Share:
Home Building Guide
Our Products
Useful Tools
Waterproofing methods, Modern kitchen designs, Vaastu tips for home, Home Construction cost
Waterproofing methods, Modern kitchen designs, Vaastu tips for home, Home Construction cost
Share:
കെട്ടിട നിര്‍മ്മാണ ലോകത്തിലെ ഏതൊരു സ്ട്രക്ചറിന്‍റെയും നിർമ്മാണം ഒരു ബൈൻഡിംഗ് മെറ്റീരിയലില്ലാതെ പൂർണ്ണമാകില്ല. ഏത് കെട്ടിട നിർമ്മാണ സാമഗ്രികൾക്കും - ഇഷ്ടികകൾ, കല്ലുകൾ, ടൈലുകൾ മുതലായ ഏതിനും പരസ്പരം ഒട്ടിക്കുന്നതിന് പേസ്റ്റ് അല്ലെങ്കിൽ മോർട്ടാർ ആവശ്യമാണ്. നിർമ്മാണ പ്രക്രിയയുടെ ഒഴിച്ചുകൂടാനാവാത്ത ഭാഗമാണ് മോർട്ടാർ, കാരണം ഇത് നിർമ്മാണ ബ്ലോക്കുകൾക്കിടയിലുള്ള വിടവ് നികത്തുന്നു. വ്യത്യസ്ത തരം മോർട്ടാർ ഉപയോഗിക്കുന്നതിന്റെ അടിസ്ഥാനം അതിന്‍റെ സാന്ദ്രത, ഉദ്ദേശ്യം എന്നിവയെ ആശ്രയിച്ചിരിക്കുന്നു
സാധാരണയായി, കെട്ടിട നിർമ്മാണത്തിലെ മോർട്ടാർ എന്നത് വെള്ളം, ബൈൻഡിംഗ് മെറ്റീരിയൽ, നേരിയ ഗ്രാവല്‍ (മണൽ അല്ലെങ്കിൽ സുർഖി) എന്നിവയുടെ മിശ്രിതമാണ്. വ്യത്യസ്ത തരം മോർട്ടാർ മിശ്രിതത്തിലെ ചേരുവകളുടെ അനുപാതം, ഉപയോഗിക്കുന്ന കല്‍പണി മെറ്റീരിയൽ, ആവശ്യമായ കംപ്രഷൻ ശക്തി, അന്തിമ പ്രയോഗം എന്നിവയെ ആശ്രയിച്ചിരിക്കുന്നു. മോർട്ടാർ മിക്സിംഗ് അതിന്‍റെ അന്തിമ പ്രയോഗത്തെ ആശ്രയിച്ച് വ്യത്യാസപ്പെടുന്നു.
പേര് സൂചിപ്പിക്കുന്നത് പോലെ, ഈ ഇനം മോർട്ടാർ മിശ്രിതത്തിന്‍റെ ബൈൻഡിംഗ് മെറ്റീരിയൽ സിമന്‍റാണ്. സിമൻറ്, വെള്ളം, മണൽ എന്നിവ മിശ്രണം ചെയ്യുന്നതിന്‍റെ അനുപാതം നിര്‍മ്മാണ ഉദ്ദേശ്യത്തെയും പ്രതീക്ഷിക്കുന്ന ഈടിനെയും ആശ്രയിച്ചിരിക്കും. സാധാരണയായി, ആദ്യം, സിമന്റ്, മണൽ എന്നിവ കൂട്ടി കലര്‍ത്തുകയും അതിലേക്ക് കുറേശ്ശെ വെള്ളം ചേർക്കുകയും ചെയ്യന്നു . സിമന്‍റിന്‍റെയും മണലിന്‍റെയും അനുപാതം 1:2 മുതൽ 1:6 വരെയാകാം.
ഈ മോർട്ടാർ തരത്തിലെ പ്രാഥമിക ബൈൻഡിംഗ് വസ്തു കുമ്മായം ആണ്. കുമ്മായം രണ്ട് തരത്തിലുണ്ട് - ഹൈഡ്രോളിക് ലൈം, ഫാറ്റ് ലൈം. . വരണ്ട സാഹചര്യങ്ങളിൽ പ്രവർത്തിക്കുമ്പോൾ, ഫാറ്റ് ലൈം ആണ് ഏറ്റവും അനുയോജ്യമായ ഓപ്ഷൻ ( മണലിന്‍റെ അളവിന്‍റെ 2 മുതൽ 3 മടങ്ങ് വരെ). എന്നിരുന്നാലും, കനത്ത മഴയോ വെള്ളക്കെട്ടോ അനുഭവപ്പെടുന്ന പ്രദേശങ്ങളിൽ, ഹൈഡ്രോളിക് ലൈം ആണ് ശരിയായ ഓപ്ഷൻ (ലൈം-മണൽ അനുപാതം 1:2 ആണ്).
ജിപ്സം മോർട്ടറിലെ സുരക്ഷിതമാക്കുന്ന വസ്തു പ്ലാസ്റ്ററും നേരിയ മണലും ആണ്. ഈർപ്പമുള്ളതോ നനഞ്ഞതോ ആയ കാലാവസ്ഥയിൽ ഇതിന് ഈട് കുറവായിരിക്കും
കുമ്മായം, സിമന്റ് എന്നിവയുടെ സംയോജനം ബ്ലെൻഡറായും മണൽ നേരിയ അഗ്രഗേറ്റ് ആയും ഉപയോഗിക്കുമ്പോൾ, അത് ഗേജ്ഡ് മോർട്ടാർ മിശ്രിതമാകുന്നു. ഇതില്‍ ലൈം മോർട്ടാർ, സിമന്റ് മോർട്ടാർ. എന്നിവയുടെ മികച്ച ഗുണങ്ങള്‍ അടങ്ങിയിരിക്കുന്നു. കുമ്മായം ആവശ്യമായ പ്ലാസ്റ്റിറ്റി ചേർക്കുന്നു, അതേസമയം സിമന്റ് ഈട് നൽകുന്നു. ഈ മിശ്രിതത്തിലെ സിമന്റ്-ലൈം അനുപാതം 1:6 നും 1:9 നും ഇടയിൽ വ്യത്യാസപ്പെടുന്നു. ഇത് ഏറ്റവും ലാഭകരമായ മോർട്ടാർ ഓപ്ഷനുകളിൽ ഒന്നാണ്.
കുമ്മായം, സുർഖി, വെള്ളം എന്നിവ സംയോജിപ്പിച്ചാൽ നമുക്ക് സുർക്കി മോർട്ടാർ ലഭിക്കും. സുർഖി ഒരു ഫൈന്‍ അഗ്രഗേറ്റായി പ്രവർത്തിക്കുന്നു. ചുട്ട കളിമണ്ണ് നന്നായി പൊടിച്ച രൂപത്തിൽ കിട്ടുന്നതാണ് സുർഖി.. ഇത് മണലിനേക്കാൾ മോർട്ടാർ മിശ്രിതത്തിന് കൂടുതൽ ശക്തി നൽകുന്നു, മാത്രമല്ല ഇത് വളരെ വിലകുറഞ്ഞതുമാണ്. ആവശ്യമെങ്കില്‍ പകുതി ഭാഗം മണലും പകുതി സുർഖിയും ഉപയോഗിക്കാം.
പ്ലാസ്റ്റിസിറ്റി കുറവായതിനാൽ സിമന്റ് മോർട്ടറുകൾ ഉപയോഗിച്ച് പ്രവർത്തിക്കുന്നത് ബുദ്ധിമുട്ടാണ്. എന്നിരുന്നാലും, ഈ മിശ്രിതത്തിലേക്ക് എയർ-എൻട്രൈനിംഗ് ഏജന്‍റുകൾ ചേർക്കുകയാണെങ്കിൽ, അതിന്‍റെ പ്രവർത്തനക്ഷമതയിൽ കാര്യമായ പുരോഗതി ഉണ്ടായേക്കാം. അതിനാൽ എയറേറ്റഡ് സിമന്റ് മോർട്ടറുകൾ ചിത്രത്തിലേക്ക് വരുന്നു.
സിമന്‍റോ കുമ്മായമോ ലഭ്യമല്ലാത്തപ്പോൾ, ബൈൻഡിംഗ് ഏജന്‍റായി നമുക്ക് പകരമായി ചെളി ഉപയോഗിക്കാം. ഇതിലേക്ക് ചാണകമോ ഉമിയോ ചേര്‍ത്താണ് ചെളി മോർട്ടാര്‍ ഉണ്ടാക്കുന്നത്..
ബൾക്ക് ഡെന്‍സിറ്റി 15 KN/m³ അല്ലെങ്കിൽ അതിൽ കൂടുതലുള്ള മോർട്ടാർ ഹെവി മോർട്ടാറില്‍ കനമുള്ള അഗ്രഗേറ്റുകളാണ് ഉപയോഗിക്കുന്നത്. . നേരെമറിച്ച്, ലൈറ്റ്-വെയിറ്റ് മോർട്ടറിൽ, ബൾക്ക് ഡെന്‍സിറ്റി 15 KN/m³-ൽ താഴെയുള്ള . ഈ മോർട്ടറുകൾ ചുണ്ണാമ്പും സിമന്‍റും ബൈൻഡറുകളായും മണൽ, അറക്കപൊടി മുതലായവ ഫൈന്‍ അഗ്രഗേറ്റുകളായി ഉപയോഗിക്കുന്നു.
ടൈലുകൾക്കായി പ്രത്യേകമായി ഒരു പശ നമ്മൾ തിരയുകയാണെങ്കിൽ, നമുക്ക് തിന്‍ സെറ്റ് മോർട്ടാർ ഉപയോഗിക്കാവുന്നതാണ്. അത് കട്ടി കുറഞ്ഞതാണ്. എന്നിരുന്നാലും, ഈ മോർട്ടാർ ഇഷ്ടികകളോ ഹെവിസ്റ്റോണുകളോ നിര്‍മ്മിക്കുവാന്‍ അനുയോജ്യമല്ല. ഇതിൽ സിമന്റ്, മണൽ, വെള്ളം നിലനിർത്തുന്നതിനുള്ള ഏജന്‍റുകൾ എന്നിവ ഉൾപ്പെടുന്നു. ഇക്കാലത്ത്, ടൈൽ മാസ്റ്റിക്കില്‍ തിന്‍ സെറ്റ് മോർട്ടറുകൾ ഉപയോഗിക്കുന്നത് സാധാരണമാണ്. ഭിത്തിയിലോ തറയിലോ ടൈലുകൾ ഒട്ടിക്കാനുള്ള ഒരു പശയാണ് ടൈൽ മാസ്റ്റിക്.
മോർട്ടറുകളുടെ ഘടനയിലെ പുരോഗമനം ഇന്ന് സാധാരണമാണ്, അത്തരം വിപ്ലവകരമായ ഉൽപ്പന്നങ്ങളില്‍ എപ്പോക്സി മോർട്ടാർ ഉൾപ്പെടുന്നു. മോർട്ടറിൽ എപ്പോക്സി റെസിനുകൾ, സോള്‍വെന്‍റുകള്‍ മുതലായവ ഉൾപ്പെടുന്നു. ഈ മോർട്ടാർ ഒരു പശയും ഒപ്പം വാട്ടർ പ്രൂഫും ആണ്. ഇത് കറയെ പ്രതിരോധിക്കുന്നതാണ്, സിമന്റ് മോർട്ടറിനേക്കാൾ വേഗത്തിലുള്ള ക്യൂറിംഗ് ഉണ്ട്, ഇത് ടൈലുകള്‍ വിരിക്കന്നതിനായി ഉപയോഗിക്കാനുള്ള വ്യക്തമായ തിരഞ്ഞെടുപ്പാണ്.
അലൂമിനസ് സിമന്റ് ഈ ഉപവിഭാഗത്തിലെ ഒരു പ്രധാന ഘടകമാണ്. ഇഷ്ടികയുടെയും സിമന്‍റിന്‍റെയും നല്ല പൊടി കലർത്തി തീപിടിക്കാത്ത മോർട്ടാർ ഉണ്ടാക്കുന്നു.
സിമന്റ്-ലോം, സിമന്റ്-മണൽ, അല്ലെങ്കിൽ ചിലപ്പോൾ സിമന്റ്-മണൽ-ലോം എന്നിവ ചേര്‍ത്ത് പാക്കിംഗ് മോർട്ടാർ ഉണ്ടാക്കുന്നു. അതിന്‍റെ ശക്തിയും ജല പ്രതിരോധവും കാരണം, എണ്ണ കിണറുകളുടെ നിർമ്മാണത്തില്‍ ഈ ബൈൻഡർ ഉപയോഗിക്കുന്നു.
ജിപ്സം, സ്ലാഗ് അല്ലെങ്കിൽ സിമന്റ് എന്നിവയ്‌ക്ക് പുറമേ സിൻഡറുകളും പ്യൂമിസും മികച്ച അഗ്രഗേറ്റുകളായി ഉപയോഗിക്കുന്ന മോർട്ടാർ സൗണ്ട് പ്രൂഫിംഗ് ഗുണങ്ങൾ കാഴ്ചവയ്ക്കുന്നവാണ്, ഇതില്‍ നമുക്ക് ശബ്ദം ആഗിരണം ചെയ്യുന്ന മോർട്ടാർ ലഭിക്കും. രാസ ആക്രമണത്തിന് സാധ്യതയുള്ള സ്ട്രക്ചറുകള്‍ക്ക്, നമുക്ക് രാസ-പ്രതിരോധമുള്ള മോർട്ടാർ ഉപയോഗിക്കാം. എക്സ്-റേകൾക്ക് ദൂഷ്യഫലങ്ങളുണ്ട്, എക്സ്-റേ മുറികളുടെ ഭിത്തികൾ നന്നായി സംരക്ഷിക്കപ്പെടുന്നുവെന്ന് ഉറപ്പാക്കാൻ, കനത്ത ബൾക്ക് ഡെൻസിറ്റി മോർട്ടാർ (22 KN/m³) ഉപയോഗിക്കാം.
ബൈൻഡറുകളുടെ ഉപയോഗം അവയുടെ പ്രയോഗക്ഷമതയെയും ഉദ്ദേശ്യത്തെയും ആശ്രയിച്ചിരിക്കുന്നു, നല്ല മോർട്ടറിന്‍റെ ഗുണങ്ങൾ ഇവയാണ്:
മോർട്ടറുകളുടെ പ്രാഥമിക ലക്ഷ്യം ഇഷ്ടികകൾ, ടൈലുകൾ, തുടങ്ങിയ നിർമ്മാണ ബ്ലോക്കുകൾ ചേര്‍ത്ത് പിടിപ്പിക്കുക എന്നതാണ്. അതിനാൽ, ഒട്ടിപിടിത്തം മോർട്ടറുകളുടെ വളരെ നിർണായകമായ ഗുണമാണ്.
നല്ല മോർട്ടറുകൾ മഴക്കാലത്തെ കാലാവസ്ഥയെ ചെറുക്കാൻ ജല ആഗിരണത്തെ പ്രതിരോധിക്കും.
വാസ്തുവിദ്യാപരമായ ഏതൊരു നിർമ്മിതിയുടെയും ഏറ്റവും പ്രധാനപ്പെട്ട ഗുണങ്ങളിലൊന്ന്, കൂടുതൽ തേയ്മാനം കൂടാതെ ദീർഘകാലം നിലനിൽക്കാനുള്ള അവയുടെ കഴിവാണ്. അതിനാൽ, ഏത് പ്രതികൂല സാഹചര്യങ്ങളെയും നേരിടാൻ മോർട്ടാർ മികച്ച ഗുണനിലവാരമുള്ളതായിരിക്കണം.
മോർട്ടാർ ഉപയോഗിക്കാനും പ്രവർത്തിക്കാനും എളുപ്പമായിരിക്കണം.
മോർട്ടാർ, ഉയർന്ന മർദ്ദം അല്ലെങ്കിൽ താപനില വ്യതിയാനങ്ങൾക്ക് വിധേയമാകുമ്പോൾ, എളുപ്പത്തിൽ രൂപഭേദം വന്നേക്കാം. തൽഫലമായി, ടൈലുകളിലോ കെട്ടിട പ്രതലങ്ങളിലോ വിള്ളലുകൾ ഉണ്ടാകാം. അതിനാൽ, നല്ല ഗുണമേന്മയുള്ള മോർട്ടാർ കൂടുതൽ കാലം ഉറച്ച ജോയിന്‍റുകളും പിടിത്തവും ഉറപ്പാക്കും
ഇഷ്ടികകളോ കല്ലുകളോ ഉറപ്പിച്ചു വയ്ക്കുക എന്നതാണ് മോർട്ടറിന്‍റെ പ്രാഥമിക പ്രവർത്തനം.
പ്രതികൂല കാലാവസ്ഥയ്ക്കും മറ്റ് അധിനിവേശങ്ങള്‍ക്കും (രാസ ആക്രമണങ്ങൾ, ഉച്ചത്തിലുള്ള ശബ്ദം മുതലായവ) എതിരായ പ്രതിരോധവും ശക്തിയും മോർട്ടാർ ഉറപ്പാക്കുന്നു.
ടൈലുകൾ അല്ലെങ്കിൽ ഇഷ്ടികകൾക്കിടയിലുള്ള ജോയിന്‍റുകളും ഇടങ്ങളും നിറയ്ക്കാൻ തിന്‍ മോർട്ടാർ (ഗ്രൗട്ട്) സഹായിക്കുന്നു.
ഉപസംഹാരമായി, മോർട്ടാർ എന്നത് വിവിധ തരങ്ങളുള്ള ഒരു ബഹുമുഖ നിർമ്മാണ വസ്തുവാണ്, ഇവ ഓരോന്നും പ്രത്യേക ആവശ്യങ്ങൾക്കായി രൂപകൽപ്പന ചെയ്തിരിക്കുന്നു. നിർമ്മാണത്തിലെ അതിന്‍റെ പങ്ക് പ്രധാനമാണ്. അതിന്‍റെ വിവിധ ഗുണങ്ങള്‍ ഈടുറ്റ സ്ട്രക്ചറുകളുടെ നിര്‍മ്മാണത്തില്‍ അതിന്‍റെ പങ്ക് എടുത്തു കാണിക്കുന്നു. നിർമ്മാണ വ്യവസായത്തിൽ ഏർപ്പെട്ടിരിക്കുന്ന ഏതൊരാളും വിവിധ തരം മോർട്ടാറുകളും അവയുടെ പ്രയോഗങ്ങളും മനസ്സിലാക്കേണ്ടത് പ്രധാനമാണ്.
