Share:
கான்கிரீட் மற்றும் சிமெண்ட் இடையிலான வேறுபாட்டைப் புரிந்துகொள்வதில் முதல் பகுதி, சிமெண்ட் என்றால் என்ன என்பதைப் புரிந்துகொள்வதாகும். சிமெண்ட் என்பது அதன் பிணைப்பு பண்புகளுக்காகப் புகழ்பெற்ற ஒரு முக்கியமான கட்டுமான பொருள் ஆகும், இது கற்கள், செங்கற்கள் மற்றும் டைல்ஸ் போன்ற பல்வேறு கட்டுமான பொருட்களுடன் ஒட்டிக்கொள்ள உதவுகிறது. இது முதன்மையாக நன்கு அரைக்கப்பட்ட சுண்ணாம்புக்கல் (அதிக கால்சியம் உள்ளது), மணல் அல்லது களிமண் போன்ற சிலிக்கா அதிகம் உள்ள பொருட்கள், பாக்ஸைட் போன்ற அலுமினிய சோர்ஸ்கள், இரும்புத்தாது மற்றும் சில நேரங்களில் கிளிஞ்சல்கள், சாக், மார்ல் மற்றும் ஷேல் போன்ற கூடுதல் பொருட்கள் உள்ளிட்ட மூலப்பொருட்களைக் கொண்டிருக்கும்.
இந்த கூட்டுப்பொருட்களைச் சிமெண்ட் ஆலைகளில் செயலாக்கம் செய்து, அதிக வெப்பநிலைக்கு உட்படுத்தி, அதன் விளைவாக திடமாக்கப்பட்ட மெட்டீரியலைப் பெறுவது இதன் உற்பத்தி செயல்முறை ஆகும். இந்த கெட்டியான மெட்டீரியல் வணிக விநியோகத்திற்காக மேலும் அரைக்கப்பட்டு நன்கு பொடியாக்கப்படுகிறது. தண்ணீருடன் கலக்கும்போது, சிமெண்ட் ஒரு வேதியல் எதிர்வினையாற்றி, ஒரு பேஸ்ட்டாக மாறுகிறது, இது இறுதியில் கெட்டியாகி, பல பில்டிங் மெட்டீரியல்களைத் திறம்பட பிணைக்கிறது.
கான்கிரீட் மற்றும் சிமெண்ட் இடையிலான வேறுபாட்டை புரிந்துகொள்ளும்போது, சிமெண்ட், கட்டமைப்புகளுக்கு வலிமை மற்றும் நீடித்து உழைக்கும் தன்மையை வழங்கும் அதன் திறன் உட்பட பல பலன்களை வழங்குகிறது என்பதைப் புரிந்துகொள்வது அவசியமாகும். பல்வேறு கட்டுமான பயன்பாடுகளில் அதன் பன்முகத்தன்மை மற்றும் தீயையும், அதிக வெப்பநிலைகளையும் எதிர்க்கும் அதன் திறன் உள்ளிட்டவை, நம் நவீன உலகின் முதுகெலும்பாக அமையும் கட்டிடங்கள், சாலைகள், பாலங்கள் மற்றும் எண்ணற்ற பிற கட்டமைப்புகளைக் கட்டுவதில் அதை தவிர்க்கமுடியாது ஒன்றாக்குகிறது.
சிமெண்டின் பயனுக்கான முக்கியமான காரணம் தண்ணீருடன் வினைபுரியும் அதன் திறன் ஆகும். தண்ணீருடன் கலக்கப்படும்போது, சிமெண்ட் ஒரு பேஸ்ட்டாக மாறி மற்ற மெட்டீரியல்களை ஒன்றாக பிணைக்கிறது. இந்த பேஸ்ட் காலப்போக்கில் கெட்டியாகி, மணல் மற்றும் சரளைக்கல் போன்ற அக்ரிகேட்ஸை பிணைத்து கான்கிரீட் என்ற காம்போசிட்டாக மாற்றும் திடப்பொருளாக மாறுகிறது.
கான்கிரீட் மற்றும் சிமெண்ட் இடையிலான வேறுபாட்டை புரிந்துகொள்ளும்போது, கான்கிரீட் என்பது, சிமெண்ட், மணல், சரளைக்கல் மற்றும் தண்ணீரின் கலவையிலிருந்து உருவாக்கப்பட்ட ஒரு காம்போசிட் மெட்டீரியல் என்பதைப் புரிந்துகொள்வது அவசியமாகும். இது, அதன் வலிமை, நீடித்து உழைக்கும் தன்மை மற்றும் பன்முகத்தன்மை காரணமாக மிகவும் பரவலாகப் பயன்படுத்தப்படும் கட்டுமான பொருட்களில் ஒன்றாகும். கட்டமைப்பு பாரங்களைத் தாங்கும் அதன் திறன், தீயெதிர்ப்பு திறன், அதன் குறைவான பராமரிப்பு தேவைகள் மற்றும் அதன் நீண்ட ஆயுள் உள்ளிட்ட பல பலன்களைக் கான்கிரீட் வழங்குகிறது.
இது சாலை மற்றும் கடல்சார் கட்டுமானம், கட்டிடங்கள், உட்கட்டமைப்பு, அலங்காரப் பொருட்கள் மற்றும் போக்குவரத்து உள்ளிட்டவற்றில் பல்வேறு பயன்பாடுகளைக் கொண்டுள்ளது.
கான்கிரீட் மற்றும் சிமெண்ட் இடையிலான முக்கிய வேறுபாடு அதன் உட்கூறுகளில் உள்ளது. சிமெண்ட், கான்கிரீட்டின் முக்கியமான கூறு ஆகும், மேலும் இது சுண்ணாம்புக்கல், களிமண், கிளிஞ்சல்கள் மற்றும் மணல் உள்ளிட்டவற்றின் கலவையிலிருந்து தயாரிக்கப்படுகிறது. இந்த மெட்டீரியல்கள் பொடியாக்கப்படுவதற்காக, நன்கு அரைக்கப்பட்டு, அதிக வெப்பநிலைகளில் சூடாக்கப்படுகின்றன. கான்கிரீட், மறுபுறம், சிமெண்ட், அக்ரிகேட்ஸ் (மணல் மற்றும் சரளைக்கல்) மற்றும் தண்ணீரின் கலவையிலிருந்து உருவாக்கப்பட்ட ஒரு காம்போசிட் மெட்டீரியல் ஆகும். இது கான்கிரீட் மற்றும் சிமெண்ட் இடையிலான முக்கியமான வேறுபாடுகளில் ஒன்றாகும்.
இந்த மெட்டீரியல்களின் செயல்பாட்டு முறையும் கான்கிரீட் மற்றும் சிமெண்ட் இடையிலான முக்கியமான வேறுபாடாகும். சிமெண்ட் பேஸ்ட்டாக மாறுவதற்கு தண்ணீருடன் கலக்கப்படுகிறது, இது அக்ரிகேட்ஸை ஒன்றாக பிணைக்கிறது. சிமெண்ட் மற்றும் தண்ணீருக்கு இடையிலான ஹைட்ரேஷன் எனப்படும் எதிர்வினை, பேஸ்ட்டை கெட்டியாகச் செய்து, திடமான கட்டமைப்பை உருவாக்குகிறது. காலப்போக்கில், கான்கிரீட் கலவை கெட்டியாகி நீடித்து உழைக்கக்கூடியதாகிறது.
கான்கிரீட் மற்றும் சிமெண்ட் இடையிலான மற்றொரு வேறுபாடு அவற்றின் பயன்பாட்டில் உள்ளது. சிமெண்ட் முதன்மையாகக் கட்டுமான துறையில் பல பயன்பாடுகளைக் கொண்ட கான்கிரீட்டைத் தயாரிக்க பயன்படுத்தப்படுகிறது. கான்கிரீட் பொதுவாக ஃபவுண்டேஷன்கள், சுவர்கள், ஃப்ளோர்கள், சாலைகள், பாலங்கள் மற்றும் பிற கட்டமைப்புகளைக் கட்டுவதற்கு பயன்படுத்தப்படுகிறது. செங்கற்கள், கற்கள் மற்றும் டைல்ஸிற்கான பிணைக்கும் பொருளாக, மோர்டார் தயாரிப்பில் சிமெண்ட் பயன்படுத்தப்படுகிறது. இது மண்ணை நிலைப்படுத்தவும், கட்டுமான பழுதுபார்த்தல்களுக்கும் பயன்படுத்தப்படலாம்.
இறுதியாக, கான்கிரீட் மற்றும் சிமெண்ட் இடையிலான வேறுபாடு அவற்றின் வகைகளிலும் உள்ளன. கட்டுமானத்தில் பயன்படுத்தப்படும் போர்ட்லாண்ட் சிமெண்ட், ப்ளெண்டெட் சிமெண்ட், கட்டிடக்கலை திட்டங்களில் பயன்படுத்தப்படும் வயிட் சிமெண்ட் மற்றும் அணைகளிலும் ஃபவுண்டேஷன்களிலும் பயன்படுத்தப்படும் லோ ஹீட் சிமெண்ட் உள்ளிட்டவை சிமெண்ட் வகைகளாகும். லைம் கான்கிரீட், சிமெண்ட் கான்கிரீட் மற்றும் ரீயின்ஃபோர்ஸ்டு சிமெண்ட் கான்கிரீட் உள்ளிட்டவை கான்கிரீட் வகைகளாகும். இந்த வகைகள் அவற்றின் மெட்டீரியல்கள் மற்றும் நோக்கத்தில் வேறுபடுகின்றன.
சுருக்கமாக, சிமெண்ட் மற்றும் கான்கிரீட் வெவ்வேறானவை ஆனால் நெருங்கிய தொடர்புடைய கட்டுமான பொருட்களாகும். சிமெண்ட், மெட்டீரியல்களை ஒன்று சேர்த்து பிணைக்கிறது, அதே சமயம் கான்கிரீட் சிமெண்ட், அக்ரிகேட்ஸ் மற்றும் தண்ணீரை ஒன்றிணைக்கிறது. கான்கிரீட் பன்முகமானது, ஃபவுண்டேஷன்கள், சுவர்கள், சாலைகள் மற்றும் பலவற்றில் பயன்படுத்தப்படுகிறது. போர்ட்லாண்ட், ப்ளெண்டெட், வயிட், ராபிட் ஹார்டனிங் மற்றும் லோ ஹீட் உள்ளிட்டவை சிமெண்ட் வகைகள் ஆகும். கான்கிரீட் மற்றும் சிமெண்ட் இடையிலான இந்த வேறுபாட்டைப் புரிந்துகொள்வது எதிர்கால கட்டுமான முடிவுகளுக்கு உதவிகரமாக இருக்கும்.
