Share:
• முன் ஒப்புதல் வழங்கப்பட்ட வீட்டு கடன்களுக்கு விண்ணப்பிக்கவும், அவசரகால நிதியை வைத்துக்கொள்ளவும்,மற்றும் உங்களின் பட்ஜெட்டை நன்றாகக் கண்காணிக்கவும்.
• அனுபவமிக்க ஒப்பந்ததாரரைப் பணியமர்த்துவது உங்கள் திட்டம் உத்தி சார்ந்து, சிக்கனமாகச் செயல்படுத்தப்படுவதை உறுதி செய்கிறது.
• AAC ப்ளாக்ஸ் மற்றும் உள்ளூரில் வாங்கப்பட்ட மெட்டீரியல்களைப் பயன்படுத்துவது தரத்தில் சமரசம் செய்யாமல் செலவுகளைக் கணிசமாகக் குறைக்கலாம்.
• குறைவான செலவில் வீடு கட்ட நினைக்கும்போதும், பாதுகாப்பிற்கு முன்னுரிமை வழங்க வேண்டும் மற்றும் மெட்டீரியலின் தரத்தில் சமரசம் செய்யக்கூடாது.
நீங்கள் குறைவான பட்ஜெட்டுடன் வீடு கட்ட தொடங்கி, உங்கள் பட்டியலில் செலவுகளைச் சேர்ப்பதற்கு முன், முத்திரை வரி மற்றும் பதிவு கட்டணங்களுக்கு பணம் ஒதுக்குவதை உறுதி செய்யவும். உங்கள் பட்ஜெட் எதுவாக இருந்தாலும், உங்களின் சிக்கனமான கட்டுமான நுட்பங்கள் மற்றும் வீடு கட்டும் திட்டத்தைப் பொருட்படுத்தாமல் இந்த இரண்டு கட்டணங்கள் பொருந்து.
பட்ஜெட்டிற்கு ஏற்ற வீட்டைக் கட்டுவதை உறுதி செய்ய இந்தியாவில் குறைந்த செலவில் வீடு கட்டுவதற்கான பல நுட்பங்கள் உள்ளன. திட்டமிடல் முதல் செயல்படுத்துவது வரை உங்கள் விட்டைக் குறைவான பட்ஜெட்டில் கட்டுவதற்கும், செலவு குறைவான வீட்டு கட்டுமானத்தை உறுதி செய்வதற்குமான ஐந்து உதவிக்குறிப்புகள் இதோ.
முதலாவதும் மிக முக்கியமானதுமான செலவு குறைவான கட்டுமான முறை மற்றும் உதவிக்குறிப்புகள், அனைத்தையும் முன்கூட்டியே திட்டமிடுவதாகும். எப்போதும் முன் ஒப்புதல் வழங்கப்பட்ட வீட்டு கடன்களைப் பெறவும் நீங்கள் ஒரு பட்ஜெட்டை முடிவு செய்வதற்கு முன், உட்புறங்களை மறக்க வேண்டாம். ப்ளம்பிங், டைல் போடுவது, பெயிண்ட் அடிப்பது, ஃப்ளோரிங் மற்றும் ஃபர்னிச்சர் செலவுகளும் உங்களின் மதிப்பீட்டில் சேர்க்கப்பட வேண்டும். ஒரு வீட்டு கடனுக்கு EMI தொகை எவ்வளவு என்பதை நீங்கள் அறிந்துகொள்ள விரும்பினால், உங்களின் கடன் தேவைகளைத் திட்டமிட எங்களின் EMI கால்குலேட்டரைப் பயன்படுத்தவும். இறுதியில், நீங்கள் எதிர்பார்க்காத செலவுகளுக்காக அவசரகால தொகையை எடுத்து வைக்கவும்.
அனுபவம் பெற்ற ஒப்பந்ததாரரைப் பணியமர்த்துவது உங்கள் செலவுகளைக் கட்டுப்படுத்த உங்களுக்கு உதவும். உங்கள் வீட்டின் கட்டுமானத்தில் பலர் ஈடுபடுவார்கள். உரிமையாளர்கள் - நீங்கள் மற்றும் உங்கள் குடும்பம், பொறியாளர் - வீட்டின் கட்டமைப்பு உறுதியைத் திட்டமிடுபவர், கட்டிடக் கலைஞர்கள் - வீட்டை வடிவமைப்பவர்கள், வேலையாட்கள் மற்றும் மேசன்கள் - உங்கள் வீட்டைக் கட்டுபவர்கள், மற்றும் ஒப்பந்ததாரர்கள் - அனைத்து கட்டுமான நடவடிக்கைகளையும் திட்டமிட்டு ஒருங்கிணைப்பவர். உங்கள் வீட்டைக் கட்டுவதில் ஒவ்வொருவரும் ஒரு முக்கிய பங்கு வகிக்கும் அதே வேளையில், சரியான செலவு குறைவான கட்டுமான நுட்பங்களைப் பயன்படுத்தி, மதிப்பிடப்பட்ட நேரம் மற்றும் பட்ஜெட்டில் திட்டம் முடிக்கப்படுவதை உறுதி செய்ய வேலைக்கும் சரியான நபரைத் தேர்ந்தெடுப்பதும் சமமான முக்கியத்துவம் பெற்றதாகும்.
விலை குறைவான கட்டிடக் கட்டுமான திட்டம் போல் அல்லாமல், வீடு கட்டும் திட்டத்திற்கு எளிதாக பட்ஜெட் தயாரிக்கலாம், அதுவும் குறிப்பாகப் பட்ஜெட் டிராக்கரைப் பயன்படுத்துவது இதை இன்னும் எளிதாக்குகிறது. பட்ஜெட் டிராக்கர் என்பது செலவு குறைவான வீடு கட்டுமானத்திற்கான அனைத்து பண பரிவர்த்தனைகளையும் கண்காணிப்பதற்கான ஒரு லெஜ்ஜர் ஆகும். டிராக்கரின் ஒரு பகுதியாக, பின்வருவனவற்றை நீங்கள் குறித்து வைத்துக்கொள்ள வேண்டும்:
அ) திட்டத்தின் ஒட்டுமொத்த செலவின் ஆரம்ப மதிப்பீட்டில் 10-15% அவசரகால நிதியாக எடுத்து வைக்கப்படும்.
ஆ) திட்டமிடப்பட்ட பட்ஜெட்டிற்கு எதிராக நீங்கள் செய்யும் செலவை அவ்வப்போது கண்காணித்து எதிர்பாராத செலவுகள் எதுவும் இல்லாததை உறுதி செய்யவும்
உங்கள் வீட்டைக் கட்டும்போது வீடு கட்டுமான செலவு கால்குலேட்டரைப் பயன்படுத்தி நீங்கள் உங்கள் செலவினங்களுக்கான பட்ஜெட்டைக் கணக்கிடலாம். இந்த செலவு கால்குலேட்டர் உங்கள் செலவு குறைவான வீடு கட்டுமான திட்டத்திற்கான தோராயமான பட்ஜெட்டைப் பெற உங்களுக்கு உதவுகிறது.
AAC ப்ளாக்ஸ் என்றும் அழைக்கப்படும் ஆட்டோகிளெவ்டு ஏரேடட் கான்கிரீட் ப்ளாக்ஸ் பேஸ்மெண்ட் சுவர்கள் மற்றும் பார்டீஷன் சுவர்களில் பயன்படுத்தப்படுகிறது. அவை சிமெண்ட் மற்றும் அலுமினா பயன்படுத்தி உருவாக்கப்பட்டதால், எடை குறைவானதாக உள்ளது, கட்டமைப்பின் மீதான அதிகச் சுமையைக் குறைக்கிறது, அவ்வாறு RCC செலவைக் குறைக்கிறது. அவை கரையான எதிர்ப்புத்திறன், சவுண்ட்ப்ரூஃப் கொண்டவை ஆகும், மேலும் வெப்பம் மற்றும் குளிர்ச்சிக்கு எதிராக இயற்கையான இன்சுலேஷனை வழங்குகிறது.
குறைவான செலவில் எப்படி வீடு கட்டுவது என்பது குறித்து நீங்கள் சிந்திக்கும்போது, வீணாவதையும், செலவையும் குறைக்க உதவுவதற்காகத் தேவைக்கேற்ப மெட்டீரியல்களை வாங்க வேண்டும். பில்டிங் மெட்டீரியல்களை உள்ளூரில் வாங்குவதை உறுதி செய்யவும். மெட்டீரியல்களை உள்ளூரில் வாங்குவதன் மூலம், நீங்கள் போக்குவரத்து செலவைக் குறைப்பீர்கள் மற்றும் இது உங்களின் மொத்த வீடு கட்டுமான பட்ஜெட்டில் தாக்கத்தை ஏற்படுத்தும்.
உங்கள் வீட்டைக் கட்டுவதற்கு முன் மற்றும் கட்டும்போது உங்களின் மிகப்பெரிய கவலை - செலவு குறைவான வீடுகள் பாதுகாப்பானவையா? உங்கள் வீட்டைக் குறைந்த செலவில் கட்டுவதற்கு திட்டமிடல் வேண்டும், அவ்வாறு நீங்கள் உங்கள் பட்ஜெட்டை மீறி செலவு செய்ய மாட்டீர்கள். நீங்கள் மெட்டீரியல்களின் தரத்தின் மீது சமரசம் செய்துகொள்ள வேண்டியதில்லை, எப்போதும் அளவை விட தரத்தில் கவனம் செலுத்துங்கள்.
உங்கள் வீட்டைக் கட்டுவதற்கு உதவக்கூடிய சில செலவு குறைவான வீடு கட்டுமான யோசனைகள் பின்வருமாறு:
1) கட்டிடத்தைச் செங்குத்தாகக் கட்டுவது கிடைமட்டமாகக் கட்டுவதை விட செலவு குறைவானதாகும், அதாவது, நில மட்டத்தில் மூன்று அறைகளைக் கட்டுவதை விட மற்றொரு தளத்தைச் சேர்ப்பது சிக்கனமானதாகும். செலவை மிச்சப்படுத்துவதற்காக உங்கள் மனையை நன்கு பயன்படுத்தி கிடைமட்டத்திற்கு பதிலாகச் செங்குத்தாகக் கட்டவும். உதாரணத்திற்கு, நான்கு படுக்கையறை உள்ள ஒற்றை தள வீடு கட்டுவதற்கு பதிலாக, ஒரு தளத்திற்கு இரண்டு படுக்கையறைகள் என்ற விகிதத்தில் இரண்டு தளம் கொண்ட வீட்டைக் கட்டவும்.
2) விரிவான கணக்கு பதிவை வைத்துக்கொள்வது உங்கள் செலவினங்களைக் கட்டுப்படுத்த உதவுவதோடு மட்டுமல்லாமல், எதிர்காலத்தில் கட்டிடக் கலைஞர்கள், ஒப்பந்ததாரர்கள் அல்லது பொறியாளரிடம் எழக்கூடிய எந்தவொரு சச்சரவுகளுக்கு எதிராகவும் உங்களைப் பாதுகாக்கும்.
3) வீட்டை வடிவமைக்கும்போது உங்கள் குடும்பத்தின் எதிர்கால தேவைகளையும் கருத்தில் கொள்ளவும், உதாரணத்திற்கு, உங்கள் குழந்தைகள் வளர்ந்த பிறகு அவர்களுக்கான கூடுதல் அறை. உங்கள் வீட்டைக் கட்டி முடித்த பிறகு அதில் எதையாவது சேர்ப்பது செலவை அதிகப்படுத்தும்.
இறுதியாக, குறைந்த செலவில் வீடு கட்ட தொடங்குவதற்கு முன் உங்களிடம் மொத்த தொகையும் இருக்க வேண்டிய தேவை இல்லை. ஒவ்வொரு கட்டத்திற்கும் ஏற்ப உங்களின் பணப்புழக்கத்தைச் சரி செய்துகொள்ளவும், அவ்வாறு வேலை முடிவதற்கு முன் நீங்கள் உங்கள் பட்ஜெட்டை விட அதிகமாக செலவு செய்ய மாட்டீர்கள்.
இறுதியாக, உங்கள் வீடு நீங்கள் வாழ்வதற்கான ஒரு இடம் மட்டுமல்ல; உங்கள் எதிர்காலத்திற்கும் நலனுக்குமான ஒரு முதலீடு ஆகும். எனவே, செலவுகளைக் குறைக்க நினைக்கும் அதே நேரத்தில், உங்கள் வீட்டின் பாதுகாப்பு, நீடித்து உழைக்கும் தன்மை மற்றும் ஒட்டுமொத்த மதிப்பை எப்போதும் மனதில் கொள்வதும் முக்கியமாகும். சரியான எண்ணத்துடன், இந்தியாவில் துல்லியமான செலவு குறைவான வீடு கட்டுமான நுட்பங்களுடன் மற்றும் நன்கு சிந்திக்கப்பட்ட திட்டத்துடன், நீங்கள் உங்கள் செலவு குறைவான வீடு கட்டுமான திட்டத்தை வெற்றிகரமான மற்றும் சிக்கனமான முறையில் நினைவாக்கலாம்.
