್ಯಕತೆ ಇದ್ದಾಗ ಬಳಕೆಯಾಗುತ್ತದೆ.

ಉಪಯೋಗಗಳು ಮತ್ತು ಪರಿಮಿತಿಗಳು

 ಕಾಂಕ್ರೀಟಿನ ಸ್ಲಂಪ್ ಪರೀಕ್ಷೆಯು ನಿರ್ಮಾಣದ ಸಮಯದಲ್ಲಿ ಉಪಯುಕ್ತವಾಗಿದೆ, ಏಕೆಂದರೆ ಇದು ಕಟ್ಟಡದ ಬಲ ಮತ್ತು ಬಾಳಿಕೆಗೆ ಅವಶ್ಯವಾದ ಕಾಂಕ್ರೀಟ್ ಮಿಶ್ರಣದ ಸ್ಥಿರ ಕಾರ್ಯಸಾಮರ್ಥ್ಯವನ್ನು ಖಾತ್ರಿಗೊಳಿಸುತ್ತದೆ. ಆದರೆ ಇದರ ಖಚಿತತೆಯು ಅತೀ ಒಣ ಮತ್ತು ಅತೀ ತೇವದ ಕಾಂಕ್ರೀಟ್ ಮಿಶ್ರಣಗಳಲ್ಲಿ ಕಡಿಮೆಯಾಗುತ್ತದೆ. ಅಂತಹ ಸಂದರ್ಭಗಳಲ್ಲಿ ಕಾರ್ಯಸಾಮರ್ಥ್ಯವನ್ನು ಅಳೆಯುವ ಬೇರೆ ಪರೀಕ್ಷೆಗಳು ಯೋಜನೆಯ ಅಗತ್ಯಗಳಿಗೆ ತಕ್ಕ ಕಾಂಕ್ರೀಟಿನ ಸೂಕ್ತತೆಯನ್ನು ತಿಳಿಯಲು ಹೆಚ್ಚು ಸಹಕಾರಿಯಾಗುತ್ತವೆ.