Share:
Home Building Guide
Our Products
Useful Tools
Waterproofing methods, Modern kitchen designs, Vaastu tips for home, Home Construction cost
Waterproofing methods, Modern kitchen designs, Vaastu tips for home, Home Construction cost
Share:
• અગાઉથી મંજૂર થયેલી હોય તેવી હૉમ લૉન માટે અરજી કરો, ઇમર્જન્સીમાં ઉપયોગમાં લેવા માટેના નાણાં હાથવગા રાખો અને તમારા બજેટ પર ચાંપતી નજર રાખો.
• અનુભવી કોન્ટ્રાક્ટરને કામે રાખવાથી તમે તમારા પ્રોજેક્ટનું વ્યૂહાત્મક અને ઓછાં ખર્ચે અમલીકરણ કરવાની ખાતરી કરી શકશો.
• એએસી બ્લૉકનો ઉપયોગ કરવો અને સ્થાનિક રીતે ઉપલબ્ધ સામગ્રીને ખરીદવાથી તમે ગુણવત્તામાં બાંધછોડ કર્યા વગર ખર્ચો ઘટાડી શકો છો.
• સલામતીને પ્રાથમિકતા આપો અને સામગ્રીની ગુણવત્તાની સાથે બાંધછોડ કરશો નહીં, ભલે પછી તમે ઓછાં ખર્ચે ઘર બાંધી રહ્યાં હો.
તમે ઓછાં ખર્ચે ઘર બાંધવાનું આયોજન શરૂ કરો અને તમારી યાદીમાં ખર્ચાઓ ઉમેરવા લાગો તે પહેલાં સ્ટેમ્પ ડ્યુટી અને રજિસ્ટ્રેશનના ચાર્જિસ માટેના નાણાં અલગ મૂકી દો. ઘર બાંધવાનું તમારું બજેટ ગમે તે હોય આ બે ચાર્જિસ તો લાગવાના જ છે, ભલે પછી તમે ઓછાં ખર્ચે ઘર બાંધવાની ટેકનિક અને ઘર બાંધવાનો પ્લાન અમલમાં મૂકી રહ્યાં હો.
બજેટમાં રહીને ઘર બનાવવાની ખાતરી કરવા માટે ભારતમાં ઓછાં ખર્ચે ઘર બાંધવાની ઘણી ટેકનિકો છે. આયોજન કરવાથી માંડીને અમલીકરણ કરવા સુધી અહીં ઓછાં બજેટમાં તમારું ઘર બાંધવાના અને ઘર બાંધવા પાછળ ઓછો ખર્ચ થાય તેની ખાતરી કરવાના પાંચ સૂચનો આપવામાં આવ્યાં છે.
ઓછાં ખર્ચે બાંધકામ કરવાની સૌપ્રથમ અને સૌથી મહત્વની પદ્ધતિ અને સૂચન એ છે કે તમારે બધું જ આગોતરું આયોજન કરવું જોઇએ. હંમેશા પહેલેથી મંજૂર થયેલી હૉમ લૉન લો. તમે ઘર બાંધવાનો એક ચોક્કસ આંકડો નક્કી કરો તે પહેલાં ઇન્ટીરિયર પાછળ થતાં ખર્ચેને ધ્યાનમાં લેવાનું ચૂકશો નહીં. પ્લમ્બિંગ, ટાઇલિંગ, પેઇન્ટિંગ, ફ્લોરિંગ અને ફર્નિચરના ખર્ચને તમારા અંદાજમાં ઉમેરવા જોઇએ. જો તમે એ જાણવા માંગતા હો કે તમારી હૉમ લૉનનો કેટલો ઇએમઆઈ આવશે તો તેના માટે તમે તમારી લૉનની જરૂરિયાતનું આયોજન કરવા ઇએમઆઈ કેલક્યુલેટરનો ઉપયોગ કરી શકો છો. આખરે અણધાર્યા ખર્ચાઓ માટે ઇમર્જન્સી ફન્ડ હાથવગું રાખો.
અનુભવી કોન્ટ્રાક્ટરને કામે રાખવાથી તમને તમારા ખર્ચાઓ પર નિયંત્રણ રાખવામાં ઘણી મદદ મળી રહેશે. તમારા ઘરનું બાંધકામ કરવામાં ઘણાં લોકો સંકળાયેલા હોય છે. માલિકો એટલે કે તમે અને તમારો પરિવાર, એન્જિનીયર - જેઓ ઘરની માળખાકીય અખંડિતતાની ખાતરી કરે છે, આર્કિટેક્ટ - જેઓ ઘરની ડીઝાઇન તૈયાર કરે છે, કામદારો અને કડિયા - જેઓ તમારું ઘર બાંધે છે અને કોન્ટ્રાક્ટર - જેઓ બાંધકામની તમામ પ્રવૃત્તિઓની યોજના બનાવે છે અને તેની વચ્ચે સંકલન સાધે છે. આ પ્રત્યેક વ્યક્તિ તમારા ઘરના બાંધકામમાં આંતરિક હિસ્સો ભજવતી હોવાથી જે-તે કામ માટે યોગ્ય વ્યક્તિને પસંદ કરવી એ બાંધકામની ઓછી ખર્ચાળ હોય તેવી યોગ્ય ટેકનિકનો ઉપયોગ કરવા તથા અંદાજિત સમય અને બજેટમાં ઘરનું બાંધકામ પૂરું કરવામાં આવે તેની ખાતરી કરવા માટે ખૂબ જ મહત્વનું છે.
ઓછાં ખર્ચાળ બિલ્ડિંગના બાંધકામના પ્રોજેક્ટથી વિપરિત ઘરના બાંધકામના પ્રોજેક્ટનું બજેટ તૈયાર કરવું ઘણું સરળ છે, ખાસ કરીને બજેટ ટ્રેકરની મદદથી. બજેટ ટ્રેકર એ એક પ્રકારની ખાતાવહી છે, જેની મદદથી તમે ઓછાં ખર્ચે ઘર બાંધવા માટે તમારી તમામ નાણાકીય લેવડદેવડ પર નજર રાખી શકો છો. આ ટ્રેકરના ભાગરૂપે તમારે એ બાબત ધ્યાનમાં રાખવી જોઇએ કેઃ
a) પ્રોજેક્ટના એકંદર ખર્ચના પ્રારંભિક અંદાજના 10-15% જેટલી રકમ ઇમર્જન્સી માટેના નાણાં તરીકે બાજુ પર મૂકી દો.
b) તમે પ્લાન કરેલા બજેટ મુજબ જ ખર્ચાઓ થઈ રહ્યાં છે ને તે સમયાંતરે ચકાસતા રહો, જેથી કરીને કોઈ અણધાર્યા ખર્ચાઓ ના થઈ જાય.
તમે હૉમ કન્સ્ટ્રક્શન કૉસ્ટ કેલક્યુલેટરની મદદથી તમારું ઘર બાંધતી વખતે તમારા ખર્ચાઓના બજેટની ગણતરી કરી શકો છો. આ કૉસ્ટ કેલક્યુલેટર તમને ઓછાં ખર્ચે ઘર બાંધવાના તમારા પ્રોજેક્ટ માટે અંદાજિત બજેટ મેળવવામાં મદદરૂપ થાય છે.
એએસી બ્લૉક તરીકે ઓળખાતા ઑટોક્લેવ્ડ એરીએટેડ કૉંક્રીટ બ્લૉક્સનો ઉપયોગ ભોંયરાની દિવાલો અને પાર્ટિશન વૉલ બનાવવા માટે થાય છે. તેને સીમેન્ટ અને એલ્યુમિનામાંથી બનાવવામાં આવતાં હોવાથી તે વજનમાં હલકાં હોય છે, જે માળખાં પર પડતાં ડેડ લૉડને ઘટાડી દે છે અને આરસીસી પાછળ થતાં ખર્ચને પણ ઘટાડી દે છે. તે ઉધઈ પ્રતિરોધી, સાઉન્ડપ્રૂફ પણ હોય છે તથા ગરમી અને ઠંડી સામે કુદરતી ઇન્સ્યુલેશન પૂરું પાડે છે.
તમે જ્યારે ઓછાં ખર્ચે ઘર બાંધવા અંગે વિચારી રહ્યાં હો ત્યારે તમારે તમારી જરૂરિયાત મુજબ સામગ્રીઓ ખરીદવી જોઇએ, જેથી કરીને સામગ્રીનો બગાડ અને ખર્ચને ઘટાડી શકાય. સ્થાનિક વિસ્તારમાંથી બાંધકામની સામગ્રી ખરીદો. સ્થાનિક વિસ્તારમાંથી સામગ્રી ખરીદવાથી તમે પરિવહનનો ખર્ચ ઘટાડી શકો છો અને તે તમારા ઘર બાંધવાના એકંદર બજેટને પ્રભાવિત કરશે.
ઘર બાંધતાં પહેલાં અને બાંધતી વખતે તમારી સૌથી મોટી ચિંતા એ હોય છે કે ઓછાં ખર્ચે બાંધેલા મકાનો સલામત હોય છે ખરાં? ઓછાં ખર્ચે તમારું ઘર બાંધવા પાછળનો આઇડીયા પ્લાનિંગ કરવાનો છે, જેથી તમારું બજેટ વધી જાય નહીં. તમારે સામગ્રીની ગુણવત્તા સાથે બાંધછોડ કરવાની જરૂર નથી, હંમેશા માત્રા કરતાં ગુણવત્તાને પ્રાધાન્ય આપો.
અહીં નીચે ઓછાં ખર્ચે ઘર બાંધવાના કેટલાક આઇડીયા આપવામાં આવ્યાં છે, જે તમને તમારું ઘર બાંધવામાં મદદરૂપ થશેઃ
1) ઘરને આડું બાંધવા કરતાં ઊભું બાંધવું સસ્તું પડે છે, એટલે કે ગ્રાઉન્ડ લેવલ પર ત્રણ રૂમ બાંધવાના ખર્ચા કરતાં ઘરની ઉપર એક માળ ખેંચવા પાછળ ઓછો ખર્ચ થાય છે. તમારા પ્લાટનો ઉપયોગ સારી રીતે કરો અને નાણાં બચાવવા માટે નીચેના લેવલે વધારે રૂમો બાંધવા કરતાં ઉપર માળ ખેંચવાને પ્રાધાન્ય આપો. ઉદાહરણ તરીકે, ચાર બેડરૂમ ધરાવતું એક જ માળનું ઘર બાંધવા કરતાં દરેક માળ પર બે બેડરૂમ ધરાવતું બે માળનું ઘર બાંધવું જોઇએ.
2) વિગતવાર ખાતાવહી જાળવવાથી તમને તમારા ખર્ચાઓ નિયંત્રિત રાખવામાં તો મદદ મળશે જ પણ તેની સાથે-સાથે તમે આર્કિટેક્ટ, કોન્ટ્રાક્ટર કે એન્જિનીયરની સાથે ભવિષ્યમાં કોઈ વિવાદ થવાને પણ ટાળી શકશો.
3) તમારા ઘરની રચના કરતી વખતે તમારા પરિવારની ભવિષ્યની જરૂરિયાતને ધ્યાનમાં લો, જેમ કે, તમારું બાળક મોટું થાય ત્યારે તેના માટે વધારાનો એક રૂમ. અહીં એ બાબત ધ્યાનમાં રાખો કે એકવાર તમારું ઘર બંધાઈ જાય તે પછી તેમાં કોઈ પણ પ્રકારનો ઉમેરો કરવો એ ખૂબ જ ખર્ચાળ સાબિત થઈ શકે છે.
છેલ્લે, તમે ઓછાં ખર્ચે ઘર બાંધવાનું શરૂ કરો તે પહેલાં તમારી પાસે એકસામટી રકમ હોવી જરૂરી નથી. દરેક તબક્કા મુજબ તમારા નાણાંનાં પ્રવાહને એડજેસ્ટ કરો, જેથી કરીને તમારા ઘરનું કામ પૂરું થાય તે પહેલાં તમારું બજેટ વધી જાય નહીં.
આખરે એમ કહી શકાય કે, તમારું ઘર ફક્ત એક નિવાસસ્થાન નથી, તે તમારા ભવિષ્ય અને સુખાકારીમાં કરવામાં આવેલું રોકાણ પણ છે. આથી, તમે જ્યારે તેની પાછળ થતાં ખર્ચને ઘટાડવા અંગે વિચારી રહ્યાં હો ત્યારે હંમેશા સલામતી, ટકાઉપણું અને તમારું નવું ઘર જે મૂલ્ય પૂરું પાડશે તે એકંદર મૂલ્યના મહત્વને ધ્યાનમાં રાખો. યોગ્ય માનસિકતા, ભારતમાં ઓછાં ખર્ચે ઘર બાંધવા માટેની યોગ્ય ટેકનિકો અને સમજી-વિચારીને તૈયાર કરવામાં આવેલા પ્લાનની મદદથી તમે ઓછાં બજેટમાં ઘર બાંધવાના તમારા પ્રોજેક્ટને સફળ અને પરવડે તેવી વાસ્તવિકતામાં બદલી શકો છો.
