Share:
ഇന്റീരിയർ ഡിസൈനിലെ അവശ്യ ഘടകങ്ങളായ ടൈലുകൾ, പ്രായോഗികതയും ആകർഷണീയമായ മനോഹാരിതയും വാഗ്ദാനം ചെയ്യുന്നു. അവ വ്യത്യസ്ത മെറ്റീരിയിലുകളിൽ നിന്ന് ഉണ്ടാക്കുന്നവയാണ്, ഓരോന്നിനും വ്യതിരിക്തമായ സവിശേഷതകൾ ഉണ്ട്. ഉദാഹരണത്തിന്, സെറാമിക് ടൈലുകൾ അവയുടെ ഈടിലും പരിത:സ്ഥിതികളോട് ഇണങ്ങാനുള്ള കഴിവിലും സുപ്രസിദ്ധമാണ്, ഇത് വിപുലമായ തരത്തിലുള്ള ഉപയോഗങ്ങൾക്ക് അനുയോജ്യമാണ്. മറുവശത്ത്, പോർസലൈൻ ടൈലുകൾ സാന്ദ്രമായതും മാറ്റങ്ങളെ ഉൾക്കൊള്ളാൻ കഴിയുന്നതുമായ ഇനമാണ്, ധാരാളം ആളുകൾ നിരന്തരമായി കടന്നുപോകുന്ന മേഖലകൾക്ക് അനുയോജ്യമാണ്. ഗ്ലാസ് ടൈലുകൾ ആകർഷണീയത അവതരിപ്പിക്കുകയും പലപ്പോഴും അലങ്കാരത്തിനായി ഉപയോഗിക്കപ്പെടുകയും ചെയ്യുന്നു, അതേസമയം മാർബിൾ, ഗ്രാനൈറ്റ് പോലുള്ള പ്രകൃതിദത്ത കല്ലുകൾ കാലാതീതമായ രമണീയത നൽകുന്നു, എന്നാൽ കൃത്യമായ ശ്രദ്ധ ആവശ്യമാണ്. ഹാർഡ്വുഡ്, ഫോക്സ് വുഡ് വ്യതിരിക്തതകളിൽ വുഡൻ ടൈലുകൾ ലഭ്യമാണ്, കാലങ്ങളോളം നിലനിൽക്കുന്ന ടൈൽ ഗുണത്തിൽ തടിയുടെ ദൃശ്യചാരുത നൽകുന്നു. നിങ്ങളുടെ സ്ഥലങ്ങൾക്കു വേണ്ടി ഡിസൈൻ തീരുമാനങ്ങൾ എടുക്കുന്പോൾ ഇത്തരത്തിലുള്ള ടൈലുകളും അവയുടെ ഗുണവിശേഷങ്ങളും മനസ്സിലാക്കിയിരിക്കുക എന്നത് നിർണായകമാണ്. ഓരോ ഇനത്തെയും പറ്റി മനസ്സിലാക്കാനായി നമുക്ക് കൂടുതൽ ആഴത്തിൽ പരിശോധിക്കാം.
കാലങ്ങളോളം നിലനിൽക്കുന്ന ഗുണം, ബഹുവിധനൈപുണ്യം, താങ്ങാനാവുന്ന വില എന്നിവ കൊണ്ട് പാർപ്പിടം, വാണിജ്യം എന്നീ രണ്ടിടങ്ങളിലും സെറാമിക് ടൈലുകൾ ജനപ്രീതിയാർജിച്ച ഒരു തിരഞ്ഞെടുപ്പാണ്. പോർസലൈൻ, മൊസൈക്ക് എന്നിവയടക്കം വ്യത്യസ്തയിനം ടൈലുകളിൽ അവ കൂടുതൽ ലഭ്യമാണ്.
പോർസലൈൻ ടൈലുകൾ അവയുടെ സാന്ദ്രതയിലും ഈർപ്പം, കറകൾ, പോറലുകൾ എന്നിവയെ പ്രതിരോധിക്കുന്നതിലും വേറിട്ടുനിൽക്കുന്നു, ഇത് ധാരാളം ആളുകൾ നിരന്തരമായി കടന്നുപോകുന്ന മേഖലകൾക്കും പുറംപ്രദേശങ്ങൾക്കും അനുയോജ്യമാണ്. വ്യത്യസ്ത അലങ്കാരങ്ങളിലുള്ള നിറങ്ങളും ഫിനിഷുകളും ഉള്ളതിനാൽ, സീലിംഗിന്റെയോ പ്രത്യേക ക്ലീനിംഗ് ഉല്പന്നങ്ങളുടെയോ ആവശ്യമില്ലാതെ അവ വൈവിധ്യമാർന്നതും സുഗമവുമായ പരിപാലനം വാഗ്ദാനം ചെയ്യുന്നു.
മൊസൈക്ക് ടൈലുകൾ പൊതുവെ 2 ഇഞ്ചിൽ താഴെ വലിപ്പമുള്ളവയാണ്. മെഷ് ബാക്കിംഗിൽ ഘടിപ്പിചüിരിക്കുന്ന സെറാമിക്, ഗ്ലാസ്, അല്ലെങ്കിൽ പ്രകൃത്യാ ഉള്ള കല്ല് എന്നിവ കൊണ്ട് നിർമിച്ചിട്ടുള്ള വിവിധോദ്ദേശ്യയുക്തമായ അലങ്കാര ടൈലുകളാണ് ഇവ. ഗഹനമായ ഡിസൈനുകളും പാറ്റേണുകളും രൂപപ്പെടുത്തുന്നതിൽ അവ മെച്ചപ്പെട്ടതാണ്, പൊതുവെ ബാത്ത്റൂമുകൾ, അടുക്കളകൾ, ജലാശയങ്ങൾ എന്നിവ ക്രിയാത്മകമായ ദൃശ്യതത്പരതയോടെ അഭിവൃദ്ധിപ്പെടുത്തുന്നു.
ടൈലുകളുടെ നീണ്ട കാലം നിലനിൽക്കുന്ന ഗുണം, അനായാസമായ പരിപാലനം എന്നിവയടക്കം തടിയുടെ സ്വാഭാവിക മനോഹാരിതയുടെ സവിശേഷമായ സമ്മേളനം വുഡൻ ടൈലുകൾ സമ്മാനിക്കുന്നു. ഈ വിഭാഗത്തിൽ രണ്ട് തരം ടൈലുകൾ ഉണ്ട്:
ഓക്ക്, മേപ്പിൾ, വാൽനട്ട് തുടങ്ങിയ യഥാർത്ഥ തടിയിൽ നിന്ന് നിർമിച്ചിട്ടുള്ള ഹാർഡ്വുഡ് ടൈലുകൾ, പൌരാണികമായ ഹാർഡ്വുഡ് ഫ്ലോർ രൂപം പുന:സൃഷ്ടിക്കുന്നു. അവ വിപുലമായ വർണങ്ങളുടെയും ചെറുതരികളുടെയും തിരഞ്ഞെടുപ്പുകൾ വാഗ്ദാനം ചെയ്യുന്നു, മിനുസപ്പെടുത്താനും പുതുക്കാനും കഴിയും, കൂടാതെ ഭൂരിഭാഗം മുറികൾക്കും, പ്രത്യേകിച്ച് ലിവിങ് റൂമുകൾ, കിടപ്പുമുറികൾ, ഇടനാഴികൾ എന്നിവയ്ക്ക് അനുയോജ്യവുമാണ്.
വുഡ്-ലുക്ക് ടൈലുകൾ എന്നുകൂടി അറിയപ്പെടുന്ന, ഫോക്സ് വുഡ് ടൈലുകൾ സെറാമിക് അല്ലെങ്കിൽ പോർസലൈനിൽ നിന്നാണ് നിർമിചüിട്ടുള്ളത്, കൂടുതൽ താങ്ങാനാവുന്ന വിലയിൽ യഥാർത്ഥ തടിയുടെ രൂപം ആവിഷ്കരിച്ചിരിക്കുന്നു. വർണങ്ങളുടെയും ഫിനിഷുകളുടെയും ശ്രേണിയിൽ, അവ ഊഷ്മളതയും സ്റ്റൈലും വാഗ്ദാനം ചെയ്യുന്നു. ഈ ടൈലുകൾ ഈർപ്പം, പോറലുകൾ, കറകൾ എന്നിവയെ പ്രതിരോധിക്കുന്നു. കുളിമുറികൾ, അടുക്കളകൾ എന്നിവ പോലുള്ള ഈർപ്പമുള്ള ഇടങ്ങൾക്ക് അനുയോജ്യമാണ്. മാത്രമല്ല അവയ്ക്ക് കുറഞ്ഞ പരിപാലനമേ ആവശ്യമായി വരുന്നുള്ളൂ. ഇത് ടൈലിന്റെ പ്രയോജനങ്ങൾക്കൊപ്പം തടിയുടെ ആകർഷണീയതയും നൽകുന്നു.
ഗ്ലാസ് ടൈലുകൾ അവയുടെ തിളങ്ങുന്ന ഫിനിഷിൽ പ്രകാശത്തെ പ്രതിഫലിപ്പിച്ചുകൊണ്ട് സ്ഥലത്ത് ശോഭ പരത്തുന്നു. വൈവിധ്യമാർന്ന ഡിസൈൻ തിരഞ്ഞെടുപ്പുകൾ വാഗ്ദാനം ചെയ്യുന്നു. അവയുടെ ഈട്, കറയെ പ്രതിരോധിക്കൽ, അനായാസമായ വൃത്തിയാക്കൽ എന്നിവ കൊണ്ട് അടുക്കളകളിലും കുളിമുറികളിലും ബാക്ക്സ്പ്ലാഷുകളിലും അവ ജനപ്രീതിയാർജിച്ചതാണ്. അങ്ങനെയാണെങ്കിലും, അവയുടെ ചെലവ് കൂടുതലായേക്കാം, ശരിയായ വിധത്തിലുള്ള അവലംബനത്തിനായി ചിലപ്പോൾ തൊഴിൽപരമായ സ്ഥാപിക്കൽ ആവശ്യമായേക്കാം.
എൻകാസ്റ്റിക് ടൈലുകൾ എന്നുകൂടി വിളിക്കപ്പെടുന്ന സിമന്റ് ടൈലുകൾ, നിറമുള്ള സിമന്റ് കൊണ്ടുള്ള കരനിർമിതിയാണ്. സവിശേഷമായ അലങ്കാര പാറ്റേണുകളും ആകർഷകമായ വർണങ്ങളും വാഗ്ദാനം ചെയ്യുന്നു. അവ ദൃഢമായതും ധാരാളം ആളുകൾ നിരന്തരമായി കടന്നുപോകുന്ന പ്രദേശങ്ങൾക്ക് അനുയോജ്യവുമാണ്. സ്വാഭാവികമായും വഴുതലിനെ പ്രതിരോധിക്കുന്നതാണ്. എന്നാൽ അവയുടെ മനോഹാരിത നിലനിർത്താൻ സീലിംഗും പതിവായുള്ള അറ്റകുറ്റപ്പണികളും ആവശ്യമാണ്. ചെലവുകൾ ഭാരിച്ചതാണെങ്കിലും, കാലാതീതമായ മനോഹാരിതയും മുറിക്ക് സ്വഭാവമഹിമയും നൽകുന്നതിനാൽ അവ വിലമതിക്കപ്പെടുന്നു.
നാനാവിധമായ സ്ഥലങ്ങൾക്ക് അനുയോജ്യമായ ഈടു നിൽക്കുന്നതും വിവിധോദ്ദേശ്യയുക്തവുമായ ഫ്ലോറിംഗ് തിരഞ്ഞെടുപ്പാണ് വിട്രിഫൈഡ് ടൈലുകൾ. അവയുടെ ദൃഢതയും കുറഞ്ഞ സുഷിരതാവസ്ഥയും അനായാസമായ അറ്റകുറ്റപ്പണികളും പാർപ്പിട, വാണിജ്യ പദ്ധതികൾക്ക് അവയെ ഒരു ജനപ്രീതിയാർജിച്ച തിരഞ്ഞെടുക്കലാക്കി മാറ്റുന്നു. താഴെ പറയുന്നവയടക്കം അവ പല തരത്തിലുണ്ട്:
പോളിഷ്ഡ് ഗ്ലേസ്ഡ് വിട്രിഫൈഡ് ടൈലുകൾ അല്ലെങ്കിൽ പി ജി വി ടി, വിട്രിഫൈഡ് ടൈലുകൾക്ക് മുകളിൽ ഗ്ലേസ് ലെയർ പ്രയോഗിചü് മിനുക്കിക്കൊണ്ട് തിളങ്ങുന്ന ഫിനിഷ് വരുത്തിയ സെറാമിക് ടൈലുകളാണ്. ആധുനിക ഇന്റീരിയറുകൾക്കായി അവ മൃദുവായതും ഈടു നിൽക്കുന്നതുമായ തിരഞ്ഞെടുപ്പ് വാഗ്ദാനം ചെയ്യുന്നു, വ്യത്യസ്ത ഡിസൈനുകളിലും വർണങ്ങളിലും ലഭ്യമാണ്, പാർപ്പിട, വാണിജ്യ സ്ഥലങ്ങൾക്ക് അനുയോജ്യമാണ്.
ജി വി ടി ടൈലുകൾ എന്നറിയപ്പെടുന്ന ഗ്ലേസ്ഡ് വിട്രിഫൈഡ് ടൈലുകൾ വിഭിന്നമായ ഡിസൈനുകളും പാറ്റേണുകളും ഉള്ള ഒരു ഗ്ലേസ് ലെയർ എടുത്തുകാട്ടുന്നു. പി ജി വി ടി-യേക്കാൾ തിളക്കം കുറവുള്ള ഫിനിഷാണ് അവയ്ക്കുള്ളതെങ്കിലും, അവ മനോഹരമായ വൈവിധ്യം വാഗ്ദാനം ചെയ്യുന്നു. ഈടു നിൽക്കുന്നതും ജലത്തെ പ്രതിരോധിക്കുന്നതുമായ ഈ ടൈലുകൾ സാധാരണയായി അടുക്കളകൾ, കുളിമുറികൾ, ലിവിങ് റൂമുകൾ തുടങ്ങിയ ഉള്ളിടങ്ങളിൽ ഉപയോഗിക്കുന്നു, ഇത് സെറാമിക്സിന്റെ പ്രായോഗികതയോടെ പ്രകൃതിദത്ത വസ്തുക്കളുടെ പ്രതീതി ഉളവാക്കുന്നു.
നൈസർഗികമായ കൽ ടൈലുകൾ, ക്വാറി ടൈലുകൾ, ടെറാക്കോട്ട ടൈലുകൾ, മെറ്റൽ ടൈലുകൾ എന്നിങ്ങനെ മറ്റ് പലതരം ടൈലുകൾ നിലവിൽ ലഭ്യമാണ്, അതിൽ നിന്ന് ഏതൊരാൾക്കും സ്വന്തം വീടിന് ഏറ്റവും അനുയോജ്യമായത് തിരഞ്ഞെടുക്കാവുന്നതാണ്.
ഇന്റീരിയർ, എക്സ്റ്റീരിയർ ഡിസൈനുകളിൽ പൊതുവെ ഉപയോഗിക്കുന്ന വിവിധ ഇനം ടൈലുകളെക്കുറിച്ച് ഞങ്ങൾ ഈ ബ്ലോഗ് പോസ്റ്റിൽ വിശദമാക്കിയിട്ടുണ്ട്. കൂടാതെ, മാർബിൾ, ഗ്രാനൈറ്റ്, ടെറാക്കോട്ട, ട്രാവെർട്ടൈൻ എന്നിങ്ങനെയുള്ള മറ്റ് ടൈലുകൾ ഉണ്ട്, ഓരോന്നും സവിശേഷമായ മനോഹാരിത വാഗ്ദാനം ചെയ്യുന്നു. ഓരോ ഇനവും വിവിധ സന്ദർഭങ്ങൾക്കും വീടിന്റെ ഡിസൈനുകൾക്കും മൂല്യവത്താണ്. ഇത്തരം തിരഞ്ഞെടുപ്പുകളെപ്പറ്റി അറിയുന്നത് നിങ്ങളുടെ അഭിരുചികൾക്ക് അനുയോജ്യമായ മനോഹരവും പ്രവർത്തനപരവുമായ ഇടങ്ങൾ രൂപപ്പെടുത്താൻ സഹായമേകുന്നു.
