Share:
കോൺക്രീറ്റിന്റെ പ്രവർത്തനക്ഷമത എന്നത് കെട്ടിടങ്ങൾ നിർമ്മിക്കുമ്പോൾ കോൺക്രീറ്റ് കൈകാര്യം ചെയ്യാനും ഉപയോഗിക്കാനും ഫിനീഷ് ചെയ്യാനും എത്ര എളുപ്പമാണെന്ന് വിവരിക്കുന്ന ഒരു പ്രായോഗിക പദമാണ്. മറ്റൊരു വിധത്തിൽ പറഞ്ഞാൽ, നിർമ്മാണ സമയത്ത് പുതിയ കോൺക്രീറ്റ് ഉപയോഗിച്ച് പണിയാനുള്ള സൗകര്യവും സാധ്യതയും ഇത് വെളിപ്പെടുത്തുന്നു. കോൺക്രീറ്റിനെ അതിന്റെ ഐകരൂപ്യം നിലനിർത്തിക്കൊണ്ട്, ശരിയായി കൈകാര്യം ചെയ്യാനും ചട്ടക്കൂടുകളായി രൂപപ്പെടുത്താനും സഹായിക്കുന്ന ശരിയായ സ്ഥിരതയെയും ദൃഢതയെയും കുറിച്ചാണ് ഇത്. കോൺക്രീറ്റിന്റെ പ്രവർത്തനക്ഷമത, മിക്സ് ചെയ്യുമ്പോൾ ഉപയോഗിക്കുന്ന വെള്ളത്തിന്റെ അളവിന് ആനുപാതികമാണ് എന്നത് ശ്രദ്ധിക്കുക. ഇതിനർത്ഥം മിശ്രിതത്തിലേക്ക് കൂടുതൽ വെള്ളം ചേർക്കുമ്പോൾ അതിന്റെ പ്രവർത്തനക്ഷമത വർദ്ധിക്കുന്നു, ഇത് മിക്സ് ചെയ്യാനും നിങ്ങൾക്ക് എളുപ്പമായിരിക്കും. എന്നിരുന്നാലും, വെള്ളം കൂടിയാലും അത് കോൺക്രീറ്റിനെ ദുർബലപ്പെടുത്തും, അതിനാൽ ശരിയായ സന്തുലനം പ്രധാനമാണ്.
ഉയർന്ന പ്രവർത്തനക്ഷമതയുള്ള കോൺക്രീറ്റ് കാര്യക്ഷമമായ നിർമ്മാണ പ്രക്രിയകൾ ഉറപ്പാക്കുന്നു, കാരണം ഇത് ശരിക്കും കൂടിച്ചേരും, ഇത് ഹണികോമ്പിംഗിന്റെ അല്ലെങ്കിൽ വായുഅറകളുടെ സാധ്യത കുറയ്ക്കുന്നു, അല്ലാത്തപക്ഷം കോൺക്രീറ്റ് ചട്ടക്കൂടിന്റെ കെട്ടുറപ്പ് കുറയും. ശരിയായ പ്രവർത്തനക്ഷമത ആത്യന്തികമായി ഈടുനിൽക്കുന്നതും സുസ്ഥിരവുമായ കെട്ടിടങ്ങൾ നിർമ്മിക്കാൻ സഹായിക്കുന്നു.
ഒരു നിർമ്മാണ പദ്ധതിക്ക് ഉപയോഗിക്കുന്ന കോൺക്രീറ്റിന് ശരിയായ പ്രവർത്തനക്ഷമത ഉണ്ടെന്ന് ഉറപ്പാക്കാൻ, നിരവധി പരിശോധനകൾ ഉപയോഗിക്കുന്നു. ഈ പരിശോധനകൾ കോൺക്രീറ്റിന്റെ പ്രവർത്തനക്ഷമതയുടെ അളവുകോൽ നൽകുന്നു, ഇത് ഒരു പദ്ധതിയുടെ നിർദ്ദിഷ്ട ആവശ്യകതകൾക്ക് ഒരു പ്രത്യേക മിശ്രിതം അനുയോജ്യമാണോ എന്ന് നിർണ്ണയിക്കാൻ സഹായിക്കുന്നു. ഏറ്റവും സാധാരണയായി ഉപയോഗിക്കുന്ന ചില പരിശോധനകൾ ഇവയാണ്:
കോൺക്രീറ്റിന്റെ പ്രവർത്തനക്ഷമത അളക്കുന്നതിന് ഏറ്റവും വ്യാപകമായി ഉപയോഗിക്കുന്ന രീതിയാണിത്. സ്തൂപികാകൃതിയിലുള്ള ഒരു അച്ചിൽ പുതിയ കോൺക്രീറ്റ് നിറയ്ക്കുക, തുടർന്ന് അച്ച് ഉയർത്തുക, എന്നിട്ട് കോൺക്രീറ്റ് എത്രത്തോളം "താഴുന്നു" അല്ലെങ്കിൽ ഉറയ്ക്കുന്നു എന്ന് അളക്കുന്നതാണ് ഇതിൽ ഉൾപ്പെടുന്നത്. കൂടുതൽ താഴ്ന്നാൽ അത് ഉയർന്ന പ്രവർത്തനക്ഷമതയെ സൂചിപ്പിക്കുന്നു.
ഉയർന്ന ഒഴുക്കുള്ള കോൺക്രീറ്റിനാണ് കൂടുതലും ഇത് ഉപയോഗിക്കുന്നത്, ഉയർത്തുമ്പോൾ ഒരു മേശയിൽ കോൺക്രീറ്റ് എത്രത്തോളം പടരുന്നു എന്ന് ഈ പരിശോധനയിലൂടെ കണക്കാക്കുന്നു. സ്ലംപ് ടെസ്റ്റിനുള്ള നല്ല ദ്രാവകരൂപത്തിലുള്ള കോൺക്രീറ്റിന് ഇത് പ്രത്യേകിച്ചും ഉപയോഗപ്രദമാണ്.
കോൺക്രീറ്റ് പ്രവർത്തനക്ഷമതയ്ക്കുള്ള ഈ പരിശോധനയിൽ, കോൺക്രീറ്റ് കൃത്യമായ അളവിൽ ഒരു സിലിണ്ടറിലേക്ക് ഇടുന്നതും അതിൽ പരമാവധി ഉൾക്കൊള്ളിക്കാൻ കഴിയുന്ന കോൺക്രീറ്റിന്റെ ഭാരം കണക്കാക്കുന്നതും ഉൾപ്പെടുന്നു. എത്രത്തോളം ഒതുങ്ങുന്നു എന്നത് മികച്ച പ്രവർത്തനക്ഷമതയെ സൂചിപ്പിക്കുന്നു.
ഈ പരിശോധന കോൺക്രീറ്റ് ഒരു സ്റ്റാൻഡേർഡ് രൂപത്തിലേക്ക് ഒതുങ്ങാൻ എടുക്കുന്ന സമയം കണക്കാക്കുന്നു, അതിനെടുക്കുന്ന കുറഞ്ഞ സമയം ഉയർന്ന പ്രവർത്തനക്ഷമതയെ സൂചിപ്പിക്കുന്നു.
ഈ പരിശോധനകൾ ഓരോന്നും, യഥാർത്ഥത്തിൽ ഒരു കോൺക്രീറ്റ് മിശ്രിതം എങ്ങനെ പ്രവർത്തിക്കുമെന്നതിനെക്കുറിച്ചുള്ള വിലപ്പെട്ട വിവരങ്ങൾ നൽകുന്നു, ഒരു പദ്ധതിക്ക് ആവശ്യമായ പ്രവർത്തനക്ഷമതാ ലെവലിനെ അടിസ്ഥാനമാക്കി ഓരോ സാഹചര്യത്തിനും ഏറ്റവും അനുയോജ്യം ഏതാണെന്നും അത് എങ്ങനെ ഉപയോഗിക്കണമെന്നും മനസ്സിലാക്കാൻ നിർമ്മാതാക്കളെ സഹായിക്കുന്നു.
ഒരു നിർമ്മാണ പദ്ധതിക്ക് ഉപയോഗിക്കുന്ന കോൺക്രീറ്റിന് ശരിയായ പ്രവർത്തനക്ഷമത ഉണ്ടെന്ന് ഉറപ്പാക്കാൻ, നിരവധി പരിശോധനകൾ ഉപയോഗിക്കുന്നു. കോൺക്രീറ്റിന്റെ പ്രവർത്തനക്ഷമത ഈ നിർദ്ദിഷ്ട പരിശോധനകളിലൂടെ കണക്കാക്കുന്നു, ഇത് കോൺക്രീറ്റിന്റെ പ്രവർത്തനക്ഷമതയുടെ അളവ് കണക്കാക്കാവുന്ന മാനദണ്ഡം നൽകുകയും ഒരു പ്രത്യേക മിശ്രിതം ഒരു പദ്ധതിയുടെ നിർദ്ദിഷ്ട ആവശ്യകതകൾക്ക് അനുയോജ്യമാണോ എന്ന് നിർണ്ണയിക്കാൻ സഹായിക്കുകയും ചെയ്യുന്നു. ഏറ്റവും സാധാരണയായി ഉപയോഗിക്കുന്ന ചില പരിശോധനകൾ ഇവയാണ്:
പരുക്കൻ കോൺക്രീറ്റ് എന്നും അറിയപ്പെടുന്ന പ്രവർത്തനക്ഷമമല്ലാത്ത കോൺക്രീറ്റിന് വളരെ കുറഞ്ഞ അളവിലേ പ്രവർത്തനക്ഷമതയുള്ളൂ. ഇത് ഒന്നുകിൽ വെള്ളവും സിമെന്റും തമ്മിലുള്ള അനുപാതത്തിന്റെ കുറവ് അല്ലെങ്കിൽ മിശ്രിതത്തിൽ അനുയോജ്യമായ ഘടകങ്ങളുടെ കുറവ് മൂലമാകാം. മിശ്രിതം കടുപ്പവും കൈകാര്യം ചെയ്യാൻ ബുദ്ധിമുട്ടുള്ളതുമാണ്. പ്രവർത്തനക്ഷമമല്ലാത്ത കോൺക്രീറ്റ് ഉപയോഗിച്ച് പണി ചെയ്യാനും വാർപ്പുതട്ടിൽ വിന്യസിക്കാനും ബുദ്ധിമുട്ടാണെങ്കിലും, അണക്കെട്ടുകളോ താങ്ങിനിർത്തുന്ന തൂണുകളോ പോലുള്ള ഒതുക്കി ഉറപ്പിക്കാൻ എളുപ്പമായേക്കാവുന്ന വലുതും ഇടതിങ്ങിയതുമായ ഭാഗങ്ങളിൽ ഇത് പലപ്പോഴും ഉപയോഗിക്കുന്നു.
ഇടത്തരം പ്രവർത്തനക്ഷമതയുള്ള കോൺക്രീറ്റ് വളരെ കട്ടിയുള്ളതിനും വളരെ ദ്രാവകരൂപത്തിലുള്ളതിനും ഇടയ്ക്കുള്ള ഒന്നാണ്. അത്തരമൊരു മിശ്രിതം കൈകാര്യം ചെയ്യാനും യഥാസ്ഥാനത്ത് ഇടാനും മിനുക്കുപണി ചെയ്യാനും താരതമ്യേന എളുപ്പമായിരിക്കും, ഇത് ബീമുകൾ, സ്ലാബുകൾ, ചുവരുകൾ, തൂണുകൾ, അടിത്തറകൾ എന്നിവയുൾപ്പെടെ മിക്ക നിർമ്മാണങ്ങൾക്കുമുള്ള ഇഷ്ടപ്പെട്ട ഒരു തിരഞ്ഞെടുപ്പാണ്. മിതമായ പ്രയത്നം കൊണ്ട് ഒതുക്കാനുള്ള മതിയായ പ്രവർത്തനക്ഷമത കോൺക്രീറ്റിനുണ്ട്, ഇത് അധികം വായു അറകളില്ലാത്ത മോടിയുള്ള സ്ട്രക്ചറുകൾ നിർമ്മിക്കാൻ സഹായിക്കുന്നു.
ഉയർന്ന പ്രവർത്തനക്ഷമതയുള്ള കോൺക്രീറ്റ് അങ്ങേയറ്റം ദ്രാവകരൂപത്തിലുള്ളതും പണി ചെയ്യാൻ എളുപ്പമുള്ളതുമാണ്. ഇത് എളുപ്പത്തിൽ യഥാസ്ഥാനത്ത് ഇടാനും ഒതുക്കാനും കഴിയും, പലപ്പോഴും അതിന്റെതന്നെ സ്വന്തം ഭാരംകൊണ്ട്. ഇത്തരത്തിലുള്ള കോൺക്രീറ്റ് വളരെയധികം പിൻബലം വേണ്ട കെട്ടിടങ്ങളിലോ സങ്കീർണ്ണമായ വാർപ്പുതട്ട് ഉള്ളിടങ്ങളിലോ ഉപയോഗിക്കുന്നു. ഇതുപയോഗിച്ച് പണി ചെയ്യാൻ എളുപ്പമാണെങ്കിലും, വേറിട്ടുപോകൽ—മിശ്രിതത്തിൽ നിന്ന് പരുക്കൻ കണങ്ങൾ വേറിട്ടുപോകൽ—ഒഴിവാക്കാനും ബലം നഷ്ടപ്പെടാതിരിക്കാനും ശ്രദ്ധാപൂർവ്വമായ നിയന്ത്രണം വേണം. ഒഴുകുന്ന കോൺക്രീറ്റ്, സ്വയം യോജിച്ച് ശക്തിപ്പെടുന്ന കോൺക്രീറ്റ്, ഷോട്ട്ക്രീറ്റ് എന്നിവ ഉയർന്ന പ്രവർത്തനക്ഷമതയുള്ള കോൺക്രീറ്റിന്റെ സാധാരണ ഉദാഹരണങ്ങളാണ്.
കോൺക്രീറ്റിന്റെ പ്രവർത്തനക്ഷമത അത് സ്ഥാപിക്കാനുള്ള എളുപ്പത്തെയും ഒരു ചട്ടക്കൂടിൽ അല്ലെങ്കിൽ അച്ചിൽ വേണ്ട രീതിയിൽ നിറയ്ക്കാനുള്ള കഴിവിനെയും സൂചിപ്പിക്കുന്നു. നിരവധി ഘടകങ്ങൾക്ക് ഈ നിർണായക സവിശേഷതയെ സ്വാധീനിക്കാൻ കഴിയും; അവയിൽ പിൻവരുന്നവ ഉൾപ്പെടുന്നു:
വെള്ളവും സിമെന്റും തമ്മിലുള്ള അനുപാതം കോൺക്രീറ്റിന്റെ പ്രവർത്തനക്ഷമതയും ശക്തിയും നിർണ്ണയിക്കുന്ന ഒരു പ്രധാന ഘടകമാണ്. ഒരു കോൺക്രീറ്റ് മിശ്രിതത്തിലെ വെള്ളത്തിന്റെ അളവിനെ സിമെന്റിന്റെ അളവ് കൊണ്ട് ഹരിച്ച് കിട്ടുന്ന അളവിനെയാണ് അനുപാതം സൂചിപ്പിക്കുന്നത്. ഈ അനുപാതം വളരെ ഉയർന്നതാണെങ്കിൽ, നമുക്ക് ഉയർന്ന പ്രവർത്തനക്ഷമത നേടാനായേക്കും, പക്ഷേ ശക്തിയും ഈടുനിൽപ്പും കുറയും. അതേസമയം, കുറഞ്ഞ അനുപാതം കൂടുതൽ ശക്തിക്ക് കാരണമാകും, പക്ഷേ അത് പ്രവർത്തനക്ഷമത കുറഞ്ഞ കോൺക്രീറ്റായിരിക്കും.
ഉപയോഗിക്കുന്ന അഗ്രെഗേറ്റുകളുടെ വലുപ്പം, ആകൃതി, ഘടന എന്നിവയും കോൺക്രീറ്റിന്റെ പ്രവർത്തനക്ഷമതയെ ബാധിക്കും. സാധാരണയായി, വലുപ്പം കൂടിയ അഗ്രെഗേറ്റുകൾ അവ സൃഷ്ടിക്കുന്ന വലിയ വായുഅറകൾ കാരണം പ്രവർത്തനക്ഷമത കുറയ്ക്കുന്നു, എന്നാൽ ഗോളാകാരവും മിനുസമാർന്നതുമായ അഗ്രെഗേറ്റുകൾക്ക് അസന്തുലിതവും കോണാകൃതിയിൽ ഉള്ളവയുമായി താരതമ്യപ്പെടുത്തുമ്പോൾ പ്രവർത്തനക്ഷമത കൂടുതലായിരിക്കും.
കോൺക്രീറ്റിൽ കൂട്ടുകൾ ചേർക്കുന്ന വിധം അതിന്റെ പ്രവർത്തനക്ഷമതയിൽ വളരെയധികം മാറ്റം വരുത്തും. വാട്ടർ റെഡ്യൂസറുകൾ, പ്ലാസ്റ്റിസൈസറുകൾ പോലുള്ള രാസ മിശ്രിതങ്ങൾക്ക് ശക്തിയെ ബാധിക്കാത്ത വിധത്തിൽ, ആവശ്യമായ വെള്ളവും സിമെന്റും തമ്മിലുള്ള അനുപാതം കുറച്ചുകൊണ്ട് പ്രവർത്തനക്ഷമത വർദ്ധിപ്പിക്കാൻ കഴിയും.
ഉപയോഗിക്കുന്ന മിക്സറിന്റെ വേഗതയും തരവും ഉൾപ്പെടെ, മിക്സ് ചെയ്യുന്ന രീതിയും അതിനെടുക്കുന്ന സമയവും കോൺക്രീറ്റിന്റെ പ്രവർത്തനക്ഷമതയെ ബാധിക്കും. കണക്കിലധികം മിക്സ് ചെയ്താൽ, അഗ്രെഗേറ്റുകൾ വേർപെട്ടുപോയേക്കാം, അതേസമയം മിക്സിംഗിൽ കുറവ് വന്നാൽ അവ ശരിയായി കൂടിച്ചേരാതെയും വന്നേക്കാം.
ഒഴിക്കുന്ന കോൺക്രീറ്റ് പാളിയുടെ കനം പ്രവർത്തനക്ഷമതയെ സ്വാധീനിക്കും. സാധാരണയായി, കനം കുറഞ്ഞ വിഭാഗങ്ങൾക്ക് വായുഅറകൾ രൂപംകൊള്ളാത്ത വിധം, മിശ്രിതം പൂർണ്ണമായും ചട്ടക്കൂടിൽ അല്ലെങ്കിൽ മോൾഡിൽ നിറയ്ക്കുന്നുവെന്ന് ഉറപ്പാക്കാൻ കൂടുതൽ പ്രവർത്തനക്ഷമമായ കോൺക്രീറ്റ് ആവശ്യമാണ്.
കോൺക്രീറ്റ് മിശ്രിതത്തിന്റെ പ്രവർത്തനക്ഷമതയോ ദ്രവാവസ്ഥയോ കണ്ടുപിടിക്കാൻ നടത്തുന്ന ലളിതവും വ്യാപകമായി ഉപയോഗിക്കുന്നതുമായ പരിശോധനയാണ് കോൺക്രീറ്റ് സ്ലംപ് ടെസ്റ്റ്. കുറഞ്ഞ സജ്ജീകരണങ്ങൾ ഉപയോഗിച്ച് സൈറ്റിൽവെച്ചുതന്നെ ഉടനടി ഫലം അറിയാൻ കഴിയുന്നതുകൊണ്ടാണ് അതിന് ജനപ്രീതി ലഭിക്കുന്നത്, ചട്ടക്കൂടുകളിൽ സ്ഥാപിക്കുന്നതിന് മുമ്പ് മിശ്രിതത്തിന്റെ ഘടകങ്ങൾ ക്രമീകരിക്കാൻ ഇത് സഹായിക്കുന്നു.
സ്ലംപ് കോൺ എന്നറിയപ്പെടുന്ന കോൺ ആകൃതിയിലുള്ള ലോഹ അച്ചിൽ, മൂന്ന് പാളികളിലായി, മിക്സ് ചെയ്ത കോൺക്രീറ്റ് നിറയ്ക്കുന്നതാണ് ഈ പരിശോധനയിൽ ഉൾപ്പെടുന്നത്, ഓരോന്നിലും ഒരു സ്റ്റാൻഡേർഡ് കോൽകൊണ്ട് 25 പ്രാവശ്യം കുത്തി ഒതുക്കിക്കൊണ്ട് ഇത് ചെയ്യുക. നിറച്ചുകഴിഞ്ഞാൽ, കോൺ മോൾഡ് ശ്രദ്ധാപൂർവ്വം മുകളിലേക്ക് ഉയർത്തുകയും ഗുരുത്വാകർഷണം മൂലം കോൺക്രീറ്റ് താഴാൻ അനുവദിക്കുകയും ചെയ്യുന്നു. കോണിന്റെ (സ്ലംപ്) യഥാർത്ഥ ഉയരത്തിൽ നിന്ന് കോൺക്രീറ്റ് മിശ്രിതത്തിന്റെ ഉയരം എത്രത്തോളം കുറയുന്നുണ്ടെന്ന് അളന്ന് കണ്ടുപിടിക്കുക.
ഇത് വളരെ കുറഞ്ഞ പ്രവർത്തനക്ഷമതയുള്ള മിശ്രിതമാണെന്ന് സൂചിപ്പിക്കുന്നു, കോൺക്രീറ്റ് ആകൃതി നിലനിർത്തേണ്ട റോഡ് നിർമ്മാണത്തിന് ഇത് അനുയോജ്യമാണ്.
ഇത് വളരെ കടുപ്പമേറിയ മിശ്രിതമാണ്, കുറഞ്ഞ പ്രവർത്തനക്ഷമത മതിയാകുന്ന കോൺക്രീറ്റ് അടിത്തറകൾ നിർമ്മിക്കാൻ ഇത് ഉപയോഗിക്കുന്നു.
പൊതുവായ നിർമ്മാണ പ്രവർത്തനങ്ങൾക്ക് അനുയോജ്യമായ നല്ല പ്രവർത്തനക്ഷമതയെ സൂചിപ്പിക്കുന്നു, ശക്തിയെ ബാധിക്കാതെതന്നെ എളുപ്പത്തിൽ സ്ഥാപിക്കാം.
കൂടുതൽ പ്രവർത്തനക്ഷമമായ അല്ലെങ്കിൽ ഒഴുകുന്ന മിശ്രിതമാണെന്ന് ഇത് സൂചിപ്പിക്കുന്നു, മിക്കപ്പോഴും ഈടുനിൽപ്പ് അല്ലെങ്കിൽ വേർപെട്ടുപോകൽ എന്നിവയുമായി ബന്ധപ്പെട്ട പ്രശ്നങ്ങൾ ഒഴിവാക്കാൻ വേണ്ട ക്രമീകരണം ആവശ്യമായിവരും.
കോൺക്രീറ്റ് മിശ്രിതം സ്ഥിരമായ പ്രവർത്തനക്ഷമത ഉള്ളതായിരിക്കുമെന്ന് ഉറപ്പാക്കുന്നതിന് നിർമ്മാണ വേളയിൽ കോൺക്രീറ്റ് പ്രവർത്തനക്ഷമതയ്ക്കുള്ള സ്ലംപ് ടെസ്റ്റ് വിശേഷാൽ ഉപയോഗപ്രദമാണ്, ഇത് ഘടനാപരമായ ശക്തിയും ഈടുനിൽപ്പും കൈവരിക്കുന്നതിന് അത്യന്താപേക്ഷിതമാണ്. എന്നിരുന്നാലും, വളരെ വരണ്ടതോ വളരെ നനഞ്ഞതോ ആയ കോൺക്രീറ്റ് മിശ്രിതങ്ങൾ അത്ര അനുയോജ്യമല്ല. അത്തരം സന്ദർഭങ്ങളിൽ, ഒരു പദ്ധതിയുടെ നിർദ്ദിഷ്ട ആവശ്യകതകൾക്ക് കോൺക്രീറ്റ് എത്രത്തോളം അനുയോജ്യമാണെന്ന് വിലയിരുത്തുന്നതിന് മറ്റ് പ്രവർത്തനക്ഷമതാ പരിശോധനകൾ നടത്തുന്നത് നല്ലതായിരിക്കാം.
ചുരുക്കത്തിൽ, മിക്സിംഗ്, കടത്തിക്കൊണ്ടുപോകൽ, സ്ഥാപിക്കൽ,വേർപെട്ടുപോകാതെയുള്ള കോൺക്രീറ്റിന്റെ ഒതുക്കൽ ഇവയെല്ലാം പ്രവർത്തനക്ഷമതയെ നേരിട്ട് ബാധിക്കുന്നു. നിർമ്മാണ പദ്ധതികളിൽ ശ്രദ്ധാപൂർവ്വം മിശ്രിതം ഉണ്ടാക്കുന്നതിന്റെയും പ്രവർത്തനക്ഷമത വിലയിരുത്തേണ്ടതിന്റെയും പ്രാധാന്യം എടുത്തുകാണിച്ചുകൊണ്ട്, ഈടുള്ളതും ഉറപ്പുള്ളതും സ്ഥിരതയുള്ളതുമായ കോൺക്രീറ്റ് കെട്ടിടങ്ങൾ നിർമ്മിക്കുന്നതിന് പ്രവർത്തനക്ഷമത മനസ്സിലാക്കുന്നതും നിയന്ത്രിക്കുന്നതും വളരെ പ്രധാനമാണ്.
