Share:
Share:
पीईएक्स (क्रॉस-लिंक्ड पॉलीथिलीन) पाईपने अलीकडच्या वर्षांत त्याची लवचिकता, स्थापना सुलभता आणि गोठवनार्‍या तापमानास प्रतिकार यामुळे लोकप्रियता मिळवली आहे. ते उच्च-घनतेच्या पॉलिथिलीन मटेरियलपासून बनविलेले असतात जे अतिरिक्त फिटिंग किंवा सोल्डरिंगची आवश्यकते शिवाय वाकवले आणि आकार दिले जाऊ शकतात. गरम आणि थंड पाण्याच्या वाहिनीमध्ये फरक स्पष्ट करण्यासाठी हे लाल आणि निळे अशा वेगवेगळ्या रंगांमध्ये उपलब्ध आहेत.
पीईएक्स पाईप अत्यंत लवचिक असतात, ज्यामुळे ते अरुंद जागेत आणि कोपऱ्यात सहज स्थापित केले जाऊ शकतात. ते भिंती आणि तळाला स्नेक केले (सापाप्रमाणे तळाला चिपकत चालणे) जाऊ शकतात, जे अतिरिक्त फिटिंगची आवश्यकता कमी करून गळतीचा धोका कमी करते.
पीईएक्स पाईप गोठवणुकीस अत्यंत प्रतिरोधक असतात, ज्यामुळे थंड हवामानासाठी ते एक आदर्श निवड बनतात जिथे पाण्याच्या वाहिन्या गोठण्याची आणि फुटण्याची शक्यता असते.
धातूच्या पाईपच्या विपरीत, पीईएक्स हे गंज आणि खवले निर्मितीला प्रतिरोधक आहे, ज्यामुळे पाण्याचा चांगला प्रवाह सुनिश्चित होतो आणि कालांतराने पाइप क्लॉग होण्याचा(अडथळयामुळे बंद होणे) धोका कमी होतो.
पीईएक्स पाइपचे आयुष्य दीर्घ असते, उत्पादक बर्‍याचदा 25 वर्षे किंवा त्यापेक्षा जास्त कालावधीची वॉरंटी देतात.
पीव्हीसी (पॉलीविनाइल क्लोराईड) पाईप त्यांच्या परवडण्याजोगीपणा, टिकाऊपणा आणि अष्टपैलूपणामुळे निवासी प्लंबिंग प्रणालीमध्ये मोठ्या प्रमाणात वापरले जातात. हा एक कठोर पाईप आहे जो विविध आकारात उपलब्ध आहे आणि सोल्वंट सिमेंट वापरुन सहज जोडला जाऊ शकतो.
विविध पाण्याच्या पाइप प्रकारांपैकी, पीव्हीसी पाईप प्लंबिंग प्रणालीसाठी सर्वात किफायतशीर पर्यायांपैकी एक आहे, ज्यामुळे तो नवीन स्थापना आणि दुरुस्ती दोन्हीसाठीही लोकप्रिय आहे.
पीव्हीसी पाईप गंज, रसायने आणि अतिनील किरणांना प्रतिरोधक आहे, ज्यामुळे तो इनडोअर (घराच्या आतील) आणि आउटडोअर (घराच्या बाहेरील) दोन्ही अनुप्रयोगांसाठी योग्य ठरतो.
पीव्हीसी पाईप हलका असतो, ज्यामुळे त्याला हाताळणे आणि स्थापित करणे सोपे होते. त्याला इतर पाईप मटेरियलच्या तुलनेत कमी टूल्स आणि फिटिंगची गरज पडते.
पीव्हीसी पाईपला रंग देण्याची किंवा कोटिंगची आवश्यकता नसते आणि तुलनेने कमी देखभाल असते, ज्यामुळे दीर्घकालीन बचत शक्य होते.
तांब्याचा पाईप त्याच्या टिकाऊपणा, विश्वासार्हता आणि सौंदर्यात्मक आकर्षणामुळे बर्‍याच वर्षांपासून प्लंबिंग प्रणालीसाठी एक लोकप्रिय निवड आहे. तांब्याचे पाईप दोन मुख्य प्रकारांमध्ये उपलब्ध आहेत: कठोर तांबे आणि लवचिक तांबे.
तांब्याच्या पाईपचे आयुष्य दीर्घ असते आणि योग्यरित्या स्थापित आणि देखभाल केल्यास ते कित्येक दशके टिकू शकतात.
तांब्याचे पाईप उच्च तापमान सहन करू शकतात, ज्यामुळे ते गरम पाणी पुरवठा वाहिनीसाठी आदर्श बनतात.
तांबे गंजास प्रतिरोधक आहे, ज्यामुळे दूषित पदार्थांशिवाय स्वच्छ पाण्याचा सातत्यपूर्ण प्रवाह सुनिश्चित होतो.
तांब्याच्या पाईपचे दृष्टीस आकर्षक असे स्वरूप असते आणि ते आपल्या घराला सुडौलतेचे वैशिष्ट देऊ शकते.
एबीएस (अॅक्रिलोनिट्रिल ब्युटाडीन स्टायरिन) पाईप सामान्यत: गटार, सांडपाणी आणि व्हेंट (डीडब्ल्यूव्ही) प्रणालीसाठी वापरला जातो. हा एक हलका आणि टिकाऊ प्लास्टिक पाईप आहे जो रसायनांना प्रतिरोधक आहे आणि उच्च तापमान हाताळू शकतो.
एबीएस पाईप किफायतशीर आणि खिशाला-अनुकूल आहे, ज्यामुळे निवासी प्लंबिंग प्रकल्पांसाठी ते एक लोकप्रिय निवड आहेत.
एबीएस पाईप रसायनांना अत्यंत प्रतिरोधक आहे, ज्यामुळे ते गटार आणि सांडपाणी प्रणालीसह विविध अनुप्रयोगांसाठी योग्य ठरतात.
एबीएस पाईपमध्ये उत्कृष्ट ध्वनी-कमी करणारे गुणधर्म आहेत, जे पाण्याच्या प्रवाहामुळे होणारा आवाज कमी करतात आणि एकंदरीत दिलासा देतात.
एबीएस पाईप हलका आणि कापण्यास सोपा आहे, ज्यामुळे स्थापना जलद आणि सुलभ होते.
फ्लेक्सी पाईप, ज्याला लवचिक गुंफित पुरवठा वाहिनी मार्ग देखील म्हणतात, ते सामान्यत: नळ आणि शौचालये यासारख्या फिक्चरला(जोडणीला) मुख्य पाणी पुरवठ्याशी जोडण्यासाठी वापरले जातात. हे प्रबलित(रिन्फोर्सेड) रबर किंवा स्टेनलेस स्टीलपासून बनविलेले असतात आणि लवचिक असण्यासाठी डिझाइन केलेले असतात, ज्यामुळे सहज स्थापना आणि जोडणी साध्य होते.
फ्लेक्सी पाईप अत्यंत लवचिक असतात, ज्यामुळे त्यांनाअरुंद जागेत आणि कोपऱ्यात सहज पणे स्थापित करणे शक्य होते.
फ्लेक्सी पाइपचे गुंफित डिझाइन अतिरिक्त मजबुती प्रदान करते आणि गळती किंवा स्फोट रोखण्यास मदत करते.
फ्लेक्सी पाईप प्री-अटॅच्ड (आधीच जोडलेल्या) फिटिंगसह येतात, ज्यामुळे इन्स्टॉलेशन(स्थापना) जलद आणि त्रासमुक्तरित्या होते.
फ्लेक्सी पाईप विविध प्लंबिंग फिक्चरशी सुसंगत आहेत आणि निवासी व व्यावसायिक दोन्ही अनुप्रयोगांमध्ये वापरले जाऊ शकतात
एकेकाळी प्लंबिंग प्रणालीसाठी गॅल्व्हेनाइज्ड स्टील पाईप आणि कास्ट आयर्न (बीड) पाईप हे लोकप्रिय पर्याय होते, परंतु गेल्या काही वर्षांत त्यांचा वापर कमी झाला आहे. तथापि, ते अजूनही काही जुन्या घरांमध्ये आढळून येतात.
गॅल्व्हेनाइज्ड स्टील पाईप हे स्टीलचे पाईप आहेत जे गंजापासून संरक्षण प्राप्त करण्यासाठी झिंक (जस्त)च्या थराने लेपित केले गेलेले असतात. ते सामान्यत: पाणी पुरवठा वाहिनीमार्ग आणि आउटडोअर प्लंबिंग अनुप्रयोगांमध्ये वापरले जात असत.
झिंक लेप काही प्रमाणात गंज प्रतिरोध प्रदान करतो, आणि पाइपचे आयुष्य वाढवतो.
गॅल्व्हेनाइज्ड स्टील पाईप मजबूत असतात आणि उच्च दाबाच्या पाणी पुरवठा प्रणाली हाताळू शकतात
जलनिस्सारण आणि सांडपाणी प्रणालीसाठी जुन्या घरांमध्ये कास्ट आर्यन(बीड) पाईप प्रचलित होते. ते टिकाऊ असतात आणि जड भार सहन करू शकतात, ज्यामुळे ते उभ्या स्टॅक्स(रास वाहिनी)साठी योग्य ठरतात.
कास्ट आर्यन पाईपमध्ये असामान्य टिकाऊपणा असतो आणि ते बरीच दशके टिकू शकतात.
कास्ट आर्यन पाईप उत्कृष्ट ध्वनी इन्सुलेशन प्रदान करतात, आणि पाइपमधील पाण्याच्या प्रवाहाचा आवाज कमी करतात.
१९७० ते १९९० च्या दशकात निवासी प्लंबिंगमध्ये पॉलीब्युटिलीन पाईपचा वापर केला जात होता. तथापि, गळती होण्याच्या आणि फुटण्याच्या समस्येमुळे, त्यांना पसंती मिळाली नाही आणि आता ते मोठ्या प्रमाणात वापरले जात नाहीत. पॉलीब्युटिलीन पाईप हे पॉलीब्युटिलीन नावाच्या प्लास्टिक रेसिन्सपासून बनविलेले असतात आणि पाणी पुरवठा आणि वितरण लाइन दोन्हीसाठी वापरले जातात.
त्या काळच्या इतर मटेरियलच्या तुलनेत पॉलीब्युटिलीन पाईप तुलनेने स्वस्त होते.
त्यांच्या लवचिकतेमुळे ते स्थापित करणे सोपे होते, त्यांना अतिरिक्त फिटिंगची आवश्यकता कमी होते.
पॉलीब्युटिलीन पाईप खराब होत नाहीत, ज्यामुळे स्वच्छ पाण्याचा प्रवाह मिळतो.
तथापि, हे लक्षात घेणे महत्वाचे आहे की पॉलीब्युटिलीन पाईपमध्ये गळती आणि फुटणे यासहच्या बिघाडीचा इतिहास आहे, म्हणूनच ते यापुढे प्लंबिंग प्रणालीसाठी व्यवहार्य पर्याय मानले जात नाहीत.
ब्लॅक आर्यन पाईप, ज्याला ब्लॅक स्टील पाईप देखील म्हणतात, ते प्रामुख्याने गॅस वितरणासाठी वापरले जातात. ते स्टीलपासून बनलेले असतात आणि काळ्या लोह ऑक्साईडच्या संरक्षक थराने लेपित असतात.
ब्लॅक आर्यन पाईप मजबूत आणि टिकाऊ असतात, उच्च दाब आणि भार सहन करण्यास सक्षम असतात.
ब्लॅक आर्यन ऑक्साईडचा लेप गंजास काही प्रमाणात प्रतिरोध प्रदान करतो.
त्यांची मजबुती आणि टिकाऊपणा यामुळे ते सामान्यत: नैसर्गिक वायू वितरण वाहिनीमार्गासाठी वापरले जातात.
गॅस वितरणासाठी ब्लॅक आर्यन पाईप हा एक विश्वासार्ह पर्याय असला तरी तांबे किंवा पीव्हीसी सारख्या इतर मटेरियलच्या तुलनेत ते गंजण्याची शक्यता जास्त असल्याने पाणी पुरवठा प्रणालीसाठी त्यांचा वापर केला जात नाही.
पाणी पुरवठ्यासाठी अनेक प्रकारचे पाइप उपलब्ध आहेत आणि आपल्या घराच्या प्लंबिंगच्या गरजांसाठी सर्वोत्तम निवडीचा काळजीपूर्वकपणे विचार करणे आवश्यक आहे. आपला निर्णय घेताना या आवश्यक बाबी लक्षात ठेवा:
पाईपचा हेतू निश्चित करा आणि आपल्या विशिष्ट प्लंबिंग आवश्यकतांशी जुळणारे मटेरियल निवडा.
उपलब्ध जागेचा विचार करा आणि अरुंद भागात लवचिकता प्रदान करणारे पाईप निवडा.
पाईपच्या क्षमतेशी जुळण्यासाठी पाण्याचा दाब आणि तापमानाची आवश्यकतेचे मूल्यांकन करा.
दीर्घकाळ टिकणाऱ्या कामगिरीसाठी गंज, रसायने आणि गोठवणूक तापमानाला प्रतिरोधकता तपासा.
प्लंबिंग पाईप इन्स्टॉलेशनसाठी आपले बजेट निश्चित करा कारण पाईप मटेरियल वेगवेगळ्या किंमतीत येतात आणि परवडण्याजोगीपणा व गुणवत्ता यांच्यात संतुलन राखणे आवश्यक आहे.
प्लंबिंग पाईप्स संदर्भातील स्थानिक बिल्डिंग कोड आणि नियम जाणून घ्या आणि आपण निवडलेले पाईप मटेरियल या नियमांचे पालन करते याची खात्री करा.
आपल्या गरजेनुसार मौल्यवान अंतर्दृष्टीसाठी प्लंबर किंवा कंत्राटदाराचा सल्ला घ्या, ज्याद्वारे आपण माहितीपूर्ण निर्णय घेऊ शकता.
हे घटक विचारात घेऊन आपण आपल्या घरातील पाणी पुरवठ्यासाठी सर्वोत्तम पाईप निवडू शकता.
अर्थातच, विविध प्रकारचे प्लंबिंग पाईप समजून घेतल्यास आपण आपल्या घरासाठी योग्य प्लंबिंग पाईप निवडू शकता. सुजाण निर्णयाने, आपण विश्वासार्ह आणि कार्यक्षम पाणी पुरवठा व्यवस्था सुनिश्चित करू शकता, ज्यामुळे आपल्या घरातील एकंदर स्वास्थ आणि हीत अबाधित राहील.
