Share:
ಈ ವಾಸ್ತುಶಿಲ್ಪ ಜಗತ್ತಿನಲ್ಲಿ ಬೈಂಡಿಂಗ್ ಅಥವಾ ಬಂಧಿಸುವ ವಸ್ತುವಿಲ್ಲದೆ ಯಾವುದೇ ಕಟ್ಟಡ ನಿರ್ಮಾಣ ಕಾರ್ಯವು ಪೂರ್ಣಗೊಳ್ಳುವುದಿಲ್ಲ. ಒಂದು ಕಟ್ಟಡವನ್ನು ಕಟ್ಟುವ ಸಂದರ್ಭದಲ್ಲಿ ಇಟ್ಟಿಗೆ, ಕಲ್ಲುಗಳು ಮತ್ತು ಟೈಲ್ಸ್ ಇತ್ಯಾದಿಗಳನ್ನು ಭದ್ರಪಡಿಸುವ ಪೇಸ್ಟ್ ಅಥವಾ ಗಾರೆ ಮಿಶ್ರಣದ ಅಗತ್ಯವಿರುತ್ತದೆ. ಅಲ್ಲದೆ ಇದು ಬಿಲ್ಡಿಂಗ್ ಬ್ಲಾಕ್ಸ್ ಅಥವಾ ಇಟ್ಟಿಗಳ ನಡುವಿನ ಅಂತರವನ್ನು ಕಡಿಮೆ ಮಾಡುವುದರಿಂದ ಗಾರೆಯು ಕಟ್ಟಡ ನಿರ್ಮಾಣದ ಅವಿಭಾಜ್ಯ ಅಂಗವಾಗಿದೆ. ವಿವಿಧ ಉದ್ದೇಶ, ಸಾಂದ್ರತೆಗಳ ಮೇಲೆ ವಿವಿಧ ರೀತಿಯ ಗಾರೆಗಳ ಬಳಕೆಯು ಅವಲಂಬಿತವಾಗಿರುತ್ತದೆ.
ಸಾಮಾನ್ಯವಾಗಿ ಕಟ್ಟಡಗಳನ್ನು ಕಟ್ಟುವ ಸಂದರ್ಭದಲ್ಲಿ ನೀರು, ಸಿಮೆಂಟ್ ಮತ್ತು ಉತ್ತಮ ಒಟ್ಟು (ಮರಳು/ಸುರ್ಖಿ) ಇವುಗಳ ಮಿಶ್ರಣವನ್ನು ಮಾರ್ಟರ್ ಮಿಕ್ಸ್ ಎನ್ನಲಾಗುತ್ತದೆ. ಬಳಸಿದ ಕಲ್ಲುಗಾರೆ, ಅಗತ್ಯವಿರುವ ಶಕ್ತಿ ಮತ್ತು ಅಂತಿಮ ಅನ್ವಯದ ಆಧಾರದ ಮೇಲೆ ಗಾರೆ ಮಿಶ್ರಣಕ್ಕೆ ಬಳಸುವ ಪದಾರ್ಥಗಳು ಅವಲಂಭಿಸಿರುತ್ತದೆ. ಅಂತಿಮ ಬಳಕೆಯ ಆಧಾರದ ಮೇಲೆ ಗಾರೆ ಮಿಶ್ರಣದಲ್ಲಿ ಬದಲಾವಣೆ ಮಾಡಲಾಗುತ್ತದೆ.
ಹೆಸರೇ ಸೂಚಿಸುವಂತೆ, ಗಾರೆ ಮಿಶ್ರಣದ ಈ ಪ್ರಕಾರದಲ್ಲಿ ಬಂಧನ ಅಥವಾ ಬೈಂಡಿಂಗ್ ವಸ್ತುವಾಗಿ ಸಿಮೆಂಟನ್ನು ಬಳಸಲಾಗುತ್ತದೆ. ನಿರ್ಧಿಷ್ಟ ಉದ್ದೇಶ ಮತ್ತು ಬಾಳಿಕೆಗೆ ಅನುಗುಣವಾಗಿ ಸಿಮೆಂಟ್, ನೀರು ಮತ್ತು ಮರಳಿನ ಮಿಶ್ರಣದ ಪ್ರಮಾಣವು ಅವಲಂಬಿತವಾಗಿರುತ್ತದೆ. ಪ್ರಮುಖವಾಗಿ ಸಿಮೆಂಟ್ ಮತ್ತು ಮರಳನ್ನು ಮೊದಲು ಮಿಶ್ರಣ ಮಾಡಲಾಗುತ್ತದೆ. ನಂತರ ನೀರನ್ನು ಕ್ರಮೇಣ ಸೇರಿಸಲಾಗುತ್ತದೆ. ಈ ಮಿಶ್ರಣದಲ್ಲಿ ಸಿಮೆಂಟ್ ಮತ್ತು ಮರಳು 1:2 ರಿಂದ 1:6ರ ಅನುಪಾತದಲ್ಲಿ ಇರುತ್ತದೆ.
ಈ ಪ್ರಕಾರದ ಗಾರೆಯಲ್ಲಿ ಸುಣ್ಣವನ್ನು ಪ್ರಮುಖ ಬಂಧಿಸಲ್ಪಡುವ ವಸ್ತುವಾಗಿ ಬಳಸಲಾಗುತ್ತದೆ. ಸುಣ್ಣದಲ್ಲಿ ಹೈಡ್ರಾಲಿಕ್ ಮತ್ತು ಕೊಬ್ಬಿನ ಸುಣ್ಣ ಎಂಬ ಎರಡು ವಿಧಗಳಿವೆ. ಒಣ ಸ್ಥಿತಿಯಲ್ಲಿ ಕೆಲಸ ಮಾಡುವಾಗ ಫ್ಯಾಟ್‌ ಸುಣ್ಣವು ಅತ್ಯಂತ ಸೂಕ್ತ ಆಯ್ಕೆಯಾಗಿರುತ್ತದೆ (ಮರಳಿನ ಪ್ರಮಾಣ 2 ರಿಂದ 3 ಪಟ್ಟು ಸೇರಿಸುವುದು ಒಳ್ಳೆಯದು). ಭಾರೀ ಮಳೆ ಅಥವಾ ನೀರು ಸುರಿಯುವ ಪ್ರದೇಶದಲ್ಲಿ ಹೈಡ್ರಾಲಿಕ್ ಸುಣ್ಣದ ಬಳಕೆಯು ಸರಿಯಾದ ಆಯ್ಕೆಯಾಗಿರುತ್ತದೆ (ಇದಕ್ಕೆ ಸುಣ್ಣ ಮತ್ತು ಮರಳನ್ನು 1:2 ಪ್ರಮಾಣದಲ್ಲಿ ಸೇರಿಸಬೇಕು).
ಜಿಪ್ಸಮ್ ಮಾರ್ಟರ್‌ನಲ್ಲಿ ಬಂಧಿಸುವ ವಸ್ತುವಾಗಿ ಪ್ಲ್ಯಾಸ್ಟರ್ ಮತ್ತು ಮೃದುವಾದ ಮರಳನ್ನು ಬಳಸಲಾಗುತ್ತದೆ. ತೇವವಾದ ಅಥವಾ ಒದ್ದೆ ವಾತಾವರಣದಲ್ಲಿ ಇದು ಬಾಳಿಕೆ ಬರುವುದು ಕಡಿಮೆ.
ನಾವು ಸುಣ್ಣ ಮತ್ತು ಸಿಮೆಂಟ್ ಅನ್ನು ಬ್ಲೆಂಡರ್‌ ಆಗಿ ಮತ್ತು ಮರಳನ್ನು ಉತ್ತಮ ಅಗ್ರಿಗೇಟ್‌ ಆಗಿ ಬಳಸಿದಾಗ ದೊರೆಯುವ ಮಿಶ್ರಣವೇ ಗೇಜ್ಡ್ ಮಾರ್ಟರ್ ಆಗಿರುತ್ತದೆ. ಇದು ಸುಣ್ಣದ ಗಾರೆ ಮತ್ತು ಸಿಮೆಂಟು ಗಾರೆ ಎರಡರ ಉತ್ತಮವಾದ ಗುಣವನ್ನು ತೆಗೆದುಕೊಳ್ಳುತ್ತದೆ. ಸುಣ್ಣವು ಪ್ಲ್ಯಾಸ್ಟಿಂಗ್ ರೀತಿ ಕೆಲಸ ಮಾಡಿದರೆ, ಸಿಮೆಂಟ್ ಹೆಚ್ಚು ಕಾಲ ಬಾಳಿಕೆ ಬರಲು ಉಪಯುಕ್ತವಾಗಿದೆ. ಈ ಮಿಶ್ರಣದಲ್ಲಿ ಸಿಮೆಂಟು ಮತ್ತು ಸುಣ್ಣವನ್ನು 1:6 ಮತ್ತು 1:9 ಅನುಪಾತದಲ್ಲಿ ಬಳಸಲಾಗುತ್ತದೆ. ಈ ಗಾರೆಯು ಒಂದು ಕಡಿಮೆ ವೆಚ್ಚದ ಆಯ್ಕೆಯಾಗಿದೆ.
ಸುಣ್ಣ, ಸುರ್ಖಿ ಮತ್ತು ನೀರನ್ನು ಮಿಶ್ರಣ ಮಾಡಿ ಸುರ್ಖಿ ಗಾರೆಯನ್ನು ಪಡೆಯಲಾಗುತ್ತದೆ. ಸುರ್ಖಿಯು ಉತ್ತಮವಾದ ಅಗ್ರಿಗೇಟ್‌ ಆಗಿ ಕೆಲಸ ಮಾಡುತ್ತದೆ. ಸುರ್ಖಿಯನ್ನು ಸುಟ್ಟ ಇಟ್ಟಿಗೆಯ ನುಣ್ಣನೆಯ ಪುಡಿಯಿಂದ ಪಡೆಯಲಾಗುತ್ತದೆ. ಇದು ಗಾರೆ ಮಿಶ್ರಣಕ್ಕೆ ಮರಳಿಗಿಂತ ಹೆಚ್ಚು ದೃಢತೆಯನ್ನು ಒದಗಿಸುವುದಲ್ಲದೆ, ಇದರ ಬೆಲೆಯೂ ಕಡಿಮೆ. ಸಂದರ್ಭಕ್ಕೆ ಅನುಗುಣವಾಗಿ ಅರ್ಧ ಭಾಗ ಮರಳು ಮತ್ತು ಅರ್ಧ ಭಾಗ ಸುರ್ಖಿಯನ್ನು ಬಳಸಬಹುದು.
ಕಡಿಮೆ ಪ್ಲಾಸ್ಟಿಸಿಟಿಯ ಕಾರಣ ಸಿಮೆಂಟ್ ಗಾರೆಗಳೊಂದಿಗೆ ಕೆಲಸ ಮಾಡುವುದು ಸ್ವಲ್ಪ ಕಷ್ಟಕರವಾಗಿರುತ್ತದೆ. ಆದಾಗ್ಯೂ, ನಾವು ಮಿಶ್ರಣದ ಒಳಗೆ ಗಾಳಿಯನ್ನು ಸೇರಿಸುವ ಏಜೆಂಟ್‍ಗಳಾಗಿ ಕೆಲಸ ಮಾಡುವ ವಸ್ತುಗಳನ್ನು ಸೇರಿಸಿದರೆ, ಅದರ ಬಳಕೆಯಲ್ಲಿ ಗಮನಾರ್ಹ ಸುಧಾರಣೆಯನ್ನು ಕಾಣಬಹುದು. ಇದರಿಂದ ಗಾಳಿ ಸುಂಬಿದ ಸಿಮೆಂಟ್ ಗಾರೆಗಳು ಕಾರ್ಯರೂಪಕ್ಕೆ ಬರುತ್ತವೆ.
ಸಿಮೆಂಟ್ ಅಥವಾ ಸುಣ್ಣವು ಲಭ್ಯವಿಲ್ಲದಿದ್ದಾಗ, ನಾವು ಮಣ್ಣನ್ನು ಬೈಂಡಿಂಗ್ ಏಜೆಂಟ್ ವಸ್ತುವಾಗಿ ಬಳಸುತ್ತೇವೆ. ಮಣ್ಣಿಗೆ ಹಸುವಿನ ಸಗಣಿ ಅಥವಾ ಭತ್ತದ ಹೊಟ್ಟನ್ನು ಸೂಕ್ಷ್ಮವಾದ ಅಗ್ರಿಗೇಟ್‌ ಆಗಿ ಮಿಶ್ರಣ ಮಾಡುವುದರಿಂದ ಮಣ್ಣಿನ ಗಾರೆ ಸಿಗುತ್ತದೆ.
15 KN/m³ ಅಥವಾ ಅದಕ್ಕಿಂತ ಹೆಚ್ಚಿನ ಸಾಂದ್ರತೆಯನ್ನು ಹೊಂದಿರುವ ಗಾರೆಯನ್ನು ಭಾರದ ಗಾರೆ ಎನ್ನಲಾಗುತ್ತದೆ. ಈ ಬಗೆಯ ಗಾರೆಯಲ್ಲಿ ಭಾರಿ ಸ್ಫಟಿಕ ಶಿಲೆಗಳು ಸೂಕ್ಷ್ಮ ಅಗ್ರಿಗೇಟ್‌ಗಳಾಗಿರುತ್ತವೆ. ಮತ್ತೊಂದೆಡೆ, ಹಗುರವಾದ ಗಾರೆಗಳಲ್ಲಿ ಒಟ್ಟಾರೆ ಸಾಂದ್ರತೆಯು 15 KN/m³ ಗಿಂತಾ ಕಡಿಮೆ ಇರುತ್ತದೆ. ಈ ಗಾರೆಗಳು ಸುಣ್ಣ ಅಥವಾ ಸಿಮೆಂಟನ್ನು ಬೈಂಡರ್ ಗಳಾಗಿ ಮತ್ತು ಮರಳು ಮತ್ತು ಧೂಳಿನ ಪುಡಿಯನ್ನು ಸಂಯೋಜಕ ವಸ್ತುವಾಗಿ ಬಳಸುತ್ತವೆ.
ನಮಗೆ ನಿರ್ದಿಷ್ಟವಾಗಿ ಟೈಲ್ಸ್ ಅಂಟಿಸಲು ಒಂದು ಅಂಟು ಬೇಕಿದ್ದರೆ, ತೆಳುವಾದ ಸೆಟ್ ಮಾರ್ಟರ್ ಅನ್ನು ಬಳಸಬಹುದು. ಆದರೆ, ಈ ಮಿಶ್ರಣವು ತೆಳುವಾಗಿದ್ದು, ಇಟ್ಟಿಗೆಗಳು ಅಥವಾ ಭಾರವಾದ ಕಲ್ಲುಗಳಿಗೆ ಬಳಸಲು ಸಾಧ್ಯವಾಗುವುದಿಲ್ಲ. ಇದು ಸಿಮೆಂಟ್, ಮರಳು ಮತ್ತು ನೀರಿನ ಮಿಶ್ರಣವನ್ನು ಒಳಗೊಂಡಿರುತ್ತದೆ. ಇತ್ತೀಚಿನ ದಿನಗಳಲ್ಲಿ ಟೈಲ್‌ ಮ್ಯಾಸ್ಟಿಕ್‌ನೊಂದಿಗೆ ತೆಳುವಾದ ಸೆಟ್ ಮಾರ್ಟರ್ ಅನ್ನು ಬಳಸುವುದು ಸಾಮಾನ್ಯವಾಗಿದೆ. ನೆಲದ ಅಂಚುಗಳು ಮತ್ತು ಗೋಡೆಗಳಿಗೆ ಟೈಲ್ಸ್ ಅನ್ನು ಅಂಟಿಸಲು ಇದನ್ನು ಹೆಚ್ಚಾಗಿ ಬಳಸಿಕೊಳ್ಳಲಾಗುತ್ತದೆ.
ಇತ್ತೀಚೆಗೆ ಗಾರೆಗಳ ಪ್ರಕಾರದಲ್ಲಿ ಸಾಮಾನ್ಯವಾಗಿ ಸುಧಾರಣೆ ಅಥವಾ ಪ್ರಗತಿಯನ್ನು ಕಾಣಬಹುದಾಗಿದ್ದು, ಎಪಾಕ್ಸಿ ಮಾರ್ಟರ್ ಇದಕ್ಕೆ ಉತ್ತಮ ಉದಾಹರಣೆಯಾಗಿದೆ. ಎಪಾಕ್ಸಿ ಗಾರೆಯು ಎಪಾಕ್ಸಿ ರೆಸಿನ್ಸ್‌, ಸಾಲ್ವೆಂಟ್ಸ್‌ ಇತ್ಯಾದಿಯನ್ನು ಒಳಗೊಂಡಿರುತ್ತದೆ. ಈ ಪ್ರಕಾರದ ಗಾರೆಯು ಅಂಟುವ ಗುಣವನ್ನು ಹೊಂದಿರುತ್ತದೆ ಮತ್ತು ಜಲನಿರೋಧಕವಾಗಿ ಕೆಲಸ ಮಾಡುತ್ತವೆ. ಇದು ಕಲೆ ನಿರೋಧಕವಾಗಿದ್ದು, ಸಿಮೆಂಟ್ ಗಾರೆಗಿಂತ ವೇಗವಾಗಿ ಗಟ್ಟಿಯಾಗುತ್ತದೆ. ಟೈಲ್ಸ್ ಜೋಡಣೆಯಲ್ಲಿ ಇದನ್ನು ಬಳಸುವುದು ಉತ್ತಮ ಆಯ್ಕೆಯಾಗಿದೆ.
ಈ ಗಾರೆಯ ಅಡಿಯಲ್ಲಿ ಅಲ್ಯುಮಿನಸ್ ಸಿಮೆಂಟ್ ಗಮನಾರ್ಹ ವಸ್ತುವಾಗಿದೆ. ಸುಟ್ಟ ಇಟ್ಟಿಗೆ ಪುಡಿ ಮತ್ತು ಉತ್ತಮ ಗುಣಮಟ್ಟದ ಸಿಮೆಂಟನ್ನು ಉಪಯೋಗಿಸಿ ಮಿಶ್ರಣ ಮಾಡುವುದರಿಂದ ಗೋಡೆಗೆ ಬೆಂಕಿ ತಾಕದಂತೆ ಈ ಅಗ್ನಿ ನಿರೋಧಕ ಮಾರ್ಟರ್ ರಕ್ಷಿಸುತ್ತದೆ.
ಕೆಲವು ಸಂದರ್ಭದಲ್ಲಿ ಸಿಮೆಂಟ್-ಲೋಮ್, ಸಿಮೆಂಟು-ಮರಳು, ಅಥವಾ ಇನ್ನೂ ಕೆಲವೊಮ್ಮೆ ಸಿಮೆಂಟು, ಮರಳು ಮತ್ತು ಲೋಮ್ ಮೂರನ್ನೂ ಮಿಶ್ರಣ ಮಾಡಿ ಪ್ಯಾಕಿಂಗ್ ನಲ್ಲಿ ಬಳಸಲಾಗುತ್ತದೆ. ಇದು ಜಲ ನಿರೋಧಕ ಶಕ್ತಿಯನ್ನು ಹೊಂದಿದ್ದು ಹೆಚ್ಚು ಶಕ್ತಿಯುತ ಹಾಗೂ ಉಪಯುಕ್ತವಾದ ಕಾರಣ ತೈಲ ಬಾವಿಗಳಿಗೆ ಬೈಂಡರ್ ಗಳಾಗಿ ಬಳಸುತ್ತಾರೆ.
ಜಿಪ್ಸಮ್, ಸ್ಲ್ಯಾಗ್ ಅಥವಾ ಸಿಮೆಂಟ್ ಜೊತೆಗೆ ಸಿಂಡರ್ ಮತ್ತು ಪ್ಯೂಮಿಸ್ ಅನ್ನು ಸೂಕ್ಷ್ಮ-ಸಂಯೋಜಕವಾಗಿ ಬಳಸುವುದರಿಂದ ಇದು ಧ್ವನಿ ನಿರೋಧಕ ಗುಣವನ್ನು ಅಭಿವೃದ್ಧಿಪಡಿಸುತ್ತದೆ. ಇದರಿಂದ ಧ್ವನಿ ನಿಯಂತ್ರಣ ಮಾಡುವ ಗಾರೆಯನ್ನು ಪಡೆದುಕೊಳ್ಳಬಹುದು. ಅಲ್ಲದೆ ರಾಸಾಯನಿಕ ಧಾಳಿಗೆ ಒಳಗಾಗುವ ಸಂರಚನೆಗಳಿಗೆ ರಾಸಾಯನಿಕ ನಿರೋಧಕ ಮಾರ್ಟರ್ ಅನ್ನು ಬಳಸಬಹುದು. ಕ್ಷ-ಕಿರಣಗಳು ಕೆಟ್ಟ ಪರಿಣಾಮಗಳನ್ನು ಉಂಟು ಮಾಡುವುದರಿಂದ, ಕೊಠಡಿಗಳ ಗೋಡೆಗಳ ಮೂಲಕ ಕ್ಷ-ಕಿರಣಗಳು ಹಾದುಹೋಗುವುದನ್ನು ತಡೆಯಲು ಬೃಹತ್ ಸಾಂದ್ರತೆಯ ಗಾರೆಯನ್ನು (22 KN/m³ ) ಬಳಸಬಹುದು.
ಬೈಂಡರ್ ಗಳ ಬಳಕೆ ಅದರ ಅನ್ವಯತೆ ಮತ್ತು ಉದ್ದೇಶದ ಆಧಾರದ ಮೇಲೆ ಅವಲಂಬಿಸಿದ್ದು, ಇದರ ಗುಣಲಕ್ಷಣಗಳು ಈ ಕೆಳಗಿನಂತಿವೆ.
ಗಾರೆಯ ಪ್ರಾಥಮಿಕ ಕೆಲಸವೆಂದರೆ ಇಟ್ಟಿಗೆ, ಟೈಲ್ಸ್ ಮುಂತಾದ ಬಿಲ್ಡಿಂಗ್ ಬ್ಲಾಕ್‌ಗಳನ್ನು ಬಂಧಿಸುವುದು. ಆದ್ದರಿಂದ ಗಾರೆ ಕೆಲಸದಲ್ಲಿ ಈ ಗುಣವು ಪ್ರಮುಖ ಕಾರ್ಯವಾಗಿರುತ್ತದೆ.
ಉತ್ತಮವಾದ ಗಾರೆಯು ಮಳೆಯ ಹವಾಮಾನ ಪರಿಸ್ಥಿತಿಯನ್ನು ತಡೆದುಕೊಳ್ಳುವ ಜಲನಿರೋಧಕ ಶಕ್ತಿಯನ್ನು ಹೊಂದಿರುತ್ತದೆ.
ಯಾವುದೇ ವಾಸ್ತುಶಿಲ್ಪದ ಅಥವಾ ಕಟ್ಟಡ ಕಟ್ಟುವ ಅತ್ಯಂತ ಮಹತ್ವದ ಗುಣವೆಂದರೆ ಹೆಚ್ಚು ಸವೆತವಿಲ್ಲದೆ ದೀರ್ಘಕಾಲ ಉಳಿಯುವ ಸಾಮರ್ಥ್ಯ ಮುಖ್ಯವಾಗಿರುತ್ತದೆ. ಆದ್ದರಿಂದ ಗಾರೆಯು ಪ್ರತಿಕೂಲತೆಯನ್ನು ಪಡೆದುಕೊಳ್ಳುವ ಉತ್ತಮ ಗುಣಮಟ್ಟವನ್ನು ಹೊಂದಿರಬೇಕು.
ಗಾರೆಯನ್ನು ಬಳಸಲು ಮತ್ತು ಕೆಲಸ ಮಾಡಲು ಸುಲಭವಾಗಿರಬೇಕು.
ಹೆಚ್ಚಿನ ಒತ್ತಡ ಅಥವಾ ತಾಪಮಾನ ವ್ಯತ್ಯಾಸಗಳಿಂದಾಗಿ, ಸುಲಭವಾಗಿ ಗೋಡೆ ವಿರೂಪಗೊಳ್ಳಬಹುದು. ಇದರ ಪರಿಣಾಮವಾಗಿ ಟೈಲ್ಸ್ ಮತ್ತು ಗೋಡೆಗಳ ಮೇಲ್ಮೈ ಭಾಗ ಬಿರುಕು ಬಿಡಬಹುದು. ಆದ್ದರಿಂದ ಉತ್ತಮ ಗುಣಮಟ್ಟದ ದೀರ್ಘಕಾಲದ ವರೆಗೆ ಬಾಳಿಕೆ ಬರುವಂತ ಜಾಯಿಂಟ್ ಮತ್ತು ಹಿಡಿತಗಳನ್ನು ಅಳವಡಿಸಿರುವುದಾಗಿ ಖಚಿತಪಡಿಸಿಕೊಳ್ಳಬೇಕು.
ಗಾರೆಗಳ ಪ್ರಾಥಮಿಕ ಕಾರ್ಯವೆಂದರೆ ಇಟ್ಟಿಗೆ ಅಥವಾ ಕಲ್ಲುಗಳನ್ನು ಪರಸ್ಪರ ಬಂಧಿಸುವುದು.
ಮಾರ್ಟರ್ ಪ್ರತಿಕೂಲ ಪರಿಸ್ಥಿತಿ ಅಥವಾ ಸನ್ನಿವೇಶಗಳ (ಉದಾಹರಣೆಗೆ ರಾಸಾಯನಿಕ ದಾಳಿ, ಹೆಚ್ಚಿನ ಶಬ್ಧ ಇತ್ಯಾದಿ) ವಿರುದ್ಧ ನಿರೋಧಕತೆಯನ್ನು ಹೊಂದಿರುವುದನ್ನು ಖಚಿತಪಡಿಸಿಕೊಳ್ಳುತ್ತದೆ.
ತೆಳು ಗಾರೆಯು (ಗ್ರೌಟ್) ಟೈಲ್ಸ್ ಮತ್ತು ಇಟ್ಟಿಗೆಗಳ ನಡುವಿನ ಅಂತರವನ್ನು ಮತ್ತು ಖಾಲಿ ಸ್ಥಳವನ್ನು ತುಂಬಲು ಸಹಾಯ ಮಾಡುತ್ತದೆ.
ಕೊನೆಯದಾಗಿ, ಕಟ್ಟಡ ಕಟ್ಟಲು ಗಾರೆಯು ಬಹುಮುಖ ಪಾತ್ರವನ್ನು ವಹಿಸುತ್ತದೆ ಹಾಗೂ ವಿವಿಧ ಪ್ರಕಾರಗಳನ್ನು ಇದು ಹೊಂದಿದೆ. ಪ್ರತಿಯೊಂದು ಪ್ರಕಾರವನ್ನೂ ಸಹ ನಿರ್ಧಿಷ್ಟ ಅಗತ್ಯಗಳಿಗೆ ಅನುಗುಣವಾಗಿ ವಿನ್ಯಾಸಗೊಳಿಸಲಾಗುತ್ತದೆ. ನಿರ್ಮಾಣ ಹಂತದಲ್ಲಿ ಇದರ ವಿವಿಧ ಗುಣಗಳಿಂದಾಗಿ ಕಟ್ಟಡ ಬಾಳಿಕೆಯಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ಕಟ್ಟಡಗಳ ನಿರ್ಮಾಣದ ವೃತ್ತಿಯಲ್ಲಿ ತೊಡಗಿರುವವರಿಗೆ ಮಾರ್ಟರ್ ವಿಧಾನಗಳು ಮತ್ತು ಅವುಗಳ ಅನ್ವಯವನ್ನು ಅರ್ಥ ಮಾಡಿಕೊಳ್ಳುವುದು ಅತ್ಯಂತ ಅನಿವಾರ್ಯವಾಗಿರುತ್ತದೆ.
