୧୯୨୪ ମସିହା ନଭେମ୍ବର ମାସରେ ସ୍ୱିଡେନ୍‌‌ର ଜଣେ ଆର୍କିଟେକ୍ଟଙ୍କ ଦ୍ୱାରା ଏଏସି ବ୍ଲକ୍ ଉଦ୍ଭାବନ କରାଯାଇଥିଲା । ସେ କ୍ଷୟ, ଦହନ ଓ ଉଇ ପ୍ରତିରୋଧୀ ନିର୍ମାଣ ସାମଗ୍ରୀର ସନ୍ଧାନରେ ଥିଲେ । ଏହି ଆଲେଖ୍ୟରେ ଆମେ ଏଏସି ବ୍ଲକ୍ସର ବିଭିନ୍ନ ପ୍ରକାରଭେଦ ଏବଂ ତାହାର ଫାଇଦା ଓ ଅସୁବିଧା ସମ୍ପର୍କରେ ଆଲୋଚନା କରିବା ।

ଏଏସି ବ୍ଲକ୍ସ କ’ଣ?

ଅଟୋକ୍ଲେଭ୍‌‌ଡ ଏରେଟେଡ୍ କଂକ୍ରିଟ୍ (ଏଏସି) ବ୍ଲକ୍ ଏକ କମ୍-ରକ୍ଷଣାବେକ୍ଷଣ ଆବଶ୍ୟକ କରୁଥିବା ପ୍ରିକାଷ୍ଟ ନିର୍ମାଣ ସାମଗ୍ରୀ ଅଟେ, ଯେଉଁଥିରେ ଉତ୍କୃଷ୍ଟ ତାପଜ ଇନସୁଲେସନ୍ ଏବଂ ସ୍ଥାୟିତ୍ୱ ରହିଛି । ଏଏସିର ତାପ-ପୃଥକୀକରଣ ଗୁଣଧର୍ମ ବିଲ୍‌‌ଡିଂକୁ ଅଧିକ ଥଣ୍ଡା ରଖିଥାଏ, ଏବଂ ବାହାରର ତାପକୁ ଘର ଭିତରକୁ ପଶିବାକୁ ଦେଇ ନ ଥାଏ । ଏହା ଫଳରେ ଏୟାର-କଣ୍ଡିସନିଂ ବାବଦୀୟ ଖର୍ଚ୍ଚ ଅପେକ୍ଷାକୃତ କମିଯାଇଥାଏ । ଏଏସି ବ୍ଲକ୍ସ ଫାଉଣ୍ଡେସନ୍ ଉପରେ ଭାର, ଷ୍ଟ୍ରକ୍ଚରାଲ୍ ଷ୍ଟିଲ୍ ଖର୍ଚ୍ଚ ଏବଂ ମୋର୍ଟାଲ୍ ଖର୍ଚ୍ଚ ବାବଦୀୟ ଖର୍ଚ୍ଚକୁ ହ୍ରାସ କରିବାର ମଧ୍ୟ ଗ୍ୟାରେଣ୍ଟି ଦେଇଥାଏ ।

ଏଏସି ବ୍ଲକ୍ସର ପ୍ରକାରଭେଦ

• ଅଗ୍ନି ପ୍ରତିରୋଧୀ ଏଏସି ବ୍ଲକ୍ସ

   

• ୨୦୦ ମିମି ଏଏସି ବ୍ଲକ୍

   

• ୧୦୦ ମିମି ଏଏସି ବ୍ଲକ୍

   

• ଦୀର୍ଘସ୍ଥାୟୀ ଏଏସି ବ୍ଲକ୍

   

• ଆୟତାକାର ଫ୍ଲାଏ ଆଶ୍ ଏଏସି ବ୍ଲକ୍ସ

ଏଏସି ବ୍ଲକ୍ସର ଫାଇଦା

• - ସହଜ ଏବଂ ଦ୍ରୁତ ସୁକାର୍ଯ୍ୟତା :

• ଏଏସି ବ୍ଲକ୍‌‌ଗୁଡ଼ିକ ପାରମ୍ପରିକ ଇଟା ତୁଳନାରେ ପାଖାପାଖି ଅଧା ଓଜନର ଏବଂ ଦଶଗୁଣ ଅଧିକ ଆକାରର ହୋଇଥାଏ । ଏହି ଅନନ୍ୟ ଗୁଣଧର୍ମ କାରଣରୁ ତାହାକୁ ସ୍ଥାପନ କରିବା ସହଜ ହୋଇଯାଏ ଏବଂ ଆପଣ ଚାହୁଁଥିବା ଆକାର ପାଇବା ପାଇଁ ତାହାକୁ ଆଡଜଷ୍ଟ କରିବା, କାଟିବା, ନୂଆ ଆକାର ଦେବା ମଧ୍ୟ ଖୁବ୍ ସହଜ । ଏଏସି ବ୍ଲକ୍ସରେ କମ୍ ସଂଖ୍ୟକ ଯୋଡ଼େଇ ଏବଂ ସମରୂପୀ ଆକାର ରହିଥାଏ । ଏହା ନିର୍ମାଣ ପ୍ରକ୍ରିୟାକୁ ଦ୍ରୁତତର କରିଥାଏ । ଶେଷରେ, ହାଲୁକା ବ୍ଲକ୍ସକୁ ପରିବହନ କରିବା ସହଜ, ଯାହା ଫଳରେ ପାରମ୍ପରିକ ଇଟା ତୁଳନାରେ ଏହାର ସାମଗ୍ରିକ ପରିବହନ ଖର୍ଚ୍ଚ କମ୍ ହୋଇଥାଏ ।

• - ବିପର୍ଯ୍ୟୟ ପ୍ରତିରୋଧୀ

• ବିଲ୍‌‌ଡିଂଗୁଡ଼ିକୁ ସାଧାରଣତଃ ନିଜର-ଓଜନ ଏବଂ ମାଧ୍ୟାକର୍ଷଣ ଭଳି ଦୁଇଟି ଭୂଲମ୍ବ ବଳକୁ ସମ୍ଭାଳିବା ପାଇଁ ଡିଜାଇନ୍ କରାଯାଇଥାଏ । ହେଲେ, ଭୂମିକମ୍ପ ଭୂସମାନ୍ତର ବଳ ସୃଷ୍ଟି କରିଥାଏ । ଏହାର ନିର୍ମାଣ ପ୍ରକ୍ରିୟା କାରଣରୁ ଏଏସି ବ୍ଲକ୍ସ ଅତ୍ୟଧିକ ସୁଦୃଢ଼ ହୋଇଥାଏ, ଯାହା ଚୂଡ଼ାନ୍ତ ଢାଞ୍ଚାକୁ ସ୍ଥାୟିତ୍ୱ ଯୋଗାଇଥାଏ । ପାରମ୍ପରିକ ଇଟା ତୁଳନାରେ ଏଏସି ଇଟାଗୁଡ଼ିକ ଉଚ୍ଚତର ଭୂମିକମ୍ପ ଭାରକୁ ସମ୍ଭାଳିବାରେ ସକ୍ଷମ ହୋଇଥାଏ ।

• - ତାପଜ ଇନସୁଲେସନ୍ ଏବଂ ଶକ୍ତି ସଂରକ୍ଷଣ :

• କଂକ୍ରିଟ୍ ସହିତ ହାଇଡ୍ରୋଜେନ୍‌‌କୁ ଫୋମିଂ କରି ଏହି ନିର୍ମାଣ ସାମଗ୍ରୀଟି ଉତ୍କୃଷ୍ଟ ତାପଜ-ପୃଥକୀକରଣ ଯୋଗାଇଥାଏ । ଏହାଫଳରେ, ଘରର ତାପମାତ୍ରା ଶୀତଦିନେ ଉଷୁମ ଏବଂ ଖରାଦିନେ ଥଣ୍ଡା ରହିଥାଏ । ତେଣୁ, ଆପଣଙ୍କ ଏୟାର-କଣ୍ଡିସନିଂ ବାବଦୀୟ ଖର୍ଚ୍ଚ ପାଖାପାଖି ୨୫% ପର୍ଯ୍ୟନ୍ତ କମିଯାଇଥାଏ । ଏହାର ଶକ୍ତି-ଦକ୍ଷ ଉତ୍ପାଦନ ପ୍ରକ୍ରିୟା କାରଣରୁ, ଏଏସି ବ୍ଲକ୍ସ ଆଜୀବନ ଶକ୍ତି-ଦକ୍ଷ ହୋଇଥାଏ ।

• - ସାଉଣ୍ଡପ୍ରୁଫ୍ :

• ଏଏସି ବ୍ଲକ୍ସ ହାଲୁକା ଏବଂ ଛିଦ୍ରାଳ ହୋଇଥିବାରୁ ତାହା ଧ୍ୱନିକୁ ଅପେକ୍ଷାକୃତ କମ୍ କରିପାରିଥାଏ । ଏହି କାରଣରୁ, ଷ୍ଟୁଡିଓ, ହସ୍ପିଟାଲ, ହୋଟେଲ ଆଦିର ନିର୍ମାଣରେ ଏଏସି ବ୍ଲକ୍ସ ବହୁଳ ଭାବେ ବ୍ୟବହୃତ ହୋଇଥାଏ ।

• - ଚିରପୋଷକ୍ଷମ ଏବଂ ପକେଟ୍‌‌କୁ ସୁହାଇଥାଏ :

• ନ୍ୟୂନତମ ବର୍ଜ୍ୟବସ୍ତୁ ସହିତ ପ୍ରାକୃତିକ ଅଣ-ବିଷାକ୍ତ କଞ୍ଚାମାଲ ବ୍ୟବହାର କରି ଏଏସି ବ୍ଲକ୍ସର ନିର୍ମାଣ କରାଯାଇଥାଏ । ନିର୍ମାଣ ସମୟରେ ଏଥିରୁ ବାହାରୁ ଥିବା ବର୍ଜ୍ୟବସ୍ତୁ ଏବଂ ଭଗ୍ନାବଶେଷଗୁଡ଼ିକୁ ପୁନଃଚକ୍ରଣ କରାଯାଇପାରିବ କିମ୍ବା ଗୋଡ଼ି ହିସାବରେ ବ୍ୟବହାର କରାଯାଇପାରିବ । ଏହାର ଅଣ-ଜୈବବିଘଟନଯୋଗ୍ୟ ସାମଗ୍ରୀ ବିଲ୍‌‌ଡିଂକୁ ଅଧିକ ଦୀର୍ଘସ୍ଥାୟୀ, ଅଟଳ କରିଥାଏ; ଅପଚୟ ଓ ଶିଉଳି ଆଦିକୁ ପ୍ରତିରୋଧ କରିଥାଏ । ଅଧିକନ୍ତୁ, ଏଏସି ବ୍ଲକ୍ସ ହାଲୁକା ହୋଇଥିବାରୁ ତାହା ଶକ୍ତି ଦକ୍ଷ ଏବଂ ସ୍ଥାପନ କରିବା ସହଜ ହୋଇଥାଏ । ଏହା ଶ୍ରମ ବାବଦୀୟ ଖର୍ଚ୍ଚକୁ ହ୍ରାସ କରିଥାଏ ।

• - ଅଗ୍ନି ପ୍ରତିରୋଧୀ

• ଅନ୍ୟାନ୍ୟ ନିର୍ମାଣ ସାମଗ୍ରୀ ସହିତ ତୁଳନା କରାଗଲେ, ଏଏସି ବ୍ଲକ୍ସ ଦହନଶୀଳ ନୁହେଁ ଏବଂ ତାହାର ମୋଟେଇ ଭିତ୍ତିରେ ଏହା ୧,୨୦୦ ଡିଗ୍ରୀ ସେଲସିୟସ୍ ତାପମାତ୍ରାରେ ୬ ଘଣ୍ଟା ପର୍ଯ୍ୟନ୍ତ ଅଗ୍ନିର ପ୍ରତିରୋଧ କରିବାରେ ସକ୍ଷମ ଅଟେ । ତେଣୁ ଅନେକ ଦୃଷ୍ଟିରୁ ଏହା ଏକ ନିରାପଦ ବିକଳ୍ପ ମଧ୍ୟ ଅଟେ ।

• - ଆର୍ଦ୍ରତା ନିରୋଧୀ :

• ଆର୍ଦ୍ରତା ବଡ଼ ଧରଣର ଢାଞ୍ଚାଗତ କ୍ଷତିର କାରଣ ସାଜିପାରେ । ଏଏସି ବ୍ଲକ୍ସରେ ରହିଥିବା ଅତ ସୂକ୍ଷ୍ମ ରନ୍ଧ୍ରଗୁଡ଼ିକ କମ୍ ଜଳ ଅବଶୋଷଣକୁ ସୁନିଶ୍ଚିତ କରିଥାଏ । ଏହାଫଳରେ, ଏଏସି ବ୍ଲକ୍ସ ଆର୍ଦ୍ରତାରୁ ଉତ୍ତମ ସୁରକ୍ଷା ଯୋଗାଇଥାଏ ।

ଏଏସି ବ୍ଲକ୍ସର ଅସୁବିଧା

• - ଏଏସି ବ୍ଲକ୍ସ ଭଙ୍ଗୁର ପ୍ରକୃତିର ହୋଇଥାଏ । ତେଣୁ, ପରିବହନ ଏବଂ ନେବାଆଣିବା ସମୟରେ ମାଟି ଇଟା ତୁଳନାରେ ତାହା ଅଧିକ ଯତ୍ନ ଓ ସତର୍କତା ଆବଶ୍ୟକ କରିଥାଏ । ୟୁନିଟ୍ ପିଛା ଏଏସି ବ୍ଲକ୍‌‌ର ମୂଲ୍ୟ ମହଙ୍ଗା ହୋଇଥାଏ, କିନ୍ତୁ ରାଜମିସ୍ତ୍ରୀ/ଯୋଡ଼େଇ କାର୍ଯ୍ୟ ବାବଦୀୟ ମୋଟାମୋଟି ଖର୍ଚ୍ଚକୁ ଏହା କମ୍ କରିଥାଏ କାରଣ ଏହାକୁ ଲଗାଇବା ସମୟରେ କମ୍ ପରିମାଣର ସିମେଣ୍ଟ ମସଲା ଆବଶ୍ୟକ ହୋଇଥାଏ ।

• - ଏଏସି ବ୍ଲକ୍ସ ଭଙ୍ଗୁର ପ୍ରକୃତିର ହୋଇଥିବାରୁ, ତାହା ସହଜରେ ଭାଙ୍ଗିଯାଇଥାଏ । ତେଣୁ ଏହା ସହିତ କାରବାର କରିବା ସମୟରେ ଅଧିକ ଯତ୍ନ ଆବଶ୍ୟକ ହୋଇଥାଏ ।

• - ଏହାର ଉଚ୍ଚ ଜଳ ଅବଶୋଷଣ ହାର ରହିଥାଏ । ତେଣୁ, ଜଳ ଅବଶୋଷଣ କାରଣରୁ ତାହାର ପ୍ରସାରଣ ଏବଂ ଆର୍ଦ୍ରତା ହାନି କାରଣରୁ ସଙ୍କୁଚନ ଫଳରେ ଢାଞ୍ଚାରେ ଫାଟ ସୃଷ୍ଟି ହୋଇଥାଏ ।

• - ଅଧିକ ଆର୍ଦ୍ର ପରିବେଶଷଣ ଏହାକୁ ଲଗାଯାଉଥିଲେ, ଆଭ୍ୟନ୍ତରୀଣ ଫିନିଶ୍‌‌ରେ ସ୍ୱଳ୍ପ ଜଳକଣା ଭେଦ୍ୟତା ରହିବା ଏବଂ ବାହ୍ୟ ଫିନିଶ୍‌‌ରେ ଉଚ୍ଚ ଭେଦ୍ୟତା ରହିବା ଉଚିତ୍ ।