घरात वापरल्या जाणाऱ्या खिडकीच्या काचेचे प्रकार

घरांसाठी विविध प्रकारच्या खिडकीच्या काचा

ते दिवस गेले जेव्हा खिडक्या फक्त साध्या काचेच्या बनलेल्या असायचा. आज, प्रगत तंत्रज्ञान आणि नाविन्यपूर्णतेमुळे विविध प्रकारच्या काचेचा विकास झाला आहे. हे वैविध्यपूर्ण पर्याय ऊर्जा कार्यक्षमता, सुरक्षा, गोपनीयता आणि सौंदर्य यासारख्या विविध गरजा पूर्ण करतात. चला घराच्या खिडक्यांसाठी असलेले काचेचे काही सर्वात लोकप्रिय प्रकार बघूयात.

घरांसाठी खिडकीच्या काचेचे 10 प्रकार

1) दणकट केलेला (टफन) काच

टेम्पर्ड ग्लास म्हणूनही ओळखला जाणारा हा प्रकार सामान्य काचेपेक्षा मजबूत आणि टिकाऊ असतो. टेम्पर्ड काचेची खिडकी उष्णता-प्रक्रिया केलेली असत आणि तुटल्यावर लहान, निरुपद्रवी बारीक बारीक तुकडे होण्यासाठीसाठी रचना केलेली असते, ज्यामुळे इजा होण्याचा धोका कमी होतो.

2) नितळ चलदृष्य काच (क्लीअर फ्लोट ग्लास)

खिडक्यांमध्ये वापरल्या जाणार्‍या काचेचा हा सर्वात सामान्य प्रकार आहे. हे पारदर्शक, रंगहीन असतात आणि ज्यामुळे जास्तीत जास्त प्रकाश प्रसारणास अनुमती मिळते. हे उत्कृष्ट स्पष्टता प्रदान करते आणि आपल्या घरात पुरेसा नैसर्गिक प्रकाशाला प्रवेश करण्यास अनुमती मिळते, ज्यामुळे एक उज्ज्वल आणि आमंत्रण देणारे वातावरण तयार होते.

3) रंगीत काच

रंगीत काच विविध छटा आणि रंगांमध्ये उपलब्ध आहे, ज्यामुळे घरमालकांना ऊर्जा कार्यक्षमता आणि गोपनीयता सुधारत असतांना त्यांच्या खिडक्यांचे स्वरूप सानुकूलित करण्याची अनुमती मिळते. ती सूर्यप्रकाशापासूनचा प्रखर प्रकाश आणि उष्णता कमी करण्यास मदत करते, ज्याद्वारे घराअंतर्गत आरामदायक वातावरण प्रदान होते.

4)अभिरंजक काच

बर्‍याचदा सजावटीसाठी वापरल्या जाणार्‍या, अभिरंजक काचेमध्ये सुंदर रंग आणि गुंतागुंतीचे नक्षी काम असते. चर्च, ऐतिहासिक वास्तू आणि घरांमध्ये अभिरंजक काचेच्या खिडक्या आढळतात, ज्यामुळे वास्तुकलेला एक अनोखा कलात्मक स्पर्श जोडला जातो.

5) परावर्तनक्षमता असलेली काच

या प्रकारच्या काचेच्या पृष्ठभागावर धातूचा पातळ थर असतो, जो सूर्यप्रकाश परावर्तित करतो आणि उष्णता वाढ व प्रखर प्रकाश कमी करतो. उष्ण हवामानातील घरांसाठी किंवा थेट सूर्यप्रकाश मिळणाऱ्या मोठ्या खिडक्या असलेल्या घरांसाठी परावर्तनक्षमता असलेली काच आदर्श ठरते. ही वाढलेली गोपनीयता देखील प्रदान करते, कारण की परावर्तनक्षमता असलेल्या थरामुळे दिवसाच्या उजेडाच्या वेळेत बाहेरून आत पाहणे कठीण होते.

6) रोधीकृत काच

रोधीकृत काचेमध्ये अनेक काचेची तावदाने असतात. ही रचना घराअंतर्गत आरामदायक तापमान राखण्यास मदत करते, ती उर्जेचा वापरात कपात करते आणि काचेवरील संघनन कमी करते. रोधीकृत काच उष्ण आणि थंड दोन्ही हवामानातील घरांसाठी आदर्श आहे, कारण ते उत्कृष्ट थर्मल इन्सुलेशन आणि साउंडप्रूफिंग प्रदान करते.

7) लॅमिनेटे केलेली काच

लॅमिनेटे केलेल्या काचेची घडण तिला आघातामध्ये अत्यंत प्रतिरोधक बनवते, परिणामी ती तुटलेल्या काचेपासून इजा होण्याचा धोका कमी करते. लॅमिनेट केलेल्या काचेच्या खिडक्या उत्कृष्ट ध्वनीरोधन देखील प्रदान करतात आणि हानिकारक अतिनील किरणांना अवरोधित करतात, ज्यामुळे त्या व्यस्त रस्त्यांजवळील किंवा वादळाचा धोका असलेल्या भागातील खिडक्यांसाठी योग्य ठरतात.

8) वयन असलेला काच

वयन असलेला काच, ज्याला नक्षीदार  किंवा अस्पष्ट काच म्हणून देखील ओळखले जाते, त्याच्या पृष्ठभागावर नक्षी किंवा आकृत्या ह्या वैशिष्ट्यीकृत असतात, ज्या गोपनीयता आणि दृश्य आकर्षकता प्रदान करतात. वयन असलेला पृष्ठभाग प्रकाश विकिरित करतो आणि दृश्यमानता अस्पष्ट करतो आणि तरीही तो नैसर्गिक प्रकाश प्रवेश करण्यास परवानगी देतो. ही बर्‍याचदा प्रसाधनगृह, प्रवेशमार्ग आणि इतर भागात वापरली जाते, जेथे प्रकाशाशी तडजोड न करता गोपनीयता इच्छित असते.

9) कमी उत्सर्जन काच

लो-ई किंवा कमी उत्सर्जन काच, हानिकारक अतिनील किरणांना अवरोधित करून सुरक्षा आणि आराम प्रदान करते. ऊर्जा-कार्यक्षम खिडक्यांसाठी ही एक उत्कृष्ट निवड आहे, ज्यामुळे तापन आणि शीतलीकरण खर्च कपात करण्यात मदत होते.

10) ऊष्मीय काच

या प्रकारच्या काचेची रचना खास उष्णता अंतरण कमी करण्यासाठी केली गेली आहे, ज्यामुळे ती तीव्र हवामानातील घरांसाठी आदर्श बनते. ती एकल आणि बहू-तावदान  समाकृती मध्ये आढळून येते, ती उत्कृष्ट ऊष्मीय कार्यक्षमता प्रदान करते आणि ध्वनी प्रसारण कमी करते.

खिडकीच्या काचरोगणाचे प्रकार

घरांमध्ये वापरल्या जाणाऱ्या खिडकीच्या काचेच्या प्रकारांव्यतिरिक्त, काचरोगणाची पद्धत किंवा खिडकीच्या चौकटीमध्ये काच बसविण्याची पद्धत ही, खिडक्यांची कार्यक्षमता निश्चित करण्यात महत्त्वपूर्ण भूमिका बजावते. खिडकीच्या काचरोगणाचे तीन सामान्य प्रकार जाणून घेऊयात:

1) एकल काचरोगण असलेल्या खिडक्या

एकल काचरोगण असलेल्या खिडक्या ह्या खिडकी काचरोगणाचा सर्वात मूलभूत आणि पारंपारिक प्रकार आहे. त्यामध्ये काचेचे एकच तावदान असते जे खिडकीच्या चौकटीत बसविले जाते. एकल काचरोगण असलेल्या खिडक्या ह्या सर्वात परवडणारा पर्याय असला तरी त्या मर्यादित रोधन गुणधर्म प्रदान करतात. ते घटकांविरूद्ध अडथळा प्रदान करतात परंतु ऊष्मीय क्षती आणि ध्वनी प्रसारण रोखण्यासाठी त्या इतर काचरोगण पर्यायांच्या तुलनेत कमी प्रभावी आहेत.

2) दुहेरी काचरोगण असलेल्या खिडक्या

दुहेरी-काचरोगण असलेल्या खिडक्यांनी त्यांच्या सुधारित रोधन क्षमतेमुळे लोकप्रियता प्राप्त केली आहे. त्या काचेची दोन तावदाने वापरून तयार केल्या जातात जे सीलबंद हवा किंवा गॅस-भरलेल्या जागेद्वारे वेगळे केले जातात, सामान्यत: ते आर्गॉन किंवा क्रिप्टन वायूने भरलेले असतात. काचांमधील हवा किंवा वायूचा रोधन थर अडथळा म्हणून कार्य करतो, ज्यामुळे उष्णता अंतरण कमी होते आणि ऊर्जा कार्यक्षमता वाढते. दुहेरी काचरोगण असलेल्या खिडक्यांमुळे आपले घर उन्हाळ्यात थंड आणि हिवाळ्यात उबदार राहण्यास मदत होते आणि बाहेरील आवाजाचा अंतःप्रवेश कमी होतो.

3) तिहेरी काचरोगण असलेल्या खिडक्या

तिहेरी काचरोगण असलेल्या खिडक्या ह्या तिन्ही प्रकारच्या खिडकी काचरोगणामध्ये सर्वोच्च पातळीचे रोधन प्रदान करतात, ज्यामुळे त्या पर्यावरण-अनुकूल घर बांधकामासाठी एक उत्कृष्ट निवड बनतात. त्यामध्ये दोन सीलबंद हवा किंवा गॅसने भरलेल्या जागा असलेली काचेची तीन तावदाने असतात. काच आणि रोधनाचा हा अतिरिक्त थर ऊष्मीय क्षती लक्षणीयरीत्या कमी करतो, ऊर्जा कार्यक्षमता वाढवतो आणि ध्वनी रोधन सुधारतो. तिहेरी काचरोगण असलेल्या खिडक्या कठोर हवामान, अत्यधिक तापमान किंवा उच्च ध्वनी पातळी असलेल्या प्रदेशांमध्ये खासकरून फायदेशीर असतात, कारण ते अनन्यसाधारण ऊष्मीय आराम प्रदान करतात आणि गोंगाट कमी करतात.