फरशा 101 (वन-ओह्-वन): विविध प्रकारच्या फरशींसाठी एक प्रारंभिक मार्गदर्शक

बाजारात कोणत्या प्रकारच्या फरशा उपलब्ध आहेत

फरशी ह्या इंटिरिअर डिझाइनमधील आवश्यक घटक आहेत, जे व्यावहारिकता आणि सौंदर्य दोन्ही प्रदान करतात. त्या विविध मटेरियलमध्ये येतात, प्रत्येकाची वैशिष्ट्ये वेगळी असतात. उदाहरणार्थ, सिरॅमिक फरशा त्यांच्या टिकाऊपणा आणि अनुकूलनक्षमतेसाठी ओळखल्या जातात, त्या विविध अनुप्रयोगांसाठी योग्य आहेत. दुसरीकडे, पोर्सिलेन फरशा हा एक सघन आणि मजबूत प्रकार आहे, जो उच्च-रहदारी च्या क्षेत्रांसाठी आदर्श आहे. ग्लास फरशा चैतन्य निर्माण करतात आणि बर्‍याचदा सजावटीसाठी वापरल्या जातात, तर संगमरवरी आणि ग्रॅनाइट सारख्या नैसर्गिक दगडी फरशा चिरकालीन लालित्य प्रदान करतात परंतु त्यांची नियमित काळजी घेणे आवश्यक असते. हार्डवूड आणि फॉक्सवूड प्रकारात उपलब्ध असलेल्या लाकडी फरशा टिकाऊपणासह लाकडाचा उत्साहपूर्ण लूक देतात. आपल्या जागेसाठी डिझाइन निर्णय घेताना अशा प्रकारच्या फरशा आणि त्यांचे गुणधर्म समजून घेणे महत्वाचे आहे. प्रत्येक प्रकार विस्तारात समजून घेण्यासाठी आपण खोलात जाऊया.

1. सिरॅमिक फरशा

सिरॅमिक फरशा त्यांच्या टिकाऊपणा, अष्टपैलूपणा आणि किफायतशीरपणामुळे निवासी आणि व्यावसायिक दोन्ही बांधकामांसाठी एक लोकप्रिय निवड आहेत. त्या पोर्सेलिन आणि मोझॅकसह विविध प्रकारच्या फरश्यांमध्ये उपलब्ध आहेत.

अ) पोर्सेलिन फरशा

पोर्सिलेन फरशा त्यांच्या घनतेसाठी आणि ओलावा, स्टेन्स आणि स्क्रॅचच्या प्रतिकारासाठी प्रसिद्ध आहेत, ज्यामुळे त्या उच्च-रहदारी आणि बाह्य भागांसाठी सर्वोत्तम ठरतात. विविध प्रकारच्या रंग आणि फिनिशसह, त्या अष्टपैलूपणा आणि सीलिंग किंवा विशेष स्वच्छता उत्पादनांची आवश्यकता न भासवता  सुलभ देखभाल प्रदान करतात.

ब) मोझॅक फरशा

मोझॅक टाइल्स, सामान्यत: 2 इंचांपेक्षा कमी आकाराच्या असतात, बहुतेकदा सिरॅमिक, काच किंवा नैसर्गिक दगडापासून बनलेल्या अष्टपैलू शोभेच्या टाइल्स असतात, ज्या मेश बॅकिंग (एक वायर जाळी ज्याला मोझॅक शीटवरील टाइल्स जोडलेल्या असतात.) आधारावर बसविल्या जातात. ते गुंतागुंतीचे डिझाइन आणि पॅटर्न तयार करण्यात उत्कृष्ट असतात, ज्याद्वारे सामान्यत: कल्पनात्मक व्हिज्युअल इंटरेस्टसह बाथरूम, स्वयंपाकघर आणि पूल मध्ये सुधारणा होते.

२) लाकडी फरशा

लाकडी फरशा लाकडाच्या नैसर्गिक सौंदर्याचा अनोखा मिलाफ फरशीचा टिकाऊपणा आणि सहज देखभाल सह घडवून आणतात. याअंतर्गत फरशा दोन प्रकारच्या असतात:

अ) हार्डवूड फरशा

ओक, मॅपल आणि अक्रोड सारख्या वास्तविक लाकडापासून तयार केलेल्या हार्डवूड फरशा क्लासिक हार्डवूड फ्लोअर देखाव्याची नक्कल करतात. त्या अष्टपैलू रंग आणि कण पर्याय ऑफर करतात, त्यांना घासून पुन्हा चमकदार केले जाऊ शकते आणि त्या बहुतेक खोल्यांसाठी अनुकूल ठरतात, विशेषत: बैठकीची जागा, बेडरूम आणि दालनासाठी.

ब) फॉक्सवूड फरशा

वूड-लुक फरशा म्हणून देखील ओळखल्या जाणार्‍या, फॉक्सवूड फरशा सिरॅमिक किंवा पोर्सिलिनपासून तयार केल्या जातात, त्या अधिक बजेट-अनुकूल किंमतीत वास्तविक लाकडाचा लुक देतात. विविध रंग आणि फिनिशसह, त्या उत्साहीपणा आणि शैली प्रदान करतात. या फरशा ओलावा, स्क्रॅच आणि डागांचा प्रतिकार करतात, ज्यामुळे त्या बाथरूम आणि स्वयंपाकघर यासारख्या दमट जागेसाठी आदर्श ठरतात आणि त्यांना कमी देखभालीची गरज असल्यामुळे, त्या फरश्यांच्या फायद्यांसह लाकडाचे दिखाऊ आकर्षण प्रदान करतात.

3) ग्लास फरशा

काचेच्या फरशा, त्यांच्या चमकदार फिनिशसह, प्रकाश परावर्तित करून जागा उजळवतात आणि अष्टपैलू डिझाइन पर्याय प्रदान करतात. त्यांच्या टिकाऊपणा, डाग प्रतिकार आणि स्वच्छतेच्या सुलभतेमुळे त्या स्वयंपाकघर, बाथरूममध्ये आणि बॅकस्प्लॅश म्हणून लोकप्रिय आहेत. तथापि, त्या जास्त किंमतीच्या येऊ शकतात आणि कधीकधी योग्य आसंजनसाठी त्यांना व्यावसायिक इन्स्टॉलेशनची आवश्यकता भासू शकते.

4) सिमेंट फरशा

सिमेंट फरशा, ज्यांना एन्कॉस्टिक टाइल्स देखील म्हणतात, त्या रंगीत सिमेंटसह नक्षीकाम केल्या जातात, ज्यामुळे त्या अद्वितीय शोभेचे पॅटर्न आणि उत्साही रंग प्रदान करतात. त्या टिकाऊ  असतात आणि उच्च-रहदारीच्या क्षेत्रांसाठी योग्य राहतात, त्या नैसर्गिकरित्या स्लिप-प्रतिरोधक आहेत, परंतु त्यांचे आकर्षण टिकवून ठेवण्यासाठी सील आणि नियमित देखभाल आवश्यक आहे. जास्त खर्च असूनही, त्यांना चिरकालीन सौंदर्यमुळे आणि खोलीत एक व्यक्तिमत्व देण्यासाठी वापरले जाते.

5) विट्रिफाइड फरशा

व्हिट्रिफाइड फरशा ह्या विविध जागांसाठी अनुकूल असा टिकाऊ आणि अष्टपैलू फ्लोरिंग पर्याय आहे. त्यांचे सामर्थ्य, कमी सच्छिद्रता आणि सुलभ देखभाल त्यांना निवासी आणि व्यावसायिक दोन्ही प्रकल्पांसाठी एक लोकप्रिय निवड बनवते. त्यांचे विविध प्रकार आहेत, जसे की:

अ) पॉलिश केलेल्या ग्लेझ्ड विट्रिफाइड फरशा

पॉलिश्ड केलेल्या ग्लेझ्ड व्हिट्रिफाइड फरशा किंवा पीजीव्हीटी, व्हिट्रिफाइड फरशांवर ग्लेझ लेयर लागू करून आणि त्याला पॉलिश करून चमकदार फिनिश दिलेल्या सिरॅमिक फरशा आहेत. त्या आधुनिक इंटिरिअरसाठी एक चमकदार आणि टिकाऊ पर्याय देऊ करतात, त्या विविध डिझाइन आणि रंगांमध्ये उपलब्ध आहेत, निवासी आणि व्यावसायिक जागांसाठी त्या आदर्श ठरतात.

ब) ग्लेझ्ड विट्रिफाइड फरशा

जीव्हीटी टाइल्स म्हणून ओळखल्या जाणार्‍या ग्लेझ्ड व्हिट्रिफाइड फरशांमध्ये विविध डिझाइन आणि पॅटर्नसह एक ग्लेझ लेयर असते. पीजीव्हीटीपेक्षा त्यांच्याकडे कमी चमकदार फिनिश असू शकते, परंतु त्या सौंदर्यपूर्ण अष्टपैलूपणा प्रदान करतात. या टिकाऊ आणि पाणी-प्रतिरोधक टाइल्स सामान्यत: स्वयंपाकघर, बाथरूम आणि बैठकीच्या जागा यासारख्या अंतर्गत भागात वापरल्या जातात, त्या सिरॅमिक्सच्या व्यावहारिकतेसह त्या नैसर्गिक मटेरियलचा लुक प्रदान करतात.

नैसर्गिक दगड फरशा, क्वारी फरशा, टेराकोटा फरशा आणि मेटल फरशा अशा अनेक प्रकारच्या फरशा अस्तित्वात आहेत, ज्यातून कोणीही आपल्या घरासाठी समर्पक पर्याय निवडू शकतात.