અલ્ટ્રાટૅક સીમેન્ટનો પરિચય

ઓર્ડિનરી પોર્ટલેન્ડ સીમેન્ટ.  (ઓપીસી) એ વ્યાપક રેન્જના ઉપયોગો માટે સર્વસામાન્ય રીતે ઉપયોગમાં લેવાતો સીમેન્ટ છે. તે આરસીસી અને ચણતરથી માંડીને પ્લાસ્ટરિંગ, પ્રીકાસ્ટ અને પ્રીસ્ટ્રેસ સુધીના કામો માટે ઉપયોગમાં લેવામાં આવે છે. આ સીમેન્ટને ઓર્ડિનરી, સ્ટાન્ડર્ડ અને અત્યંત શક્તિશાળી કૉંક્રીટ, મોર્ટાર, સામાન્ય હેતુ માટેના રેડી-મિક્સ અને ડ્રાય લીન મિક્સના ઉત્પાદનમાં ઉપયોગમાં લેવામાં આવે છે

પોર્ટલેન્ડ પોઝોલેના સીમેન્ટ અથવા પીપીસીને ઓપીસી અને (15-35%) ફ્લાય એશને એકસમાન રીતે દળીને/મિશ્રિત કરીને બનાવવામાં આવે છે. તેનો ઉપયોગ એવા તમામ ક્ષેત્રોમાં થઈ શકે છે, જ્યાં સામાન્ય રીતે ઓપીસીનો ઉપયોગ થતો હોય, સિવાય કે જ્યાં પ્રારંભિક અવસ્થામાં જ ખૂબ વધારે મજબૂતાઈની ખાસ કરીને જરૂર પડતી હોય, જેમ કે, પ્રીસ્ટ્રેસ્ડ કૉંક્રીટમાં, સ્લિપફૉર્મ વર્ક જેવા હાઈ-સ્પીડ સ્ટ્રક્ચરો અને પ્રીકાસ્ટની કામગીરીમાં.

અલ્ટ્રાટૅક પ્રીમિયમ એ અલ્ટ્રાટૅકની સૌથી ક્રાંતિકારી ટેકનોલોજિઓમાંથી એક છે. તેના ખૂબ જ એન્જિનીયર્ડ કણોનું વિતરણ કૉંક્રીટને વધુ સઘન અને વધુ અભેદ્ય બનાવે છે. તે અત્યંત પ્રતિક્રિયાશીલ સિલિકા અને સ્લેગના આદર્શ મિશ્રણની મદદથી તમારા ઘરને મજબૂત, ટકાઉ બનાવે છે તથા તેને સુરક્ષા પૂરી પાડે છે. અલ્ટ્રાટૅક પ્રીમિયમ તમામ પ્રકારની આબોહવા, ખવાણ અને સંકોચનના કારણે પડી જતી તિરાડોનો પણ સામનો કરી શકે છે.

લાંબાગાળા માટે મજબૂત અને ટકાઉ બની રહે તે માટે તૈયાર કરવામાં આવેલો અલ્ટ્રાટૅક સુપર સીમેન્ટ ફાસ્ટ-ટ્રેક કન્સ્ટ્રક્શન જેવી આધુનિક જમાનાની બાંધકામની ટેકનિકો માટે આદર્શ છે. અલ્ટ્રાટૅક સુપર સીમન્ટ એ નવા જમાનાનો સીમેન્ટ છે, જેને અત્યાધુનિક ટેકનોલોજી, કમ્પ્યૂટરાઇઝ્ડ પ્રોસેસ કન્ટ્રોલ અને ઓનલાઇન ગુણવત્તા નિયંત્રણની મદદથી બનાવવામાં આવ્યો છે.