ಸಿಮೆಂಟ್ ವಾಟರ್‌ಪೂಫಿಂಗ್‌ ಎಂದರೇನು, ಅದರ ವಿಧಗಳು ಮತ್ತು ಪ್ರಯೋಜನಗಳ ಕುರಿತ ಮಾರ್ಗದರ್ಶಿ

ಸಿಮೆಂಟ್ ವಾಟರ್‌ಪೂಫಿಂಗ್‌ ಎಂದರೇನು?

ಸಿಮೆಂಟ್ ವಾಟರ್‌ಪೂಫಿಂಗ್‌ ಎಂದರೆ ಕಟ್ಟಡದ ಮೇಲ್ಮೈಗಳ ಮೇಲೆ ಕೆಲವು ವಾಟರ್‌ಪೂಫಿಂಗ್‌ ರಾಸಾಯನಿಕಗಳೊಂದಿಗೆ ಬೆರೆಸಿದ ಸಿಮೆಂಟ್ ಅನ್ನು ಒಳಗೊಂಡಿರುವ ಒಂದು ರಕ್ಷಣಾತ್ಮಕ ತಡೆಯನ್ನು ಅನ್ವಯಿಸುವುದನ್ನು ಸೂಚಿಸುತ್ತದೆ. ಕಟ್ಟಡದ ರಚನೆಗೆ ನೀರು ಅಥವಾ ತೇವಾಂಶವನ್ನು ನುಸುಳುವುದನ್ನು ತಡೆಯಲು ಈ ರಕ್ಷಣಾತ್ಮಕ ಕ್ರಮವನ್ನು ವಿನ್ಯಾಸಗೊಳಿಸಲಾಗಿದೆ. ಮಿಶ್ರಣವು ಒಂದು ಬಲವಾದ, ಜಲ-ನಿರೋಧಕ ಪದರವನ್ನು ರೂಪಿಸುತ್ತದೆ ಮತ್ತದು ಕಟ್ಟಡ ರಚನೆಯ ಸಮಗ್ರತೆ ಮತ್ತು ಶುಷ್ಕತೆಯನ್ನು ಖಾತ್ರಿಗೊಳಿಸುತ್ತದೆ. ಕಟ್ಟಡ ನಿರ್ಮಾಣ ಉದ್ಯಮದಲ್ಲಿನ ಈ ಅಗತ್ಯ ಕಾರ್ಯವಿಧಾನವು ಕಟ್ಟಡಗಳ ಬಾಳಿಕೆ ಮತ್ತು ಜೀವಿತಾವಧಿಯನ್ನು ಹೆಚ್ಚಿಸುತ್ತದೆ ಮತ್ತು ನೀರು ಮತ್ತು ತೇವಾಂಶ-ಸಂಬಂಧಿತ ಹಾನಿಗಳಿಗೆ ವೆಚ್ಚ-ಪರಿಣಾಮಕಾರಿ ಪರಿಹಾರವನ್ನು ಒದಗಿಸುತ್ತದೆ.

ಸಿಮೆಂಟ್ ವಾಟರ್‌ಪೂಫಿಂಗ್‌ ವಿಧಗಳು

ಈ ರೀತಿಯ ವಾಟರ್‌ಪೂಫಿಂಗ್‌ ಅನ್ನು ಕಟ್ಟಡರಚನೆಯ ಅವಶ್ಯಕತೆ, ಸ್ಥಳ ಮತ್ತು ನೀರಿಗೆ ಅದು ಸಂಭಾವ್ಯವಾಗಿ ಒಡ್ಡಿಕೊಂಡಿರುವಿಕೆಗಳ ಆಧಾರದ ಮೇಲೆ ಹಲವಾರು ವಿಧಗಳಲ್ಲಿ ಕೈಗೊಳ್ಳಬಹುದಾಗಿದೆ. ಅದರ ಜನಪ್ರಿಯ ಪ್ರಕಾರಗಳು ಇಲ್ಲಿವೆ:

1. ಸಿಮೆಂಟಿಯಸ್ ವಾಟರ್‌ಪೂಫಿಂಗ್‌

ಈ ವಿಧಾನವು ಸಿಮೆಂಟ್ನೊಂದಿಗೆ ವಾಟರ್‌ಪೂಫಿಂಗ್‌ ಸಂಯುಕ್ತವನ್ನು ಮಿಶ್ರಣ ಮಾಡಿ ಕಟ್ಟಡದ ಮೇಲ್ಮೈಗೆ ತೆಳುವಾದ ಲೇಪನವಾಗಿ ಅನ್ವಯಿಸಲಾಗುವ ಪೇಸ್ಟ್ ಅನ್ನು ಸೃಷ್ಟಿಸುವುದನ್ನು ಒಳಗೊಳ್ಳುತ್ತದೆ. ಒಣಗಿದ ನಂತರ, ಅದು ನೀರಿನ ಒಳನುಸುಳುವಿಕೆಗೆ ಪ್ರಬಲ ನಿರೋಧಕವಾಗಿರುವ ಒಂದು ರಕ್ಷಣಾತ್ಮಕ ಪದರವನ್ನು ರೂಪಿಸುತ್ತದೆ. ಈ ರೀತಿಯ ವಾಟರ್‌ಪೂಫಿಂಗ್‌ ವಿಧಾನ ಬಳಸಲು ಸುಲಭ ಮತ್ತು ಅತ್ಯಂತ ಬಹುಪಯೋಗಿತೆಯಿಂದ ಕೂಡಿದೆ, ಇದನ್ನು ಹೆಚ್ಚಾಗಿ ಶೌಚಾಲಯಗಳು ಮತ್ತು ಅಡಿಗೆಮನೆಗಳಂತಹ ಒಳಾಂಗಣದ ಆರ್ದ್ರ ಪ್ರದೇಶಗಳಲ್ಲಿ ಬಳಸಲಾಗುತ್ತದೆ. ಇದರ ಪ್ರಯೋಜನವು ಅದರ ಬಾಳಿಕೆ ಮತ್ತು ವಿಭಿನ್ನ ಮೇಲ್ಮೈಗಳಿಗೆ ಚೆನ್ನಾಗಿ ಅಂಟಿಕೊಳ್ಳುವ ಸಾಮರ್ಥ್ಯದಲ್ಲಿದೆ ಮತ್ತು ಇದನ್ನು ಹೆಚ್ಚಾಗಿ ಬೇಸ್‌ಮೆಂಟ್‌ಗಳ, ರೂಫ್‌ಟಾಪ್‌ಗಳು ಮತ್ತು ನೀರಿನ ತೊಟ್ಟಿಗಳಲ್ಲಿ ಬಳಸಲಾಗುತ್ತದೆ.

2. ದ್ರವರೂಪಿ ವಾಟರ್‌ಪೂಫಿಂಗ್‌ ಮೆಂಬ್ರೇನ್

ದ್ರವರೂಪಿ ವಾಟರ್‌ಪೂಫಿಂಗ್‌ ಮೆಂಬ್ರೇನ್ ಅಂದರೆ ರೋಲರ್, ಸ್ಪ್ರೇ ಅಥವಾ ಟ್ರೋವೆಲ್‌ ಬಳಸಿ ಲೇಪಿಸಲಾಗುವ ಒಂದು ತೆಳುವಾದ ಲೇಪನವಾಗಿದ್ದು, ಕ್ಯೂರಿಂಗ್ ತರುವಾತ ಕಾಂಕ್ರೀಟ್ ಮೇಲ್ಮೈ ಮೇಲೆ ರಬ್ಬರ್ ತರಹದ ಒಂದು ವಾಟರ್‌ಪೂಫಿಂಗ್‌ ಪದರವನ್ನು ರೂಪಿಸುತ್ತದೆ. ಇದು ಅತ್ಯುತ್ತಮ ಫ್ಲೆಕ್ಸಿಬಿಲಿಟಿ ಮತ್ತು ಬಾಳಿಕೆ ನೀಡುತ್ತದೆ, ಹಾಗಾಗಿ ಕಟ್ಟಡ ರಚನೆಗಳು ಸೂಕ್ಷ್ಮ ಬದಲಾವಣೆಗಳು ಅಥವಾ ಚಲನೆಗಳಿಗೆ ಒಳಗಾಗಬಹುದಾದಂತ ಸಂಕೀರ್ಣ ಸನ್ನಿವೇಶಗಳಿಗೆ ಇದು ಅದ್ಭುತ ಆಯ್ಕೆಯಾಗಿದೆ. ಅವುಗಳನ್ನು ಸಾಮಾನ್ಯವಾಗಿ ರೂಫ್‌ಗಳು, ಬಾಲ್ಕನಿಗಳು ಮತ್ತು ಆರ್ದ್ರ ಪ್ರದೇಶಗಳ ಮೇಲೆ ಬಳಸಲಾಗುತ್ತದೆ. ಯಾವುದೇ ಜೋಡಣೆಗಳಿಲ್ಲದೆ ಒಂದು ನಿರಂತರ ತಡೆಯನ್ನು ಸೃಷ್ಟಿಸಬಲ್ಲ ಅದರ ಸಾಮರ್ಥ್ಯವು ಈ ವಿಧಾನದ ಗಮನಾರ್ಹ ಪ್ರಯೋಜನಗಳಲ್ಲೊಂದಾಗಿದೆ.

3. ಬಿಟುಮಿನಸ್ ಕೋಟಿಂಗ್

ಬಿಟುಮಿನಸ್ ಕೋಟಿಂಗ್ ಅಥವಾ ಆಸ್ಫಾಲ್ಟ್ ಕೋಟಿಂಗ್ ಅದರ ಅತ್ಯುತ್ತಮ ಜಲನಿರೋಧಕತೆಯಿಂದಾಗಿ ಫ್ಲೆಕ್ಸಿಬಲ್ ರಕ್ಷಣಾತ್ಮಕ ಕೋಟ್‌ಗಳಿಗೆ ಬಳಸಲಾಗುವ ಒಂದು ವಿಧದ ವಾಟರ್‌ಪೂಫಿಂಗ್‌ ವಿಧಾನವಾಗಿದೆ. ಒಂದು ದಪ್ಪ ಪದರದಲ್ಲಿ ಅನ್ವಯಿಸಲಾಗುವ ಈ ಲೇಪನಗಳು ಒಂದು ಪರಿಣಾಮಕಾರಿ ವಾಟರ್‌ಪೂಫಿಂಗ್‌ ರಕ್ಷೆಯನ್ನು ಒದಗಿಸುತ್ತವೆ. ಸೂರ್ಯನ ರಷ್ಮಿಯ ವಿರುದ್ಧ ಅದು ಹೊಂದಿರುವ ದುರ್ಬಲ ಪ್ರತಿರೋಧದಿಂದಾಗಿ ಹೆಚ್ಚಾಗಿ ಭೂಗತ ಕಾಂಕ್ರೀಟ್ ರಚನೆಗಳಿಗೆ ಸೀಮಿತವಾಗಿದ್ದರೂ, ಈ ಕೋಟಿಂಗ್ ಅದರ ದೃಢವಾದ ಅಂಟಿಕೊಳ್ಳುವ ಗುಣಲಕ್ಷಣಗಳಿಂದಾಗಿ ಬುನಾದಿಗಳು ಮತ್ತು ಕಾಂಕ್ರೀಟ್ ಫೂಟಿಂಗ್‌ಗಳಿಗೆ ಅತ್ಯುತ್ತಮ ಆಯ್ಕೆಯಾಗಿದೆ.

4. ಬಿಟುಮಿನಸ್ ಮೆಂಬ್ರೇನ್

ಬಿಟುಮಿನಸ್ ಮೆಂಬ್ರೇನ್ ವಾಟರ್‌ಪೂಫಿಂಗ್‌ ಪ್ರಾಥಮಿಕವಾಗಿ ಕಡಿಮೆ-ಇಳಿಜಾರಿನ ರೂಫ್‌ಗಳಲ್ಲಿ ಬಳಸಲಾಗುವ ಒಂದು ವಿಶ್ವಾಸಾರ್ಹ ತಂತ್ರವಾಗಿದೆ. ಇದು ಒಂದು ತನಗೆ ತಾನೇ-ಅಂಟಿಕೊಳ್ಳುವ ಮತ್ತು ಒಂದು ಕಾಯಿಸಿ ಹಚ್ಚುವ ಮೆಂಬ್ರೇನ್ ಅನ್ನು ಒಳಗೊಂಡಿರುತ್ತದೆ. ತಾನೇ-ಅಂಟಿಕೊಳ್ಳುವ ಅಂಶವು ಆಸ್ಫಾಲ್ಟ್, ಪಾಲಿಮರ್‌ಗಳು ಮತ್ತು ಫಿಲ್ಲರ್‌ಗಳ ಮಿಶ್ರಣದಿಂದ ಕೂಡಿದ್ದು ಅದು ಕಾಲಾನಂತರದಲ್ಲಿ ತನ್ನ ಅಂಟಿಕೊಳ್ಳುವ ಗುಣಗಳನ್ನು ಕಳೆದುಕೊಳ್ಳಬಹುದು. ಕಾಯಿಸಿ ಹಚ್ಚುವ ಮೆಂಬ್ರೇನ್ ಅನ್ನು ಹಾಕಿ ನಂತರ ವಾತಾವರಣದ ಹಾನಿಯಿಂದ ಅದನ್ನು ರಕ್ಷಿಸಲು ಹರಳು ರೂಪಿ ಖನಿಜ ಅಗ್ರಿಗೇಟ್‌ಗಳನ್ನು ಹೊದಿಸಲಾಗುತ್ತದೆ. ಈ ವಿಧದ ವಾಟರ್‌ಪೂಫಿಂಗ್‌, ವಿಶೇಷವಾಗಿ ಕಾಯಿಸಿ ಹಚ್ಚಿದ ಸೀಲಿಂಗ್, ಅದರ ಬಾಳಿಕೆ ಮತ್ತು ವೆಚ್ಚ-ಪರಿಣಾಮಕಾರಿತೆಯಿಂದಾಗಿ ಆದ್ಯ ಆಯ್ಕೆಯಾಗಿದೆ.

5. ಕ್ರಿಸ್ಟಲೈನ್ ಆ್ಯಡ್‌ಮಿಕ್ಸರ್‌ಗಳು

ಕ್ರಿಸ್ಟಲೈನ್ ಆ್ಯಡ್‌ಮಿಕ್ಸರ್‌ಗಳನ್ನು ಕಾಂಕ್ರೀಟ್ ಮಿಶ್ರಣಕ್ಕೆ ನೇರವಾಗಿ ಸೇರಿಸಲಾಗುತ್ತದೆ, ಅದರಲ್ಲಿ ಅವು ನೀರು ಮತ್ತು ಹೈಡ್ರೀಕರಣಗೊಂಡಿರದ ಸಿಮೆಂಟ್ ಕಣಗಳೊಂದಿಗೆ ಪ್ರತಿಕ್ರಿಯಿಸುತ್ತವೆ ಮತ್ತು ಕರಗದಂತ ಹರಳುಗಳನ್ನು ರೂಪಿಸುತ್ತವೆ. ಈ ಹರಳುಗಳು ಕಾಂಕ್ರೀಟ್‌ನಲ್ಲಿನ ರಂಧ್ರಗಳು ಮತ್ತು ಸೂಕ್ಷ್ಮ ನಳಿಕೆಗಳನ್ನು ತುಂಬುತ್ತವೆ ಮತ್ತು ನೀರಿನ ಪ್ರವೇಶವನ್ನು ಪರಿಣಾಮಕಾರಿಯಾಗಿ ತಡೆಯುತ್ತವೆ. ಈ ವಿಧಾನವು ಕಾಂಕ್ರೀಟ್ ಅನ್ನು ಸೀಲ್‌ಮಾಡಿ ನೀರಿನ ನುಸುಳುವಿಕೆಯಿಂದ ರಕ್ಷಿಸುತ್ತದೆ ಮತ್ತು ಇದು ಒಂದು ವ್ಯಾಪಕ ಶ್ರೇಣಿಯ ಕಾಂಕ್ರೀಟ್ ಅನ್ವಯಗಳಿಗೆ ಸೂಕ್ತವಾಗಿದೆ.

6. ಆ್ಯಡ್‌ಮಿಕ್ಸರ್ ವಾಟರ್‌ಪೂಫಿಂಗ್‌

ಆ್ಯಡ್‌ಮಿಕ್ಸರ್ ವಾಟರ್‌ಪೂಫಿಂಗ್‌ ನೀರಿನ ಪ್ರವೇಶಸಾಧ್ಯತೆಯನ್ನು ಕಡಿಮೆ ಮಾಡಲು ಕಾಂಕ್ರೀಟ್‌ಗೆ ಸಂಯುಕ್ತಗಳನ್ನು ಸೇರಿಸುತ್ತದೆ ಆಮೂಲಕ ನೀರಿನ ವಿರುದ್ಧ ಅದರ ಪ್ರತಿರೋಧವನ್ನು ಹೆಚ್ಚಿಸುವಂತೆ ಮಾಡುವ ಪ್ರಕ್ರಿಯೆಯಾಗಿದೆ. ಒಟ್ಟಾರೆ ತಾಳಿಕೆ ಮತ್ತು ದೀರ್ಘಬಾಳಿಕೆಯನ್ನು ಉತ್ತಮಗೊಳಿಸಲು ಮಿಶ್ರಣ ಪ್ರಕ್ರಿಯೆಯಲ್ಲಿ ಹೊಸ ಕಾಂಕ್ರೀಟ್ನೊಂದಿಗೆ ಆ್ಯಡ್‌ಮಿಕ್ಸರ್‌ಗಳನ್ನು ಬಳಸಬಹುದು. ಕಾಂಕ್ರೀಟ್ ಉದ್ದಕ್ಕೂ ಒಂದು ಸ್ಥಿರವಾದ ವಾಟರ್‌ಪೂಫಿಂಗ್‌ ಅನ್ನು ಖಾತ್ರಿಪಡಿಸುವುದು ಅತ್ಯಗತ್ಯವಾಗಿರುವಂತ ದೊಡ್ಡ-ಪ್ರಮಾಣದ ಯೋಜನೆಗಳಿಗೆ ಈ ವಿಧಾನವು ವಿಶೇಷವಾಗಿ ಪ್ರಯೋಜನಕಾರಿಯಾಗಿದೆ.

ಸಿಮೆಂಟ್ ವಾಟರ್‌ಪೂಫಿಂಗ್‌ನ ಪ್ರಯೋಜನಗಳು

ನೀರಿನ ಒಳನುಸುಳುವಿಕೆಯ ಹಾನಿಕಾರಕ ಪರಿಣಾಮಗಳ ವಿರುದ್ಧ ಕಟ್ಟಡ ರಚನೆಗಳನ್ನು ರಕ್ಷಿಸುವ ವಿಷಯಕ್ಕೆ ಬಂದಾಗ, ಸಿಮೆಂಟ್ ವಾಟರ್‌ಪೂಫಿಂಗ್‌ವು ಬಹುಪಯೋಗಿ ಪ್ರಯೋಜನಗಳನ್ನು ನೀಡುತ್ತದೆ. ಅದನ್ನು ಒಂದು ಚತುರ ಹೂಡಿಕೆಯನ್ನಾಗಿಸುವ ಅದರ ಪ್ರಯೋಜನಗಳನ್ನು ಪರಿಶೀಲಿಸೋಣ:

1. ಬಾಳಿಕೆಯನ್ನು ಹೆಚ್ಚಿಸುವುದು

ವಾಟರ್‌ಪೂಫಿಂಗ್‌ ರಚನೆಗಳ ತಾಳಿಕೆಯನ್ನು ಗಮನಾರ್ಹವಾಗಿ ವೃದ್ಧಿಸುತ್ತದೆ. ನೀರಿನ ವಿರುದ್ಧ ರಕ್ಷಣಾತ್ಮಕ ತಡೆಯನ್ನು ರಚಿಸುವ ಮೂಲಕ, ಇದು ತೇವಾಂಶ-ಸಂಬಂಧಿತ ಅವನತಿಯಿಂದ ಕಾಂಕ್ರೀಟ್ ಮತ್ತು ಗಾರೆ ವಸ್ತುಗಳನ್ನು ರಕ್ಷಿಸುತ್ತದೆ. ಇದು ದುರಸ್ತಿ ರಿಪೇರಿಗಳ ಬೇಡಿಕೆ ಮತ್ತು ಅವುಗಳನ್ನು ಬದಲಾಯಿಸುವ ಅಗತ್ಯವನ್ನು ಕಡಿಮೆ ಮಾಡುವ ಮೂಲಕ ಕಟ್ಟಡದ ಜೀವಿತಾವಧಿಯನ್ನು ಹೆಚ್ಚಿಸುತ್ತದೆ.

2. ರಿಪೇರಿ ವೆಚ್ಚವನ್ನು ಕಡಿಮೆ ಮಾಡುತ್ತದೆ

ವಾಟರ್‌ಪೂಫಿಂಗ್‌ ಮೂಲಕ ನೀರಿನಿಂದಾಗುವ ಹಾನಿಯನ್ನು ತಡೆಗಟ್ಟುವ ಮೂಲಕ ದೀರ್ಘಾವಧಿಯಲ್ಲಿ ಗಣನೀಯ ವೆಚ್ಚವನ್ನು ಉಳಿಸಬಹುದಾಗಿದೆ. ನೀರು ಜಿನುಗುವಿಕೆಯು ಬಿರುಕುಗಳು, ಸವೆತದಂತಹ ರೀತಿಯ ದುರಸ್ತಿಗೆ ಕರೆ ನೀಡುವ ಕಟ್ಟಡ ಹಾನಿಗಳಿಗೆ ಕಾರಣವಾಗಬಹುದು. ಇದು ಒಂದು ಪೂರ್ವಭಾವಿ ಕ್ರಮವಾಗಿ ಕಾರ್ಯನಿರ್ವಹಿಸುತ್ತ ಕಾಲಾಂತರದಲ್ಲಿನ ಅನೇಕ ರಿಪೇರಿ ಅಗತ್ಯವನ್ನು ಕಡಿಮೆ ಮಾಡುತ್ತದೆ.

3. ಸವೆತವನ್ನು ತಡೆಯುತ್ತದೆ

ನೀರು ಬಸಿಯುವಿಕೆ ಕಾಂಕ್ರೀಟ್ನೊಳಗೆ ರಿಇನ್ಫೋರ್ಸ್ಮೆಂಟ್‌ ಸ್ಟೀಲಿನ ತುಕ್ಕು ಹಿಡಿಯುವಿಕೆಗೆ ಕಾರಣವಾಗುವ ಮೂಲಕ ಕಟ್ಟಡದ ಸಮಗ್ರತೆಗೆ ಧಕ್ಕೆತರಬಹುದು. ಇದು ನೀರನ್ನು ಸ್ಟೀಲಿನೊಂದಿಗೆ ಸಂಪರ್ಕಕ್ಕೆ ಬರುವುದರಿಂದ ತಡೆಯುವ ಮೂಲಕ ತುಕ್ಕುನ ಅಪಾಯವನ್ನು ಪರಿಣಾಮಕಾರಿಯಾಗಿ ಕಡಿಮೆ ಮಾಡುತ್ತದೆ, ಹೀಗೆ ವಸ್ತುವಿನ ರಚನಾತ್ಮಕ ಸದೃಢತೆಯನ್ನು ಕಾಯುತ್ತದೆ.

4. ಸೋರಿಕೆಯನ್ನು ತಡೆಯುತ್ತದೆ

ಗೋಡೆಗಳು ಮತ್ತು ಫ್ಲೋರ್‌ಗಳ ಮೂಲಕ ನೀರು ಸೊರುವುದು ಕಟ್ಟಡ ನಿರ್ಮಾಣದಲ್ಲಿನ ಸಾಮಾನ್ಯ ಸಮಸ್ಯೆಗಳಲ್ಲಿ ಒಂದಾಗಿದೆ. ಇದು ಒಂದು ಅಭೇದ್ಯ ತಡೆಗೋಡೆಯನ್ನು ರಚಿಸುವ ಮೂಲಕ ನೀರಿನ ಸೋರಿಕೆಯನ್ನು ಪರಿಣಾಮಕಾರಿಯಾಗಿ ತಡೆಯುತ್ತದೆ. ಒಳಾಂಗಣವು ಶುಷ್ಕ ಮತ್ತು ಸುರಕ್ಷಿತವಾಗಿರುವುದನ್ನು ಖಚಿತಪಡಿಸುತ್ತದೆಯಾದ್ದರಿಂದ ಭಾರೀ ಮಳೆಗೆ ಒಳಗಾಗುವ ಪ್ರದೇಶಗಳಲ್ಲಿ ಇದು ವಿಶೇಷವಾಗಿ ಪ್ರಯೋಜನಕಾರಿಯಾಗಿದೆ.

5. ತೇವವನ್ನು ತಡೆಯುತ್ತದೆ

ಗೋಡೆಗಳಲ್ಲಿನ ಜವಳು ಕಲೆಗಳಾಗುವುದಕ್ಕೆ ಮತ್ತು ಬಣ್ಣ ಸಿಪ್ಪೆಸುಲಿಯುವಿಕೆಗಳಿಗೆ ಕಾರಣವಾಗುವುದಲ್ಲದೆ ಶಿಲೀಂಧ್ರ ಬೆಳವಣಿಗೆಯಿಂದಾಗಿ ಆರೋಗ್ಯಕ್ಕೂ ಅಪಾಯಗಳನ್ನು ಉಂಟುಮಾಡುತ್ತದೆ. ಸರಿಯಾದ ಸಿಮೆಂಟ್ ವಾಟರ್‌ಪೂಫಿಂಗ್‌, ವಿಶೇಷವಾಗಿ ಗೋಡೆಗಳಲ್ಲಿ ತೇವವನ್ನು ತಡೆಯುವ ಕ್ರಿಸ್ಟಲೈನ್ ಆ್ಯಡ್‌ಮಿಕ್ಸರ್‌ಗಳಂತಹ ತಂತ್ರಗಳು, ಶುಷ್ಕ ಮತ್ತು ಆರೋಗ್ಯಕರ ಜೀವನ ಪರಿಸರವನ್ನು ಖಾತ್ರಿಗೊಳಿಸುತ್ತವೆ.

ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು

1. ಸಿಮೆಂಟ್ ವಾಟರ್‌ಪೂಫಿಂಗ್‌ ಎಷ್ಟು ಕಾಲ ಉಳಿಯುತ್ತದೆ?

ಸಾಮಾನ್ಯವಾಗಿ, ಸಿಮೆಂಟ್ ವಾಟರ್‌ಪೂಫಿಂಗ್‌ ಅಳವಡಿಸಿದ ವಾಟರ್‌ಪೂಫಿಂಗ್‌ ವಿಧಾನ ಮತ್ತು ಒಟ್ಟಾರೆ ನಿರ್ವಹಣೆಯನ್ನು ಅವಲಂಬಿಸಿ 5 ರಿಂದ 10 ವರ್ಷಗಳವರೆಗೆ ಇರುತ್ತದೆ. ಆದಾಗ್ಯೂ, ಇದು ಪರಿಸರ ಪರಿಸ್ಥಿತಿಗಳು ಮತ್ತು ಅನ್ವಯಿಕೆಯ ಗುಣಮಟ್ಟವನ್ನು ಆಧರಿಸಿ ವ್ಯತ್ಯಯವಾಗಬಹುದು.

2. ಪ್ಲ್ಯಾಸ್ಟರಿಂಗ್ ಮಾಡುವ ಮೊದಲು ಸಿಮೆಂಟ್ ವಾಟರ್‌ಪೂಫಿಂಗ್‌ ಅನ್ನು ಮಾಡಲಾಗುತ್ತದೆಯೇ?

ಹೌದು. ಸಿಮೆಂಟ್ ವಾಟರ್‌ಪೂಫಿಂಗ್‌ ಅನ್ನು ಸಾಮಾನ್ಯವಾಗಿ ಪ್ಲ್ಯಾಸ್ಟರಿಂಗ್ ಮಾಡುವ ಮೊದಲು ಮಾಡಲಾಗುತ್ತದೆ. ವಾಟರ್‌ಪೂಫಿಂಗ್‌ ಪದರವು ನೀರಿನ ಸೋರಿಕೆಯ ವಿರುದ್ಧ ತಡೆಗೋಡೆಯಾಗಿ ಕಾರ್ಯನಿರ್ವಹಿಸಿ ಅದು ಪ್ಲ್ಯಾಸ್ಟರ್ ಪದರವನ್ನು ತಲುಪದಂತೆ ತಡೆಯುತ್ತದೆ.

3. ಸಿಮೆಂಟ್ ವಾಟರ್‌ಪೂಫಿಂಗ್ ಒಣಗಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ?

ಸಿಮೆಂಟ್ ವಾಟರ್‌ಪೂಫಿಂಗ್‌ ಅನ್ನು ಒಣಗಲು ಬಿಡುವ ಸಮಯವು ಅಳವಡಿಸಇದ ವಾಟರ್‌ಪೂಫಿಂಗ್‌ ವಸ್ತುಗಳ ಪ್ರಕಾರ ಮತ್ತು ಪಾರಿಸಾರಿಕ ಅಂಶಗಳ ಆಧಾರದ ಮೇಲೆ ವ್ಯತ್ಯಾಯವಾಗಬಹುದು. ಆದಾಗ್ಯೂ, ಇದು ಸಂಪೂರ್ಣವಾಗಿ ಒಣಗಲು ಸಾಮಾನ್ಯವಾಗಿ 24 ರಿಂದ 48 ಗಂಟೆಗಳವರೆಗೆ ತೆಗೆದುಕೊಳ್ಳುತ್ತದೆ.

4. ವಾಟರ್‌ಪೂಫಿಂಗ್‌ ಮಾಡಲು ಯಾವ ದರ್ಜೆಯ ಸಿಮೆಂಟ್ ಅನ್ನು ಬಳಸಲಾಗುತ್ತದೆ?

ವಾಟರ್‌ಪೂಫಿಂಗಿಗೆ ಸಾಮಾನ್ಯವಾಗಿ ಗ್ರೇಡ್ 43 ಅಥವಾ 53 ರ OPC (ಸಾಮಾನ್ಯ ಪೋರ್ಟ್ಲ್ಯಾಂಡ್ ಸಿಮೆಂಟ್), ಅಥವಾ PPC (ಪೋರ್ಟ್ಲ್ಯಾಂಡ್ ಪೊಝೋಲಾನಾ ಸಿಮೆಂಟ್) ಗ್ರೇಡ್‌ನ ಸಿಮೆಂಟ್‌ಗಳನ್ನು ಬಳಸಲಾಗುತ್ತದೆ

5. ರೂಫ್‌ಗಳಿಗೆ ಸಿಮೆಂಟ್ ವಾಟರ್‌ಪೂಫಿಂಗ್‌ ಅನ್ನು ಬಳಸಬಹುದೇ?

ಹೌದು, ರೂಫ್‌ಗಳಿಗೆ ಸಿಮೆಂಟ್ ವಾಟರ್‌ಪೂಫಿಂಗ್‌ ಅನ್ನು ಬಳಸಬಹುದಾಗಿದೆ. ಆದಾಗ್ಯೂ, ಬಳಸಲಾದ ನಿರ್ದಿಷ್ಟ ರೀತಿಯ ವಾಟರ್‌ಪೂಫಿಂಗ್‌ ರೂಫಿನ ಸಾಮಗ್ರಿ ಮತ್ತು ರಚನೆಯ ಮೇಲೆ ಅವಲಂಬಿತವಾಗಿರುತ್ತದೆ. ರೂಫ್‌ಗಳಿಗೆ ಸಾಮಾನ್ಯವಾಗಿ ಬಿಟುಮಿನಸ್ ಮೆಂಬ್ರೇನ್ ವಾಟರ್‌ಪೂಫಿಂಗ್‌ ಮತ್ತು ದ್ರವರೂಪಿ ವಾಟರ್‌ಪೂಫಿಂಗ್‌ ಮೆಂಬ್ರೇನ್‌ಗಳನ್ನು ಬಳಸಲಾಗುತ್ತದೆ.