ನಿಮ್ಮ ಟೆರೇಸ್ ಸೋರದಂತೆ ತಡೆಯಲು: ಪ್ರಮುಖವಾಗಿ ಪರಿಗಣಿಸಬೇಕಾದ ಅಂಶಗಳು ಮತ್ತು ಪರಿಹಾರಗಳು

ವಾಟರ್​ಪ್ರೂಫ್​ ಟೆರೇಸ್‌ ಮಾಡುವಾಗ ಪರಿಗಣಿಸಬೇಕಾದ ಪ್ರಮುಖ ಅಂಶಗಳು

1. ಇಡೀ ಕಟ್ಟಡದ ಮೌಲ್ಯಮಾಪನ ಮಾಡಿ

ವಾಟರ್​ಪ್ರೂಫ್​ ಕೆಲಸವನ್ನು ಪ್ರಾರಂಭಿಸುವ ಮೊದಲು, ನಿಮ್ಮ ಈಗಿರುವ ಟೆರೇಸ್​​ ರಚನೆಯನ್ನು ಕಂಡುಕೊಳ್ಳುವುದು ಮುಖ್ಯವಾಗಿದೆ. ಟೆರೇಸ್​​ಗೆ ವಾಟರ್​ಪ್ರೂಫ್ ಹಚ್ಚುವ ಮೊದಲು ಮೊದಲು, ರಿಪೇರಿ ಮಾಡಬೇಕಾದ ಯಾವುದೇ ಕ್ರ್ಯಾಕ್​ಗಳು, ಗ್ಯಾಪ್​ಗಳು ಅಥವಾ ಹಾನಿಗೊಳಗಾದ ಪ್ರದೇಶಗಳನ್ನು ಪರಿಶೀಲನೆ ಮಾಡಿ.

2. ಮೇಲ್ಮೈ ಸಿದ್ಧಮಾಡಿಕೊಳ್ಳುವುದು

ವಾಟರ್​ಪ್ರೂಫ್​ ಸಾಮಗ್ರಿಯು ಪರಿಣಾಮಕಾರಿಯಾಗಿ ಅಂಟಿಕೊಳ್ಳಲು ಮೇಲ್ಮೈಯನ್ನು ಸರಿಯಾಗಿ ಸಿದ್ಧಪಡಿಸಿಕೊಳ್ಳುವುದು ಅಗತ್ಯವಾಗಿದೆ. ಟೆರೇಸ್ ಮೇಲ್ಮೈ ಸ್ವಚ್ಛವಾಗಿದ್ದು, ಧೂಳು, ಕಸ ಮತ್ತು ಟೆರೇಸ್ ಮೇಲೆ ಯಾವುದೇ ವಸ್ತುಗಳು ಬಿದ್ದಿಲ್ಲ ಎಂಬುದನ್ನು ನೋಡಿಕೊಳ್ಳಿ.

3. ಸರಿಯಾದ ವಾಟರ್​ಪ್ರೂಫ್​ ಸಾಮಗ್ರಿಗಳನ್ನು ಆಯ್ಕೆಮಾಡಿಕೊಳ್ಳುವುದು

ಬೇರೆ ಬೇರೆ ವಿಧಗಳ ಟೆರೇಸ್​ಗಳಿಗೆ ತಕ್ಕಂತೆ ವಿವಿಧ ವಾಟರ್​ಪ್ರೂಫ್​ ಸಾಮಗ್ರಗಳು ಲಭ್ಯವಿವೆ. ಪ್ರತಿಯೊಂದೂ ವಿಧಾನವೂ ಅದರ ನಿರ್ದಿಷ್ಟ ಅನುಕೂಲತೆಗಳು ಮತ್ತು ಬೇರೆ ಬೇರೆ ಟೆರೇಸ್‌ಗಳಿಗೆ ಸೂಕ್ತವಾಗಿದೆ. ಅವುಗಳಲ್ಲಿ ನಿಮ್ಮ ಟೆರೇಸ್‌ನ ಬೇಕಾಗಿರುವುದು, ಹವಾಮಾನ ಪರಿಸ್ಥಿತಿ ಹಾಗೂ ನಿಮ್ಮ ಬಜೆಟ್‌ಗೆ ಹೊಂದಿಕೆಯಾಗುವ ವಿಧವನ್ನು ಆರಿಸಿಕೊಳ್ಳಿ.

4. ಬಿರುಕುಗಳನ್ನು ಮತ್ತು ಖಾಲಿ ಜಾಗಗಳನ್ನು ತುಂಬುವುದು

ಸಣ್ಣ ಬಿರುಕುಗಳು ಮತ್ತು ಗ್ಯಾಪ್​ಗಳು ಸಹ ಹೆಚ್ಚಿನ ನೀರಿನ ಸೋರಿಕೆಗೆ ಕಾರಣವಾಗಬಹುದು. ಸೂಕ್ತವಾದ ಸೀಲಾಂಟ್​ಗಳೊಂದಿಗೆ ಕ್ರ್ಯಾಕ್​ ಹಾಗೂ ಗ್ಯಾಪ್​ಳನ್ನು ಮುಚ್ಚುವ ಮೂಲಕ ವಾಟರ್​ಪ್ರೂಫ್​ ಮೇಲ್ಮೈಯನ್ನು ಹೊಂದಬಹುದು.

5. ಹವಾಮಾನ ಪ್ರತಿರೋಧಕ ಶಕ್ತಿ

ನಿಮ್ಮ ಪ್ರದೇಶದ ಹವಾಮಾನ ಪರಿಸ್ಥಿತಿಗಳನ್ನು ನೋಡಿಕೊಂಡು ಮತ್ತು ವಿಪರೀತ ತಾಪಮಾನ, ಯುವಿ ವಿಕಿರಣ ಮತ್ತು ಭಾರೀ ಮಳೆಯನ್ನು ತಡೆದುಕೊಳ್ಳುವ ವಾಟರ್​ಪ್ರೂಫ್​ ಪರಿಹಾರವನ್ನು ಆಯ್ಕೆಮಾಡಿಕೊಳ್ಳಿ.

ಟೆರೇಸ್‌ಗಳಿಗೆ ಕೆಲ ವಾಟರ್​ಪ್ರೂಫ್​ ಪರಿಹಾರಗಳು ಯಾವುವು?

ಟೆರೇಸ್​ಗಳ ವಾಟರ್​ಪ್ರೂಫ್​ ವಿಚಾರವನ್ನು ಗಮನಿಸಿದಾಗ, ಸಾಂಪ್ರದಾಯಿಕ ಮತ್ತು ಆಧುನಿಕ ವಿಧಾನ, ಹೀಗೆ ಎರಡು ಪ್ರಮುಖ ವಿಧಾನಗಳು ಲಭ್ಯವಿವೆ. ಪ್ರತಿಯೊಂದೂ ವಿಧಾನವು ಅದರ ಗುಣಲಕ್ಷಣಗಳು ಮತ್ತು ಹಂತಗಳೊಂದಿಗೆ, ನೀರಿನ ಹಾನಿಯಿಂದ ನಿಮ್ಮ ಟೆರೇಸ್ ಅನ್ನು ರಕ್ಷಿಸಲು ಹಲವು ವಿಭಿನ್ನ ಪ್ರಯೋಜನಗಳನ್ನು ಒದಗಿಸುತ್ತವೆ.

ಟೆರೇಸ್ ವಾಟರ್​ಪ್ರೂಫ್​ ಮಾಡಲು ಇರುವ ಸಾಂಪ್ರದಾಯಿಕ ವಿಧಾನಗಳು

ಟೆರೇಸ್‌ಗಳಿಗೆ ವಾಟರ್​ಪ್ರೂಫ್​ ಮಾಡಲು ಈ ಸಾಂಪ್ರದಾಯಿಕ ವಿಧಾನಗಳು ಉತ್ತ ಎಂದು ಇತ್ತೀಚಿನ ಇತ್ತೀಚಿನ ವರ್ಷಗಳಲ್ಲಿ ಹೆಚ್ಚಾಗಿ ಈ ವಿಧಾನಗಳನ್ನೇ ಬಳಸುತ್ತಿರುವುದರಿಂದ ಸಾಬೀತಾಗಿದೆ. ಈ ಸಾಂಪ್ರದಾಯಿಕ ಟೆರೇಸ್ ವಾಟರ್​ಪ್ರೂಫ್​ ವಿಧಾನಗಳಲ್ಲಿ  ವಾಟರ್​ಪ್ರೂಫ್​ ಮಾಡಲು ಸಾಮಾನ್ಯವಾಗಿ ಬಳಸುವ ವಸ್ತುಗಳನ್ನು ವಿವಿಧ ಪದರಗಳಲ್ಲಿ ಬಳಸಿ ಹಚ್ಚುವುದನ್ನು ಒಳಗೊಂಡಿರುತ್ತವೆ. ಈ ವಿಧಾನಗಳ ಗುಣಲಕ್ಷಣಗಳು ಮತ್ತು ಹಂತಗಳು ಇಲ್ಲಿವೆ:

1. ಬ್ರಿಕ್​​ಬ್ಯಾಟ್ ಕೋಬಾ ವಿಧಾನ

ಈ ಸಾಂಪ್ರದಾಯಿಕ ವಿಧಾನವು ಟೆರೇಸ್​ ಮೇಲೆ ಅಂತರದಲಲ್ಲಿ ಫ್ಲಾಟ್ ಇಟ್ಟಿಗೆಗಳನ್ನು ಇಡುವುದನ್ನು ಒಳಗೊಂಡಿದೆ. ನಂತರ ಇಟ್ಟಿಗೆಗಳನ್ನುಜೋಡಿಸಲು ಮತ್ತು ಇಟ್ಟಿಗೆಗಳ ಮಧ್ಯದ ಅಂತರವನ್ನು ತುಂಬಲು ಸಿಮೆಂಟ್​ ಬಳಸಿ ಗಟ್ಟಿಯಾದ ಸ್ಲರಿ ಮಿಶ್ರಣವನ್ನು ತಯಾರಿಸಿ ಬಳಸಲಾಗುತ್ತದೆ. ಅದಾದ ಬಳಿಕ ಸಾಕಷ್ಟು ನೀರು ಬಳಸಿ ಕ್ಯೂರಿಂಗ್ ಮಾಡಲಾಗುತ್ತದೆ. ಕನಿಷ್ಠ 2 ವಾರಗಳವರೆಗೆ ಕ್ಯೂರಿಂಗ್ ಮಾಡುವ ಅಗತ್ಯವಿದೆ. ಆದರೆ ಈ ವಿಧಾನದಿಂದ ಟೆರೇಸ್​ ತೂಕ ಹೆಚ್ಚಾಗುತ್ತದೆ ಎಂಬುದು ಗಮನಾರ್ಹ. ಕ್ಯೂರಿಂಗ್ ಆಗುವ ಮೊದಲು ನೀರು ಬಿದ್ದಲ್ಲಿ ಇದನ್ನು ಮತ್ತೆ ಮಾಡಬೇಕಾಗುತ್ತದೆ.

2. ಲೈಮ್​ ಟೆರೇಸಿಂಗ್ ವಿಧಾನ

ಈ ವಿಧಾನದಲ್ಲಿ, ವಾಟರ್​ಪ್ರೂಫ್​ ಮಾಡಲು ಸುಣ್ಣವನ್ನು ಬಳಸಿ ಮಿಶ್ರಣವನ್ನು ತಯಾರಿಸಲಾಗುತ್ತದೆ. ಟೆರೇಸ್​ ವಾಟರ್​ಪ್ರೂಫ್ ಆಗುವಂತೆ ಮಾಡಲು ಸುಣ್ಣದ ಕಾಕಂಬಿ ಮಿಶ್ರಣವನ್ನು ಈಗಾಗಲೇ ಇರುವ ಕಾಂಕ್ರೀಟ್ ಪದರಿನ ಮೇಲೆ ಸಿಂಪಡಿಸಲಾಗುತ್ತದೆ. ಈ ಕೆಲಸ ಪೂರ್ಣಗೊಂಡ ನಂತರ, ಕ್ಯೂರಿಂಗ್ ಹಾಗೂ ನಿಯಮಿತವಾಗಿ ನೀರಿನ್ನು ಬಿಡಲಾಗುತ್ತದೆ. ಆದರೂ ಕೂಡ, ಈ ವಿಧಾನವು ದೀರ್ಘಕಾಲ ಉಳಿಯುವುದಿಲ್ಲ ಎಂದು ಪರಿಗಣಿಸಲಾಗಿದೆ. ಕ್ಯೂರಿಂಗ್ ಆಗುವ ಮೊದಲು ನೀರು ಬಿದ್ದಲ್ಲಿ ಇದನ್ನು ಮತ್ತೆ ಮಾಡಬೇಕಾಗುತ್ತದೆ.

3. ಮಡ್ ಪುಸ್ಕಾ ವಿಧಾನ

ಕಡಿಮೆ ಹಣದಲ್ಲಿ ಮಾಡಬಹುದಾದ ಈ ವಿಧಾನವು ಬಿಸಿಲಿನ ಪ್ರದೇಶಗಳಿಗೆ ಸೂಕ್ತವಾಗಿದೆ. ಇದು ಮಣ್ಣಿನ ಮತ್ತು ಭೂಸಾ ಮರಳಿನಿಂದ ಮಾಡಿದ ವಾಟರ್​ಪ್ರೂಫ್​ ದ್ರಾವಣವನ್ನು ಬಳಸುವುದನ್ನು ಒಳಗೊಂಡಿದೆ. ಹಸುವಿನ ಸಗಣಿ ಮತ್ತು ಮಣ್ಣಿನ ಮಿಶ್ರಣವನ್ನು ಬಳಸಿ ಪೂರ್ಣಗೊಂಡಿರುವ ಟೆರೇಸ್​ಗೆ ಪ್ಲಾಸ್ಟರ್ ಮಾಡಲಾಗುತ್ತದೆ. ಈ ವಿಧಾನದಲ್ಲಿ ಮಾಡಿದ ವಾಟರ್​ಪ್ರೂಫ್​ ಉಳಿಯಲು ಕ್ಯೂರಿಂಗ್ ಮಾಡುವುದು ಅಗತ್ಯ. ಈ ವಿಧಾನ ಸಾಮಾನ್ಯವಾಗಿ ಸಮಯ ತೆಗೆದುಕೊಳ್ಳುತ್ತದೆ. ಜೊತೆಗೆ ಈ ವಿಧಾನವು ಕಟ್ಟಡಕ್ಕೆ ಭಾರವನ್ನುಕೊಡುತ್ತದೆ.  

ವಾಟರ್​ಪ್ರೂಫ್ ಟೆರೇಸ್​ ಮಾಡಲು ಆಧುನಿಕ ವಿಧಾನಗಳು

ಆಧುನಿಕ ವಿಧಾನಗಳನ್ನು ಬಳಸಿಕೊಂಡು ಟೆರೇಸ್‌ಗಳನ್ನು ವಾಟರ್​ಪ್ರೂಫ್ ಮಾಡುವುದರಿಂದ ಬಾಳಿಕೆ ಮತ್ತು ನೀರಿನಿಂದ ಉಮಟಾಗುವ ಹಾನಿಯನ್ನು ತಡೆಯಲು  ಉತ್ತಮ ರಕ್ಷಣೆ ನೀಡುತ್ತವೆ. ಈ ವಿಧಾನಗಳು ಸಾಮಾನ್ಯವಾಗಿ ಸುಧಾರಿತ ಟೆರೇಸ್ ವಾಟರ್​ಪ್ರೂಫ್​ ರಾಸಾಯನಿಕಗಳು, ಉತ್ಪನ್ನಗಳು ಮತ್ತು ತಂತ್ರಜ್ಞಾನಗಳ ಬಳಕೆಯನ್ನು ಒಳಗೊಂಡಿರುತ್ತದೆ. ಆಧುನಿಕ ವಿಧಾನ ಒಳಗೊಂಡಿರುವ ಗುಣಲಕ್ಷಣಗಳು ಮತ್ತು ಹಂತಗಳು ಇಲ್ಲಿವೆ:

1. ಬಿಟುಮಿನಸ್ ಟೆರೇಸ್ ವಾಟರ್​ಪ್ರೂಫಿಂಗ್ ವಿಧಾನ

ಈ ವಿಧಾನದಲ್ಲಿ ಪೆಟ್ರೋಲಿಯಂನ ಒಂದು ರೂಪವಾದ ಬಿಟುಮೆನ್ ಅನ್ನು ಬಳಸಿ ಮಾಡುವುದನ್ನು ಒಳಗೊಂಡಿದೆ. ಇದನ್ನು ಮಾಡುವಾಗ ಬಿಟುಮಿನ್​​​ ಅನ್ನು ಟೆರೇಸ್​ಗೆ ರಕ್ಷಣೆ ಕೊಡುವ ಪದರಿನಂತೆ ಬಳಸಲಾಗುತ್ತದೆ. ಬಿಟುಮೆನ್​ನ ಸ್ನಿಗ್ಧತೆ ಮತ್ತು ಜಿಗುಟು ಗುಣಗಳಿಂದಾಗಿ ವಾಟರ್​ಪ್ರೂಫ್​ ಟೆರೇಸ್​ ಮಾಡಲು ಇದು ಅತ್ಯುತ್ತಮ ಆಯ್ಕೆಯಾಗಿದೆ. ಬೆಂಕಿಯನ್ನು ಬಳಿಸಿಕೊಂಡು ವಾಟರ್​ಪ್ರೂಫ್​ ಜೊತೆಗೆ ಇತರ ಸಾಮಗ್ರಿಗಳು ಸೇರುವಂತ ಮಾಡಲಾಗುತ್ತದೆ. ಆದರೂ ಕೂಡ, ಬಿಟುಮೆನ್ ಸಮರ್ಥನೀಯ ವಸ್ತುವಲ್ಲ ಎಂದು ತಿಳಿದುಕೊಳ್ಳುವುದು ಅಗತ್ಯವಾಗಿದೆ. ಯುವಿ ಕಿರಣಗಳು ಈ ವಿಧಾನದ ಪರಿಣಾಮವನ್ನು ಕಡಿಮೆ ಮಾಡಬಹುದು.

2. ಲಿಕ್ವಿಡ್ ಡೆಕ್ ರೂಫ್ ವಾಟರ್​ಪ್ರೂಫಿಂಗ್​

ಈ ವಿಧಾನವು ಟೆರೇಸ್‌ನಲ್ಲಿ ವಾಟರ್​ಪ್ರೂಫ್​ ಲೇಪನ ಉಂಟಾಗುವಂತೆ ಮಾಡಲು ಗಾಜಿನಿಂದ ಬಲಪಡಿಸಿದ ಹೈಡ್ರೋಫೋಬಿಕ್ ದ್ರವವನ್ನು ಬಳಸಲಾಗುತ್ತದೆ. ದ್ರವರೂಪದ ಪೊರೆಯು ಹೆಚ್ಚು ಮೃದುವಾಗಿರುತ್ತದೆ. ಜಿತೆಗೆ ಇದಕ್ಕೆ ತಗಲುವ ವೆಚ್ಚಹೆಚ್ಚಾಗಿರುತ್ತದೆ. ಕಾಂಕ್ರೀಟ್, ಆಸ್ಫಾಲ್ಟ್ ಮತ್ತು ಬಿಟುಮೆನ್‌ನಂತಹ ವಿವಿಧ ಮೇಲ್ಮೈಗಳಲ್ಲಿ ಇದನ್ನು ಹಚ್ಚಬಹುದು. ಇದು ಹೆಚ್ಚಿನ ಸಮಸ್ಯೆಯಿಲ್ಲದ ವಿಧಾನವಾಗಿದ್ದು, ದೀರ್ಘಾವಧಿಯ ಬಾಳಿಕೆ ಬರುತ್ತದೆ. ಜೊತೆಗೆ ಅತ್ಯುತ್ತಮ ವಾಟರ್​ಪ್ರೂಫ್​ ಆಗುವಂತೆ ಮಾಡಲು ಹಲವು ಪದರುಗಳಲ್ಲಿ ಬಳಕೆ ಮಾಡುವ ಅಗತ್ಯವಿದೆ.

3. ಅಕ್ರಿಲಿಕ್ ಆಧಾರಿತ ಛಾವಣಿ ವಾಟರ್​ಪ್ರೂಫಿಂಗ್​ ಕೋಟ್​ಗಳು

ಮತ್ತೊಂದು ಜನಪ್ರಿಯ ವಿಧಾನವೆಂದರೆ ಅಕ್ರಿಲಿಕ್-ಆಧಾರಿತ ವಾಟರ್​ಪ್ರೂಫ್​ ಕೋಟ್‌ಗಳನ್ನು ಬಳಸುವುದಾಗಿದೆ. ಇದನ್ನು ರೋಲರ್ ಬಳಸಿ ಪ್ರಮಾಣಾನುಗುಣವಾಗಿ ಹಚ್ಚಬಹುದು. ಈ ಕೋಟ್‌ಗಳು ಹೆಚ್ಚಿನ ಒಡೆಯುವುದರಿಂದ ತಡೆದುಕೊಳ್ಳುವ ಶಕ್ತಿ, ಯುವಿ ಪ್ರತಿರೋಧವನ್ನು ನೀಡುತ್ತವೆ. ಜೊತೆಗೆ ಬೂಷ್ಟು ಬೆಳೆಯಯುವುದನ್ನು ತಡೆಯುತ್ತವೆ. ಮೇಲಾಗಿ, ಅವು ವಿವಿಧ ಬಣ್ಣಗಳು ಮತ್ತು ಶೇಡ್​ಗಳಲ್ಲಿ ದೊರೆಯುತ್ತವೆ. ನಿಮ್ಮ ಟೆರೇಸ್​ನ ಸೌಂದರ್ಯಕ್ಕೆ ಮೆರಗು ಹೆಚ್ಚಿಸುತ್ತವೆ.

ನೀರಿನ ಹಾನಿಯಿಂದ ನಿಮ್ಮ ಟೆರೇಸ್ ಅನ್ನು ರಕ್ಷಿಸಲು ಮತ್ತು ಅದರ ಬಾಳಿಕೆಯನ್ನು ಹೆಚ್ಚಿಸಲು ಸೂಕ್ತ ವಾಟರ್​ಪ್ರೂಫ್​ ಪರಿಹಾರವನ್ನು ಆಯ್ಕೆ ಮಾಡಿಕೊಳ್ಳುವುದು ಅತ್ಯಗತ್ಯ. ಸಾಂಪ್ರದಾಯಿಕ ವಿಧಾನಗಳನ್ನು ದೀರ್ಘಾವಧಿಯಲ್ಲಿ ಪರೀಕ್ಷೆ ಮಾಡಿದ ನಂತರ, ಅಲ್ಟ್ರಾಟೆಕ್ ವೆದರ್ ಪ್ರೊ ಡಬ್ಲ್ಯೂಪಿ+200 ಮತ್ತು ಅಲ್ಟ್ರಾಟೆಕ್ ವೆದರ್ ಪ್ಲಸ್ ಸಿಮೆಂಟ್ ಅನ್ನು ಬಳಸುವಂತಹ ಆಧುನಿಕ ವಿಧಾನಗಳು ಅತ್ಯುತ್ತಮವಾಗಿ ತೇವವನ್ನು ತಡೆಗಟ್ಟುವುದರ ಜೊತೆಗೆ ಸುದೀರ್ಘ ಬಾಳಿಕೆ ಬರುತ್ತವೆ ಮತ್ತು ಹೆಚ್ಚಿನ ರಕ್ಷಣೆಯನ್ನು ಒದಗಿಸುತ್ತವೆ ಎಂಬುದು ಖಚಿತವಾಗಿದೆ.

ಟೆರೇಸ್​ ಮೇಲೆ ವಾಟರ್​ಪ್ರೂಫ್ ಮಾಡುವ​ ಹಂತಗಳು

ಯಶಸ್ವಿಯಾಗಿ ಟೆರೇಸ್ ವಾಟರ್​ಪ್ರೂಫಿಂಗ್​ ಆಗಿದೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು, ಹಂತಗಳ ಸರಣಿಯನ್ನು ಅನುಸರಿಸುವುದು ಮುಖ್ಯವಾಗಿದೆ. ಪ್ರಕ್ರಿಯೆಯ ಅವಲೋಕನ ಇಲ್ಲಿದೆ:

1. ಮೇಲ್ಮೈಯನ್ನು ಸಿದ್ಧಪಡಿಸುವುದು

ಟೆರೇಸ್ ಮೇಲ್ಮೈಯನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಿ, ಯಾವುದೇ ಕೊಳಕು, ಚೂರುಗಳು ಅಥವಾ ಬಿದ್ದಿರುವ ವಸ್ತುಗಳನ್ನು ತೆಗೆದುಹಾಕಿ. ಮೇಲ್ಮೈ ನಯವಾದ ಮತ್ತು ಯಾವುದೇ ಅಸಮ ವಸ್ತುಗಳಿಂದ ಮುಕ್ತವಾಗಿದೆ ಎಂಬುದನ್ನು ಪರಿಶೀಲನೆ ಮಾಡಿ.

2. ದುರ್ಬಲಗೊಂಡ ಸಬ್​ಸ್ಟ್ರೇಟ್​​ ದುರಸ್ತಿ ಅಥವಾ ಬಲಪಡಿಸುವಿಕೆ

ಟೆರೇಸ್ ಮೇಲ್ಮೈಯಲ್ಲಿ ಯಾವುದೇ ಕ್ರ್ಯಾಕ್​ಗಳು ಅಥವಾ ದುರ್ಬಲಗೊಂಡ ಪ್ರದೇಶಗಳನ್ನು ಗುರುತಿಸಿ ಮತ್ತು ಸರಿಪಡಿಸಿ. ಸೀಲಾಂಟ್, ಗಾರೆ ಅಥವಾ ಇತರ ಸಾಮಗ್ರಿಗಳನ್ನು ಬಳಸಿಕೊಂಡು ಗ್ಯಾಪ್​ ಅನ್ನು ತುಂಬಿಸಿ. ವಾಟರ್​ಪ್ರೂಫ್​ ಪದರಗಳಿಗೆ ಬಲವಾದ ಬೇಸ್​​ ಉಂಟಾಗಿದೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಇದನ್ನು ಮಾಡಬೇಕು.

3. ಪ್ರೈಮರ್ ಅನ್ನು ಹಚ್ಚಿರಿ

ಟೆರೇಸ್ ಮೇಲ್ಮೈಗೆ ವಾಟರ್​ಪ್ರೂಫ್ ಮಾಡುವ ವಸ್ತುಗಳು ಅಂಟಿಕೊಳ್ಳುವುದನ್ನು ಹೆಚ್ಚಿಸಲು ಪ್ರೈಮರ್ ಹಚ್ಚಿರಿ. ಸಬ್​ಸ್ಟ್ರೇಟ್​​ ಮತ್ತು ವಾಟರ್​ಪ್ರೂಫಿಂಗ್​ ಪದರಗಳು ಹಿಡಿದುಕೊಳ್ಳುವುದು ಪ್ರೈಮರ್ ಹಚ್ಚುವುದರಿಂದ ಸುಧಾರಿಸುತ್ತದೆ.

4. ಬೇಸ್ ಕೋಟ್ ಅನ್ನು ಹಚ್ಚಿರಿ

ಆರಿಸಿಕೊಂಡ ವಾಟರ್​ಪ್ರೂಫಿಂಗ್​ ವಸ್ತುಗಳ ಬೇಸ್ ಕೋಟ್ ಅನ್ನು ಮೇಲ್ಮೈಗೆ ಸಮವಾಗಿ ಹಚ್ಚಿರಿ. ಮೂಲ ವಾಟರ್​ಪ್ರುಫಿಂಗ್ ಪದರಿನಂತೆ ಬೇಸ್ ಕೋಟ್ ಕೆಲಸ ಮಾಡುತ್ತದೆ. ಜೊತೆಗೆ ನೀರಿನ ಒಳಬರದಂತೆ ತಡೆದು ತಡೆರಹಿತ ತಡೆಗೋಡೆಯನ್ನು ಒದಗಿಸುತ್ತದೆ.

5. ಬಲವರ್ಧಕವನ್ನು ಹಚ್ಚಿರಿ

ಅಗತ್ಯವಿದ್ದರೆ, ವಾಟರ್​ಪ್ರೂಫಿಂಗ್​ ಪದರವನ್ನು ಬಲಪಡಿಸಲು ಫೈಬರ್​ಗ್ಲಾಸ್​​ ಜಾಲರಿ ಅಥವಾ ಅಂತಹುದೇ ವಸ್ತುಗಳೊಂದಿಗೆ ಬೇಸ್ ಕೋಟ್ ಅನ್ನು ಹಚ್ಚಿರಿ.

6. ಮಧ್ಯಂತರ ಕೋಟ್ ಹಚ್ಚಿರಿ

ಹೆಚ್ಚುವರಿ ರಕ್ಷಣೆ ಮತ್ತು ಬಾಳಿಕೆಗಾಗಿ ವಾಟರ್​ಪ್ರೂಫಿಂಗ್​ ಸಾಮಗ್ರಿಗಳ ಮಧ್ಯಂತರ ಕೋಟ್ ಅನ್ನು ಹಚ್ಚಿರಿ. ಈ ಕೋಟ್ ವಾಟರ್​ಪ್ರೂಫ್​ ತಡೆಗೋಡೆಯನ್ನು ಮತ್ತಷ್ಟು ಬಲಪಡಿಸುತ್ತದೆ ಮತ್ತು ಬೇಸ್ ಕೋಟ್​ನಲ್ಲಿ ಯಾವುದೇ ಖಾಲಿ ಇರುವ ಜಾಗಗಳನ್ನು ತುಂಬುತ್ತದೆ.

7. ಟಾಪ್ ಕೋಟ್ ಹಚ್ಚಿರಿ

ಯುವಿ ಪ್ರತಿರೋಧವನ್ನು ಒದಗಿಸುವ ಮತ್ತು ವಾಟರ್​ಪ್ರೂಫ್​ ಆಧಾರವಾಗಿರುವ ಪದರಗಳನ್ನು ರಕ್ಷಿಸುವ ಮತ್ತು ದೀರ್ಘಕಾಲೀನ ಫಲಿತಾಂಶಗಳನ್ನು ಕೊಡುವ ಅಂತಿಮ ಪದರವನ್ನು ಒದಗಿಸಲು ಟಾಪ್ ಕೋಟ್​ನೊಂದಿಗೆ ಫಿನಿಶಿಂಗ್ ಮಾಡಿರಿ.

ಪದೇ ಪದೇ ಕೇಳಿಬರುವ ಪ್ರಶ್ನೆಗಳು

1. ಟೆರೇಸ್ ಮೇಲೆ ವಾಟರ್​ಪ್ರೂಫ್​ ಮಾಡಲು ತಗಲುವ ಸರಾಸರಿ ವೆಚ್ಚ ಎಷ್ಟು?

ಟೆರೇಸ್‌ಗಳ ಮೇಲಿನ ವಾಟರ್​ಪ್ರೂಫಿಂಗ್​ ವೆಚ್ಚವು ಟೆರೇಸ್‌ನ ಸೈಜ್​, ಅಗತ್ಯವಿರುವ ರಿಪೇರಿಗಳ ಪ್ರಮಾಣ ಮತ್ತು ಆಯ್ಕೆಮಾಡಿದ ವಾಟರ್​ಪ್ರೂಫಿಂಗ್​ ವಿಧಾನದಂತಹ ಅಂಶಗಳನ್ನು ಅವಲಂಬಿಸಿ ಬದಲಾಗಬಹುದು. ನಿಮ್ಮ ನಿರ್ದಿಷ್ಟ ಯೋಜನೆಗೆ ನಿಖರವಾದ ಅಂದಾಜು ಪಡೆಯಲು ವೃತ್ತಿಪರರೊಂದಿಗೆ ಸಮಾಲೋಚಿಸುವುದು ಉತ್ತಮ.

2. ಟೈಲ್ಸ್​​ಗಳ ಮೇಲೆ ವಾಟರ್​ಪ್ರೂಫ್​ ಮಾಡಬಹುದೇ?

ಹೌದು, ಟೈಲ್ಸ್​​ಗಳ ಮೇಲೆ ವಾಟರ್​ಪ್ರೂಫಿಂಗ್ ಮಾಡಬಹುದು. ಆದರೂ ಕೂಡ, ವಾಟರ್​ಪ್ರೂಫಿಂಗ್​ ವಸ್ತುಗಳನ್ನು ಹಚ್ಚುವ ಮೊದಲು ಟೈಲ್ಸ್​ಗಳನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸುವುದು ಮತ್ತು ಮೇಲ ಹತ್ತಿಕೊಂಡಿರುವ ಯಾವುದೇ ಸೀಲಾಂಟ್​​ಗಳು ಅಥವಾ ಕೋಟಿಂಗ್​ಗಳನ್ನು ತೆಗೆದುಹಾಕುವುದು. ಇದೂ ಸೇರಿದಂತೆ ವಾಟರ್​ಪ್ರೂಫಿಂಗ್​ ಮಾಡುವುದಕ್ಕೂ ಮೊದಲು ಸರಿಯಾಗಿ ಮೇಲ್ಮೈ ಸಿದ್ಧಪಡಿಸಿಕೊಳ್ಳುವುದು ಅಗತ್ಯವಾಗಿದೆ.

3. ಟೆರೇಸ್ ಮೇಲೆ ಮಾಡಿದ ವಾಟರ್​ಪ್ರೂಫ್​ ಎಷ್ಟು ಕಾಲ ಉಳಿಯುತ್ತದೆ?

ಆಯ್ಕೆಮಾಡಿದ ವಾಟರ್​ಪ್ರೂಫಿಂಗ್​ ವಿಧಾನ, ಕಾಮಗಾರಿಯಲ್ಲಿ ಬಳಸಿದ ವಸ್ತುಗಳ ಗುಣಮಟ್ಟ ಮತ್ತು ಹವಾಮಾನ ಪರಿಸ್ಥಿತಿಗಳು ಸೇರಿದಂತೆ ಹಲವಾರು ಅಂಶಗಳ ಆಧಾರದ ಮೇಲೆ ಟೆರೇಸ್ ವಾಟರ್​ಪ್ರೂಫ್​ನ ಬಾಳಿಕೆ ಬದಲಾಗಬಹುದು. ಸರಿಯಾದ ನಿರ್ವಹಣೆ ಮತ್ತು ಕಾಲಕಾಲದಲ್ಲಿ ತಪಾಸಣೆ ಮಾಡುವುದರಿಂದ, ಟೆರೇಸ್ ವಾಟರ್​ಪ್ರೂಫಿಂಗ್​ ಹಲವಾರು ವರ್ಷಗಳವರೆಗೆ ಇರುತ್ತದೆ.

4. ವಾಟರ್​ಪ್ರೂಫಿಂಗ್​ ಮಾಡಲು ಎಷ್ಟು ದಿನಗಳು ಬೇಕಾಗಬಹುದು?

ಟೆರೇಸ್ ವಾಟರ್​ಪ್ರೂಫಿಂಗ್​ ಮಾಡುವ ಅವಧಿಯು ಟೆರೇಸ್‌ನ ಸೈಜ್​, ಅಗತ್ಯವಿರುವ ರಿಪೇರಿ ಪ್ರಮಾಣ ಮತ್ತು ಆಯ್ದುಕೊಂಡಿರುವ ವಾಟರ್​ಪ್ರೂಫ್​ ವಿಧಾನಕ್ಕೆ ತಕ್ಕಂತೆ ಬದಲಾಗಬಹುದು. ನಿಮ್ಮ ನಿರ್ದಿಷ್ಟ ಯೋಜನೆಗೆ ಸಮಯವನ್ನು ಅಂದಾಜು ಮಾಡಲು ವೃತ್ತಿಪರರೊಂದಿಗೆ ಸಮಾಲೋಚನೆ ಮಾಡುವುದು ಒಳ್ಳೆಯದು.

5. ರೂಫ್​ ಕೋಟಿಂಗ್​ ಸೋರಿಕೆಯನ್ನು ನಿಲ್ಲಿಸುತ್ತದೆಯೇ?

ಹೌದು, ರೂಫ್ ಕೋಟಿಂಗ್ ಮಾಡುವುದರಿಂದ ನೀರು ಒಳಬರುವುದಕ್ಕೆ ಒಂದು ರೀತಿಯ ತಡೆಗೋಡೆ ರಚಿಸುವ ಮೂಲಕ ಸೋರಿಕೆಯನ್ನು ತಡೆಯಲು ಸಹಾಯ ಮಾಡುತ್ತದೆ. ಆದರೂ ಕೂಡ, ಕೋಟಿಂಗ್ ಮಾಡುವ ಮೊದಲು ಸೂಕ್ತವಾಗಿ ಮೇಲ್ಮೈ ತಯಾರಿಕೆಯನ್ನು ಖಚಿತಪಡಿಸಿಕೊಳ್ಳುವುದು ಮತ್ತು ಅತ್ಯುತ್ತಮ ಫಲಿತಾಂಶಗಳಿಗಾಗಿ ಉತ್ತಮ ಗುಣಮಟ್ಟದ ರೂಫ್ ಕೋಟಿಂಗ್ ಉತ್ಪನ್ನವನ್ನು ಆಯ್ಕೆ ಮಾಡುವುದು ಅಗತ್ಯವಾಗಿದೆ.