Share:
ಪರಿಸರ ಸ್ನೇಹಿ ಮನೆಗಳ ನಿರ್ಮಾಣ ಎಂದರೆ ಪರಿಸರಕ್ಕೆ ಪೂರಕವಾದ ಸಾಮಗ್ರಿಗಳನ್ನು ಬಳಸಿಕೊಂಡು ಮನೆಗಳನ್ನು ಹೇಗೆ ಕಟ್ಟಬಹುದು ಎಂಬುದನ್ನು ಒಳಗೊಂಡಿರುತ್ತದೆ. ಸಾಂಪ್ರದಾಯಿಕ ಕಟ್ಟಡಗಳ ವಿಧಾನಗಳಿಗೆ ಹೋಲಿಸಿದರೆ ಪರಿಸರದ ಮೇಲೆ ಕಡಿಮೆ ಪರಿಣಾಮ ಬೀರುವ ಮನೆಗಳನ್ನು ನಿರ್ಮಿಸುವುದು ಇದರ ಮುಖ್ಯ ಗುರಿಯಾಗಿದೆ. ಈ ರೀತಿಯ ಮನೆಗಳನ್ನು ಕಟ್ಟಲು ಬಳಸಬಹುದಾದ ವಸ್ತುಗಳ ಮೇಲೆ ಇದರ ಸಮರ್ಥತೆ ಮತ್ತು ಕಾರ್ಯ ನಿರ್ಧಾರವಾಗುತ್ತದೆ.
ಹಸಿರು ಮನೆ ನಿರ್ಮಾಣದಿಂದ ಅನೇಕ ಅನುಕೂಲಗಳಿವೆ. ಕಟ್ಟಡವನ್ನು ಕಟ್ಟುವುದರಿಂದ ಹಿಡಿದು ಅದನ್ನು ದುರಸ್ಥಿ ಮಾಡುವ ತನಕ ವಿವಿಧ ಹಂತಗಳಲ್ಲಿ ಈ ಹಸಿರುಮನೆ ಪರಿಕಲ್ಪನೆಯನ್ನು ಅಳವಡಿಸಿಕೊಳ್ಳಬಹುದು. ಅಲ್ಲದೆ ಮನೆ ಕಟ್ಟುವಾಗ ವಾಸ್ತುಶಿಲ್ಪಿಗಳು ಮತ್ತು ಮನೆ ವಿನ್ಯಾಸಕರು ಕಟ್ಟಡ ಕಟ್ಟುವ ಪ್ರಾರಂಭದಲ್ಲಿಯೇ ಈ ರೀತಿಯ ಪರಿಕಲ್ಪನೆಗಳನ್ನು ಅನುಸರಿಸಿದರೆ ಹೆಚ್ಚು ಉಪಯೋಗವಾಗುತ್ತದೆ. ಇದರ ಕೆಲವು ಅನುಕೂಲಗಳು ಇಲ್ಲಿವೆ.
ಹಸಿರು ಮನೆಗಳನ್ನು ಕಟ್ಟುವುದರಿಂದ ಪ್ರಮುಖ ಅನುಕೂಲವೆಂದರೆ, ನಮ್ಮ ಪರಿಸರದ ಮೇಲೆ ಸಕಾರಾತ್ಮಕ ಪರಿಣಾಮವನ್ನು ಉಂಟು ಮಾಡುತ್ತದೆ. ಇದು ನೀರಿನ ಬಳಕೆಯನ್ನು ಕಡಿಮೆ ಮಾಡುವುದಲ್ಲದೆ, ನವೀಕರಿಸಬಹುದಾದ ಇಂಧನ ಮೂಲಗಳ ಅವಲಂಬನೆಯನ್ನು ಕಡಿಮೆ ಮಾಡುವ ಮೂಲಕ ನಮ್ಮ ಸುತ್ತಮುತ್ತಲಿನ ವಾತಾವರಣ ಮತ್ತು ನೈಸರ್ಗಿಕ ಪರಿಸರವನ್ನು ರಕ್ಷಿಸುತ್ತದೆ. ಇದು ಕೇವಲ ನೀರಿನ ತ್ಯಾಜ್ಯ ಬಳಕೆ ಕಡಿಮೆ ಮಾಡುವುದರ ಮೂಲಕ ನೀರಿನ ಮೂಲವನ್ನು ರಕ್ಷಿಸಿ ಪರಿಸರಕ್ಕೆ ಕೊಡುಗೆ ನೀಡುತ್ತದೆ.
ಹಸಿರು ಕಟ್ಟಡಗಳ ನಿರ್ಮಾಣವು ಕಡಿಮೆ ಖರ್ಚು ವೆಚ್ಚಗಳಿಗೆ ಅವಕಾಶ ನೀಡುವಂತ ಒಂದು ಬುದ್ಧಿವಂತ ನಿರ್ಧಾರವಾಗಿದೆ. ಈ ರೀತಿಯಾದ ಮನೆಗಳನ್ನು ಕಟ್ಟುವುದರಿಂದ ನಿವಾಸಿಗಳಿಗೆ ನಿರ್ವಹಣಾ ವೆಚ್ಚಗಳು ಕಡಿಮೆಯಾಗುತ್ತವೆ, ಉತ್ಪಾದಕತೆಯು ಹೆಚ್ಚಾಗಿ. ಯುಟಿಲಿಟಿ ಬಿಲ್‌ಗಳು ಕಡಿಮೆಯಾಗುತ್ತವೆ. ಅಲ್ಲದೆ ವೆಚ್ಚಗಳ ಉಳಿತಾಯದಿಂದಾಗಿ ಹಣಕಾಸಿನ ಸುಧಾರಣೆಯಾಗಿ ಹೂಡಿಕೆಯಿಂದ ಬರುವ ಲಾಭವನ್ನು ಹೆಚ್ಚಿಸುತ್ತದೆ. ಹಸಿರು ಮನೆ ಕಟ್ಟಡಗಳನ್ನು ನಿರ್ವಹಿಸುವುದು ಸುಲಭ ಮತ್ತು ಅದರ ಖರ್ಚುಗಳೂ ಸಹ ಕಡಿಮೆಯಾಗಿರುತ್ತದೆ.
ಇತ್ತೀಚಿನ ದಿನಗಳಲ್ಲಿ ಕಡಿಮೆ ಇಂಧನ ಬಳಸಿ ವಾಸಿಸಲು ಯೋಗ್ಯವಾದ ಮನೆಗಳನ್ನು ಕಟ್ಟುವುದು ಒಂದು ದೊಡ್ಡ ಸವಾಲಾಗಿದೆ. ಪರಿಸರ ಸ್ನೇಹಿ ಮನೆಗಳು ಮನೆಯ ಒಳಗಿನ ಉಷ್ಣಾಂಶವನ್ನು ಸರಿದೂಗಿಸಲು ಸಹಾಯಕವಾಗಿದೆ. ಅಲ್ಲದೆ ಇದು ಮನೆಗೆ ಉತ್ತಮ ಗಾಳಿ, ನೈಸರ್ಗಿಕ ಬೆಳಕು ಮತ್ತು ಹಸಿರು ಛಾವಣಿಗಳೂ ಸಹ ಈ ಮನೆಗಳಲ್ಲಿ ವಾಸಿಸಲು ಮತ್ತು ಕೆಲಸ ಮಾಡಲು ಉತ್ತಮ ವಾತಾವರಣವನ್ನು ಸೃಷ್ಠಿಸುತ್ತದೆ.
ಹಸಿರು ಮನೆ ನಿರ್ಮಾಣ ಮಾಡಲು ಹಂತ-ಹಂತವಾದ ಕೆಲವು ಮಾರ್ಗಸೂಚಿಗಳು ಇಲ್ಲಿವೆ.
ಹಸಿರು ಮನೆ ನಿರ್ಮಾಣದಿಂದ ನಿಮಗೇನು ಬೇಕು ಎಂಬುದನ್ನು ನಿರ್ಧರಿಸಿ. ಇಂಧನ ಉಳಿತಾಯ, ಪರಿಸರ ಸ್ನೇಹಿಯಾಗಿರುವುದು ಮತ್ತು ಇಂಗಾಲದ ಬಳಕೆಯನ್ನು ಕಡಿಮೆ ಮಾಡುವ ಬಗ್ಗೆ ಆಲೋಚಿಸಿ.
ನಿಮ್ಮ ಮನೆಗೆ ನೈಸರ್ಗಿಕ ಗಾಳಿ ಬೆಳಕು ಬರುವಂತಹ ಸ್ಥಳವನ್ನು ಆಯ್ಕೆ ಮಾಡಿ ಮನೆ ಕಟ್ಟುವುದರಿಂದ ನಿಮ್ಮ ಮನೆಯು ನೈಸರ್ಗಿಕವಾಗಿ ಬಿಸಿಲಿನಿಂದ ಬೆಚ್ಚಗಾಗುತ್ತದೆ ಹಾಗೂ ಗಾಳಿಯಿಂದ ತಂಪಾಗುತ್ತದೆ. ಇದರಿಂದ ಬಿಸಿ ಅಥವಾ ತಂಪು ಮಾಡಲು ಯಾವುದೇ ಯಂತ್ರಗಳ ಬಳಕೆ ಬೇಕಾಗಿರುವುದಿಲ್ಲ.
ಹಸಿರು ಮನೆಗಳನ್ನು ನಿರ್ಮಾಣ ಮಾಡುವ ಸಂದರ್ಭದಲ್ಲಿ ಹಸಿರು ಮನೆ ಕಟ್ಟಡಗಳನ್ನು ವಿನ್ಯಾಸ ಮಾಡುವ ವಾಸ್ತುಶಿಲ್ಪಿಗಳ ಸಲಹೆ ಬಹಳ ಮುಖ್ಯ. ನೈಸರ್ಗಿಕ ಗಾಳಿ ಬೆಳಕು ಸರಿಯಾಗಿ ಬರುವ ಸ್ಥಳದಲ್ಲಿ ಅವರು ಮನೆಯನ್ನು ನಿರ್ಮಾಣ ಮಾಡಲು ಸಹಾಯ ಮಾಡುತ್ತಾರೆ. ಅಷ್ಟೇ ಅಲ್ಲದೆ ಇಂಧನ ಶಕ್ತಿಯನ್ನು ಉಳಿಸಲು ನಿಮ್ಮ ಮನೆಯ ಕಿಟಕಿಗಳು ಸರಿಯಾದ ಜಾಗದಲ್ಲಿ ಜೋಡಣೆಯಾಗಿವೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
ನಿಮ್ಮ ಕಟ್ಟಡಗಳನ್ನು ನಿರ್ಮಾಣ ಮಾಡುವಾಗ ಮರುಬಳಕೆ ಮಾಡಬಹುದಾದ ಮರಗಳನ್ನು, ಉಕ್ಕನ್ನು ಬಳಸಿ ಮತ್ತು ಉತ್ತಮ ಗುಣಮಟ್ಟದ ಬಣ್ಣಗಳನ್ನು ಬಳಕೆ ಮಾಡಿ ಮನೆ ಕಟ್ಟಬೇಕು. ಇದರಿಂದ ನಮಗೂ ನಮ್ಮ ಪರಿಸರಕ್ಕೂ ಅನುಕೂಲವಾಗುತ್ತದೆ.
ಕಡಿಮೆ ಹರಿವಿನ ನಲ್ಲಿಗಳು, ಶವರ್ ಹೆಡ್‌ಗಳು ಮತ್ತು ಶೌಚಾಲಯಗಳನ್ನು ಕಟ್ಟುವುದರಿಂದ ನೀರಿನ ಬಳಕೆಯನ್ನು ಕಡಿಮೆ ಮಾಡಬಹುದು. ಮಳೆ ನೀರನ್ನು ಸಂಗ್ರಹಿಸಿ ಅದನ್ನು ಉಪಯೋಗಿಸಿಕೊಳ್ಳಬೇಕು. ನಿಮ್ಮ ಮನೆಯ ಸುತ್ತಮುತ್ತ ಕಡಿಮೆ ನೀರಿದ್ದರೂ ಬದುಕುವ ಸಸಿಗಳನ್ನು ಬೆಳಸಿ.
ನಿಮ್ಮ ಫೋನ್‌ನಿಂದಲೇ ಬಿಸಿಯಾಗಿಸುವಿಕೆ, ತಂಪಾಗಿಸುವಿಕೆ ಮತ್ತು ಸುರಕ್ಷತೆ ಕ್ರಮಗಳನ್ನು ನಿಯಂತ್ರಿಸುವ ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳಿ. ಇದರಿಂದ ಶಕ್ತಿಯನ್ನು ಸಕ್ಷಮವಾಗಿ ಬಳಕೆ ಮಾಡಲು ಅನುಕೂಲವಾಗುತ್ತದೆ.
ಕಟ್ಟಡಗಳನ್ನು ಕಟ್ಟುವ ಸಂದರ್ಭದಲ್ಲಿ ಸಾಮಗ್ರಿಗಳನ್ನು ಮರುಬಳಕೆ ಮಾಡುವಂತೆ ಉಪಯೋಗಿಸಿ. ಕಡಿಮೆ ತ್ಯಾಜ್ಯವನ್ನು ಬಳಕೆ ಮಾಡಿದಷ್ಟು ಪರಿಸರಕ್ಕೆ ಒಳ್ಳೆಯದು.
ಪರಿಸರ ಸ್ನೇಹಿ ಮನೆಗಳನ್ನು ಕಟ್ಟುವ ಸಂದರ್ಭದಲ್ಲಿ ಮನೆಗಳಿಗೆ ಎಲ್ಇಡಿ ಅಥವಾ ಸಿಎಫ್ಎಲ್ ಬಲ್ಬ್ ಗಳನ್ನು ಉಪಯೋಗಿಸಬೇಕು. ಈ ಬಲ್ಬ್ ಗಳು ಹೆಚ್ಚು ವಿದ್ಯುತ್ ಶಕ್ತಿಯನ್ನು ಬಳಕೆ ಮಾಡಿಕೊಳ್ಳುವುದಿಲ್ಲ, ಮತ್ತು ಹಳೆಯ ಶೈಲಿಯ ಬಲ್ಬ್ ಗಳಿಗಿಂತ ಹೆಚ್ಚು ಸಮಯಗಳ ಕಾಲ ಬಾಳಿಕೆ ಬರುತ್ತವೆ.
ಲೀಡರ್ಶಿಪ್ ಇನ್ ಎನರ್ಜಿ ಮತ್ತು ಎನ್ವಿರಾನ್ಮೆಂಟಲ್ ಡಿಸೈನ್ ಸರ್ಟಿಫಿಕೇಶನ್ (LEED) ಎಂಬ ಪ್ರಮಾಣಪತ್ರ ಪಡೆಯುವ ಬಗ್ಗೆ ಆಲೋಚಿಸಿ. ಇದು ನಿಮ್ಮ ಮನೆ ಪರಿಸರ ಸ್ನೇಹಿ ಮನೆಯಾಗಿದೆ ಎಂಬುದನ್ನು ಪ್ರಮಾಣೀಕರಿಸುತ್ತದೆ. ಅಲ್ಲದೆ ಇದು ಮನೆಯ ಮಾರಾಟದ ಬೆಲೆಯನ್ನೂ ಸಹ ಹೆಚ್ಚಿಸುತ್ತದೆ.
ಪರಿಸರ ಸ್ನೇಹಿ ಮನೆಗಳನ್ನು ಕಟ್ಟುವುದರಿಂದ ಇಂಗಾಲ ಉತ್ಪತ್ತಿ ಯನ್ನು ಕಡಿಮೆ ಮಾಡುವ, ಶಕ್ತಿಯನ್ನು ಹೆಚ್ಚಿಸಿ, ತ್ಯಾಜ್ಯವನ್ನು ಕಡಿಮೆ ಮಾಡುವ ಪರಿಸರಕ್ಕೆ ಪೂರಕವಾದ ವಸ್ತುಗಳನ್ನು ಬಳಕೆ ಮಾಡಬೇಕು. ಮನೆ ಕಟ್ಟಲು ಉಪಯೋಗಿಸುವ ಕೆಲವು ಪರಿಸರ ಸ್ನೇಹಿ ಉಪಕರಣಗಳು ಇಲ್ಲಿವೆ.
a. ಮರುಬಳಕೆ ಮಾಡಬಹುದಾದ ಗಾಜುಗಳು: ಪರಿಸರ ಸ್ನೇಹಿ ಮತ್ತು ಸುಂದರವಾಗಿ ಕಾಣಲು ಈ ಗಾಜುಗಳನ್ನು ಟೈಲ್‌ಗಳಾಗಿ ಬಳಸುವುದನ್ನು ಪರಿಗಣಿಸಿ.
b. ಮರು ಪಡೆದುಕೊಳ್ಳಬಹುದಾದ ಮರ: ಈ ರೀತಿಯ ಮರಗಳನ್ನು ಕಟ್ಟಡ ನಿರ್ಮಿಸಲು ಮತ್ತು ಮನೆಗೆ ಉಪಯೋಗಿಸುವ ಉಪರಣಗಳ ತಯಾರಿಕೆಯಲ್ಲಿ ಬಳಸಿ. ಇದರಿಂದ ಮನೆಗೆ ವಿಶಿಷ್ಟ ಸೊಬಗು ನೀಡುತ್ತದೆ.
c. ಬೇಡವಾದ ಇಟ್ಟಿಗೆ ಮತ್ತು ಕಲ್ಲು: ಅಗತ್ಯವಿರದ ಇಟ್ಟಿಗೆ ಮತ್ತು ಕಲ್ಲುಗಳನ್ನು ಬಳಕೆ ಮಾಡಿ ಗೋಡೆಯನ್ನು ಅಂದಗೊಳಿಸಿ. ಇದರಿಂದ ಹೊಸ ಸಂಪನ್ಮೂಲದ ಅಗತ್ವವಿರುವುದಿಲ್ಲ.
a. ಎಫ್‌ಎಸ್‌ಸಿ ಸಂಸ್ಥೆ ಪ್ರಮಾಣೀಕರಿಸಿದ ಮರಗಳ ಬಳಕೆ: ಮನೆ ಕಟ್ಟಲು ಯೋಗ್ಯವಾದ ಮರಮುಟ್ಟು ಮತ್ತು ಪ್ಲೈವುಡ್‌ ಖರೀದಿಸುವಾಗ ಫಾರೆಸ್ಟ್‌ ಸ್ಟಿವಾರ್ಡ್‌ ಕೌನ್ಸಿಲ್‌ (ಎಫ್ ಎಸ್ ಸಿ) ಸಂಸ್ಥೆಯಿಂದ ನೀಡಲಾದ ಪ್ರಮಾಣ ಪಾತ್ರವನ್ನು ಪರಿಶೀಲಿಸಿ. ಇದರಿಂದ ಮರಗಳನ್ನು ಜವಾಬ್ದಾರಿಯಿಂದ ಪಡೆದುಕೊಳ್ಳಲಾಗಿದೆ ಎಂದು ಖಾತ್ರಿಪಡಿಸಿಕೊಳ್ಳಿ.
b. ಬಿದಿರಿನ ಬಳಕೆ: ನಿಮ್ಮ ಮನೆಯ ವಿವಿಧ ಉಪಕರಣಗಳ ತಯಾರಿಕೆಗಾಗಿ ಬಹುಬೇಗ ನವೀಕರಿಸಬಹುದಾದ ಬಿದಿರನ್ನು ಹೆಚ್ಚಾಗಿ ಬಳಸಿಕೊಳ್ಳಿ.
a. ಕಡಿಮೆ ಅಥವಾ ಶೂನ್ಯ ವಿಒಸಿ ಹೊಂದಿರುವ ಬಣ್ಣಗಳ ಆಯ್ಕೆ: ಆರೋಗ್ಯಕರವಾದ ವಾತಾವರಣವನ್ನು ಸಷ್ಟಿಸುವ ಮತ್ತು ಗಾಳಿಯ ಗುಣಮಟ್ಟವನ್ನು ಹೆಚ್ಚಿಸುವ ಬಣ್ಣಗಳು, ಸ್ಟೇನ್‌ಗಳು ಮತ್ತು ಫಿನಿಶ್‌ಗಳನ್ನು ಕಟ್ಟಡ ನಿರ್ಮಾಣಕ್ಕೆ ಬಳಸಬೇಕು. ಕಡಿಮೆ ಅಥವಾ ಶೂನ್ಯ ಆವಿಯಾಗುವ ಆರ್ಗ್ಯಾನಿಕ್‌ ಸಂಯುಕ್ತಗಳನ್ನು (ವಿಓಸಿ) ಹೊಂದಿರುವ ಬಣ್ಣಗಳನ್ನು ಬಳಕೆ ಮಾಡುವುದರಿಂದ ನಮಗೂ ಪರಿಸರಕ್ಕೂ ಉತ್ತಮ.
a. ಉಣ್ಣೆ, ಹತ್ತಿ ಅಥವಾ ಮರುಬಳಕೆ ಮಾಡಬಹುದಾದ ಡೆನಿಮ್‌: ಉಣ್ಣೆ, ಹತ್ತಿ ಅಥವಾ ಮರುಬಳಕೆ ಮಾಡಬಹುದಾದ ಬಟ್ಟೆಯನ್ನು ಬಳಸುವುದರಿಂದ ಮನೆಯ ವಾತಾವರಣ ಪರಿಣಾಮಕಾರಿಯಾದ ಹಾಗೂ ಸುಸ್ಥಿರ ತಾಪಮಾನ ನಿರೋಧನವನ್ನು ಒದಗಿಸಿದಂತಾಗುತ್ತದೆ.
b.ಸೆಲ್ಯುಲೋಸ್ ನಿರೋಧನ: ಪರಿಸರ ಸ್ನೇಹಿ ಮನೆಗಳ ನಿರ್ಮಾಣದಲ್ಲಿ ಮತ್ತೊಂದು ಪ್ರಮುಖ ಆಯ್ಕೆ ಎಂದರೆ ಕಾಗದಗಳನ್ನು ಮರುಬಳಕೆ ಮಾಡಿ ತಯಾರಿಸಲಾದ ಈ ಸೆಲ್ಯುಲೋಸ್ ನಿರೋಧನಗಳನ್ನ ಬಳಕೆ ಮಾಡುವುದು. ಇದನ್ನು ಗೋಡೆಗಳಿಗೆ ಮತ್ತು ಮೇಲ್ಛಾವಣಿಗೆ ಬಳಸುವುದರಿಂದ ಹೆಚ್ಚು ಅನುಕೂಲವಾಗುತ್ತದೆ ಮತ್ತು ಸಕ್ಷಮವಾಗಿ ಉಷ್ಣತೆಯನ್ನು ನಿಯಂತ್ರಿಸಬಹುದು.
a. ಡಬಲ್ ಅಥವಾ ಟ್ರಿಪಲ್‌ ಗ್ಲೇಜ್‌ ಮಾಡಿದ ಕಿಟಕಿಗಳು: ಎರಡು ಅಥವಾ ಮೂರು ಬಾರಿ ಗ್ಲೇಜ್‌ ಮಾಡಿದ ಮತ್ತು ಕಡಿಮೆ-ಇ ಕೋಟಿಂಗ್‌ಗಳನ್ನು ಹೊಂದಿರುವ ಕಿಟಿಕಿಗಳನ್ನು ಅಳವಡಿಸಿ. ಇದರಿಂದ ಉಷ್ಣಾಂಶ ಒಳಗೆ ಬರುವುದನ್ನು ಕಡಿಮೆ ಮಾಡಿ ಮತ್ತು ಶಕ್ತಿಯ ಸಕ್ಷಮತೆಯನ್ನು ಸುಧಾರಿಸುತ್ತದೆ.
b. ಎನರ್ಜಿ ಸ್ಟಾರ್ ರೇಟಿಂಗ್: ಹೆಚ್ಚು ಎನರ್ಜಿ ಸ್ಟಾರ್ ರೇಟಿಂಗ್ ಹೊಂದಿರುವ ಕಿಟಕಿಗಳನ್ನು ಅಳವಡಿಸಿಕೊಳ್ಳುವುದರಿಂದ ಅದರ ಕಾರ್ಯ ಕ್ಷಮತೆ ಹೆಚ್ಚಿರುತ್ತದೆ ಮತ್ತು ಧೀರ್ಘಕಾಲ ಬಾಳಿಕೆ ಬರುತ್ತದೆ.
a. ಶುದ್ಧ ಶಕ್ತಿ ಉತ್ಪಾದನೆ: ನಮ್ಮ ಮನೆಗಳಿಗೆ ಸೌರ ಫಲಕಗಳನ್ನು ಅಳವಡಿಸುವುದರಿಂದ ನೈಸರ್ಗಿಕ ಉದ್ಯುತ್ ಶಕ್ತಿಯನ್ನು ಉತ್ಪಾದಿಸಬಹುದು. ಇದರಿಂದ ನಿಮ್ಮ ಮನೆಗೆ ಸ್ವಚ್ಛವಾದ ಮತ್ತು ನವೀಕರಿಸಬಹುದಾದ ವಿದ್ಯುತ್ ದೊರೆಯುತ್ತದೆ.
b. ಸೌರ ಶಿಂಗಲ್ಸ್ ಅಥವಾ ಇಂಟಿಗ್ರೇಟೆಡ್ ರೂಫಿಂಗ್: ಸೌರ ಶಿಂಗಲ್ಸ್ ಅಥವಾ ಇಂಟಿಗ್ರೇಟೆಡ್ ರೂಫಿಂಗ್‌ಗಳನ್ನ ಬಳಕೆ ಮಾಡುವುದರಿಂದ ನೋಡಲು ಸುಂದರವಾದ ಮತ್ತು ಶಕ್ತಿ-ಸಕ್ಷಮವಾದ ವ್ಯವಸ್ಥೆಯು ದೊರೆಯುತ್ತದೆ.
ಪರಿಸರ ಸ್ನೇಹಿ ಮನೆಗಳ ನಿರ್ಮಾಣ ಕೇವಲ ಪರಿಸರ ಕಾಳಜಿಯ ಉದ್ಧೇಶಕ್ಕಾಗಿ ಮಾತ್ರವಲ್ಲದೇ ಸುಸ್ಥಿರ ಭವಿಷ್ಯವನ್ನು ನಿರ್ಮಿಸಲು ಒಂದು ಜಾಣ್ಮೆಯ ಮತ್ತು ಜವಾಬ್ದಾರಿಯ ನಡೆಯಾಗಿದೆ. ಪರಿಸರ ಸ್ನೇಹಿ ವಸ್ತುಗಳು ಹಾಗೂ ಸುಸ್ಥಿರ ಸಾಮಗ್ರಿಗಳನ್ನು ಬಳಕೆ ಮಾಡಿ ಮನೆ ಕಟ್ಟುವುದರಿಂದ ಕಾರ್ಬನ್‌ ಫೂಟ್‌ಪ್ರಿಂಟ್‌ ಅನ್ನು ಕಡಿಮೆ ಮಾಡಬಹುದು, ಹಣವನ್ನು ಉಳಿಸಬಹುದು ಮತ್ತು ಆರೋಗ್ಯಕರವಾದ ವಾಸಯೋಗ್ತ ಸ್ಥಳವನ್ನು ನಿರ್ಮಿಸಬಹುದು. ನೀವು ನಿಮಗೋಸ್ಕರ ಮನೆಯನ್ನು ಕಟ್ಟುವವರಾಗಲಿ ಅಥವಾ ಬಿಲ್ಡರ್‌ ಆಗಿರಲಿ ಪರಿಸರ ಸ್ನೇಹಿ ಕಟ್ಟಡ ನಿರ್ಮಾಣ ಕ್ರಮಗಳನ್ನು ಅನುಸರಿಸುವುದು ಸುಸ್ಥಿರವಾದ ಮತ್ತು ಸಮೃದ್ಧವಾದ ಭವಿಷ್ಯವನ್ನು ನಿರ್ಮಿಸುವಲ್ಲಿ ಗಮನಾರ್ಹ ಪರಿಣಾಮವನ್ನು ಒದಗಿಸಬಲ್ಲದು.
