கட்டுமானத்தில் பயன்படுத்தப்படும் செங்கல் மேசனரியின் வகைகள் மற்றும் கருவிகளை பார்க்கலாம்.

செங்கல் மேசனரி என்றால் என்ன?

"செங்கல் மேசனரி என்பது வெவ்வேறு வகையான செங்கல்கள் மற்றும் மோர்ட்டார்களை பயன்படுத்தி கட்டுமானங்களை உருவாக்கும் ஒரு முறையாகும்.  இது வலிமைக்கும், நீண்ட காலம் நிலைத்து நிற்கும் தன்மைக்கும், அழகுக்கும் பேர்போன மிகவும் பழமையான பிரபலமான கட்டுமான முறைகளில் ஒன்றாகும்.   செங்கல் மேசனரியில் செங்கல்களை ஒரு குறிப்பிட்ட முறைகளில் சரியாக அடுக்கி, அதை மோர்டார்  வைத்து ஒருங்கிணைப்பர். இதன் மூலம் வலிமையான கட்டுமானத்தை உருவாக்க முடியும்.  

செங்கல்களை களிமண் மற்றும் மற்ற பொருட்களை வைத்து செய்வார்கள். இது செவ்வக வடிவத்தில் இருக்கும். வெவ்வேறு அளவுகள், நிறங்கள் மற்றும் அமைப்புகளில் இவை இருக்கும்.  பல முறைகளில் செங்கல்களை அடுக்குவார்கள். இதை பாண்ட் பேட்டர்ன்ஸ் என்று கூறுவார்கள். இது கட்டுமானத்திற்கு வலிமையையும் நிலைத்தன்மையையும் கொடுக்கும்.  ஸ்றெட்ச்சர் பாண்ட், ஹெட்டர் பாண்ட், ஃப்ளெமிஷ் பாண்ட், இங்கிலீஷ் பாண்ட் என்று பல்வேறு வகையான பாண்ட் பேட்டர்ன்ஸ் இருக்கிறது. . ஒவ்வொரு பாண்ட் பேட்டனுக்கும் தனித்தனி செங்கல் அடுக்கு முறைகள் இருக்கிறது. இது கட்டுமானத்திற்கு வெவ்வேறு அழகைக் கொடுக்கும்.   

செங்கல் மேசனரியின் வலிமை மற்றும் காலத்திற்கும் நீடித்து நிற்கும் தன்மையை அதிகரிக்க  மோர்ட்டாரை ஒருங்கிணைக்கும் கருவியாக பயன்படுத்துவார்கள்  சிமெண்ட், மண் மற்றும் தண்ணீரின் கலவை தான் மோர்டார். ஒவ்வொரு ப்ராஜெக்ட்டின் தேவைக்கு ஏற்ப இந்த கலவை வெவ்வேறு முறையில் தயாரிக்கப்படும்.  இந்தக் கலவை செங்கல்களின் இடைவெளியை நிரப்பி நிலைத்தன்மையை கொடுத்து, ஈரப்பதம் ஊடுருவாமல் தடுக்கும்.  செங்கல் மேசனரியின் அடிப்படைகளை நாம் புரிந்துக் கொண்டோம். இப்பொழுது வெவ்வேறு வகையான செங்கல் மேசனரி முறைகளைப் பார்க்கலாம். "

செங்கல் மேசனரியின் வகைகள்

மோர்டரின் வகை, செங்கல்களை அடுக்கும் முறை, ஒவ்வொரு செங்கலையும் இணைக்க பயன் படுத்தும் பாண்ட்களின் வகை,   இவை அனைத்தையும் சார்ந்து தான் செங்கல் மேசனரி முறைகள் வகைப்படுத்தப்படும்.  இரு பொதுவான செங்கல் மேசனரி வகைகள்: 

1. மண் செங்கல் மேசனரி வேலை  

" இந்த மண்ணை களிமண் என்றும் அழைப்பர். இது பல ஆண்டுகளாக கட்டுமானத்தில் பயன்படுத்தி வருகின்றனர்.  இந்த மண் செங்கல் மேசனரியில், சிமெண்டிற்கு பதிலாக மண் தான் மோர்டாராக பயன்படுத்தப்படும்.  மண் கலவையை வைத்து செங்கல்களை ஒருங்கிணைப்பார்கள். இது சிமெண்ட் மோர்டாரை விட நன்றாக வலைத்துக்கொடுக்கும்.   இதன்மூலம், நிலத்தடி நடமாட்டங்களை சரியாக கையாள முடியும். மேலும், வெப்பம் மற்றும் ஒலியை இன்சுலேட் செய்ய முடியும்.  இந்த மண் செங்கல் மேசனரியை பழங்கால கட்டுமானங்கள் மற்றும் கிராமப்புற கட்டுமானங்களில் காணலாம்.  

இந்த வகை செங்கல் மேசனரியில் நிறைய நன்மைகள் இருக்கிறது. சாதாரண பொருட்களைப் பயன் படுத்துவதால் குறைவான முறையில் இதை செய்து முடிக்க முடியும். மேலும், வெப்பத்திற்கு எதிராக நல்ல இன்சுலேஷனை இது கொடுக்கும், வேலை செய்யவும் பழுதுபார்க்கவும் எளிமையாக இருக்கும்.  இது கட்டிடங்களுக்கு ஒரு கிராமிய தோற்றத்தையும் கொடுக்கும்.  "

2.   சிமெண்ட் செங்கல் மேசனரி வேலை  

"தற்போதைய கட்டுமானங்களில் இந்த சிமெண்ட் செங்கல் மேசனரியை தான் அதிகம் பயன் படுத்துகிறார்கள்.   இதில் சிமெண்ட் மோர்டார் தான் செங்கல்களை ஒருங்கிணைக்கும் கலவையாக பயன்படுத்தப்படும். இது கட்டுமானத்தை நீண்ட காலம் வலிமையுடன் நிற்க வைக்கும்.   டிசைனுக்கு ஏற்றப்படி ஸ்றெட்ச்சர் பாண்ட், ஹெட்டர் பாண்ட் போன்ற பல்வேறு முறைகளில் செங்கல்கள் அடுக்கப்படும்.  இந்த சிமெண்ட் செங்கல் மேசனரி கட்டிடங்களுக்கு வலிமை, உறுதி மற்றும் காலத்துக்கும் நீடித்து நிற்கும் தன்மையைக் கொடுக்கும் 

கட்டிட வலிமை, காலத்துக்கும் நிலைத்து நிற்கும் தன்மை, ஈரப்பதத்தை தடுத்தல், நெருப்பு மற்றும் பூச்சிகளை தடுத்தல் இப்படி பல நன்மைகள் இந்த  சிமெண்ட் செங்கல் மேசனரியில் இருக்கிறது. மேலும், இதை வைத்து பல டிசைன்களில், அழகாக, தற்போதைய முறையில் கட்டிடங்களைக் கட்டலாம்.  

இதையும் படியுங்கள்:  எப்படி செங்கலின் தரத்தை சரி பார்ப்பது? 

பல்வேறு முறைகளில் பயன்படுத்தப்படும், செங்கல் மேசனரி கருவிகளின் வகைகளை இப்போது பார்க்கலாம்.  "

செங்கல் மேசனரி கருவிகளின் வகைகள் 

1. சுத்தியல் 

செங்கல் மேசனரி கட்டுமானத்தில் பயன் படுத்தப்படும் முக்கியமான கருவியில் ஒன்று சுத்தியல்.  இது பல வேலைகளை செய்வதால், எல்லா பணிகளுக்கும் அடிப்படையான கருவியாக இருக்கிறது.  சில மாற்றங்கள் செய்ய நேரிடும்போது, செங்கல்களை சின்ன துண்டுகளாக உடைக்க இந்த சுத்தியலை பயன்படுத்துவார்கள்.  கட்டுமானத்தில், செங்கலை தட்டுவதற்கும் அதை சரிபடுத்துவதற்கும் இந்த சுத்தியல்களை  பயன்படுத்துவார்கள்.  செங்கல்கள் பாதுகாப்பாக வைக்கப்பட்டுள்ளதா, சரியான முறையில் வரிசைப்படுத்தப்பட்டுள்ளதா என்பதை இது உறுதி படுத்தும்.   

2.   கொல்லறு 

"செங்கல் மேசனரியில் கைகருவியாக அதிகம் பயன் படுத்தப்படும் கருவி தான் கொல்லறு.  இதன் முக்கிய வேலை, கட்டுமான பணியின் போது மோர்டாரைப் பரப்பி வடிவமைப்பதாகும்.   

இதனால் செங்கல்கள் இடையே உறுதியான பிணைப்பு ஏற்பட்டு, கட்டிடத்தின் மொத்த வலிமையும் நிலைத்தன்மையும் அதிகரிக்கிறது.  அதிகமாக இருக்கும் மோர்டாரை ஒதுக்கி, மோர்டார்  இணைப்புகளை சீர்செய்து, இணைப்பை சீராக, அழகாக முடிக்க இந்த கொல்லறுவை பயன்படுத்தலாம். "

3. ஸ்பிரிட் லெவல் 

செங்கல் மேசனரியில் ஸ்பிரிட் லெவல் என்பது சுவர் சீரமைப்பு சரியாக இருப்பதை உறுதிப்படுத்த்தும் முக்கிய கருவியாகும்.  இது ஹரிசாண்டல் மற்றும் வெற்டிக்கல் தளங்களை சரிபார்த்து, செங்கல்கள் சரியான அளவில் இருக்குறதா என்பதை உறுதிப்படுத்துகிறது.  செங்கல் வேலை முடிந்தவுடன் அது பார்க்க ஒருங்கிணைப்புடன் அழகாக தெரிய இது மிகவும் அவசியம்.  

4. ஜாயிண்டர் 

ஜாயிண்டர் என்பது செங்கல் கட்டுமானத்தில் மோர்டாரை சீராக இணைக்க பயன்படுத்தப்படும் சிறப்பு கருவியாகும்.  இது சுவருக்கு அழகான தோற்றத்தை வழங்குவதோடு, தண்ணீர் புகுவதிலிருந்தும் பாதுகாக்கிறது.  இது செங்கல்களின் இடையே உள்ள மோர்டாரை அழுத்தி சீர்ப்படுத்தி, சுவரை அழகாகவும் உறுதியானதாகவும் மாற்றுகிறது. 

5.  சக்கர வண்டி 

சக்கர வண்டி என்பது செங்கல் மேசனரியில் மிகவும் அவசியம். இது செங்கல்கள், மோர்டார்  மற்றும் பிற பொருட்களை விரைவாக எளிதாக கட்டுமான தளத்திற்கு கொண்டு செல்ல பயன்படுகிறது.  இது வேலை நேரத்தை சுருக்குவதோடு, தொழிலாளர்கள் மீதான உடல் அழுத்தத்தையும் குறைக்கிறது. இதனால் வேலை தரமாகவும் விரைவாகவும் நடக்கும். 

6.  அளக்கும் டேப்  

அளக்கும் டேப் என்பது செங்கல் இடைவெளியை சரியாக அமைக்க பயன்படும் முக்கிய கருவியாகும். இது செங்கல்கள் சரியான நிலையில் சீராக வைக்கப்பட்டிருக்கிறதா என்பதை உறுதிப்படுத்தும். அளவுகளை சரியாக எடுப்பதால், சுவர் ஒரே மாதிரி சரியான தளத்தில் அமைந்திருகிறதா என்பதைப் பார்க்க முடியும். மேலும், சுவரின் வலிமை மற்றும் தரத்தை இது மேம்படுத்துகிறது.